ᒋᒥᔅ ᐅᒥᓯᓇᐊᒪᒐᐅᓐ 5:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑲᐎᔾ ᒪᒪᒡ ᐃᑎᑐᒄ, ᓂᐧᑲᓂᓯᑐᒄ, ᑭᔭ ᓇᒪ ᒋᑭ ᐅᒋ ᑎᐸᔅᑯᓂᑯᓇᐛᐤ᙮ ᓴᔅ ᒥᒋᒪ ᐸᒋ ᑕᐤ ᑎᐸᔅᑯᓂᒐᓱᐤ, ᓴᔅ ᒐᑲᑦ ᓄᑯᓱᐤ᙮

ᒋᒥᔅ ᐅᒥᓯᓇᐊᒪᒐᐅᓐ 5:9 Iomraidhean Croise

ᒐᓂᓯᔅ 4:7

ᓇᒪ ᒋᔅᒐᔨᑕᓐ ᐊ, ᐃᑐᑎᒥᓇ ᐊ ᒥᔽᒡ ᒋᑭ ᐸᐱᒂᔨᓐ ? ᒥᒄ ᓇᑭᑐᐛᔨᑕ ᐛᔅ ᐊᑲ ᐃᑐᑎᒥᓇ ᐊ ᒥᔽᒡ, ᒧᔭᒻ ᒥᒋᒥᓂᑐᐅᒡ ᐃᓯᓇᒂᓐ ᒥᒋᑥᐅᓐ ᓇᔅᒡ ᐊ ᐸᓱᓇᑯᓯᑦ, ᓇᓂᑐᐛᔨᑎᒻ ᒐᒋ ᑎᐸᔨᒥᔅᒃ᙮ ᓇᔅᒡ ᒋᐸ ᐎ ᓱᒋᓯᓐ ᒐᒋ ᓴᑯᑕᔨᓐ ᐅ ᑯᒂᒋᐃᐛᐅᓐ᙮”

ᑎᐱᑦ ᐅᓂᑭᒧᐅᓇ 59:15

ᐊᑯᔅ ᒪᒃ ᒋᑭ ᐱᐸᒧᑕᐅᒡ ᒐᒋ ᓇᓂᑐᐛᐸᑕᒡ ᒥᒋᒥᔪᐤ, ᑭᔭ ᒋᑭ ᒥᑐᐛᐅᒡ ᒧᔭᒻ ᐊᑲ ᒋᔅᐳᑥᐛ᙮

ᒪᑎᔪᐤ 24:33

ᐅᔭ ᒪᒃ ᒐᒂᔪᐛ ᑲ ᐊᔨᒧᑎᒪᑎᑯᒡ ᒐ ᐃᔅᐱᔨᒋ ᐃᔅᐱ ᐃᔅᐱᔨᒂᐛ ᐊᑯᑕ ᒐ ᐅᒋ ᒋᔅᒐᔨᑎᒪᒄ ᓴᔅ ᐊ ᐸᓱᓇᑯᓂᔨᒡ ᐃᔪᐤ ᐅᑯᓯᓴᓐ ᒐ ᑎᑯᓯᐧᒃ, ᒧᔭᒻ ᓴᔅ ᒋᐱᔎᒡ ᐊ ᐸᒋ ᓂᐳᐅᑦ ᐊ ᐃᓯᓇᑯᓯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:29

ᐅᔭ ᒪᒃ ᒐᒂᔪᐛ ᑲ ᐊᔨᒧᑎᒪᑎᑯᒡ ᒐ ᐃᔅᐱᔨᒋ ᐃᔅᐱ ᐃᔅᐱᔨᒂᐛ ᐊᑯᑕ ᒐ ᐅᒋ ᒋᔅᒐᔨᑎᒪᒄ ᓴᔅ ᐊ ᐸᓱᓇᑯᓂᔨᒡ ᐃᔪᐤ ᐅᑯᓯᓴᓐ ᒐ ᑎᑯᓯᐧᒃ, ᒧᔭᒻ ᓴᔅ ᒋᐱᔎᒡ ᐊ ᐸᒋ ᓂᐳᐅᑦ ᒂ ᐃᓯᓇᑯᓯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:19

ᐊᑯ ᐊᓐ ᐊᕈᑎᔭᔅ ᓇᒪ ᐅᒋ ᓇᐃᔅᑲᑯᒐ ᐊᓂᔭ ᑕᓐ ᑲ ᐃᔅᒋᔄᔨᒋ ᒠᓇ ᐊᑯ ᒂ ᓂᑐᐛᔨᒪᑦ ᒐᒋ ᓂᐸᐊᑭᓄᔨᒋ᙮ ᒥᒄ ᒪᒃ ᓇᒪ ᐅᒋ ᐃᑐᑎᒻ ᐅᔭ,

1 ᑯᕆᓐᑎᔭᓇ 10:11

ᐊᐅᒄ ᐅᔭ ᒥᓯᐛ ᑲ ᐃᔅᐱᔨᒡ ᐊᓐᒡ ᐃᔪᒡ ᒐᒋ ᐅᒋ ᐃᔭᒂᒥᒥᑯᐅᔭᐧᒄ ᒐ ᐊᑲ ᒋ ᒥᒋᑐᑐᐛᐧᒄ ᒋᓴᒪᓂᑐᐤ᙮ ᒋ ᒥᓯᓇᐃᑭᓄᐛ ᒪᒃ ᐅᔭ ᐊᓐᑕ ᒐᒋ ᐅᒋ ᒋᔅᒐᔨᑎᒥᐃᑯᐅᔭᐧᒄ ᒐ ᐊᑲ ᒋ ᐃᓯ ᐱᒪᑎᓯᔭᐧᒄ ᑕᓐ ᑲ ᐃᓯ ᐱᒪᑎᓯᒡ᙮ ᐛᔅ ᓴᔅ ᒪᔅᑕᔾ ᑲ ᒋᓯᑲᒋ ᒋ ᐱᒪᑎᓯᓇᓄᐤ᙮

1 ᑯᕆᓐᑎᔭᓇ 4:5

ᐊᐅᒄ ᒪᒃ ᐅ ᐅᒋ ᐊᑲᐎᔾ ᒋᑭ ᐅᒋ ᑎᐸᔅᑯᓇᓐ ᒐᒂᓐ ᐊᔅᒄ ᐊᑲ ᐅᑎᒋᐱᔨᒡ ᒐᒋ ᑎᐸᔅᑯᓇᑭᓄᐅᒡ᙮ ᐎᔾ ᐅᑎᐸᔨᒋᒐᐤ ᒧᓴ ᒋᑭ ᓄᑯᑕᐤ ᒥᓯᐛ ᒐᒂᔪᐤ ᑲ ᑲᑕᑭᓄᐎᒡ᙮ ᐛᐛᒡ ᐊᓂᔭ ᑕᓐ ᐊᓐ ᑲ ᐃᑕᔨᑎᒥᔨᒋ ᐊᐛᔪᐛ᙮ ᐊᑯ ᒪᒃ ᒥᓯᐛ ᐊᐛᓐ ᒐ ᐎᑎᒪᑯᑦ ᒋᓴᒪᓂᑐᐛ ᐊ ᓇᐊᔨᑎᒥᔨᒋ ᐊᓂᔭ ᑕᓐ ᑲ ᐃᓯ ᒥᔪᑐᑕᐧᒃ᙮

2 ᑯᕆᓐᑎᔭᓇ 9:7

ᒥᓯᐛ ᐸᐸᐃᒄ ᐊᐛᓐ ᒥᒄ ᑕᓐ ᑲ ᐃᑕᔨᑕᐧᒃ ᐅᑕᐃᒡ ᒐ ᐃᔅᐱᔅ ᐱᔅᑎᓂᒐᑦ ᐊᐅᑯᓐ ᒋᐸ ᐃᔅᐱᔅ ᐱᔅᑎᓂᒐᐤ᙮ ᓇᒪ ᒋᐸ ᐅᒋ ᒪᒪᓯᐤ ᑭᔭ ᓇᒪ ᐊᐃᓴᒡ ᒋᐸ ᐅᒋ ᐱᔅᑎᓂᒐᐤ᙮ ᒋᓴᒪᓂᑐᐤ ᓇᔅᒡ ᓴᒋᐊᐤ ᐊᓂᔭ ᐊᐛᔪᐛ ᑲ ᒥᔽᔨᑎᒥᔨᒋ ᐊ ᐱᔅᑎᓂᒐᔨᒋ᙮

ᑲᓚᓯᔭᓇ 5:14

ᑎᐸᑐᑎᒻ ᐊᐛᓐ ᐎᓱᐛᐅᓇ, ᐅᔭ ᐸᐃᒄ ᐎᓱᐛᐅᓂᔪᐤ ᐊ ᓂᓇᐃᑕᐧᒃ ᐊᐅᒄ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮”

ᑲᓚᓯᔭᓇ 5:26

ᐊᑲᐎᔾ ᒋᑭ ᐅᒋ ᒋᒋᐛ ᐃᑕᔨᒥᓱᓇᓄᐤ᙮ ᐊᑲᐎᔾ ᒋᑭ ᐅᒋ ᐛᐧᑲᐃᒥᑐᓇᓄᐤ ᑭᔭ ᐊᑲᐎᔾ ᒋᑭ ᐅᒋ ᒥᒧᔅᑕᓂᒧᐛᓄᐅᒡ ᐊᐛᓐᒋ᙮

ᒋᒥᔅ ᐅᒥᓯᓇᐊᒪᒐᐅᓐ 4:11

ᓂᐧᑲᓂᓯᑐᒄ ᐊᑲᐎᔾ ᒥᒋ ᐊᔨᒧᒥᑐᒄ᙮ ᐊᐛᓐ ᐊ ᒥᒋ ᐊᔨᒧᒪᑦ ᐎᐧᑲᓂᓴ ᒪᒃ ᐊ ᑎᐸᔅᑯᓇᑦ ᐊᑐᐛᔨᑎᒻ ᐎᓱᐛᐅᓂᔪᐤ ᑭᔭ ᑎᐸᔅᑯᓂᒻ᙮ ᒧᔭᒻ ᑕᐸᔅᑯᓂᒧᐎᓇ ᐎᓱᐛᐅᓐ ᓇᒪ ᒋ ᓂᓇᐃᑕᓐ ᑭᔭ ᑎᐸᔅᑯᓂᒐᓱᐤ ᒋᑦ ᐃᑕᐃᓱᓐ᙮

ᒋᒥᔅ ᐅᒥᓯᓇᐊᒪᒐᐅᓐ 4:12

ᒥᒄ ᐸᐃᒄ ᐊᐛᓐ ᒋ ᒥᔨᐛᐤ ᐎᓱᐛᐅᓂᔪᐤ᙮ ᐊᐅᒄ ᒪᒃ ᒥᒄ ᒐᒋ ᑎᐸᔅᑯᓂᒐᑦ᙮ ᐎᔾ ᒥᒄ ᒋᑭ ᒋ ᐱᒪᒋᐃᐛᐤ ᑭᔭ ᐎᔾ ᒥᒄ ᒋᑭ ᒋ ᓂᓱᐅᓇᒋᐃᐛᐤ᙮ ᐊᐛᓐ ᒪᒃ ᒋᔾ ᒐᒋ ᑎᐸᔅᑯᓂᑦ ᑯᑎᒃ ᐊᐛᓐ ?

ᒋᒥᔅ ᐅᒥᓯᓇᐊᒪᒐᐅᓐ 5:10

ᓂᐧᑲᓂᓯᑐᒄ ᒪᒥᑐᓇᔨᒪᐧᑯᒡ ᒪ ᐅᒋᔅᒋᐛᐃᒐᓱᒡ ᐊᓐᒡ ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᒡ ᒐᒋ ᐃᔨᒥᔅᑎᒧᐛᒡ᙮ ᓇᔅᒡ ᑕᑈ ᒋ ᓯᐱᔪᐛᓱᐅᒡ ᐊ ᓂᓇᐧᑲᒋᐊᑭᓄᐅᒡ᙮ ᐊᐅᑯᓐ ᒪᒃ ᒋᐸ ᐃᑎᓇᐛᐤ ᑭᔭ ᒋᔨᐛᐤ᙮

ᒋᒥᔅ ᐅᒥᓯᓇᐊᒪᒐᐅᓐ 5:7

ᓂᐧᑲᓂᓯᑐᒄ, ᓯᐱᔪᐛᓯᒄ ᒐ ᐃᔅᐱᔅ ᐊᑲ ᑎᑯᓯᐧᒃ ᐅᑎᐸᔨᒋᒐᐤ᙮ ᒋ ᒋᔅᒐᔨᒪᐤ ᑲ ᓂᑕᐅᒋᑕᑦ ᐊ ᐃᔅᐱᔅ ᓯᐱᔪᐛᓯᑦ ᐊ ᐊᓱᐛᐸᑕᐧᒃ ᒐᒋ ᒋ ᐃᓯ ᓂᑕᐅᒋᓂᔨᒋ ᐊ ᒥᔽᓯᔨᒋ ᓂᑕᐅᒋᑕᑭᓇ ᐊᓐᑕ ᑲ ᓂᑕᐅᒋᑕᑦ᙮ ᓯᐱᔪᐛᓱᐤ ᐊ ᐊᓱᐛᐸᑕᐧᒃ ᒐᒋ ᒋᒧᓂᔨᒡ ᐊ ᓯᑯᓂᔨᒡ ᑭᔭ ᐊ ᑎᒂᒋᓂᔨᒡ᙮

1 ᐱᑕᕐ 4:5

ᐸᐃᒂᐤ ᒪᒃ ᐊ ᒋᓯᑲᔨᒡ ᒋᑭ ᐅᑎᔅᑯᑲᐳᔅᑐᐛᐅᒡ ᒋᓴᒪᓂᑐᐛ ᐊ ᐎᑕᒡ ᑕᓐ ᑲ ᐃᓯ ᐸᒋ ᐱᒪᑎᓯᒡ᙮ ᐊᐅᒄ ᐛᔅ ᐅ ᒋᓴᒪᓂᑐᐤ ᒐ ᑎᐸᔅᑯᓇᑦ ᒥᓯᐛ ᐊᓂᔭ ᑲ ᓂᐱᔨᒋ ᑭᔭ ᐊᓂᔭ ᐸᒪᑎᓯᔨᒋ᙮

1 ᐱᑕᕐ 4:9

ᒪᒥᔅᑯᒡ ᒪᒥᔪᑐᑕᑐᒄ, ᒥᔽᔨᑎᒧᒄ ᐅ ᐊ ᐃᓯ ᐎᒋᐃᑐᔭᒄ᙮

ᒋᔅᒐᔨᑕᑯᑕᒐᐅᓐ 3:20

ᓂᑐᑎᒧᒄ᙮ ᓂ ᓂᐳᐅᓐ ᒋᐱᔎᒡ ᐊ ᑎᑥᐛᐃᒐᔭᓐ᙮ ᐊᓐ ᐊᐛᓐ ᒐ ᐸᑐᐅᒂ ᐱᑎᑲᐃᒐ ᒪᒃ, ᓂᑭ ᐱᒐᐛᓐ ᐊᓐᑕ ᐊ ᑕᑦ ᑭᔭ ᒐ ᐎᒋᒥᒋᓱᒥᑐᔭᒡ᙮