ᒋᒥᔅ ᐅᒥᓯᓇᐊᒪᒐᐅᓐ 5:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᔅᒋ ᓂᓱᐅᓇᒋᒪᐛᐅᒡ ᑭᔭ ᔅᒋ ᓂᐸᐊᐛᐅᒡ ᑲ ᑯᐃᔅᑯᑕᑎᓯᒡ᙮ ᓇᒪ ᒪᒃ ᒋᓂᔅᑯᔅᑕᑯᐛᐅᒡ ᐊᓐᒡ ᐊᐛᓐᒋ ᐅᔭ ᑲ ᐃᑐᑐᐛᑯᒡ᙮

ᒋᒥᔅ ᐅᒥᓯᓇᐊᒪᒐᐅᓐ 5:6 Iomraidhean Croise

ᒪᑎᔪᐤ 21:38

ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᐃᔅᐱ ᐎᔭᐱᒪᒡ ᐊᓂᔭ ᐅᒋᒪᒧᐛᐛᐤ ᐅᑯᓯᔪᐛ ᒋ ᐃᑎᑐᐅᒡ, ‘ᐊᐅᑯᓂ ᐅᔭ ᐊᓐ ᒋᐅᒋᒪᒥᓄᐤ ᑎᐱᔨᐛ ᐅᑯᓴ᙮ ᐎᔾ ᒋᑭ ᐊᓱᐤ ᒥᔭᑭᓄᐤ ᐅᔭ ᓂᑕᐅᒋᑕᑭᓐ ᐊᔅᒋᔪᐤ᙮ ᓇᐸᐊᑕᐤ᙮ ᐊᑯ ᒪᒃ ᒋᔭᓄᐤ ᒐ ᑎᐱᔨᐛᐅᓯᐛᐧᒄ ᐅᔭ ᐅᑦ ᐊᔅᒋᔾ᙮’

ᒪᑎᔪᐤ 27:20

ᐊᓐᒡ ᒪᒃ ᑲ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᒋ ᓴᐧᑯᒋᒪᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᒐᒋ ᑯᒂᒋᒪᔨᒋ ᑈᓚᑕ ᐸᕋᐸᓴ ᒐᒋ ᐱᔅᑎᓇᔨᒋ ᐊᑯ ᒋᓴᓴ ᒐᒋ ᓂᐸᐊᑭᓄᔨᒋ᙮

ᒪᑎᔪᐤ 5:39

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᑲᐎᔾ ᑎᐸᐊᒪᓱᐤ ᐊᒋ ᒥᒋᑐᑕᔅᒃ ᐊᐛᓐ᙮ ᐅᑕᒥᒂᐅᔅᒐ ᐊᐛᓐ ᒋᐅᑕᒥᐧᑭᓂᒡ ᒋᒥᔪᐅᓂᒡ ᐃᑕᒐ, ᒥᔾ ᐊᑯᔅ ᐊᓐᑕ ᒂᔅᑕᒐ ᑭᔭ ᒐᒋ ᐅᑕᒥᒂᐅᔅᒃ᙮

ᐊᑈᔅᑕᓇᒡ 22:14

ᐊᑯ ᒂ ᐃᓯᑦ, ‘ᐊᓂᔭᔪᐛ ᒋᓴᒪᓂᑐᐛ ᑲ ᑕᑈᔭᔨᒪᒡ ᐊᓂᔭᐧᑲ ᒋᒧᓱᒥᓄᐅᒡ, ᔅᒋ ᐅᑎᓂᒄ ᒐᒋ ᒋᔅᒐᔨᑎᒧᑦ ᑕᓐ ᐊ ᐃᓯ ᓂᑐᐛᔨᑕᐧᒃ ᒐ ᐃᑎᓇᓄᐎᒡ ᐅᑕ ᐊᔅᒋᒡ, ᑭᔭ ᒐᒋ ᐛᐱᒥᑎ ᐊᓂᔭ ᙭ᑕ ᑲ ᑯᐃᔅᑯᑕᑎᓯᔨᒋ ᑭᔭ ᒐᒋ ᐸᑎᒧᑦ ᐊ ᐃᔨᒥᐃᔅᒃ᙮

ᐊᑈᔅᑕᓇᒡ 7:52

ᐊᓂᔭᐧᑲ ᐛᔅᑭᒡ ᒋᐧᑲᓂᓱᐛᐅᒡ, ᒥᓯᐛ ᐅᒋᔅᒋᐛᐃᒐᓱᐛ ᒋ ᓂᓇᐧᑲᒋᐊᐅᒡ᙮ ᑭᔭ ᒋ ᓂᐸᐊᐅᒡ ᐊᓂᔭᐧᑲ ᑲ ᐸᒋ ᓂᑲᓐ ᐎᑎᒥᒋ ᒐ ᑎᑯᓯᓂᔨᒋ ᐊᓂᔭ ᐅᑯᐃᔅᑯᑕᑎᓯᐤ ᑲ ᐃᓯᓂᐧᑲᓱᔨᒋ᙮ ᐊᐅᒄ ᒪᒃ ᐅ ᑲ ᐎᔭᓯᐱᔅᑎᓇᒄ ᑭᔭ ᑲ ᓂᐸᐊᒄ᙮

ᐊᑈᔅᑕᓇᒡ 8:32

ᒋ ᐃᔨᒥᑕᐛᐤ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᑲ ᐃᑎᔅᑕᔨᒡ, ᒋ ᐃᑐᑕᑭᓄᐤ ᒧᔭᒻ ᒪᔭᑕᓂᓴ ᒐᒋ ᓂᐸᐊᑭᓄᐅᑦ, ᑭᔭ ᒧᔭᒻ ᐊ ᐊᐱᓯᓯᑦ ᒪᔭᑕᓂᔅ ᐊᑲ ᒋᔅᑐᑦ ᐅᑎᔅᑯᐤ ᐊᓂᔭ ᑲ ᒧᓱᑯᑦ, ᓇᒪ ᐅᒋ ᐃᔅᒋᔄᐤ ᒐᒂᔪᐤ᙮

ᐃᑉᕈᐛ 10:38

ᓂᑦ ᐃᔨᒥᒡ ᑲ ᑯᐃᔅᑯᑕᑎᓯᒡ ᒋᑭ ᑕᑈᑎᒧᒡ ᑭᔭ ᒋᑭ ᐱᒪᑎᓯᐅᒡ, ᒥᒄ ᒪᒃ ᐊᓐ ᐊᐛᓐ ᒐ ᒋᐛᑲᐳᒂ, ᓇᒪ ᓂᑭ ᐅᒋ ᒥᔽᔨᑎᒥᐃᒄ᙮

ᒋᒥᔅ ᐅᒥᓯᓇᐊᒪᒐᐅᓐ 2:6

ᐊᑯ ᒪᒃ ᒋᔨᐛᐤ ᓇᒪ ᒋ ᒋᔅᑕᔨᒪᐛᐅᒡ ᐊᓐᒡ ᑲ ᒋᔅᑎᒪᑎᓯᒡ᙮ ᒥᒄ ᒪᒃ ᓇᒪᔭᐅᒡ ᐊ ᐊᓐᒡ ᑲ ᐛᔪᑎᓯᒡ ᓇᔅᒡ ᑲ ᐎ ᐃᑐᑕᑕᑯᒡ, ᒪᒃ ᑎᐸᔅᑯᓂᒐᐅᒋᐛᐱᒡ ᐊ ᐃᑐᑕᐃᑕᑯᒡ ?

ᒋᒥᔅ ᐅᒥᓯᓇᐊᒪᒐᐅᓐ 4:2

ᐊ ᓂᑐᐛᔨᑎᒪᒄ ᒐᒂᓐ ᐊᑲ ᒪᒃ ᒋ ᐊᔭᔭᒄ, ᒐᒃ ᓇᔅᒡ ᒋ ᐎ ᓂᐸᐊᐛᐤ ᐊᐛᓐ᙮ ᓇᔅᒡ ᐊ ᒧᔅᑕᓇᔨᑎᒪᒄ ᒐᒋ ᐊᔭᔭᒄ ᒐᒂᓐ ᐊᑲ ᒪᒃ ᒋ ᐎᐧᑯᒋᑎᒪᓱᔭᒄ, ᐊᑯᑕ ᐛᒋᐱᔨᒡ ᐊ ᒪᓯᐃᑐᔭᒄ ᑭᔭ ᐊ ᐊᔭᔅᑕᒥᑐᔭᒄ᙮ ᓇᒪ ᒪᒃ ᔅᒋ ᐊᔭᓇᐛᐤ ᑕᓐ ᐊ ᐃᓯ ᓂᑐᐛᔨᑎᒪᒄ ᐊᑲ ᓂᑐᑎᒪᔭᒄ᙮

1 ᐱᑕᕐ 4:18

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒧᔭᒻ ᒥᓇᐅᔅ ᒐ ᐱᒪᒋᐊᑭᓄᐛᒂ ᐊᓐᒡ ᑲ ᑯᐃᔅᑯᑕᑎᓯᒡ, ᑕᓐ ᒐ ᐃᔅᐱᔨᒡ ᐎ ᐊᓐᒡ ᐅᒥᒋᑥᐅᒡ ᑭᔭ ᐊᓐᒡ ᑲ ᒪᓂᑐᐛᑎᓯᒡ ᐊᑲ ᐎ ᓂᓇᐃᑐᐛᒡ ᒋᓴᒪᓂᑐᐛ ?