ᒠᓐ 1:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᓂᔭ ᒪᒃ ᐊᐛᔪᐛ ᑲ ᐅᑎᓂᑯᑦ ᑭᔭ ᑲ ᑕᑈᔭᔨᒥᑯᑦ ᒋ ᒥᔭᐤ ᓱᐧᑲᑎᓯᐅᓂᔪᐤ ᒐᒋ ᐅᑦ ᐊᐛᓯᒥᑐᑕᑯᔨᒋ ᒋᓴᒪᓂᑐᐛ᙮

ᒠᓐ 1:12 Iomraidhean Croise

ᒪᑎᔪᐤ 10:40

“ᐊᐛᓐ ᐊ ᐱᑎᑲᐃᑕᒄ ᓂᔾ ᑭᔭ ᓂᐱᑎᑲᐃᒄ, ᐊ ᐱᑎᑲᐃᑦ ᒪᒃ ᐅᑎᓇᐤ ᐊᓂᔭ ᐊᐛᔪᐛ ᑲ ᐸᒋ ᐃᑎᓴᐅᔨᒋ᙮

ᒪᑎᔪᐤ 12:21

ᒥᓯᐛ ᒪᒃ ᐊ ᐃᑎᔅᑲᓇᓯᔨᒋ ᐃᔪᐛ ᒋᑭ ᐃᔅᐸᔨᑎᒥᔪᐛ ᐅᑦ ᐃᓯᓂᐧᑲᓱᐅᓐ᙮ ᐊᐅᑯᓐ ᒪᒃ ᐅᔭ ᑲ ᓂᑲᓐ ᐃᔅᒋᔄᒂ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᐊ ᐊᔨᒧᒪᑦ ᒋᓴᓴ᙮

ᒪᑎᔪᐤ 18:5

ᐊᐛᓐ ᐊ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᑯᓐ ᐊ ᐃᓯᓇᑯᓂᔨᒡ᙮”

ᒠᓐ 1:11

ᑲ ᑎᑯᓯᐧᒃ ᐅᑕ ᐊᔅᒋᒡ ᐎᔾ ᑎᐱᔨᐛ ᐅᑦ ᐃᔨᒪ ᒋ ᐸᒋ ᓂᑐᐛᐱᒪᐤ, ᒥᒄ ᒪᒃ ᓇᒪ ᐅᒋ ᐊᐱᑕᔨᒥᑯᐤ᙮

ᒠᓐ 1:7

ᐅ ᒪᒃ ᒠᓐ ᒋ ᐸᒋ ᑎᑯᓯᓄᐤ ᒐᒋ ᑎᐸᑕᐧᒃ ᐛᔅᑕᐅᓂᔪᐤ ᑭᔭ ᒥᓯᐛ ᐊᐛᔪᐛ ᐸᑎᒥᔨᒐᓂ ᐅᔭ ᒥᔽᒋᒧᐅᓂᔪᐤ ᒐᒋ ᑕᑈᑎᒥᔨᒋ᙮

ᒠᓐ 11:52

ᒥᒄ ᒪᒃ ᓇᒪ ᒥᒄ ᒍᐤ ᐃᔪᐛ ᒐ ᓂᐱᔅᑎᒧᐛᔨᒋ, ᒥᓯᐛ ᑭᔭ ᐊᓂᔭᔪᐛ ᒋᓴᒪᓂᑐᐛ ᐅᑦ ᐃᔨᒥᔪᐛ ᑕᑎᐸᓐ ᑲ ᑕᔨᒋ ᒐ ᒪᒧᓇᔨᒋ, ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮

ᒠᓐ 2:23

ᒪᒂᒡ ᒪᒃ ᒋᓴᔅ ᑲ ᑕᑦ ᐊᓐᑕ ᒋᕈᓯᓕᒥᒡ ᐊᓂᔭ ᒪᒂᒡ ᑲ ᒥᑯᓴᓄᐎᒡ ᐎᒪᔅᑲᒐᐅ-ᒥᑯᓴᓂᔪᐤ, ᒥᒐᑦ ᐊᐛᔪᐛ ᒋ ᑕᑈᔭᔨᒥᑯᐤ ᐎᔾ ᑕᑈ ᐊ ᐊᐎᑦ ᙭ ᐃᔅᐱ ᑲ ᐛᐱᒥᑯᑦ ᐊ ᒪᒥᔅᑲᒡ ᐃᑎᑦ᙮

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᒠᓐ 3:18

ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᐅᑯᓯᓯᒪᐛ ᓇᒪ ᒋᑭ ᐅᒋ ᓂᓱᐅᓇᒋᒪᑭᓄᐤ, ᐊᓐ ᒪᒃ ᐊᐛᓐ ᒐ ᐊᑲ ᑕᑈᔭᔨᒪᒂ ᓴᔅ ᓂᓱᐅᓇᒋᒪᑭᓄᐤ ᐛᔅ ᓇᒪ ᑕᑈᔭᔨᒪᐤ ᐊᓂᔭ ᒋᓴᒪᓂᑐᐛ ᑲ ᐸᐃᑯᓯᔨᒋ ᐅᑯᓯᔪᐛ᙮

ᐊᑈᔅᑕᓇᒡ 3:16

ᐊᓂᔭᔪᐤ ᐊ ᓱᒐᔨᑕᑯᓂᔨᒡ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᐅᒄ ᐅᔭ ᐛᒋ ᒥᓏᑎᓯᑦ ᐅ ᓇᐸᐤ᙮ ᔅᒋ ᒋᔅᒐᔨᒪᐛᐤ ᑭᔭ ᔅᒋ ᐛᐱᒪᐛᐤ ᑕᓐ ᑲ ᐃᓯᓇᑯᓯᑦ᙮ ᔅᒋ ᐛᐱᒪᐛᐤ ᒪᒃ ᐊᓐᑕ ᐅᑎᔅᑯᐤ ᐊ ᑕᔭᒄ ᑲ ᒥᓏᒋᐊᑭᓄᐅᑦ ᐊᓂᔭᔪᐤ ᐊ ᑕᑈᔭᔨᒪᑦ ᒋᓴᓴ ᐅᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:14

ᒥᓯᐛ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᒋᔅᒋᓄᑕᐃᑯᒡ ᒋᓴᒪᓂᑐᐛ ᐅᑦ ᐊᐛᓯᒥᑕᑯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:16

ᑲ ᐸᔭᒋᓯᑦ ᐊᒐᐧᒄ ᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᑕᑈ ᒋᓴᒪᓂᑐᐤ ᐊ ᐅᑦ ᐊᐛᓯᒥᑕᑕᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:19

ᒥᓯᐛ ᒐᒂᔪᐤ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᓇᔅᒡ ᐱᒂᔨᑎᒧᒥᑭᓂᔪᐤ ᐊ ᐊᓱᐛᐸᑎᒧᒥᑭᓂᔨᒡ ᒐ ᐃᔅᐱᔅ ᒧᓴ ᓄᑯᐊᑦ ᐅᑦ ᐊᐛᓯᒪ᙮

ᑲᓚᓯᔭᓇ 3:26

ᒥᓯᐛ ᒋᔨᐛᐤ ᑲ ᑕᑈᔭᔨᒪᒄ ᒋᓴᔅ ᙭ ᐊᑯᑕ ᐛᒋ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 4:6

ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮

ᑯᓚᓯᔭᓇ 2:6

ᓴᔅ ᐊᒋ ᐱᔅᑕᔨᒥᑎᓱᔭᒄ ᐅᑎᐸᔨᒋᒐᐤ ᙭ ᒐᒋ ᑎᐸᔨᒥᑕᒄ ᓱᒃ ᒋᑭ ᐎ ᓂᔅᑐᓇᑯᓐ ᑕᑈ ᐊ ᐎᒐᐛᒄ᙮

2 ᐱᑕᕐ 1:4

ᐊᑯᑕ ᒪᒃ ᑭᔭ ᐅᔭᔪᐤ ᐅᒋ, ᐅᔭ ᑕᓐ ᓴᔅ ᑲ ᐃᓯ ᒥᔨᑕᐧᒄ ᒋᐱᒪᑎᓯᐅᓇᒡ, ᐊᑯᑕ ᑲ ᐅᒋ ᒥᔨᑕᐧᒄ ᐊᓂᔭ ᒥᔨᐛᐅᓇ ᓇᔅᒡ ᑲ ᒋᔅᑕᔨᑕᑯᓂᔨᒋ ᑭᔭ ᓇᔅᒡ ᑲ ᒥᔽᓯᔨᒋ᙮ ᐊᐅᑯᓐ ᐛᔅ ᑭᑈ ᐊᓂᔭᔪᐛ ᒥᔨᐛᐅᓇ ᑲ ᐊᓱᑎᒧᐛᑦ ᒥᓯᐛ ᐊᓂᔭ ᒐ ᑕᑈᔭᔨᒥᑯᑦ᙮ ᐅᔭ ᒪᒃ ᒥᔨᐛᐅᓇ ᑲ ᐊᓱᑎᒪᑕᐧᒄ, ᐊᐅᑯᓐ ᐅᔭ ᒐ ᐎᒋᐃᑯᔭᐧᒄ ᒐ ᐊᑲ ᒋ ᓴᐧᑯᒋᐱᑎᑯᔭᐧᒄ ᑲ ᓂᓱᐅᓇᒋᐃᐛᒥᑲᒋ ᒥᒋ ᓂᑐᐛᔨᑎᒧᐅᓇ ᐅᑕ ᐊᔅᒋᒡ ᐊ ᑎᒂᒋ᙮ ᐊᑯᑕ ᑭᔭ ᒐᒋ ᐅᒋ ᐊᔭᔅᒃ ᐃᑕᔨᑕᑯᓯᔭᐧᒄ ᑕᓐ ᐊ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

1 ᒠᓐ 3:1

ᑭᓄᐛᐸᑎᒧᒄ ᒪ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ, ᐊ ᒥᔨᑕᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯᓂᐧᑲᑎᑯᐅᐛᐧᒄ ! ᑕᑈ ᒪᒃ ᒋ ᐅᑦ ᐊᐛᓯᒥᑕᑯᓄᐤ ! ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᓇᒪ ᒋ ᒋᔅᒐᔨᒥᑯᓄᐅᒡ ᐊᐛᓐᒋ ᒋᔭᓄᐤ ᐛᔅ ᑕᐸ ᒋᔅᒐᔨᒪᐅᒡ ᒋᓴᒪᓂᑐᐛ᙮

1 ᒠᓐ 3:10

ᐊᐛᓐ ᐊᑲ ᑯᐃᔅᑯᑕᑎᓯᑦ ᒪᒃ ᐊᑲ ᓴᒋᐊᑦ ᐎᐧᑲᓂᓴ, ᓇᒪ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᑯᑕ ᐛᒋ ᒋᔅᒐᔨᒪᑭᓄᐅᑦ ᐊᐛᓐ ᐊᐛᔪᐛ ᐊ ᐅᑦ ᐊᐛᓯᒥᑐᑕᑯᑦ, ᒋᓴᒪᓂᑐᐛ ᑭᔭ ᒪᒃ ᒥᒋᒥᓂᑐᐛ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᒠᓐ 3:23

ᒪᐅᔭᔪᐤ ᒪᒃ ᐊ ᐃᑎᓱᒥᑕᐧᒄ ᒐᒋ ᐃᑐᐛᐧᒄ, ᒐᒋ ᑕᑈᔭᔨᒪᐧᑯ ᐅᑯᓴ ᒋᓴᔅ ᙭ᑕ ᑭᔭ ᒐᒋ ᓴᒋᐃᑐᐛᐧᒄ ᒧᔭᒻ ᙭ ᑲ ᐃᑎᓱᒥᑕᐧᒄ ᒐᒋ ᐃᓯ ᓴᒋᐃᐛᐛᐧᒄ᙮