ᒠᓐ 1:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒍᐤ ᑎᐸᔨᒋᒐᓱᐅᒡ ᒋ ᐃᑎᓴᐛᐅᒡ ᒍᐤ ᐊ ᐃᑎᔅᑲᓇᓯᔨᒋ ᐊᔭᒥᐊᐅᒋᒪᐛ ᑭᔭ ᐊ ᐊᔭᒥᐊᐛᑎᓯᔨᒋ ᓕᐸᐃ ᐃᔪᐛ ᒋᕈᓯᓕᒥᒡ ᐊ ᐅᒋᔨᒋ ᐊᓐᑕ ᒠᓇ ᐊ ᑕᔨᒋ ᒐᒋ ᓂᑐ ᒋᔅᒐᔨᒥᑯᑦ ᐎᔾ ᐊ ᔭᐅᒂ ᐊᓐ ᙭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ ᒐᒋ ᐱᒪᒋᐊᔨᒋ ᐊᐛᔪᐛ᙮

ᒠᓐ 1:19 Iomraidhean Croise

ᒠᓐ 1:7

ᐅ ᒪᒃ ᒠᓐ ᒋ ᐸᒋ ᑎᑯᓯᓄᐤ ᒐᒋ ᑎᐸᑕᐧᒃ ᐛᔅᑕᐅᓂᔪᐤ ᑭᔭ ᒥᓯᐛ ᐊᐛᔪᐛ ᐸᑎᒥᔨᒐᓂ ᐅᔭ ᒥᔽᒋᒧᐅᓂᔪᐤ ᒐᒋ ᑕᑈᑎᒥᔨᒋ᙮

ᒠᓐ 10:24

ᐊᑯ ᒂ ᐸᒋ ᐛᔅᑲᑲᐳᔅᑕᑯᑦ ᒍᐤ ᐃᔪᐛ᙮ ᐊᑯ ᒂ ᐃᑎᑯᑦ, “ᑕᐃᔅᐱ ᐊᑯ ᒐ ᒥᔨᔭᒡ ᒐᒋ ᒋᔅᒐᔨᒥᑕᒡ ᐊᐛᓐ ᒋᔾ ? ᑯᐃᔅᒄ ᒪ ᐸᒋ ᐎᑎᒧᐅᓇᓐ, ᐊᐛ ᒋᔾ ᙭ ᐊᓐ ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᑦ ?”

ᒠᓐ 10:31

ᐊᑯ ᐊᓐᒡ ᒍᐤ ᐃᔪᒡ ᑲ ᐅᒋ ᐅᑎᓇᒡ ᐊᓯᓂᔭ ᒥᓐ ᐊ ᐎ ᐱᒧᓯᓇᑕᐛᒡ ᒋᓴᓴ ᐊ ᐎ ᓂᐸᐊᒡ᙮

ᒠᓐ 11:19

ᒥᒐᑦ ᒪᒃ ᒍᐤ ᐃᔪᒡ ᒋ ᐸᒋ ᓂᑐᐛᐱᒪᐅᒡ ᒪᕐᑕᔨᒋ ᑭᔭ ᒪᕆᔨᒋ ᐊ ᐸᒋ ᒥᔽᔨᒧᐛᐊᒡ ᐊᓂᔭ ᐎᐧᑲᓂᓯᔪᐛ ᐊᒋ ᐳᓂᐱᒪᑎᓯᔨᒋ᙮

ᒠᓐ 2:18

ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒂ ᐸᒋ ᓂᑐᐛᐱᒥᑯᑦ, ᒂ ᐃᑎᑯᑦ, “ᐊᐛᓐ ᑲ ᐃᑎᓱᒥᔅᒃ ᐊᓐ ᑲ ᐃᑐᑎᒥᓐ, ᒐᒄ ᒪᒥᔅᑲᒡ ᐃᑐᐅᓐ ᒐᒋ ᐛᐸᑎᔨᔭᒡ ᑕᑈ ᒋᓴᒪᓂᑐᐤ ᐊᒋ ᐃᑎᓱᒥᔅᒃ ᒐᒋ ᐃᑐᑎᒥᓐ ᐊᓐ ᑲ ᐃᑐᑎᒥᓐ ?”

ᒠᓐ 2:20

ᐊᑯ ᒂ ᐃᑕᒡ, “ᓂᔅᑐ ᒋᓯᑲᐛ ᐊ ᐃᔅᐱᔅ ᓴᔅ ᒥᓐ ᒋᑭ ᒋ ᐎᔨᑲᐳᐅᑕᓐ ? ᓇᐎᔪᐤ ᐊᓱ ᐊᓱᑕᒡ ᑕᑐᐤ ᐱᐳᓇ ᒋ ᑎᓯᐧᑲᑭᓄᐤ ᐅ ᒋᓴᐊᔭᒥᐊᐅᒋᐛᑉ ᑲ ᐎᔨᑲᐳᐅᑕᑭᓄᐅᒡ᙮”

ᒠᓐ 5:10

ᐊᑯ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒂ ᐃᑕᒡ ᐊᓂᔭ ᓇᐸᐛ ᑲ ᒥᓏᒋᐊᑭᓄᔨᒋ, “ᐊᔭᒥᐊᐅᒋᓯᑲᐤ ᐊᓄᒡ ᓇᒪ ᐃᑎᔅᑕᐤ ᓂᐎᓱᐛᐅᓇᒡ ᒐᒋ ᑕᐧᑯᓂᒥᓐ ᒋᑦ ᐊᔅᐱᓯᒧᓐ ᐊ ᐊᔭᒥᐊᐅᒋᓯᑲᒡ᙮”

ᒠᓐ 5:15

ᐊᓐ ᒪᒃ ᓇᐸᐤ ᑲ ᒥᓏᒋᐊᑭᓄᐅᑦ ᒋ ᔅᑐᑕᐤ ᐊ ᐎᑎᒧᐛᑦ ᐊᓂᔭᔪᐛ ᒍᐤ ᑲ ᓂᑲᓂᔅᑯᐛᔨᒋ ᒋᓴᓴ ᐊᒋ ᒥᓏᒋᐃᑯᑦ᙮

ᒠᓐ 5:16

ᐊᓐᒡ ᒪᒃ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᐊᑯᑕ ᒂ ᐅᒋ ᒋᒋᐱᔨᒡ ᐊ ᒪᔭᔨᒪᒡ ᒋᓴᓴ ᐊᓂᔭ ᐅᒋ ᐊᒋ ᒥᓏᒋᐊᔨᒋ ᐊᓂᔭ ᓇᐸᐛ ᐊ ᒍᐤ ᐊᔭᒥᐊᐅᒋᓯᑲᔨᒡ᙮

ᒠᓐ 5:18

ᐅᔭ ᒋᓴᓴ ᑲ ᐃᔅᒋᔄᔨᒋ, ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᐃᑕᐅᒡ, “ᓂᔅᑎᒻ ᓇᒪ ᐅᒋ ᒋᔅᑕᔨᑎᒻ ᐊ ᒍᐤ ᐊᔭᒥᐊᐅᒋᓯᑲᔨᒡ ᐊᑯ ᒥᓐ ᒂ ᐃᔅᒋᔄᑦ ᒋᓴᒪᓂᑐᐛ ᐊ ᐅᑕᐎᑦ᙮ ᑭᔭ ᒧᔭᒻ ᑕᓐ ᐊᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᐅᑯᓐ ᒂ ᐃᑕᔨᒥᓱᑦ᙮ ᐊᐅᒄ ᒪᒃ ᐅᔭ ᐛᒋ ᐊᑐᐎᔅ ᓂᑐᐛᔨᒪᒡ ᒐᒋ ᓂᐸᐊᑭᓄᔨᒋ᙮”

ᒠᓐ 6:41

ᐃᔅᐱ ᑲᒋ ᐃᓯ ᐃᔨᒥᑦ ᒋᓴᔅ, ᐊᓐᒡ ᒍᐤ ᐃᔪᒡ ᒐᒂᔪᐤ ᒋ ᐃᑕᔨᒪᐅᒡ ᐅᔭ ᐊᒋ ᐃᔅᒋᔄᔨᒋ, “ᓂᔾ ᐊᐅᒄ ᐊᓐ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮”

ᒠᓐ 6:52

ᐊᑯ ᐊᓐᒡ ᒍᐤ ᐃᔪᒡ ᒋ ᒥᒋᐱᔪᒡ ᐊ ᐃᔅᒋᔄᒡ, “ᑕᓐᑕ ᒐᒋ ᐅᒋ ᒥᔨᐛᑦ ᐅ ᓇᐸᐤ ᐎᔭᔅ ᒐᒋ ᐅᒋ ᒥᒋᓇᓄᐎᒡ ?”

ᒠᓐ 7:1

ᒥᓐ ᐸᑎᒪ ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᓕᓕ ᑲ ᐃᓯᓂᐧᑲᑕᔨᒡ ᐊᔅᒋᔪᐤ, ᓇᒪ ᐎ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐃᑕᒐ ᐅᒋ ᐎ ᐃᑐᑕᐤ ᐛᔅ ᒋ ᒋᔅᒐᔨᑎᒻ ᐊᒋ ᐎ ᓂᐸᐃᑯᑦ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮

ᒠᓐ 7:11

ᐊᓂᔭᔪᐛ ᒪᒃ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒋ ᓇᓂᑐᐛᔨᒥᑯᐤ ᐊᓐᑕ ᐊ ᒥᑯᓴᓄᐎᒡ᙮ ᒋ ᓇᓂᑐᐤ ᑯᒂᒋᒐᒧᔪᐛ ᑕᓐᑕ ᐊ ᑕᑦ᙮

ᒠᓐ 7:15

ᐊᓐᒡ ᒪᒃ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᓇᔅᒡ ᒋ ᒥᔅᑲᑕᔨᑎᒥᐃᑯᐅᒡ ᐊ ᐃᔅᐱᔅ ᒥᔪᑕᑯᓯᔨᒋ ᐊ ᒋᔅᑯᑎᒪᒐᔨᒋ ᐊᑯ ᒂ ᐃᔅᒋᔄᒡ, “ᑕᓐᑕ ᐛᒋ ᓇᔅᒡ ᒥᔅᑎ ᒋᔅᒐᔨᑕᐧᒃ ᒥᓯᓇᐃᑭᓂᔪᐤ ᐊᑲ ᒪᒃ ᓂᑕ ᐅᒋ ᒋᔅᑯᑎᒧᐛᑭᓄᐅᑦ ?”

ᒠᓐ 8:22

ᐊᑯ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒂ ᐃᔅᒋᔄᒡ, “ᐊᓂᔭ ᒪ ᑲ ᐃᔅᒋᔄᑦ, ᓇᒪ ᒋᑭ ᒋ ᐃᑐᑕᓇᐛᐤ ᐊᓐᑕ ᒐ ᐃᑐᑕᔭᓐ᙮ ᒋᑭ ᓂᐸᐃᓱᐤ ᑲᑭᔭ ᐊᓂᔭ ᐛᒋ ᐃᔅᒋᔄᑦ ?”

ᒠᓐ 8:48

ᐊᓐᒡ ᒪᒃ ᒍᐤ ᐃᔪᒡ ᒋ ᐃᑕᐅᒡ ᐊᓂᔭ ᒋᓴᓴ, “ᓂᒋ ᑕᑈᓇᓐ ᑲ ᐃᔅᒋᔄᔭᒡ ᓴᒪᕆᔭ ᐊ ᐅᒋᔨᓐ ᑭᔭ ᐊ ᐱᒋᔅᑲᔅᒃ ᒥᒋ ᐊᒐᐧᒄ ?”

ᒠᓐ 8:52

ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ᐃᑎᑯᑦ, “ᑭᔭ ᒋᔭᔅᑎᓇᐅᔭᒡ, ᑕᑈ ᐊ ᐱᒋᔅᑲᔅᒃ ᒥᒋ ᐊᒐᐧᒄ᙮ ᐊᑉᕋᐊᒻ ᒋ ᓂᐳᐤ ᒪᒃ ᐊᓐᒡ ᐅᒋᔅᒋᐛᐃᒐᓱᒡ ᒋ ᓂᐳᐅᒡ᙮ ᒋᔾ ᒪᒃ ᐊ ᐃᔅᒋᔄᔨᓐ ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮

ᒠᓐ 8:57

ᐊᑯ ᐊᓐᒡ ᒍᐤ ᐃᔪᒡ ᒂ ᐃᑕᒡ, “ᓇᒪ ᐛᐛᒡ ᐱᑕᑕᒡ ᒋ ᑕᑐᔪᐛ ᐳᓇᓯᓐ, ᑕᑈ ᐊ ᔅᒋ ᐛᐱᒪᐤ ᐊᑉᕋᐊᒻ ?”

ᐊᑈᔅᑕᓇᒡ 13:25

ᐃᔅᐱ ᒪᒃ ᒐᑲᑦ ᑲ ᒋᔅᑕᑦ ᒠᓐ ᒥᓯᐛ ᑕᓐ ᑲ ᐃᓯ ᓂᑐᐛᔨᒥᑯᑦ ᒋᓴᒪᓂᑐᐛ ᒐ ᐃᑎᑦ, ᒋ ᐃᑕᓯᐱᓐ ᐊᓂᔭᔪᐛ ᐃᔪᐛ, ‘ᐊᐛᓐ ᐊ ᐃᑕᔨᒥᔭᒄ ᓂᔾ ? ᓇᒪᔭᐤ ᓂᔾ ᙭ ᐊᓐ ᑲ ᐊᓱᐛᐱᒪᒄ᙮ ᓴᔅ ᐎᐱᒡ ᒋᑭ ᑎᑯᓯᓄᐤ, ᓇᒪ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᓂᔾ ᒐᒋ ᐊᐱᐧᑯᓂᒧᒡ ᐅᒥᔅᒋᓇ᙮’ ᐊᐅᒄ ᐅᔭ ᑲ ᐃᔅᒋᔄᒂ ᐊᓂᔭᐧᑲ ᒠᓐ ᐅᓯᑲᐃᑕᒐᐤ᙮”

ᐊᑈᔅᑕᓇᒡ 19:4

ᐊᑯ ᑈᓪ ᒂ ᐃᑕᑦ, “ᒠᓐ ᒋ ᓯᑲᐃᑐᐛᐤ ᐊᓂᔭ ᐊᐛᔪᐛ ᑲ ᐎ ᒂᔅᑲᑎᓯᔨᒋ ᑭᔭ ᒋ ᐃᑕᑯᐱᓇ ᐊᓂᔭᔪᐛ ᐃᔪᐛ ᑲ ᓯᑲᐃᑐᐛᑦ, ᒐ ᑎᑯᓯᓂᔨᒋ ᑯᑎᑲ ᐊᐛᔪᐛ᙮ ᐊᐅᒄ ᒪᒃ ᐊᓐ ᐃᔭᒄ ᒋᐸ ᑕᑈᔭᔨᒪᐛᐤ᙮ ᐊᐅᑯᓂ ᐅᔭ ᒋᓴᓴ ᒠᓐ ᑲ ᐊᔨᒧᒪᒂ᙮”

1 ᒠᓐ 1:5

ᒋ ᐎ ᐎᑎᒪᑎᓇᓐ ᑕᓐ ᑲ ᐃᓯ ᐎᑎᒧᔨᒥᑦ ᒋᓴᔅ᙮ ᒋᓴᒪᓂᑐᐤ ᐊᐅᒄ ᐛᔅᑕᐅᓐ, ᓇᔅᑎᔅ ᓇᒪ ᐱᒋᔅᑲᑯᐤ ᐅᓂᑎᐱᔅᒋᓯᐅᓂᔪᐤ᙮