ᒠᓐ 10:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯ ᐊᓐ ᐊᓐᑕ ᐊ ᐃᔎᑕᒧᐅᓂᔨᒡ ᒪᔭᑕᓂᓯᐅᒋᐛᐱᔪᐤ ᑲ ᐅᒋ ᐱᒐᑦ ᐊᐅᑯᓐ ᐅᔭ ᐅᒪᔭᑕᓂᓯᐤ ᐅᑦ ᐃᔨᒧᐛᐛ ᐊᓐᒡ ᒪᔭᑕᓂᓯᒡ᙮

ᒠᓐ 10:2 Iomraidhean Croise

ᑎᐱᑦ ᐅᓂᑭᒧᐅᓇ 23:1

ᑎᐸᔨᒋᒐᓱᐤ ᐊᐅᒄ ᓂᒪᔭᑕᓂᓯᐅ-ᐃᔨᒻ; ᓇᒪ ᒐᒂᓐ ᓂᑭ ᐛᐛᓇᔨᑕᓐ᙮

ᑎᐱᑦ ᐅᓂᑭᒧᐅᓇ 80:1

ᓇᐃᔅᑕ ᒋᑐᑭᔾ, ᐅᒪᔭᑕᓂᓯᐅ-ᐃᔨᒪ ᐃᔅᕋᐃᓪ, ᒋᔾ ᑲ ᐱᒧᑕᐃᑦ ᒍᓯᑉ ᒧᔭᒻ ᒪᔭᑕᓂᓯᒡ: ᒋᔾ ᑲ ᑕᔨᓐ ᑎᔅᑐᐎᒡ ᒐᕋᐱᒥᒡ, ᐛᓯᓱᐤ᙮

ᒪᑎᔪᐤ 15:11

ᑕᐸ ᓇᒪᔭᔪᐤ ᐊᓂᔭ ᑕᓐ ᐊ ᐃᓯ ᐱᑕᐊᐧᒃ ᐊᐛᓐ ᐅᑐᓂᒡ ᐊ ᐃᑐᑕᑯᑦ ᒐᒋ ᒥᒋᑐᑕᐧᒃ ᒥᒄ ᐊᓂᔭ ᑕᓐ ᐊ ᐃᓯ ᐸᒋ ᐎᐎᐱᔨᒡ ᐊ ᐃᔨᒥᑦ, ᐊᔪᐅᒄ ᐊᓂᔭ ᐊ ᐃᑐᑕᑯᑦ ᒐᒋ ᒥᒋᑐᑕᐧᒃ᙮”

ᒠᓐ 10:14

ᓂᔾ ᐊᐅᒄ ᒪᔭᑕᓂᓯᐅ-ᐃᔪᐤ ᑲ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ᙮ ᓂ ᒋᔅᒐᔨᒪᐅᒡ ᓂᒪᔭᑕᓂᓯᒥᒡ ᐊᓐᒡ ᑲ ᑎᐱᔨᐛᐅᓯᔭᓐ ᑭᔭ ᐎᔨᐛᐤ ᓂ ᒋᔅᒐᔨᒥᑯᒡ,

ᒠᓐ 10:7

ᐊᑯ ᒪᒃ ᒋᓴᔅ ᒥᓐ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᓂᔾ ᐊᐅᒄ ᒋᐱᔎᐤ ᐊᓐᑕ ᐛᒋ ᐱᒐᒡ ᑭᔭ ᐊᓐᑕ ᐛᒋ ᐎᐎᒡ ᐊᓐᒡ ᒪᔭᑕᓂᓯᒡ᙮

ᒠᓐ 10:9

ᓂᔾ ᐊᐅᒄ ᒋᐱᔎᐤ᙮ ᐊᓐ ᐊᐛᓐ ᓂᔾ ᐊ ᑕᐅᒡ ᑲ ᐅᒋ ᐱᒐᑦ ᒋᑭ ᐱᒪᒋᐅᐤ᙮ ᑕᑈ ᒋᑭ ᐎᐧᑯᒋᐅᐤ ᐊᓐ ᐊᐛᓐ ᑭᔭ ᑕᑈ ᒋᑭ ᒥᔽᔨᒧᐤ᙮

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

1 ᑎᒧᑎ 4:14

ᒧᔅ ᐊᐱᒋᑕ ᐊᓐ ᐊᒐᐧᒄ ᒥᔨᐛᐅᓐ ᐊ ᐃᓯ ᐊᔭᔨᓐ ᒐᒋ ᐊᑐᔅᑯᐅᑦ ᒋᓴᒪᓂᑐᐤ᙮ ᐛᔅ ᐊᐅᒄ ᐅ ᒥᔨᐛᐅᓐ ᑲ ᒥᔨᑯᔨᓐ ᒋᔅᒋᐛᐃᒐᐅᓂᒡ ᐅᒋ, ᑲ ᓴᒥᓂᔅᒡ ᐊ ᐊᔭᒥᐊᔅᑎᒪᔅᒡ ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮

ᑕᐃᑕᔅ 1:5

ᔅᒋ ᓂᑭᑎᑎᓐ ᐊᓐᑕ ᐊᓐ ᒥᓂᔅᑎᒄ ᑯᕆᑦ ᐊ ᐃᓯᓂᐧᑲᑕᒡ ᒐᒋ ᐎᒋᐃᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᑕᓐᑕ ᐛᐅᔅᑕᐱᔨᒡ ᐅᑕᑈᑎᒧᐅᓄᐛᒡ᙮ ᔅᒋ ᐃᑎᑎᓐ ᒥᓯᐛ ᐊ ᑕᑎᒋ ᐅᑕᓇᐛ ᒐᒋ ᐅᑎᓂᑥᐤ ᐊᓐᑕ ᐊᐛᓐᒋ ᒐ ᓂᑲᓂᔅᑯᐛᒡ ᐊᓂᔭ ᐅᒪᒧᐊᔭᒥᐊᐛ᙮ ᒋᔅᒋᓯ ᑕᓐ ᑲ ᐃᑎᑕᓐ ᒋᐸ ᐃᑕᔨᑕᑯᓱᐤ ᐊᐛᓐ ᐊ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

1 ᐱᑕᕐ 2:25

ᐛᔅ ᒧᔭᒻ ᒪᔭᑕᓂᓯᒡ ᐊ ᐅᓂᓯᓂᒡ ᔅᒋ ᐃᓯᓇᑯᓯᓇᐛᐤ᙮ ᐊᓄᒡ ᒪᒃ ᓴᔅ ᑲᐤ ᔅᒋ ᐸᓯᑯᐅᓇᐛᐤ ᒐᒋ ᓇᓴᐛᒄ ᐊᓐ ᒪᔭᑕᓂᓯᐅ-ᐃᔪᐤ ᑲ ᓂᓇᑭᑐᐛᔨᒥᑕᒄ ᑭᔭ ᑲ ᑭᓄᐛᔨᒪᑦ ᒋᑦ ᐊᒐᐧᑯᐛᐛ᙮

1 ᐱᑕᕐ 5:4

ᐊᑯ ᒪᒃ ᐃᔅᐱᔅ ᐸᒋ ᓄᑯᓯᒐ ᐊᓐ ᒪᐅᒡ ᑲ ᓂᑲᓇᔨᑕᑯᓯᑦ ᒪᔭᑕᓂᓯᐅ-ᐃᔪᐤ, ᒐ ᒥᔨᑯᐅᔭᒄ ᐊᓐ ᒪᐅᒡ ᐊ ᒋᔅᑕᔨᑕᒂᒡ ᑲᓂᔪᐅᓐ ᐊᓐ ᒐ ᐊᑲ ᓂᑕ ᐅᒋ ᐸᓯᑯᓇᒂᒡ᙮

ᒋᔅᒐᔨᑕᑯᑕᒐᐅᓐ 1:20

ᐊᓐᒡ ᒪᒃ ᓂᔄᐅᑕᒡ ᐅᒐᑭᑕᐧᑯᒡ ᑲ ᐛᐱᒥᑥᐤ ᓂᒥᔪᐅᓂᒡ ᐊ ᑕᐧᑯᓂᒂᐤ ᑭᔭ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ, ᐊᐅᒄ ᐅ ᐊ ᐃᓯ ᐎᑎᒪᒐᒥᑲᒋ᙮ ᐊᓐᒡ ᓂᔄᐅᑕᒡ ᐅᒐᑭᑕᐧᑯᒡ, ᐊᐅᒄ ᐊᓐᒡ ᐊᓐᒋᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐱᒡ ᐊ ᑕᒡ᙮ ᐊᑯ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ ᐊᐅᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᑲ ᐊᔨᒧᑕᒋ᙮”