ᒠᓐ 10:42 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴² ᒥᒐᑐᐤ ᒪᒃ ᐊᐛᔪᐛ ᒋ ᑕᑈᔭᔨᒥᑯᐤ ᒋᓴᔅ ᐊᓐᑕ ᑲ ᑕᔨᒋ᙮

ᒠᓐ 10:42 Iomraidhean Croise

ᒠᓐ 11:45

ᒥᒐᑦ ᒪᒃ ᒍᐤ ᐃᔪᒡ ᑲ ᐸᒋ ᒧᐱᔅᑐᐛᒡ ᒪᕆᔨᒋ ᒋ ᐛᐸᑎᒧᒡ ᑕᓐ ᑲ ᐃᑎᔨᒋ ᒋᓴᓴ ᑭᔭ ᒋ ᑕᑈᔭᔨᒪᐅᒡ᙮

ᒠᓐ 12:42

ᒥᒐᑦ ᒪᒃ ᐃᔭᐱᒡ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᑕᑈᔭᔨᒪᐅᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐊᔨᒧᑎᒧᒡ ᐊᓐᑕ ᐊ ᐸᑐᐛᑭᓄᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᐸᕆᓯᐊ ᑭᔭ ᓇᒪ ᐅᒋ ᓂᑐᐛᔨᑎᒧᒡ ᒋᒋᐛ ᒐᒋ ᐎᐎᑎᓴᐛᑭᓄᐎᒡ ᐊᓐᑕ ᐅᑦ ᐊᔭᒥᐊᐅᒋᐛᐳᐛᒡ᙮

ᒠᓐ 2:23

ᒪᒂᒡ ᒪᒃ ᒋᓴᔅ ᑲ ᑕᑦ ᐊᓐᑕ ᒋᕈᓯᓕᒥᒡ ᐊᓂᔭ ᒪᒂᒡ ᑲ ᒥᑯᓴᓄᐎᒡ ᐎᒪᔅᑲᒐᐅ-ᒥᑯᓴᓂᔪᐤ, ᒥᒐᑦ ᐊᐛᔪᐛ ᒋ ᑕᑈᔭᔨᒥᑯᐤ ᐎᔾ ᑕᑈ ᐊ ᐊᐎᑦ ᙭ ᐃᔅᐱ ᑲ ᐛᐱᒥᑯᑦ ᐊ ᒪᒥᔅᑲᒡ ᐃᑎᑦ᙮

ᒠᓐ 4:39

ᒥᒐᑦ ᓴᒪᕆᔭ ᐃᔪᒡ ᐊᓐᑕ ᐊᓂᔭ ᐅᑕᓇᔪᐤ ᑲ ᐅᒋᒡ ᒋ ᑕᑈᔭᔨᒪᐅᒡ ᒋᓴᓴ᙮ ᐛᔅ ᒋ ᐃᑕᐤ ᐊᓐ ᐃᔎᐤ, “ᒥᓯᐛ ᓂᒋ ᐎᑎᒪᒄ ᑕᓐ ᑲ ᐸᒋ ᐃᑐᐅᒡ᙮”

ᒠᓐ 4:41

ᒥᒐᑦ ᒪᒃ ᐊᐛᓐᒋ ᒋ ᑕᑈᔭᔨᒪᐅᒡ ᒋᓴᓴ, ᐃᔅᐱ ᐱᔭᑐᐛᒡ ᑕᓐ ᑲ ᐃᔅᒋᔄᔨᒋ᙮

ᒠᓐ 7:31

ᒥᒐᑦ ᒪᒃ ᐊᐛᔪᐛ ᒋ ᑕᑈᔭᔨᒥᑯᐤ ᐊ ᐃᔅᒋᔄᔨᒋ, “ᒥᔅᑎ ᒋ ᐃᓯ ᒪᒥᔅᑲᒡ ᐃᑐᐤ ᐅ ᓇᐸᐤ᙮ ᐸᒋ ᐃᑎᓴᐛᒐ ᒪᒃ ᒋᓴᒪᓂᑐᐤ ᐊᓂᔭᔪᐛ ᙭ᑕ, ᐊᑐᐎᔅ ᐊ ᒋᑭ ᐃᓯ ᒪᒥᔅᑲᒡ ᐃᑐᑎᒥᔪᐛ ᑕᓐ ᐊ ᐃᓯ ᐃᑐᑎᒥᔨᒋ ᐅᔭ ᓇᐸᐛ ?”

ᒠᓐ 8:30

ᒥᒐᑦ ᒪᒃ ᐊᓐᒡ ᐊᐛᓐᒋ ᑲ ᐸᑐᐛᒡ ᒋᓴᓴ ᐅᔭ ᐊ ᐃᔅᒋᔄᔨᒋ ᒋ ᑕᑈᔭᔨᒪᐅᒡ᙮