ᒠᓐ 11:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᓂ ᒥᔽᔨᑕᓐ ᐊᑲ ᐅᒋ ᑕᔭᓐ ᒪᒂᒡ ᐊᑲ ᒥᔪᐱᔨᑦ ᓚᓴᕋᔅ ᑭᔭ ᒐ ᓇᐃᐱᔨᒡ ᒐᒋ ᑕᑈᔭᔨᒥᔭᒄ᙮ ᒪᒋᒄ ᔅᑐᑕᑕᐤ ᓂᑐᐛᐱᒪᑕᐤ᙮”

ᒠᓐ 11:15 Iomraidhean Croise

ᒐᓂᓯᔅ 26:24

ᐊᓂᔭ ᑕᐱᔅᑲᔨᒡ ᒋ ᓄᑯᓯᔅᑕᑯᐤ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ᙮ ᐊᑲ ᑯᔅᑕᒋ, ᓂᔾ ᓂᑦ ᐃᑕᓐ ᐊ ᑕᔨᓐ᙮ ᒋᑭ ᒥᔪᑐᑕᑎᓐ ᑭᔭ ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᐛᔅ ᑲ ᐃᓯ ᐊᓱᑎᒧᐅᒃ ᐊᑉᕋᐊᒻ ᓂᑦ ᐊᐱᒋᐊᑭᓐ᙮”

ᒐᓂᓯᔅ 39:5

ᐅᑎᐸᔨᒋᒐᐤ ᒍᓯᐸ ᐅᒡ ᒋ ᐃᑐᑎᒻ ᒥᓯᐛ ᒐ ᐃᓯ ᒥᔪᐱᔨᒡ ᐊᓐᑕ ᐸᑎᐸᕋ ᐎᒋᔨᒡ ᑭᔭ ᐅᓂᑕᐅᒋᑕᑭᓂᔨᒡ᙮

ᑎᐱᑦ ᐅᓂᑭᒧᐅᓇ 105:14

ᓇᒪ ᐅᒡ ᓇᐊᔨᒪᐤ ᐃᔪᐛ ᒐᒋ ᒥᒋᑐᑐᐛᔨᒋ: ᓂᐦᐃ, ᒋ ᒋᑕᐊᒧᐛᐤ ᒋᓴᐅᒋᒪᐛ ᐎᔨᐛᐤ ᐅᒡ;

ᒠᓐ 11:14

ᐊᑯ ᒋᓴᔅ ᑯᐃᔅᒄ ᒂ ᐎᑎᒺᑦ ᐊ ᐃᑕᑦ, “ᓴᔅ ᓇᒪ ᐱᒪᑎᓯᐤ ᓚᓴᕋᔅ᙮

ᒠᓐ 11:16

ᑥᒥᔅ, ᐸᐃᒄ ᐊᓐ ᑲ ᓂᓯᒡ ᐎᐧᑲᓂᓴ ᑲ ᐃᓯᓂᐧᑲᑕᑭᓄᐅᑦ, ᒋ ᐃᑕᐤ ᐊᓂᔭᔪᐤ ᐎᒋ ᒋᔅᒋᓄᐊᒧᐛᑭᓇ, “ᒥᓯᐛ ᐊᑯᔅ ᐊ ᑎᓯᔭᐧᒄ ᐎᒐᐛᑕᐤ ᒋᓴᔅ ᑭᔭ ᒋᔭᓄᐤ ᒐᒋ ᓂᐸᐃᑯᐅᔭᐧᒄ ᓂᐸᐊᑭᓄᒐ᙮”

ᒠᓐ 11:4

ᐃᔅᐱ ᒪᒃ ᒋᓴᔅ ᐱᔭᑕᐧᒃ ᐅᔭ ᒋ ᐃᑕᐤ, “ᐊᑎ ᐊᓂᔭ ᓇᔅᒡ ᐊ ᐊᐧᑯᓯᑦ ᓇᒪ ᒋᑭ ᐅᒋ ᐳᓂᐱᒪᑎᓯᐤ᙮ ᐃᔅᐱᔪᐤ ᐅ ᒐᒋ ᓄᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐊᑯᑕ ᒐ ᐅᒋ ᒋᔅᑕᔨᑕᑯᐊᑭᓄᔨᒋ ᒋᓴᒪᓂᑐᐤ ᐅᑯᓴ᙮”

ᒠᓐ 12:30

ᒋᓴᓴ ᒪᒃ ᒋ ᐃᑎᑯᐅᒡ, “ᒋᔨᐛᐤ ᐛᒋ ᐸᑕᒂᒡ ᐅ ᐸᑕᑯᓱᐅᓐ, ᓇᒪᐎᔾ ᓂᔾ᙮

ᒠᓐ 17:19

ᒋᔾ ᐊ ᑕᔨᓐ ᓂᑦ ᐃᓯ ᐱᔅᑕᔨᒥᓱᓐ ᒐᒋ ᐅᒋ ᓇᔅᒡ ᐱᔅᑕᔨᒥᓱᔅᑕᔅᒡ ᑭᔭ ᐎᔨᐛᐤ᙮”

ᒠᓐ 2:11

ᐊᑯᑕ ᒪᒃ ᐊᓐᑕ ᑲᐃᓇᒡ ᐊᓐᑕ ᑲᓕᓕ ᐊᔅᒋᒡ, ᓂᔅᑎᒻ ᑲ ᒪᒥᔅᑲᒡ ᐃᑎᑦ ᒋᓴᔅ, ᐊᑯᑕ ᑲ ᓄᑯᓂᔨᒡ ᐅᒋᔅᑕᔨᑕᑯᓱᐅᓐ᙮ ᐊᑯᑕ ᒪᒃ ᑲ ᐅᒋ ᑕᑈᔭᔨᒥᑯᑦ ᐅᒋᔅᒋᓄᐊᒧᐛᑭᓇ᙮

2 ᑯᕆᓐᑎᔭᓇ 4:15

ᒋᔨᐛᐤ ᒪᒃ ᐊᐅᒄ ᐛᒋ ᐃᑐᑎᒪᒡ ᐅ᙮ ᐛᔅ ᐊᔭᔅᒃ ᐊ ᒋᔅᒐᔨᑎᒥᐊᑭᓄᐎᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᐊᑯ ᐊᔭᔅᒃ ᒐ ᑎᑯᓂᔨᒡ ᐊ ᓂᓇᔅᑯᒪᑭᓄᐅᑦ ᒋᓴᒪᓂᑐᐤ ᑭᔭ ᐊ ᒋᔅᑕᒋᒪᑭᓄᐅᑦ᙮

2 ᑎᒧᑎ 2:10

ᐊᑯ ᒪᒃ ᐊ ᓱᒋᐱᔨᒡ ᒥᓯᐛ ᒐᒂᓐ ᒐᒋ ᓴᐧᑯᒋᑕᔭᓐ ᑕᓐ ᒐ ᐃᓯ ᓂᓇᐧᑲᒋᐃᑯᐛᓇ, ᐊ ᐱᑯᓴᔨᒧᔭᓐ ᐊᓂᔭᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐ ᐅᑦ ᐃᔨᒥᑦ ᒐ ᐊᔭᔨᒋ ᐱᒪᒋᐃᑯᓯᐅᓂᔪᐤ ᑭᔭ ᑲᒋᒡ ᒋᔅᑕᔨᑕᑯᓱᐅᓂᔪᐤ ᙭ ᒋᓴᓴ ᐊ ᑕᔨᒋ ᑲ ᐅᒋᐱᔨᒡ᙮

1 ᒠᓐ 5:13

ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᑕᑈᔭᔨᒪᒄ ᒋᓴᒪᓂᑐᐤ ᐅᑯᓴ ᒐᒋ ᒋᔅᒐᔨᑎᒪᒄ ᐊ ᐊᔭᔭᒄ ᑲᒋᒡ ᐱᒪᑎᓯᐅᓐ᙮