ᒠᓐ 1:41 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴¹ ᑎᐛᒡ ᒪᒃ ᐊᓐᑎᕈ ᒋ ᓇᓂᑐᐛᔨᒪᐤ ᐊᓂᔭ ᐎᐧᑲᓂᓴ ᓴᐃᒥᓇ ᐊᑯ ᒂ ᐃᑕᑦ, “ᓂᒋ ᒥᔅᑯᐛᓇᓐ ᐊᓐ ᒪᓴᔭ᙮” ᒪᓴᔭ ᐊ ᐃᓇᓄᐅᒡ ᙭ ᐃᓇᓄᐤ ᐊ ᐱᔭᑭᔅᒋᑕᑯᓯᓇᓄᐅᒡ᙮

ᒠᓐ 1:41 Iomraidhean Croise

ᑎᐱᑦ ᐅᓂᑭᒧᐅᓇ 2:2

ᒋᓴᐅᒋᒪᐅᒡ ᐊᔅᒋᒡ ᐊᔨᒋᑲᐳᐎᐃᑐᐅᒡ, ᑭᔭ ᐅᑎᐸᔨᒋᒐᐅᒡ ᓯᒋᒥᑐᐅᒡ ᐊ ᐎ ᓂᔅᑯᔅᑐᐛᒡ ᑎᐸᔨᒋᒐᓱᐛ, ᑭᔭ ᐅᑦ ᐊᐱᒋᐊᑭᓂᔪᐛ ᐊ ᐃᔅᒋᔄᒡ,

ᑎᐱᑦ ᐅᓂᑭᒧᐅᓇ 45:7

ᒋ ᓴᒋᑕᓐ ᑯᐃᔅᑯᑕᑎᓯᐅᓐ, ᑭᔭ ᒋ ᐛᐧᑲᑕᓐ ᒥᒐᑎᓯᐅᓐ: ᐊᐅᒄ ᐅᒋ ᒋᓴᒪᓂᑐᐤ, ᒋᒋᓴᒪᓂᑐᒻ, ᔅᒋ ᑐᒥᔅᑯᓂᒃ ᓯᒋᔭᓱᐎ ᐱᒥᔾ ᐅᒋ ᒐᒋ ᐊᔪᐛᔅᑯᐅᑥᐤ ᒋᐎᒐᐛᑭᓐᒡ᙮

ᑎᐱᑦ ᐅᓂᑭᒧᐅᓇ 89:20

ᓂᒋ ᒥᔅᑯᐛᐤ ᑎᐱᑦ ᓂᑦ ᐊᑐᔅᒐᔭᑭᓐ; ᐸᔭᒋ ᐱᒥᔪᐤ ᐅᒋ ᓂᒋ ᑐᒥᔅᑯᓇᐤ;

ᒪᑎᔪᐤ 1:23

“ᐃᔎᔅ ᐊᑲ ᐊᔅᒄ ᐅᒋ ᒋᔅᒐᔨᒥᑯᑦ ᓇᐸᐛ ᒋᑭ ᐊᔭᐛᐤ ᐊᐛᓴ, ᒋᑭ ᓇᐸᓯᐎᔪᐛ ᒪᒃ, ᐃᒪᓄᐃᓪ ᒋᑭ ᐃᓯᓂᐧᑲᑕᑭᓄᐤ᙮” ᒋᓴᒪᓂᑐᐤ ᐊ ᐸᒋ ᑕᑦ ᐅᑕ ᐊ ᑕᔭᐧᒄ ᐃᔅᒋᔄᒥᑭᓐ ᐅ ᐃᓯᓂᐧᑲᓱᐅᓐ᙮

ᓗᒃ 2:17

ᐃᔅᐱ ᒪᒃ ᐊᓐᒡ ᒪᔭᑕᓂᓯᐅ-ᐃᔪᒡ ᐎᔭᐱᒪᒡ ᐊᓂᔭ ᐊᐛᓴ ᒋ ᐛᐎᑎᒧᒡ ᑕᓐ ᑲ ᐃᓯ ᐸᑐᐛᒡ ᐊᓐᒋᓇ ᐊ ᐃᓯ ᐊᔨᒧᒪᔨᒋ ᐊᓂᔭ ᐊᐛᓴ᙮

ᓗᒃ 2:38

ᒪᒂᒡ ᒪᒃ ᐊᓐᑕ ᐊ ᑕᔨᒋ ᒋᓴᓴ ᐅᓂᒋᐃᑯᔪᐛ ᒋ ᐅᒋ ᐱᒐᐤ ᐅ ᒋᓴᐃᔎᔅ᙮ ᒋ ᓂᓇᔅᑯᒪᐤ ᒋᓴᒪᓂᑐᐛ ᐃᔅᐱ ᐎᔭᐱᒪᑦ ᐊᓂᔭ ᐊᐛᓴ᙮ ᐊᑯ ᒂ ᐊᔨᒧᑎᒧᐛᑦ ᐊᓂᔭ ᐊᐛᓴ ᐊᓂᔭᔪᐛ ᐃᔪᐛ ᐊᓐᑕ ᒋᕈᓯᓕᒥᒡ ᑲ ᑕᔨᒋ, ᐊᓂᔭ ᑲ ᐊᓱᐛᐱᒪᔨᒋ ᐅᐱᒪᒋᐃᐛᐤ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮

ᒠᓐ 1:45

ᐱᓕᑉ ᒪᒃ ᒋ ᓇᓂᑐᐛᐱᒪᐤ ᓇᑕᓂᔭᓚ ᐊᑯ ᒂ ᐃᑕᑦ ᐃᔅᐱ ᑲ ᒥᔅᑯᐛᑦ, “ᓂᒋ ᒥᔅᑯᐛᓇᓐ ᐊᓂᔭ ᒧᓱᔅ ᑲ ᐊᔨᒧᒪᑦ ᐊᓐᑕ ᐎᓱᐛᐅᓂᒡ, ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑲ ᐊᔨᒧᒪᒡ᙮ ᐊᐅᒄ ᒋᓴᔅ, ᒍᓯᑉ ᐅᑯᓴ, ᐊᓐᑕ ᓇᓴᕆᑎᒡ ᑲ ᐅᒋᑦ᙮”

ᒠᓐ 4:25

ᐊᑯ ᐊᓐ ᐃᔎᐤ ᒂ ᐃᑕᑦ ᐊᓂᔭᔪᐛ ᒋᓴᓴ, “ᓂ ᒋᔅᒐᔨᑕᓐ ᐊᓂᔭᔪᐛ ᒋᓴᒪᓂᑐᐤ ᒐ ᐸᒋ ᐃᑎᓴᐛᑦ ᑎᑯᓯᓂᔨᒐ᙮ ᙭ ᐃᓯᓂᐧᑲᓱᔪᐛ᙮ ᑎᑯᓯᓂᔨᒐ ᒪᒃ ᒥᓯᐛ ᒐᒂᔪᐤ ᒋᑭ ᐎᑎᒪᑭᓄᐤ᙮”

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 4:27

ᐊᐅᑯᓐ ᒪᒃ ᑕᑈ ᐊ ᐃᔅᐱᔨᒡ ᐊᓄᒡ ᐛᔅ ᒋᓴᐅᒋᒪᐤ ᐊᕈᑦ, ᑭᔭ ᐊᓐ ᐅᒋᒪᐤ ᑈᓐᑎᔭᔅ ᑈᓚᑦ, ᑭᔭ ᐊᓐᒡ ᒍᐤ ᐃᔪᒡ, ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒪᒧᐎᐅᒡ ᐊ ᓂᔅᑯᔅᑐᐛᒡ ᒋᓴᓴ, ᐊᓂᔭᔪᐛ ᑲ ᐛᔭᐱᒥᑎ ᑲ ᐸᔭᒋᓯᔨᒋ ᒋᑦ ᐊᐱᒋᐊᑭᓇ᙮

1 ᒠᓐ 1:3

ᐊᓂᒪ ᑲᒋ ᐛᐸᑎᒪᒡ ᑭᔭ ᑲᒋ ᐸᑎᒪᒡ ᒋ ᐎ ᐊᔨᒧᑎᒪᑎᓇᓐ ᑭᔭ ᒋᔨᐛᐤ ᒐᒋ ᒋᔅᒐᔨᒪᒄ ᒧᔭᒻ ᓂᔭᓐ ᐊ ᐃᓯ ᒋᔅᒐᔨᒥᒋᒡ᙮ ᐊᑯ ᒪᒃ ᒐᒋ ᐃᓯ ᐎᒐᐎᔭᒡ ᐊ ᐃᓯ ᐎᒐᐅᒋᒡ ᐅᑕᐎᒪᐤ ᑭᔭ ᐅᑯᓴ ᒋᓴᔅ ᙭ᑕ᙮