ᒠᓐ 10:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᓂᑐᑎᒧᒡ ᓂᐸᑕᑯᓱᐅᓂᔪᐤ ᓂᒪᔭᑕᓂᓯᒥᒡ᙮ ᑭᔭ ᓂ ᒋᔅᒐᔨᒪᐅᒡ, ᑭᔭ ᐱᔭᒋ ᓇᓴᐅᒡ᙮

ᒠᓐ 10:27 Iomraidhean Croise

ᒪᑎᔪᐤ 16:24

ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᑭ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ᐎᒐᐅᒄ᙮

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᒪᑎᔪᐤ 25:12

ᐊᑯ ᒂ ᐃᑎᑯᒡ ᐊᓂᔭ ᐅᔅᒋᓂᐳᐛᓇ, ‘ᑕᑈ ᒋᑦ ᐃᑎᓇᐛᐤ, ᓇᒪ ᒋ ᒋᔅᒐᔨᒥᑎᓇᐛᐤ᙮’ ”

ᒪᑎᔪᐤ 7:23

ᐊᑯ ᒐ ᐃᑎᒂᐤ, ‘ᓇᒪ ᓂᑕ ᒋ ᐅᒋ ᒋᔅᒐᔨᒥᑎᓇᐛᐤ᙮ ᒪᒋᒄ ᓂᑭᓯᒄ ᓇᑕ ᒋᔨᐛᐤ ᑲ ᒥᒋ ᐃᔪᔭᒄ᙮’ ”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:21

ᒋᓴᔅ ᒋ ᑭᓄᐛᐱᒪᐤ ᐊ ᓴᒋᐊᑦ ᐊᑯ ᐊᑕᑦ, “ᐸᐃᒄ ᒐᒂᓐ ᐊᔅᒄ ᓇᒪ ᒋ ᑭᓄᐛᔨᑕᓐ᙮ ᒪᒋ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ, ᐊᑯ ᒐ ᐊᔭᔨᓐ ᐛᔪᑎᓯᐅᓐ ᐊᓐᑕ ᒋᒋᒋᓯᑯᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:34

ᐊᑯ ᒋᓴᔅ ᒂ ᐎᓴᒪᑦ ᒥᒋᒪ ᒐᒋ ᐸᒋ ᓇᒋᑲᐳᔨᒋ ᐊᓂᔭ ᐊᓐᑕ ᑲ ᒪᒧᔨᒋ ᐊᐛᔪᐛ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᐊᑯ ᐊᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᐸ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ᓇᓴᐅᒄ᙮

ᓗᒃ 13:27

“ᒥᓐ ᒪᒃ ᐃᔭᐱᒡ ᒋᑭ ᐃᑎᑯᐛᐤ, ‘ᓇᒪ ᓂ ᒋᔅᒐᔨᑕᓐ ᑕᓐᑕ ᐛᒋᔭᒄ, ᐃᒐᑕᒄ ᓇᑕ ᒥᓯᐛ, ᒋᔨᐛᐤ ᑲ ᒥᒋᑐᑎᒪᒄ᙮’ ”

ᓗᒃ 9:23

ᐊᑯ ᒥᓯᐛ ᒂ ᐃᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᐊᓯᑯᒻ ᒋᓯᑲᐛ ᒋᐸ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ᓇᓴᐅᒄ᙮

ᒠᓐ 10:14

ᓂᔾ ᐊᐅᒄ ᒪᔭᑕᓂᓯᐅ-ᐃᔪᐤ ᑲ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ᙮ ᓂ ᒋᔅᒐᔨᒪᐅᒡ ᓂᒪᔭᑕᓂᓯᒥᒡ ᐊᓐᒡ ᑲ ᑎᐱᔨᐛᐅᓯᔭᓐ ᑭᔭ ᐎᔨᐛᐤ ᓂ ᒋᔅᒐᔨᒥᑯᒡ,

ᒠᓐ 10:16

ᑯᑎᑭᒡ ᒪᔭᑕᓂᓯᒡ ᓂ ᑭᓄᐛᔨᒪᐅᒡ ᐊᑲ ᐅᒋᒡ ᐅᑕ ᐅᔭ ᒪᔭᑕᓂᓯᐅᒋᐛᐱᔪᐤ᙮ ᑭᔭ ᐎᔨᐛᐤ ᒪᒃ ᔭᐃᑕᔾ ᓂᑭ ᐸᓱᐛᐅᒡ᙮ ᒋᑭ ᓂᔅᑐᑎᒧᒡ ᑭᔭ ᐎᔨᐛᐤ ᓂᐸᑕᑯᓱᐅᓂᔪᐤ ᑭᔭ ᒐ ᐸᐃᒂᒡ ᒪᔭᑕᓂᓯᐅᒋᐛᑉ ᑭᔭ ᒋᑭ ᐸᐃᑯᓱᐤ ᐊᓐ ᒪᔭᑕᓂᓯᐅ-ᐃᔪᐤ᙮”

ᒠᓐ 10:8

ᒥᓯᐛ ᑯᑎᑭᒡ ᑲ ᑎᑯᓯᒡ ᐊ ᐎ ᐎᐎᑕᐊᒡ ᐊᓂᔭ ᒪᔭᑕᓂᓴ ᐊᔅᒄ ᐊᑲ ᐅᒋ ᑎᑯᓯᓄᐅᒡ ᒋ ᒋᒧᑐᐅᒡ ᐎᔨᐛᐤ᙮ ᒥᒄ ᒪᒃ ᓇᒪ ᐅᒋ ᓂᑐᑕᑯᐅᒡ ᐎᔨᐛᐤ ᐊᓂᔭᔪᐛ ᒪᔭᑕᓂᓴ᙮

ᒠᓐ 12:26

ᐊᓐ ᒪᒃ ᐊᐛᓐ ᓂᔾ ᑲ ᐊᑐᔅᑯᐅᑦ ᓂᑭ ᐸᒋ ᓇᓴᐅᒄ᙮ ᐊᑯ ᒪᒃ ᒐ ᑕᑦ ᓂᑦ ᐊᐱᒋᐊᑭᓐ ᐊᓐᑕ ᒐ ᐊᑎ ᐃᑕᐅᒡ᙮ ᒋᑭ ᒋᔅᑕᔨᒥᑯᐤ ᓄᑕᐎᔭ ᐊᓐ ᐊᐛᓐ ᒐ ᐊᑐᔅᑯᐅᒂ᙮”

ᒠᓐ 21:22

ᒋᓴᓴ ᒋ ᐃᑎᑯᐤ, “ᓂᑐᐛᔨᒥᑲ ᒐᒋ ᐱᒪᑎᓯᑦ ᐸᑐᔅ ᒥᓐ ᑎᑯᓯᓄᒐ, ᑕᓐ ᒪᒃ ᒐ ᐃᑎᔨᓐ ᒋᔾ ? ᐸᒋ ᓇᓴᐎ ᒋᔾ᙮”

ᒠᓐ 5:25

ᑯᐃᔅᒄ ᒋ ᐎᑎᒪᑎᓇᐛᐤ ᓴᔅ ᐊ ᐅᑎᒋᐱᔨᒡ ᐊᓐ ᑎᐸᐃᑭᓐ ᐅ ᒐ ᐃᔅᐱᔨᒡ, ᓴᔅ ᒪᒃ ᐃᔅᐱᔪᐤ, ᐊᓐᒡ ᑲ ᓂᐱᒡ ᒋᑭ ᐸᑎᒺᐅᒡ ᒋᓴᒪᓂᑐᐛ ᐅᑯᓯᔪᐛ ᐅᐸᑕᑯᓱᐅᓂᔪᐤ᙮ ᐊᓐᒡ ᒪᒃ ᑲ ᐸᑎᒺᒡ ᒋᑭ ᐱᒪᑎᓯᐅᒡ᙮

ᒠᓐ 8:12

ᐃᔅᐱᔅ ᒋᓴᔅ ᒥᓐ ᐊ ᐃᔨᒪᐊᑦ ᐊᓂᔭ ᐃᔪᐛ ᒋ ᐃᑕᐤ, “ᓂᔾ ᐊᐅᒄ ᑲ ᒥᔨᒂᐤ ᐃᔪᒡ ᐛᔅᑕᐅᓂᔪᐤ ᐅᑕ ᐊᔅᒋᒡ᙮ ᐊᓐ ᐊᐛᓐ ᑲ ᓇᓴᐅᑦ ᒋᑭ ᐊᔭᐤ ᐱᒪᑎᓯᐅᓂᔪᐤ ᐛᔅᑕᐅᓂᒡ ᐅᒡ ᑭᔭ ᓇᒪ ᒋᑭ ᐅᒋ ᐱᒧᑕᐤ ᐅᓂᑎᐱᔅᒋᓯᐅᓂᒡ᙮”

ᒠᓐ 8:43

ᒐᒂᓐ ᐛᒋ ᐊᑲ ᒋ ᓂᔅᑐᑎᒪᒄ ᑕᓐ ᐊ ᐃᔅᒋᔄᔭᓐ ? ᓇᒪ ᒋ ᐎ ᓂᓇᐃᑕᓇᐛᐤ ᑕᓐ ᐊ ᐃᓯ ᒋᔅᑯᑎᒪᒐᔭᓐ ᐊᐅᑯᓐ ᐛᒋ ᐊᑲ ᓂᔅᑐᑎᒪᒄ᙮

ᐊᑈᔅᑕᓇᒡ 3:23

ᐊᓐ ᒪᒃ ᐊᐛᓐ ᒐ ᐊᑲ ᓂᑐᑐᐛᒂ ᐅᔭ ᒐ ᐅᒋᔅᒋᐛᐃᒐᓱᔨᒋ, ᒋᑭ ᐃᒐᓇᑭᓄᐤ ᐊᓐᑕ ᐅᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊ ᑕᔨᒋ, ᐊᑯ ᒪᒃ ᒐ ᓂᓱᐅᓇᒋᐊᑭᓄᐅᑦ᙮” ᐊᐅᒄ ᐅᔭ ᑲ ᐎᑕᐧᒃ ᐱᑕᕐ ᐊᒋ ᐃᔅᒋᔄᔨᒂᓂ ᐊᓂᔭ ᒧᓱᓴ᙮ ᐊᑯ ᒥᓐ ᒂ ᐊᑎ ᐃᔅᒋᔄᑦ ᐱᑕᕐ,

1 ᑯᕆᓐᑎᔭᓇ 8:3

ᐊᓐ ᐊᐛᓐ ᑲ ᓴᒋᐊᑦ ᒋᓴᒪᓂᑐᐛ ᐊᐅᒄ ᐅ ᒐᔅᒐᔨᒥᑯᑦ ᒋᓴᒪᓂᑐᐛ᙮

ᑲᓚᓯᔭᓇ 4:9

ᐊᑯ ᒪᒃ ᒐᔅᒐᔨᒪᒄ ᐊᑯ ᒋᓴᒪᓂᑐᐤ᙮ ᑎᔭᐧᑯᓐ ᐃᔭᐱᒡ ᒋᐸ ᒥᔽᐤ ᐃᔅᒋᔄᔭᒄ ᐎᔾ ᐊᐅᒄ ᒋᓴᒪᓂᑐᐤ ᐊ ᒋᔅᒐᔨᒥᑕᒄ᙮ ᑕᓐᑕ ᐛᒋ ᐃᑎᔭᒄ ᒥᓐ ᒐᒋ ᓇᑕᑯᒡ ᐊᓐᒡ ᐊᒐᐧᑯᒡ ᐊᑲ ᓴᐱᓯᒡ ᑭᔭ ᐊᑲ ᐅᔭᔅ ᐃᑕᐱᑎᓯᒡ, ᒥᓐ ᒐᒋ ᒪᒋᒂᐱᐧᑲᑎᑕᑯᒡ᙮

2 ᑎᒧᑎ 2:19

ᒥᒄ ᒪᒃ ᐊᓂᔭ ᒋᓴᒪᓂᑐᐤ ᐅᒋᔅᑯᑎᒪᒐᐅᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᓇᒪ ᒋᑭ ᒋ ᐊᑎᓂᑭᓄᐅᔪᐤ ᐊ ᐃᔅᐱᔅ ᔭᐃᑎᓂᔨᒡ, ᑭᔭ ᐊᓐ ᑲ ᐃᑎᔅᑕᒡ, “ᐅᑎᐸᔨᒋᒐᐤ ᒋᔅᒐᔨᒪᐤ ᐊᓂᔭᔪᐛ ᐊᐛᔪᐛ ᐎᔾ ᑕᐱᔨᐛᐅᓯᑦ,” ᑭᔭ “ᒥᓯᐛ ᐊᐛᓐ ᐅᑎᐸᔨᒋᒐᐛ ᐊ ᑕᔨᒋ ᑲ ᐃᓯ ᑎᐸᔨᑕᑯᓯᑦ ᒋᐸ ᓂᑭᑎᒻ ᒥᒐᑎᓯᐅᓂᔪᐤ᙮”

ᐃᑉᕈᐛ 3:7

ᐊᑯ ᒪᒃ ᒪᒥᑐᓇᔨᑎᒧᒄ ᑕᓐ ᐊ ᐃᔅᒋᔄᑦ ᑲ ᐸᔭᒋᓯᑦ ᐊᒐᐧᒄ, “ᓱᒃ ᓂᑐᑐᐛᐧᒄ ᒋᓴᒪᓂᑐᐤ ᑕᓐ ᐊ ᐃᑎᑕᒄ ᐊ ᐃᔨᒥᐃᑕᒄ ᐊᓄᒡ ᑲᓯᑲᔨᒡ᙮

ᒋᔅᒐᔨᑕᑯᑕᒐᐅᓐ 14:4

ᐊᐅᑯᓐᒡ ᐅᒡ ᐊᑲ ᐅᒋ ᐎᓂᐃᑯᒡ ᐃᔎᐛ, ᐸᔭᒋᓯᐅᓂᒡ ᑲ ᐃᓯ ᑭᓄᐛᔨᒥᓱᒡ᙮ ᒧᔅ ᓇᓴᐛᐅᒡ ᐊᓂᔭᔪᐛ ᒪᔭᑕᓂᓴ ᑕᓐᑕ ᒥᒄ ᐊ ᐃᑐᑕᔨᒋ᙮ ᒋ ᐱᒪᒋᐊᑭᓄᐅᒡ ᐊᔅᒋᒡ ᐅᒡ ᐎᔨᐛᐤ ᒪᒃ ᓂᔅᑎᒻ ᒋ ᐱᔅᑎᓇᑭᓄᐎᒡ ᒋᓴᒪᓂᑐᐛ ᑭᔭ ᒪᔭᑕᓂᓴ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 3:20

ᓂᑐᑎᒧᒄ᙮ ᓂ ᓂᐳᐅᓐ ᒋᐱᔎᒡ ᐊ ᑎᑥᐛᐃᒐᔭᓐ᙮ ᐊᓐ ᐊᐛᓐ ᒐ ᐸᑐᐅᒂ ᐱᑎᑲᐃᒐ ᒪᒃ, ᓂᑭ ᐱᒐᐛᓐ ᐊᓐᑕ ᐊ ᑕᑦ ᑭᔭ ᒐ ᐎᒋᒥᒋᓱᒥᑐᔭᒡ᙮