ᒠᓐ 10:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᑯᑎᑭᒡ ᒋ ᐃᔅᒋᔄᐅᒡ, “ᓇᒪ ᒋᐸ ᐅᒋ ᐃᔅᐱᔅ ᒥᔪᑕᑯᓱᐤ ᐊᐛᓐ ᐊ ᐃᔨᒥᑦ ᐊ ᐱᒋᔅᑲᑯᑦ ᒥᒋ ᐊᒐᒂ ᐊ ᐃᔅᐱᔅ ᒥᔪᑕᑯᓯᑦ ᐅ ᓇᐸᐤ ᐊ ᐃᔨᒥᑦ᙮ ᑕᓐᑕ ᒋᐸ ᒋ ᐅᒋ ᐃᓯᓇᑯᓂᔪᐤ ᐊᐛᓐ ᐊ ᐱᒋᔅᑲᑯᑦ ᒥᒋ ᐊᒐᒂ ᒐᒋ ᐃᑐᑐᐛᑦ ᐊᐛᔪᐛ ᐊᑲ ᐛᐸᑎᒥᔨᒋ ᒐᒋ ᐛᐸᑎᒥᔨᒋ ᐊᑯ ?”

ᒠᓐ 10:21 Iomraidhean Croise

ᑎᐱᑦ ᐅᓂᑭᒧᐅᓇ 146:8

ᑎᐸᔨᒋᒐᓱᐤ ᑐᑐᐛᐤ ᒐᒋ ᐛᐸᑎᒥᔨᒋ ᐊᑲ ᐛᐸᑎᒥᔨᒋ: ᑎᐸᔨᒋᒐᓱᐤ ᐱᓯᑯᓇᐤ ᐊᓂᔭᔪᐛ ᑲ ᒪᒥᓴᒪᔨᑎᒥᔨᒋ: ᑎᐸᔨᒋᒐᓱᐤ ᓴᒋᐊᐤ ᐅᑯᐃᔅᑯᑕᑎᓯᐛ:

ᑎᐱᑦ ᐅᓂᑭᒧᐅᓇ 94:9

ᓇᒪ ᐊ ᒋᑭ ᐸᑎᒻ ᐊᓐ ᑲ ᒥᑐᐛᑲᒐᑦ ? ᓇᒪ ᐊ ᒋᑭ ᐛᐸᑎᒻ ᐊᓐ ᑲ ᒥᔅᒋᓯᑯᒐᑦ ?

ᐊᒃᓱᑕᔅ 4:11

ᒥᒄ ᑎᐸᔨᒋᒐᓱᐛ ᐃᑎᑯᐤ “ᐊᐛᓐ ᑲ ᐅᓯᑕᐛᑦ ᓇᐸᐛ ᐅᑐᓂᔪᐤ ? ᐊᐛᓐ ᑲ ᒥᔭᑦ ᒐᒋ ᐃᔨᒥᔨᒋ ᑭᔭ ᒐ ᐊᑲ ᒋ ᐃᔨᒥᔨᒋ ? ᑭᔭ ᐊᐛᓐ ᑲ ᒥᔭᑦ ᒐᒋ ᐛᐸᑎᒥᔨᒋ ᑭᔭ ᒐ ᐊᑲ ᐛᐸᑎᒥᔨᒋ ? ᓇᒪᔭᐤ ᐊ ᓂᔾ, ᑎᐸᔨᒋᒐᓱᐤ ?

ᐊᒃᓱᑕᔅ 8:19

ᑭᔭ ᑲᒥᓂᑐᐅᓯᒡ ᒂ ᐃᑕᒡ ᒋᓴᐅᒋᒪᐛ, “ᐊᐅᑯᔪᐤ ᐅᔭ ᒋᓴᒪᓂᑐᐤ ᐅᑦ ᐃᑐᐅᓐ᙮” ᒥᒄ ᒋᓴᐅᒋᒪᐤ ᒋ ᒥᔅᑯᔅᑎᒂᓇᐤ, ᒧᔭᒻ ᑎᐸᔨᒋᒐᓱᐤ ᑲ ᐃᔅᒋᔄᑦ, ᓇᒪ ᐅᒋ ᐎ ᓂᑐᑐᐛᐤ ᒧᓱᓴ ᑭᔭ ᐊᕋᓇ᙮

ᒪᑎᔪᐤ 11:5

ᐎᑎᒧᐛᐧᒄ ᒪᒃ ᐊ ᐛᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭᔪᐛ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭᔪᐛ ᑲ ᐊᔭᔨᒋ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᒥᓏᒋᐊᑭᓄᔨᒋ᙮ ᑭᔭ ᐊ ᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐸᑎᒥᔨᒋ᙮ ᑭᔭ ᐊᒋ ᐅᓂᔅᑲᓇᑭᓄᔨᒋ ᐊᓂᔭᔪᐛ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᒪᑎᔪᐤ 4:24

ᒋ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ᐸᓱᐛᐅᒡ ᒪᒃ ᒥᓯᐛ ᑲ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ᐱᒋᔅᑲᑯᔨᒋ ᒥᒋ ᐊᒐᒂ, ᑭᔭ ᐊᓂᔭᔪᐛ ᑲ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ᐸᑐᐛᑭᓄᐅᑦ᙮

ᒠᓐ 10:22

ᒪᒂᒡ ᒋ ᐱᐳᓐ ᐊᓐᑕ ᒋᕈᓯᓕᒥᒡ, ᒋ ᐊᑎ ᐅᑎᒋᐱᔪᐤ ᒪᒃ ᐊᓐᑕ ᐊᓯᑯᒻ ᐱᐳᓇ ᑲᒋ ᒥᑯᓴᒡ ᐊ ᒋᔅᒋᓯᒡ ᐊᓐᒡ ᒍᐤ ᐃᔪᒡ ᐊᓐᑕ ᑲ ᒋᔅᒋᓄᐛᒋᑕᑭᓄᔨᒡ ᐅᒋᓴᐊᔭᒥᐊᐅᒋᐛᐳᐛᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒋᔅᒋᓄᐛᒋᐃᐛᐤ ᒥᑯᓴᐅᓐ ᒋ ᐃᓯᓂᐧᑲᑕᒧᒡ ᐅᔭ ᐊ ᒥᑯᓴᒡ᙮

ᒠᓐ 9:6

ᐃᔅᐱ ᐅᔭ ᑲ ᐃᔅᒋᔄᑦ ᒋᓴᔅ ᒋ ᓯᔅᑎᑯᐤ ᐊᓐᑕ ᐊᔅᒋᒡ ᐊᑯ ᒂ ᐊᓯᔅᒍᐛᒐᑦ ᐊᓂᔭ ᐅᓯᔅᑎᑯᐅᓐ ᐊ ᐊᐱᒋᑕᑦ᙮ ᐊᑯ ᒂ ᐊᓱᓱᓂᒺᑦ ᐅᔅᒋᓯᑯᔪᐛ ᐊᓂᔭᔪᐛ ᐊᑲ ᐛᐸᑎᒥᔨᒋ ᓇᐸᐛ ᐊᓂᔭ ᐊᓯᔅᒍᐛ ᐊ ᐊᐱᒋᐊᑦ᙮