ᒠᓐ 10:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯ ᐊᓐ ᒥᒄ ᑲ ᐅᑎᓇᑭᓄᐅᑦ ᒐᒋ ᑭᓄᐛᔨᒪᑦ ᐊᓂᔭ ᒪᔭᑕᓂᓴ ᐊᑲ ᒪᒃ ᒋᒋᐛ ᒪᔭᑕᓂᓯᐅ-ᐃᔪᐅᑦ, ᐊᑲ ᑎᐱᔨᐛᐅᓯᑦ ᐊᓂᔭ ᒪᔭᑕᓂᓴ ᒋᑎᓯᒧᐤ ᐃᔅᐱ ᐎᔭᐱᒪᒋ ᒥᐃᐧᑭᓇ ᐊ ᑎᑯᓯᓂᔨᒋ᙮ ᐊᑯ ᐊᓂᔭᔪᐛ ᒥᐃᐧᑭᓇ ᐛᔭᔅᑐᑐᐛᔨᒋ ᐸᐃᒄ ᐊᓂᔭᔪᐛ ᒪᔭᑕᓂᓴ ᐊᑯ ᐊ ᐃᒐᐸᔨᑐᔨᒋ ᐊ ᒋᑎᓯᒧᔨᒋ ᐊᓂᔭᔪᐛ ᑯᑎᑲ ᒪᔭᑕᓂᓴ᙮

ᒠᓐ 10:12 Iomraidhean Croise

ᒪᑎᔪᐤ 10:16

“ᓂᑐᑎᒧᒄ, ᔅᒋ ᐃᑎᓴᐅᑎᓇᐛᐤ ᒧᔭᒻ ᒪᔭᑕᓂᓯᒡ ᐊ ᐃᑎᓴᐛᑭᓄᐎᒡ ᐊᓐᑕ ᐊ ᒥᒐᑎᔨᒋ ᒥᐃᐧᑭᓇ ᐊ ᑕᔨᒋ᙮ ᐃᔭᒂ ᐃᑎᒄ ᒧᔭᒻ ᒋᓇᐱᑯᒡ ᐊ ᐃᓯ ᐃᔭᒂ ᐃᑎᒡ, ᑭᔭ ᔪᔅᐱᓯᒄ ᒧᔭᒻ ᐅᒥᒥᐅᒡ ᐊ ᐃᔅᐱᔅ ᔪᔅᐱᓯᒡ᙮

ᒪᑎᔪᐤ 7:15

“ᐃᔭᒂᒥᔅᑐᐛᐧᑯᒡ ᒥᒋ ᐅᒋᔅᒋᐛᐃᒐᓱᒡ᙮ ᒧᔭᒻ ᒪᔭᑕᓂᓯᒡ ᐃᓯᓇᑯᓱᐅᒡ ᐅᑕ ᐅᔅᒡ, ᒥᒄ ᒪᒃ ᐱᒡ ᐊᓐᑕ ᐅᐱᒪᑎᓯᐅᓄᐛᒡ ᒧᔭᒻ ᒥᐃᐧᑭᓂᒡ ᐃᑕᔨᑕᑯᓱᐅᒡ᙮”

ᒠᓐ 10:13

ᒋᑎᓯᒧᐤ, ᐛᔅ ᒥᒄ ᒋ ᐅᑎᓇᑭᓄᐤ᙮ ᓇᒪ ᒋᒋᐛ ᐊᐱᑕᔨᒪᐤ ᐊᓂᔭᔪᐛ ᒪᔭᑕᓂᓴ᙮

ᒠᓐ 10:2

ᐊᑯ ᐊᓐ ᐊᓐᑕ ᐊ ᐃᔎᑕᒧᐅᓂᔨᒡ ᒪᔭᑕᓂᓯᐅᒋᐛᐱᔪᐤ ᑲ ᐅᒋ ᐱᒐᑦ ᐊᐅᑯᓐ ᐅᔭ ᐅᒪᔭᑕᓂᓯᐤ ᐅᑦ ᐃᔨᒧᐛᐛ ᐊᓐᒡ ᒪᔭᑕᓂᓯᒡ᙮

ᒠᓐ 10:3

ᓴᓂᒪᑯᐤ ᒪᒃ ᐊᓂᔭᔪᐤ ᑲ ᑭᓄᔎᑐᐛᔨᒋ ᐊᓐᑕ ᒪᔭᑕᓂᓯᐅᒋᐛᐱᒡ᙮ ᐊᓂᔭ ᒪᒃ ᒪᔭᑕᓂᓴ ᓂᔅᑐᑎᒥᔪᐛ ᐅᐸᑕᑯᓱᐅᓐ ᐃᔅᐱ ᑎᔭᑈᑕᒋ ᐛᔅ ᐎᔾ ᐊᓂᔭᔪᐛ ᐅᒪᔭᑕᓂᓯᒪ᙮ ᐊᑯ ᒪᒃ ᐱᔭᒋ ᐎᐎᔨᒋ ᐊᑯ ᐊ ᐊᑎ ᓇᓴᐅᑯᑦ᙮

ᐊᑈᔅᑕᓇᒡ 20:29

ᓂ ᒋᔅᒐᔨᑕᓐ ᐛᔅ ᐃᔅᐱ ᒋ ᔅᑐᑕᔭᓇ, ᒐ ᐅᑎᑎᑕᑯᒡ ᐊᐛᓐᒋ ᐊᑲ ᑯᐃᔅᒄ ᐃᓯ ᒋᔅᑯᑎᒪᒐᒡ ᓇᔅᒡ ᐊᑲ ᑲ ᒪᒥᓇᑎᓯᒡ ᒧᔭᒻ ᒥᐃᐧᑭᓂᒡ ᐊ ᐃᑕᔨᑕᑯᓯᒡ, ᒋᑭ ᐎ ᓂᓱᐅᓇᒋᑕᐅᒡ ᒋᑕᑈᑎᒧᐅᓄᐛᔪᐤ᙮

1 ᑎᒧᑎ 3:3

ᐊᑯ ᒪᒃ ᓇᒪᐎᔾ ᑲ ᐎᒋᐸᑦ ᐊᐛᓐ ᒋᐸ ᐅᒋ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮

1 ᑎᒧᑎ 3:8

ᑭᔭ ᐊᓐᒡ ᑲ ᐎᒋᐃᐛᒡ ᑕᓐ ᐊ ᐃᓯ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ ᒋᐸ ᑕᑈᐅᒐᔨᑕᑯᓱᐅᒡ ᑭᔭ ᒧᔅ ᑯᐃᔅᒄ ᒋᐸ ᐃᑎᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮ ᓇᒪ ᒋᐸ ᐅᒋ ᐎᒋᐸᐅᒡ ᑭᔭ ᓇᒪ ᒋᐸ ᐅᒋ ᓴᒋᑕᐅᒡ ᓱᓇᔭᔪᐤ᙮

2 ᑎᒧᑎ 4:10

ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ᐃᑐᑕᑦ᙮

ᑕᐃᑕᔅ 1:7

ᐊᓐ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ, ᓇᒪ ᒋᐸ ᐅᒋ ᒥᒋᑐᑎᒻ ᐊᓐᑕ ᒐᒋ ᐅᒋ ᐊᑕᒪᔨᒪᑭᓄᐅᑦ ᒐᒂᔪᐤ, ᐛᔅ ᒋᓴᒪᓂᑐᐛ ᐊᑐᔅᑯᐛᐤ᙮ ᓇᒪ ᒋᒋᐛ ᒋᐸ ᐅᒋ ᐃᑕᔨᒥᓱᐤ, ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ, ᑭᔭ ᓇᒪ ᒋᐸ ᐅᒋ ᐎᒋᐸᐤ, ᑭᔭ ᓇᒪ ᒋᐸ ᐅᒋ ᐊᐧᑯᔪᐛᓱᐤ, ᑭᔭ ᓇᒪ ᒋᐸ ᐅᒋ ᓴᒋᑕᐤ ᓱᓇᔭᔪᐤ᙮

1 ᐱᑕᕐ 5:2

ᒥᔪ ᑭᓄᐛᔨᒪᑯ ᐊᓂᔭ ᐃᔪᐛ ᒋᓴᒪᓂᑐᐤ ᑲ ᒥᔨᑕᒄ ᒐᒋ ᓂᑲᓂᔅᑯᐅᒪᑯ ᒧᔭᒻ ᑲᒋ ᐃᓯ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ ᐊᓐ ᑲ ᑭᓄᒪᔭᑕᓂᓱᐛᑦ᙮ ᒥᔪ ᑭᓄᐛᔨᒪᑯ ᒧᔭᒻ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᑭᓄᐛᔨᒪᑯ᙮ ᐊᑲᐎᔾ ᒧᔭᒻ ᐊᐃᓴᒡ ᑲ ᐃᑐᑕᐧᒃ ᐊᐛᓐ ᒐᒂᔪᐤ ᒋᑭ ᐅᒋ ᐃᓯᓇᑯᓯᓇᐛᐤ ᐅ ᑕᓐ ᐊ ᐃᑕᐱᑎᓯᔭᒄ᙮ ᐃᑐᑎᒧᒄ ᒋᑦ ᐊᑐᔅᒐᐅᓄᐛᐤ ᓇᒪᐎᔾ ᒥᒄ ᐊ ᑭᓄᐛᐸᑎᒪᒄ ᑕᓐ ᒐ ᐃᓯ ᐅᑎᓯᔭᒄ ᒪᒃ ᓇᔅᒡ ᐊ ᐃᑕᔨᑎᒥᐃᑯᔭᒄ ᑕᓐ ᒐᒋ ᐃᓯ ᐎᒋᐊᑯᒡ ᐊᓐᒡ ᑲ ᒥᔨᑯᐅᔭᒄ ᒐᒋ ᓂᓇᑭᑐᐛᔨᒪᑯᒡ᙮

2 ᐱᑕᕐ 2:3

ᐊᓂᔭ ᒪᒃ ᒐ ᐃᔅᐱᔅ ᐎ ᐛᔪᐅᒡ ᐊᔭᒡ ᐅᒡ ᓂᑐᐎᔾ ᒋᔅᑯᑎᒪᒐᓱᐅᒡ, ᓂᑎᒥᒄ ᑎᐸᒋᒧᐅᓇ ᒋᑭ ᐛᐎᑎᒪᑯᐛᐅᒡ᙮ ᐊᑯᑕ ᒪᒃ ᓇᓂᑎᒻ ᐊᓂᔭ ᓂᑎᒥᒄ ᐊ ᐃᑕᒋᒧᔅᑕᑕᑯᒡ ᒐ ᐅᒋ ᐎ ᐃᑕᐱᒋᐃᑕᑯᒡ ᒐᒋ ᐅᒋ ᐅᓱᓇᔭᓂᒥᐧᑲᓱᒡ᙮ ᐊᐅᑯᓐᒡ ᒪᒃ ᐅᒡ ᓴᔅ ᐛᔅᑭᒡ ᑲ ᐊᔭᔅᑯᔅᑕᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᑭᔭ ᒧᔅ ᒋ ᒐᔅᑎᓇᒋᔅᑕᔪᐤ ᑕᓐ ᒐ ᐃᓯ ᓂᓱᐅᓇᑎᓯᒡ᙮