ᒠᓐ 10:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᓂᔭ ᒪᒃ ᐊ ᐊᑎ ᐎᐎᑕᐊᑦ ᐎᔾ ᓂᑲᓄᑕᐤ᙮ ᓇᓴᐅᑯᐤ ᒪᒃ ᐊᓂᔭᔪᐛ ᒪᔭᑕᓂᓴ ᐛᔅ ᓂᔅᑐᑎᒥᔪᐛ ᐅᐸᑕᑯᓱᐅᓐ᙮

ᒠᓐ 10:4 Iomraidhean Croise

ᒪᑎᔪᐤ 16:24

ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᑭ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ᐎᒐᐅᒄ᙮

ᒠᓐ 10:16

ᑯᑎᑭᒡ ᒪᔭᑕᓂᓯᒡ ᓂ ᑭᓄᐛᔨᒪᐅᒡ ᐊᑲ ᐅᒋᒡ ᐅᑕ ᐅᔭ ᒪᔭᑕᓂᓯᐅᒋᐛᐱᔪᐤ᙮ ᑭᔭ ᐎᔨᐛᐤ ᒪᒃ ᔭᐃᑕᔾ ᓂᑭ ᐸᓱᐛᐅᒡ᙮ ᒋᑭ ᓂᔅᑐᑎᒧᒡ ᑭᔭ ᐎᔨᐛᐤ ᓂᐸᑕᑯᓱᐅᓂᔪᐤ ᑭᔭ ᒐ ᐸᐃᒂᒡ ᒪᔭᑕᓂᓯᐅᒋᐛᑉ ᑭᔭ ᒋᑭ ᐸᐃᑯᓱᐤ ᐊᓐ ᒪᔭᑕᓂᓯᐅ-ᐃᔪᐤ᙮”

ᒠᓐ 10:27

ᓂᑐᑎᒧᒡ ᓂᐸᑕᑯᓱᐅᓂᔪᐤ ᓂᒪᔭᑕᓂᓯᒥᒡ᙮ ᑭᔭ ᓂ ᒋᔅᒐᔨᒪᐅᒡ, ᑭᔭ ᐱᔭᒋ ᓇᓴᐅᒡ᙮

ᒠᓐ 10:3

ᓴᓂᒪᑯᐤ ᒪᒃ ᐊᓂᔭᔪᐤ ᑲ ᑭᓄᔎᑐᐛᔨᒋ ᐊᓐᑕ ᒪᔭᑕᓂᓯᐅᒋᐛᐱᒡ᙮ ᐊᓂᔭ ᒪᒃ ᒪᔭᑕᓂᓴ ᓂᔅᑐᑎᒥᔪᐛ ᐅᐸᑕᑯᓱᐅᓐ ᐃᔅᐱ ᑎᔭᑈᑕᒋ ᐛᔅ ᐎᔾ ᐊᓂᔭᔪᐛ ᐅᒪᔭᑕᓂᓯᒪ᙮ ᐊᑯ ᒪᒃ ᐱᔭᒋ ᐎᐎᔨᒋ ᐊᑯ ᐊ ᐊᑎ ᓇᓴᐅᑯᑦ᙮

ᒠᓐ 10:5

ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ᓇᓴᐛᐅᒡ ᐊᓐᒡ ᒪᔭᑕᓂᓯᒡ᙮ ᒋᑭ ᒋᑎᓯᒪᐅᒡ, ᐛᔅ ᑕᐸ ᓂᔅᑐᑎᒧᐛᐅᒡ ᒪᓐᑕᐛ ᐅᐸᑕᑯᓱᐅᓂᔪᐤ᙮”

ᒠᓐ 10:8

ᒥᓯᐛ ᑯᑎᑭᒡ ᑲ ᑎᑯᓯᒡ ᐊ ᐎ ᐎᐎᑕᐊᒡ ᐊᓂᔭ ᒪᔭᑕᓂᓴ ᐊᔅᒄ ᐊᑲ ᐅᒋ ᑎᑯᓯᓄᐅᒡ ᒋ ᒋᒧᑐᐅᒡ ᐎᔨᐛᐤ᙮ ᒥᒄ ᒪᒃ ᓇᒪ ᐅᒋ ᓂᑐᑕᑯᐅᒡ ᐎᔨᐛᐤ ᐊᓂᔭᔪᐛ ᒪᔭᑕᓂᓴ᙮

ᒠᓐ 12:26

ᐊᓐ ᒪᒃ ᐊᐛᓐ ᓂᔾ ᑲ ᐊᑐᔅᑯᐅᑦ ᓂᑭ ᐸᒋ ᓇᓴᐅᒄ᙮ ᐊᑯ ᒪᒃ ᒐ ᑕᑦ ᓂᑦ ᐊᐱᒋᐊᑭᓐ ᐊᓐᑕ ᒐ ᐊᑎ ᐃᑕᐅᒡ᙮ ᒋᑭ ᒋᔅᑕᔨᒥᑯᐤ ᓄᑕᐎᔭ ᐊᓐ ᐊᐛᓐ ᒐ ᐊᑐᔅᑯᐅᒂ᙮”

ᒠᓐ 13:15

ᔅᒋ ᐛᐸᑎᔨᑎᓇᐛᐤ ᑕᓐ ᒐᒋ ᐃᓯ ᒋᔅᒋᓄᐛᐱᒥᔭᒄ ᐊᓐ ᑕᓐ ᑲ ᐃᑐᑕᑎᑯᒡ᙮

ᒠᓐ 18:37

ᐊᑯ ᑈᓚᑦ ᒂ ᐃᑕᑦ, “ᑕᑈ ᑭᑈ ᒋᒋᓴᐅᒋᒪᐅᓇᒐ᙮” ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᔅᒋᔄᓐ ᐊ ᒋᓴᐅᒋᒪᐎᔭᓐ᙮ ᐊᐅᒄ ᐛᒋ ᐱᒪᑎᓯᔭᓐ ᑭᔭ ᐊᐅᒄ ᐛᒋ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᑎᐸᑐᑎᒪᓐ ᐊᓐ ᑕᑈᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᑕᑐᐤ ᐊᐛᓐ ᑕᑈᐅᓂᒡ ᑲ ᑕᑦ ᐊᐅᒄ ᐊᓐ ᐱᔭᒋ ᓂᑐᑐᐅᑦ᙮”

ᒠᓐ 3:29

ᒧᔭᒻ ᐅᔅᒋᓂᐳᐛᓐ ᐎᔾ ᑎᐸᔨᒪᐤ ᐊᓂᔭ ᐅᔅᒋᐃᔎᐛ᙮ ᐊᓂᔭ ᒪᒃ ᐅᐎᒐᐛᑭᓇ ᐊᓐ ᐅᔅᒋᓂᐳᐛᓐ, ᐊᓂᔭ ᑲ ᐎᒋᐃᐛᔨᒋ ᐊᓱᐛᐱᒥᑯᐤ ᒐ ᐃᔅᐱᔅ ᑎᑯᓯᐧᒃ ᑭᔭ ᒥᔽᔨᑎᒥᔪᐛ ᐃᔅᐱ ᐱᔭᑕᑯᑦ᙮ ᐊᐅᑯᓐ ᒪᒃ ᒧᔭᒻ ᑭᔭ ᓂᔾ ᐊ ᐃᔅᐱᔅ ᒥᔽᔨᑎᒪᓐ ᓴᔅ ᐊ ᑕᑦ ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ᙮

1 ᑯᕆᓐᑎᔭᓇ 11:1

ᐅ ᑲ ᐃᓯ ᐛᐱᒥᔭᒄ ᐊ ᐃᓯ ᐱᒪᑎᓯᔭᓐ ᐊ ᒂᔅᑲᑎᓯᔭᓐ, ᐊᐅᑯᓐ ᑭᔭ ᒋᔨᐛᐤ ᐃᓯ ᐱᒪᑎᓯᒄ᙮

ᐃᐱᓯᔭᓇ 5:1

ᓱᒃ ᐎ ᓂᔅᐱᑐᐛᐧᒄ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ, ᐛᔅ ᐊᐅᒄ ᒋᔨᐛᐤ ᐅᑦ ᐊᐛᓯᒪ ᑲ ᓴᒋᐊᑦ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 6:20

ᒋᓴᔅ ᒪᒃ ᐅ ᑲ ᒐᔅᑎᓇᑕᔨᒪᐧᒄ᙮ ᐊᓐᑕ ᐊᓂᔭ ᑲ ᐱᒐᑦ ᐊᑯᑕ ᐊ ᐊᔭᒥᐊᔅᑎᒪᑕᐧᒄ᙮ ᐎᔾ ᑲᒋᒡ ᒋᓴᐊᔭᒥᐊᐅᒋᒪᐅ ᒋᓴᔅ ᒧᔭᒻ ᒪᓪᑭᓴᑕᒃ᙮

1 ᐱᑕᕐ 2:21

ᐛᔅ ᐊᐅᒄ ᐛᒋ ᐎᓴᒥᑯᐅᔭᒄ, ᐊᓂᔭ ᙭ ᐊᒋ ᐛᐎᓯᒐᔨᑎᒥᐊᑭᓄᐅᑦ ᔅᒋ ᓂᑭᑎᒪᑯᐛᐤ ᒐᒂᔪᐤ ᒐ ᒋᔅᒋᓄᐛᐸᑎᒺᒄ, ᒐᒋ ᑕᑕᐸᐊᒺᒄ ᑕᓐᑕ ᑲ ᐊᑎ ᐱᒧᑕᑦ᙮

1 ᐱᑕᕐ 4:1

᙭ ᒪᒃ ᐊᒋ ᐛᐎᓯᒐᔨᑕᐧᒃ ᐎᔭᓱᐅᓂᒡ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᑦ ᑭᔭ ᒋᔨᐛᐤ ᐊᑯᓐ ᒋᐸ ᐃᓯ ᒪᒥᑐᓇᔨᑎᒥᐃᑯᓇᐛᐤ ᒐᒋ ᐃᓯ ᐊᔭᔅᑯᐎᔅᑎᒪᒄ, ᐛᔅ ᐊᓐ ᐊᐛᓐ ᑲ ᐛᐎᓯᒐᔨᑎᒥᐊᑭᓄᐅᑦ ᐎᔭᓱᐅᓂᒡ ᐳᓂᑕᐤ ᒥᒐᑎᓯᐅᓂᔪᐤ᙮

1 ᐱᑕᕐ 5:3

ᐊᑲᐎᔾ ᐎ ᐃᓯᓇᑯᓯᒄ ᓇᔅᒡ ᒐᒋ ᐎ ᐅᒋᒪᐧᑲᑐᐛᑯᒡ ᐊᓐᒡ ᑲ ᒥᔨᑯᐅᔭᒄ ᒐᒋ ᓂᑲᓂᔅᑯᐛᑯᒡ, ᐃᔭᐱᒡ ᐅᔅᑕ ᐎ ᒥᔪᑐᑐᐛᐧᑯᒡ ᒐ ᑎᑯᓂᔨᒡ ᒪᒃ ᐊᓐᑕ ᒐᒋ ᐅᒋ ᒋᔅᒋᓄᐛᐱᒥᑕᑯᒡ᙮