ᒠᓐ 10:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᑯ ᒂ ᐸᒋ ᐛᔅᑲᑲᐳᔅᑕᑯᑦ ᒍᐤ ᐃᔪᐛ᙮ ᐊᑯ ᒂ ᐃᑎᑯᑦ, “ᑕᐃᔅᐱ ᐊᑯ ᒐ ᒥᔨᔭᒡ ᒐᒋ ᒋᔅᒐᔨᒥᑕᒡ ᐊᐛᓐ ᒋᔾ ? ᑯᐃᔅᒄ ᒪ ᐸᒋ ᐎᑎᒧᐅᓇᓐ, ᐊᐛ ᒋᔾ ᙭ ᐊᓐ ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᑦ ?”

ᒠᓐ 10:24 Iomraidhean Croise

ᒪᑎᔪᐤ 11:3

ᐊᑯ ᒂ ᑯᒂᒋᒪᒡ ᒋᓴᓴ, “ᐸᒋ ᐎᑎᒧᐅᓇᓐ ᒪ, ᐊᐅᒄ ᐊ ᒋᔾ ᙭ ᐊᓐ ᒐ ᑎᑯᓯᓂᑯᐱᓇ ᑭᔭ ᒪᒃ ᐊᔅᒄ ᐊ ᓂᑭ ᐸᓱᐛᔨᒪᓇᓐ ᑯᑎᒃ ᒐᒋ ᑎᑯᓯᐧᒃ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:32

ᐅᔭ ᒪᒃ ᑲ ᐃᓯ ᐃᔨᒪᐊᑦ ᓇᔅᒡ ᒋ ᐱᔭᑭᔅᒋᑕᑯᑕᐛᐤ ᒐᒋ ᓂᔅᑐᑎᒥᔨᒋ᙮ ᐊᑯ ᐱᑕᕐ ᑎᐸᓐ ᒂ ᐃᑐᑕᐊᑦ ᒋᓴᓴ, ᑲ ᒋᑕᐊᒧᐛᑦ ᐊᓂᔭ ᑲ ᐃᔅᒋᔄᔨᒋ ᐊ ᐃᑕᑦ, “ᐊᑲᐎᔾ ᐃᔅᒋᔄ ᐊᓐ ᑲ ᐃᔅᒋᔄᔨᓐ᙮”

ᓗᒃ 3:15

ᐊ ᐸᑐᐛᒡ ᒪᒃ ᒠᓇ ᐊ ᑭᒐᔅᒋᒧᔨᒋ ᐊᓐᒡ ᐃᔪᒡ, ᓴᔅ ᓇᔅᒡ ᒋ ᐸᓱᐛᔨᒪᐅᒡ ᙭ᑕ ᒐ ᑎᑯᓯᓂᔨᒋ, ᐊᑯ ᒂ ᒪᒥᑐᓇᔨᒪᒡ ᒠᓇ ᐊ ᔭᐅᒂᓂ ᐊᓂᔭ᙮

ᒠᓐ 1:19

ᒍᐤ ᑎᐸᔨᒋᒐᓱᐅᒡ ᒋ ᐃᑎᓴᐛᐅᒡ ᒍᐤ ᐊ ᐃᑎᔅᑲᓇᓯᔨᒋ ᐊᔭᒥᐊᐅᒋᒪᐛ ᑭᔭ ᐊ ᐊᔭᒥᐊᐛᑎᓯᔨᒋ ᓕᐸᐃ ᐃᔪᐛ ᒋᕈᓯᓕᒥᒡ ᐊ ᐅᒋᔨᒋ ᐊᓐᑕ ᒠᓇ ᐊ ᑕᔨᒋ ᒐᒋ ᓂᑐ ᒋᔅᒐᔨᒥᑯᑦ ᐎᔾ ᐊ ᔭᐅᒂ ᐊᓐ ᙭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ ᒐᒋ ᐱᒪᒋᐊᔨᒋ ᐊᐛᔪᐛ᙮

ᒠᓐ 10:31

ᐊᑯ ᐊᓐᒡ ᒍᐤ ᐃᔪᒡ ᑲ ᐅᒋ ᐅᑎᓇᒡ ᐊᓯᓂᔭ ᒥᓐ ᐊ ᐎ ᐱᒧᓯᓇᑕᐛᒡ ᒋᓴᓴ ᐊ ᐎ ᓂᐸᐊᒡ᙮

ᒠᓐ 10:33

ᒋ ᐃᑎᑯᐤ ᒪᒃ ᐊ ᐃᓯ ᐎᑎᒪᑯᑦ, “ᓇᒪᔭᐤ ᐎ ᒥᔪᑐᑎᒪᒐᐅᓐ ᐛᒋ ᐎ ᐱᒧᓯᓇᑕᐅᑕᒡ, ᒋ ᐸᔅᑕᒧᓐ ᐊᐅᒄ ᐛᒋ ᐎ ᓂᐸᐃᑕᒡ᙮ ᒋᑦ ᐃᔅᒋᔄᓐ ᐊ ᒋᓴᒪᓂᑐᐎᔨᓐ ᒥᒄ ᒪᒃ ᐊ ᓇᐸᐎᔨᓐ᙮”

ᒠᓐ 16:25

“ᐅᔭ ᒐᒂᔪᐛ ᑲ ᐎᑎᒪᑎᑯᒡ ᓇᔅᒡ ᑕᑈ ᐊᔨᒥᓐ ᒐᒋ ᓂᔅᑐᑕᒂᒋ᙮ ᒪᒃ ᒋᑭ ᐅᑎᒋᐱᔪᐤ ᒐᒃ ᐊᓐᑕ ᒐ ᐱᔭᑭᔅᒡ ᓂᔅᑐᑎᒪᒄ ᐊᔨᒧᑎᒪᑎᑯᒐ ᐅᑕᐎᒪᐤ᙮

ᒠᓐ 8:25

ᐊᑯ ᒂ ᑯᒂᒋᒪᒡ ᒋᓴᔅ ᐊ ᐃᑕᒡ, “ᐊᐛᓐ ᒪᒃ ᒋᔾ ?” ᒋᓴᔅ ᒂ ᐃᓯ ᐎᑎᒧᐛᑦ, “ᐊᓐᑕ ᐅᔅᑭᒡ ᑲ ᒋᒋᐱᔨᔭᓐ ᐊ ᒋᔅᑯᑎᒪᒐᔭᓐ ᐊᑯᑕ ᓴᔅ ᑲ ᐎᑎᒪᑎᑯᒡ ᐊᐛᓐ ᐊ ᐊᐎᔭᓐ᙮

ᒠᓐ 8:53

ᒋᑦ ᐃᑕᔨᑕᓐ ᐊ ᒋᔾ ᒪᐅᒡ ᐊ ᒋᔅᑕᔨᑕᑯᓯᔨᓐ ᐃᔅᐱᔅ ᐊᑉᕋᐊᒻ ? ᐊᑉᕋᐊᒻ ᒋ ᓂᐳᐤ ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᒋ ᓂᐳᐅᒡ, ᐊᐛᓐ ᒪᒃ ᒋᔾ ᐊ ᐃᑕᔨᒥᓱᔨᓐ ?”

ᒠᓐ 9:22

ᒋ ᑯᔅᑕᐅᒡ ᐊᓂᔭ ᒍᐤ ᐃᔪᐛ ᐅᔭ ᐛᒋ ᐃᔅᒋᔄᒡ ᐅᒡ ᐅᓂᒋᐃᑯᒪᐅᒡ᙮ ᐛᔅ ᒋ ᒋᔅᒐᔨᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒐ ᐎᐎᑎᓴᐛᔨᒋ ᐊᓐᑕ ᐊᔭᒥᐊᐅᒋᐛᐱᒡ ᐊᐛᔪᐛ ᒐ ᐃᔅᒋᔄᔨᒂᓂ ᙭ᑕ ᐊ ᐊᐎᔨᒋ ᐊᓂᔭᔪᐛ ᒋᓴᓴ᙮

2 ᑯᕆᓐᑎᔭᓇ 3:12

ᓇᔅᒡ ᑕᑈ ᓂ ᒐᔅᑎᓇᑕᔨᑎᒥᐃᑯᓇᓐ ᐅ᙮ ᐊᐅᒄ ᒪᒃ ᐛᒋ ᒥᔪᐱᔨᒡ ᒥᒄ ᒐᒋ ᐃᓯ ᐎᑎᒪᑕᒡ᙮