ᒠᓐ 10:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᑲᒋᒧᑎᑦ ᑎᑯᓯᓄᐤ ᒥᒄ ᒐᒋ ᒋᒧᑎᑦ ᒪᒃ ᒐᒋ ᓂᐸᐃᐛᑦ ᒪᒃ ᒐᒋ ᓂᓱᐅᓇᒋᐃᐛᑦ᙮ ᓂᔾ ᒪᒃ ᐎ ᓂᒋ ᑎᑯᓯᓐ ᒐᒋ ᒥᔨᐛᔭᓐ ᐊᓐ ᐱᒪᑎᓯᐅᓐ ᐊᓐᑕ ᐊᑲ ᓂᑕ ᓄᑕᐱᔨᒡ ᒐᒂᓐ᙮”

ᒠᓐ 10:10 Iomraidhean Croise

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒪᑎᔪᐤ 18:11

ᐸᒋ ᓇᓂᑐᐛᐱᒪᐤ ᐃᔪᐤ ᐅᑯᓯᓴᓐ ᐊᓂᔭᔪᐛ ᐊᐛᔪᐛ ᑲ ᐅᓂᓯᓂᔨᒋ ᒐᒋ ᐱᒪᒋᐊᑦ᙮”

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒪᑎᔪᐤ 21:13

ᐊᑯ ᒋᓴᔅ ᒂ ᐃᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᔭᒥᐊᐅᒋᐛᑉ ᒋᑭ ᐃᓯᓂᐧᑲᑕᐤ ᓂᒡ᙮’ ᒥᒄ ᒪᒃ ᒋᔨᐛᐤ ᑲᒋᒧᑎᒡ ᐎᒋᐛᐤ ᐊᐅᑯᓐ ᐊ ᑕᐱᒋᑕᔭᒄ ᐅ ᒋᓴᐊᔭᒥᐊᐅᒋᐛᑉ᙮” ᐊᐅᑯᓐ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᑲ ᐊᑕᐛᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮

ᒪᑎᔪᐤ 23:13

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ᐱᔅᑎᓇᐛᐅᒡ ᐊᓐᒡ ᑲ ᐎ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:17

ᒋ ᒋᔅᑯᑎᒪᒐᐤ ᒪᒃ, ᐊ ᐃᔅᒋᔄᑦ, “ᓇᒪᐎᔾ ᐊ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᐊᔭᒥᐊᐅᒋᐛᑉ ᒋᑭ ᐃᓯᓂᐧᑲᑕᐤ ᓂᒡ, ᐊᓐᑕ ᒥᓯᐛ ᐊᐛᓐ ᐊ ᐃᑎᔅᑲᓇᓯᑦ ᒐᒋ ᐊᔭᒥᐊᑦ ? ᒋᔨᐛᐤ ᒪᒃ ᒧᔭᒻ ᑲᒋᒧᑎᒡ ᐅᐛᑎᑯᐛᐤ ᐊᑯᓐ ᐊ ᐃᓯᓇᑯᑕᐛᒄ ᒋᓴᒪᓂᑐᐤ ᐎᒡ᙮”

ᓗᒃ 19:10

ᐃᔪᐤ ᐅᑯᓯᓴᓐ ᒋ ᐸᒋ ᑎᑯᓯᓐ ᒐᒋ ᓇᓂᑐᐛᐱᒪᑦ ᑭᔭ ᒐᒋ ᐱᒪᒋᐊᑦ ᐊᓂᔭᔪᐛ ᐃᔪᐛ ᑲ ᐅᓂᓯᓂᔨᒋ᙮”

ᒠᓐ 10:1

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᐛᓐ ᐊ ᐎ ᒋᒧᑎᑦ ᓇᒪ ᐊᓐᑕ ᐊ ᐃᔎᑕᒧᐅᓂᔨᒡ ᒪᔭᑕᓂᓯᐅᒋᐛᐱᔪᐤ ᐅᒋ ᐱᒐᐤ᙮ ᐃᔭᒡ ᐊᓐᑕ ᐅᒋ ᐸᔅᑕᑎᐛᐱᔪᐤ ᐊ ᐎ ᐱᒐᑦ᙮

ᒠᓐ 10:11

“ᓂᔾ ᐊᐅᒄ ᒪᔭᑕᓂᓯᐅ-ᐃᔪᐤ ᑲ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ᙮ ᐊᓐ ᐊᐛᓐ ᑲ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ ᒋᑭ ᐱᔅᑎᓂᒻ ᐅᐱᒪᑎᓯᐅᓐ ᐊᓂᔭ ᐅᒪᔭᑕᓂᓯᒪ ᒐᒋ ᐅᒋ ᐱᒪᒋᐅᔨᒋ᙮

ᒠᓐ 12:47

“ᐊᓐ ᐊᐛᓐ ᐱᔭᑎᒧᒂ ᑕᓐ ᑲ ᐃᓯ ᐎᑎᒪᓐ ᐊᑲ ᒪᒃ ᓂᓇᐃᑎᒧᒂ, ᓇᒪ ᓂ ᑎᐸᔅᑯᓇᐤ᙮ ᓂᒋ ᑎᑯᓯᓐ ᐅᑕ ᐊᔅᒋᒡ ᓇᒪᔭᐤ ᒐᒋ ᑎᐸᔅᑯᓂᒐᔭᓐ ᒪᒃ ᓂᒋ ᑎᑯᓯᓐ ᒐᒋ ᐱᒪᒋᐃᐛᔭᓐ᙮

ᒠᓐ 12:6

ᓇᒪᔭᔪᐤ ᐊ ᒋᔅᑎᒪᒐᔨᒪᑦ ᐊᓂᔭ ᑲ ᒋᔅᑎᒪᑎᓯᔨᒋ ᐊᓂᔭ ᐛᒋ ᐃᔅᒋᔄᑦ, ᐎᔾ ᒋ ᐎ ᐅᑎᓂᒪᓱᐤ ᐊᓂᔭ ᓱᓇᔭᔪᐤ ᐛᔅ ᐊᐅᑯᓐ ᑲᒋ ᐃᑎᑦ ᒪᓐ ᐊᑎ ᐎᔾ ᐊᒋ ᓂᓇᑭᑐᐛᔨᑕᐧᒃ ᐊᓂᔭ ᓱᓇᔭᔪᐤ ᑲᒋ ᒥᔭᑭᓄᔨᒋ ᒋᓴᓴ ᑭᔭ ᐅᒋᔅᒋᓄᐊᒧᐛᑭᓂᔪᐛ᙮

ᒠᓐ 3:17

ᐛᔅ ᒋᓴᒪᓂᑐᐤ ᒋ ᐸᒋ ᐃᑎᓴᐛᐤ ᐅᑯᓴ ᐅᑕ ᐊᔅᒋᒡ ᒐᒋ ᐱᒪᒋᐊᔨᒋ ᐊᐛᔪᐛ ᓇᒪ ᐎ ᒐᒋ ᐸᒋ ᓂᓱᐅᓇᒋᒪᔨᒋ᙮

ᒠᓐ 5:40

ᒥᒄ ᒪᒃ ᓇᒪ ᒋ ᐎ ᐸᒋ ᓇᓯᓇᐛᐤ ᒐᒋ ᐅᒋ ᐊᔭᔭᒄ ᐱᒪᑎᓯᐅᓐ᙮”

ᒠᓐ 6:33

ᐊᓐ ᒪᒃ ᐸᒂᓯᑭᓇ ᒋᓴᒪᓂᑐᐤ ᑲ ᒥᔨᐛᑦ ᐊᐅᑯᓐ ᐊᓐ ᒋᒋᒋᓯᑯᒡ ᑲ ᐅᒋᐱᔨᑦ, ᑭᔭ ᐊᐅᒄ ᑲ ᒥᔭᑦ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐱᒪᑎᓯᐅᓂᔪᐤ,” ᒋ ᐃᑕᐤ ᒋᓴᔅ᙮

ᒠᓐ 6:51

“ᓂᔾ ᒪᒃ ᐊᓐ ᐱᒪᒋᐃᐛᐤ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐊᓐ ᒪᒃ ᐸᒂᓯᑭᓐ ᒐ ᒥᔨᐛᔭᓐ ᐊᐅᒄ ᐅ ᓂᔭᔅ ᐊᓐᑕ ᒐᒋ ᐅᒋ ᐊᔭᒡ ᐊᐛᓐᒋ ᐱᒪᑎᓯᐅᓂᔪᐤ᙮” ᐊᔪᐅᒄ ᐅᔭ ᒋᓴᔅ ᑲ ᐃᔅᒋᔄᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:21

ᒋ ᒋᔅᑯᑎᒧᐛᐅᒡ ᐊᐛᓐᒋ᙮ ᓇᒪᐎᔾ ᐊ ᒋᔾ ᑭᔭ ᒋᑭ ᒋᔅᑯᑎᒪᓱᓐ ? ᒋ ᑭᒐᔅᒋᒧᐛᓐ ᒐ ᐊᑲ ᒋ ᑭᒐᒧᑎᑦ ᐊᐛᓐ᙮ ᒋᔾ ᒪᒃ ᐎ, ᒐᔅᑎᓇᔅ ᐊ ᓇᒪ ᒋ ᑭᒐᒧᑎᓐ ?

1 ᑎᒧᑎ 1:15

ᐊᐅᒄ ᒪᒃ ᐅ ᑎᔭᑈᒥᑲᒡ ᐃᔅᒋᔄᐅᓐ, ᙭ ᒋᓴᔅ ᐊᒋ ᐸᒋ ᑎᑯᓯᐧᒃ ᐅᑕ ᐊᔅᒋᒡ ᒐᒋ ᐱᒪᒋᐊᑦ ᐅᒥᒋᑥᐛ᙮ ᒪᐅᒡ ᒪᒃ ᑲ ᒥᒐᑎᓯᑦ ᓂᔾ ᓂᒋ ᐃᑕᔨᑕᑯᓯᓐ᙮

ᐃᑉᕈᐛ 6:17

ᒋᓴᒪᓂᑐᐤ ᒋ ᐃᑕᐤ ᒐᔅᑎᓇᔅ ᒐ ᓱᐛᔨᒪᑦ ᐅᑦ ᐃᔨᒪ᙮ ᐊᐅᒄ ᐅᔭ ᑲ ᐃᑕᑦ ᒐᒋ ᒋᔅᒐᔨᑎᒥᔨᒋ ᒐ ᐊᑲ ᓂᑕ ᐅᒋ ᐊᒋᑕᑦ ᑕᓐ ᑲ ᐎ ᐃᑐᑎᒧᐛᑦ᙮ ᐊᑯ ᒪᒃ ᐊᔪᐤ ᑲ ᓇᔅᐱᒡ ᑕᑈᑦ ᐊ ᐃᑕᑦ ᒐᔅᑎᓇᔅ ᒧᔅ ᒐ ᓱᐛᔨᒪᑦ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

2 ᐱᑕᕐ 1:11

ᐊᑯᑕ ᑭᔭ ᒐᒋ ᐅᒋ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ᑎᑯᓂᔨᒡ᙮