ᒠᓐ 11:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᓐ ᒪᒃ ᐅᑕᓇᐤ ᐸᑕᓂ ᑲ ᐃᓯᓂᐧᑲᑕᒡ ᒥᒋᒪ ᒋᕈᓯᓕᒥᒡ ᒋ ᑎᑯᓐ, ᓴᓯᑲᓐ ᓂᓱ ᐊᔅᐱᓴᒡ ᒋ ᐃᔅᐱᓯᓇᑯᓐ ᐊᓐᑕ ᒋᕈᓯᓕᒥᒡ ᐅᒡ᙮

ᒠᓐ 11:18 Iomraidhean Croise

ᒪᑎᔪᐤ 21:17

ᐊᑯ ᒋᓴᔅ ᒂ ᓂᑭᑕᑦ, ᒂ ᔅᑐᑕᑦ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᐊᓐᑕ ᐸᑕᓂᒡ ᐅᑕᓇᒡ ᒂ ᐃᑐᑕᑦ, ᐊᑯᑕ ᐊᓐᑕ ᑲ ᑕᑦ ᐸᐃᒄ ᑎᐱᔅᑲᐛ᙮

ᓗᒃ 24:13

ᐊᑯ ᒪᒃ ᐊ ᐸᐃᒂᒡ ᐊᓐ ᐊ ᒋᓯᑲᒡ ᓂᓱ ᒋᔅᒋᓄᐊᒧᐛᑭᓐᒡ ᒋ ᐃᑐᑕᐅᒡ ᐊᓐᑕ ᐅᑕᓇᔪᐤ ᐃᒪᔭᔅ ᑲ ᐃᓯᓂᐧᑲᑕᔨᒡ᙮ ᓴᓯᑲᓐ ᒪᒃ ᓂᔄᐅᑕᒡ ᒋ ᐃᔅᐱᓯᓇᑯᓂᔪᐤ ᒋᕈᓯᓕᒥᒡ ᐅᒡ᙮

ᒠᓐ 11:1

ᒋ ᑕᐤ ᓇᐸᐤ ᓚᓴᕋᔅ ᐊ ᐃᓯᓂᐧᑲᓱᑦ, ᐊᒋ ᒥᔅᑎ ᐊᐧᑯᓯᑦ᙮ ᐊᓐᑕ ᐸᑕᓂ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐎᒍᐤ᙮ ᐎᐧᑲᓂᓴ ᒪᕆᒋ ᑭᔭ ᒪᕐᑕᔨᒋ ᒋ ᐎᒋᒥᑯᐤ᙮

ᒠᓐ 6:19

ᓂᔅᑐ ᒪᒃ ᓇᐤ ᐊᔅᐱᓴᔨᒡ ᒋ ᐃᔅᐱᔅ ᐱᒥᔅᑲᒐᓂᒋ, ᐊᑯ ᒂ ᐛᐱᒪᒡ ᒋᓴᓴ᙮ ᒋ ᐸᒋ ᓇᑎᑯᐅᒡ ᐊᓐᑕ ᐅᐤᑎᒡ ᐊ ᑕᒡ ᓂᐱᒡ ᐊ ᐱᒧᑕᔨᒋ᙮ ᓇᔅᒡ ᒪᒃ ᒋ ᑯᔅᑕᒍᐅᒡ᙮

ᒋᔅᒐᔨᑕᑯᑕᒐᐅᓐ 14:20

ᐎᐎᑎᒥᒡ ᐊᓐ ᐅᑕᓇᐤ ᐊᑯᑕ ᑲ ᑎᑯᐃᑭᓄᐅᒋ ᐊᓂᔭᔪᐛ ᒥᓂᓴ᙮ ᐃᔅᐱ ᒪᒃ ᑲ ᑎᑯᐃᑭᓄᔨᒋ ᒥᔅᑎ ᒋ ᐅᒋ ᑯᐃᒂᓯᑯᓐ ᒥᐧᒄ ᐊᓐᑕ ᐊᓐ ᓇᐊᐤ ᑲ ᑎᑯᐃᑭᓄᔨᒋ ᐊᓂᔭᔪᐛ ᒥᓂᓴ᙮ ᐊᓐ ᒪᒃ ᐊ ᐃᓯ ᑯᐃᒂᓯᑯᒡ ᒥᐧᒄ, ᓴᓯᑲᓐ ᐱᑕᑕᒡ ᑕᑐᔪᐤ ᒥᓯᑦ ᒋ ᐊᑎ ᐃᔅᐱᓯᐱᔪᐤ᙮ ᓴᓯᑲᓐ ᒪᒃ ᓂᓱ ᒥᑕᓯᒥᑎᓄᐤ ᐊᔅᐱᓴᒡ ᒋ ᐃᔎᒐ ᐱᓯᒄ ᒥᐧᒄ ᐊ ᐃᓯᓇᒂᒡ᙮

ᒋᔅᒐᔨᑕᑯᑕᒐᐅᓐ 21:16

ᓇᐎᒡ ᒪᒃ ᑕᐱᑐᐤ ᒋ ᐃᓯ ᑭᒋᒐᔭᐤ ᐊᓐ ᐅᑕᓇᐤ᙮ ᐸᐃᑯᓄᒡ ᒋ ᐃᔎᔭᐤ ᐊᔅᐱᔅ ᐃᔨᑭᔅᑲᒡ ᑭᔭ ᐊᔅᐱᔅ ᐃᔅᐸᓇᒡ᙮ ᐊᑯ ᐊᓐ ᐊᓐᒋᓐ ᑲ ᑎᐸᐊᒃ ᐊᓂᔭ ᐅᑕᓇᔪᐤ ᐊᓂᔭ ᐅᑎᐸᔎᐃᑭᓇᑎᒄ ᐊ ᐊᐱᒋᑕᑦ, ᐸᐃᒂᐤ ᒐᓯᐱᔪᐤ ᐊᓱ ᐱᑕᑕᑐᐤ ᒥᑕᓯᒥᑎᓄᐤ ᐊᔅᐱᓴᒡ ᒋ ᐃᔎᔪᐤ ᑭᔭ ᐊᐅᑯᓐ ᒧᔭᒻ ᑲ ᐃᔅᐱᔅ ᐊᔨᔅᑭᔅᑲᔨᒡ ᑭᔭ ᐊᐅᑯᓐ ᑲ ᐃᔅᐱᔅ ᐃᔅᐸᓇᔨᒡ᙮