ᒠᓐ 11:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ “ᓂ ᒋᔅᒐᔨᑕᓐ ᑕᑈ ᒥᓐ ᒐ ᐅᓂᔅᑲᑦ ᒪᔅᑕᔾ ᒋᓯᑲᔨᒐ,” ᒋ ᐃᑕᐤ ᒪᕐᑕ᙮

ᒠᓐ 11:24 Iomraidhean Croise

ᑎᐱᑦ ᐅᓂᑭᒧᐅᓇ 17:15

ᓂᔾ ᒪᒃ, ᓂᑭ ᑭᓄᐛᐸᑕᓐ ᒋᑕᔅᑎᒥᐧᒄ ᑯᐃᔅᑯᑕᑎᓯᐅᓂᒡ: ᓂᑭ ᑕᐱᒐᔨᑕᓐ ᐸᑯᐱᔭᓇ ᒐᒋ ᐃᓯᓇᑯᓯᔭᓐ ᐊ ᐃᓯᓇᑯᓯᔨᓐ᙮

ᓗᒃ 14:14

ᐊᑯ ᒪᒃ ᒐ ᓱᐛᔨᒥᑯᔨᓐ ᐅᒋ ᐊᒋ ᐎᓴᒪᑥᐤ, ᐛᔅ ᑕᐸ ᒋᑭ ᒋ ᒋᐛ ᐃᑐᑕᑯᒡ ᑕᓐ ᐊᓂᔭᔪᐤ ᑲ ᐃᓯ ᐃᑐᑐᐅᑥᐤ᙮ ᒋᓴᒪᓂᑐᐤ ᒋᑭ ᑎᐸᐊᒪᒄ ᐃᔅᐱ ᐅᓂᔅᑲᑥᐛ ᓂᐳᐅᓂᒡ ᐅᒡ ᐊᓐᒡ ᑲ ᒂᔅᑲᑎᓯᒡ᙮”

ᒠᓐ 11:23

ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᒪᕐᑕᔨᒋ, “ᒥᓐ ᒋᑭ ᐱᒪᑎᓯᐤ ᒋᐧᑲᓂᔅ᙮”

ᒠᓐ 6:39

ᐊᔪᐅᒄ ᒪᒃ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ᐃᑎᓴᐅᑦ, ᒐ ᐊᑲ ᒋ ᐅᓂᐃᒥᒋ ᐛᐛᒡ ᐸᐃᒄ ᐊᓂᔭ ᐊᐛᔪᐛ ᑲ ᐸᒋ ᒥᔨᑦ, ᒪᒃ ᒐᒋ ᐅᓂᔅᑲᓂᒥᒋ ᒪᔅᑕᔾ ᒋᓯᑲᔨᒐ ᑲᒋᒡ ᒐᒋ ᐱᒪᑎᓯᔨᒋ᙮

ᒠᓐ 6:40

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

ᐊᑈᔅᑕᓇᒡ 24:15

ᓂ ᑕᑈᑕᓐ ᑭᔭ ᓂᔾ ᑲᐤ ᒐ ᐅᓂᔅᑲᒡ ᒥᓯᐛ ᑲ ᓂᐱᒡ, ᐊᓐᒡ ᑲ ᒥᒋᑐᑕᒡ ᑭᔭ ᐊᓐᒡ ᑲ ᒥᔪᑐᑕᒡ᙮ ᐊᐅᒄ ᒪᒃ ᐅᔭ ᐊ ᐃᓯ ᑕᑈᔭᔨᒥᒃ ᒋᓴᒪᓂᑐᐤ ᒐ ᐃᑐᑕᐧᒃ ᒧᔭᒻ ᑭᔭ ᐎᔨᐛᐤ ᐅᒡ ᒍᐤ ᐃᔪᒡ ᐊ ᐃᓯ ᑕᑈᑕᒡ᙮

ᐃᑉᕈᐛ 11:35

ᒋ ᑕᐅᒡ ᑭᔭ ᐃᔎᐅᒡ ᐊ ᑕᑈᔭᔨᒪᒡ ᒋᓴᒪᓂᑐᐛ ᑭᔭ ᐊᓂᔭ ᐅᒋ ᒋ ᐛᐱᒪᐅᒡ ᐊᓂᔭ ᐅᑦ ᐃᔨᒧᐛᐛ ᑲ ᓂᐱᔨᒋ ᑲᐤ ᐊ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒋ᙮ ᑭᔭ ᑯᑎᑭᒡ ᒋ ᑕᐅᒡ ᐊᒋ ᑕᑈᔭᔨᒪᒡ ᒋᓴᒪᓂᑐᐛ ᐊᑎ ᒪᒃ ᐊᒋ ᐃᔅᐱᔅ ᑕᑈᔭᔨᒪᒡ ᐃᔭᐱᒡ ᒋ ᓂᓇᐧᑲᒋᐊᑭᓄᐎᒡ ᐱᐃᒻ ᑲ ᐊᑎ ᓂᐸᐊᑭᓄᐎᒡ, ᐛᔅ ᓇᒪ ᐅᒋ ᐎ ᐃᔅᒋᔄᐅᒡ ᐊᑲ ᒋᔅᒐᔨᒪᒡ ᒋᓴᒪᓂᑐᐛ ᒐᒋ ᐅᒋ ᐱᔅᑎᓇᑭᓄᐎᒡ᙮ ᓂᑲᓐ ᒋ ᐃᓯ ᐱᑯᓴᔨᑎᒧᒡ ᐊᔪᐛᒃ ᐊ ᒥᔽᔨᒡ ᐱᒪᑎᓯᐅᓂᔪᐤ ᒐᒋ ᐊᔭᒡ ᐃᔅᐱ ᐅᓂᔅᑲᓇᑭᓄᑥᐛ ᓂᐳᐅᓂᒡ ᐅᒡ᙮