ᒋᒥᔅ ᐅᒥᓯᓇᐊᒪᒐᐅᓐ 5:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᒋᔨᐛᐤ ᑲ ᐛᔪᑎᓯᔭᒄ, ᒥᓯᐛ ᒐᒂᓐ ᒐᒋ ᐊᔭᔭᒄ ᐊᐅᑯᓐ ᐱᓯᒄ ᐊ ᐃᓯ ᐱᒪᑎᓯᔭᒄ ᐅᑕ ᐊᔅᒋᒡ ᑭᔭ ᒥᒄ ᒋᔨᐛᐤ ᒋ ᐎ ᓂᓇᐊᔨᑎᒥᐃᓱᓇᐛᐤ᙮ ᐊᑯ ᒪᒃ ᒧᔭᒻ ᐊᐛᓯᓯᒡ ᐊ ᑕᒋᐳᒡ ᓴᔅ ᐊ ᐃᓯᓇᑯᓯᒡ ᒐᒋ ᓂᐸᐊᑭᓄᐎᒡ, ᐊᐅᑯᓐ ᐊ ᐃᓯᓇᑯᓯᔭᒄ᙮

ᒋᒥᔅ ᐅᒥᓯᓇᐊᒪᒐᐅᓐ 5:5 Iomraidhean Croise

ᑎᐱᑦ ᐅᓂᑭᒧᐅᓇ 17:14

ᐃᔪᒡ ᐅᒋ ᑲ ᐅᑎᒋᔨᓐ, ᐅ ᑎᐸᔨᒋᒐᓱᐤ, ᐊᔅᒋᐤ ᐃᔪᒡ ᐅᒡ, ᑲ ᒪᑎᓂᒧᐛᑭᓄᔨᒋ ᒪᒂᒡ ᐊᓄᒡ ᐊ ᐱᒪᑎᓯᓇᓄᐎᒡ, ᑭᔭ ᐅᔅᑭᑎᔭ ᑲ ᓴᑭᔅᒋᓂᑕᐅᑦ ᒋ ᒋᒧᒡ ᐛᔪᑎᓯᐅᓇ; ᓴᑭᔅᒋᓇᔅᑲᑯᐅᒡ ᐊᐛᓴ, ᑭᔭ ᑲ ᐃᔅᑯᐱᔨᒋ ᐅᑦ ᐊᔭᓄᐛᐛ ᓂᑭᑎᒧᐛᐅᒡ ᐅᑦ ᐊᐛᓯᒥᓱᐛᐛ᙮

ᑎᐱᑦ ᐅᓂᑭᒧᐅᓇ 73:7

ᐸᐧᑲᒐᐱᔪᐅᒡ ᐊᔅᐱᔅ ᐎᔨᔪᐅᒡ; ᐊᑐᐎᔅ ᐊᔭᐅᒡ ᑲ ᐃᔅᐱᔅ ᐱᑯᓴᔨᒧᒡ᙮

ᓗᒃ 16:19

ᒋᓴᔅ ᒋ ᐎᑎᒻ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᔅᒋᔄᑦ, “ᐸᐃᒂᐤ ᒋ ᑕᐤ ᐊ ᐛᔪᑎᓯᑦ ᓇᐸᐤ ᓇᔅᒡ ᐊ ᓱᓇᔭᐎᔨᒋ ᐅᑦ ᐊᐱᒋᑕᐅᓇ, ᓇᔅᒡ ᐊᒋ ᐛᔪᑎᓯᔪᐱᒪᑎᓯᑦ᙮

ᓗᒃ 16:25

“ᐊᑯ ᐊᑉᕋᐊᒻ ᒂ ᐃᑕᑦ, ‘ᒋ ᒋᔅᒋᓯᓐ ᐊ, ᓂᑯᓴ, ᒪᒂᒡ ᑲ ᐱᒪᑎᓯᔨᓐ ᐊᓐᑕ ᐊᔅᒋᒡ ᒥᔪ ᒐᒂᓐ ᔅᒋ ᐊᔭᓐ, ᓚᓴᕋᔅ ᒪᒃ ᓇᒪ ᐅᒋ ᒥᔪ ᐊᔭᐤ ᒐᒂᔪᐤ᙮ ᐊᑯ ᒪᒃ ᐊᓄᒡ ᒥᔽᔨᒧᐤ ᐎᔾ ᐅᑕ, ᒋᔾ ᒪᒃ ᒋ ᓂᓇᐧᑲᑕᔨᒧᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:13

ᑯᐃᔅᒄ ᐃᓯ ᐱᒪᑎᓯᑕᐤ ᒐ ᓄᒂᒡ ᒪᒃ ᑕᑈ ᐛᔅᑕᐅᓂᒡ ᐊ ᐃᓯ ᐱᒪᑎᓯᔭᐧᒄ᙮ ᐊᑲᐎᔾ ᒋᑭ ᐅᒋ ᐎᒋᐃᐛᓇᓄᐤ ᐊ ᒥᔪᐧᑭᓱᓇᓄᐅᒡ, ᐊ ᐎᓂᓱᐤ ᐃᑎᓇᓄᐅᒡ ᑭᔭ ᐊᑲᐎᔾ ᐎᒋᐃᐛᑕᐤ ᐊᓐᑕ ᐊ ᒥᓇᓄᐅᒡ᙮ ᐊᑲᐎᔾ ᓂᓇᐧᑯᐤ ᒋᑭ ᐅᒋ ᐃᓯ ᐎᓂᓱᐤ ᐱᒪᑎᓯᓇᓄᐤ᙮ ᐊᑲᐎᔾ ᒋᑭ ᐅᒋ ᒋᐧᑲᒥᑐᓇᓄᐤ᙮ ᐊᑲᐎᔾ ᑭᔭ ᒋᑭ ᐅᒋ ᐅᑕᔨᒥᑐᓇᓄᐤ᙮

1 ᑎᒧᑎ 5:6

ᐊᑯ ᐊᓐ ᐃᔎᐤ ᑲ ᐸᐃᑯᓯᑦ ᐱᓯᒄ ᒪᒃ ᒥᒄ ᐎᔾ ᑲ ᐎ ᓂᓇᐊᔨᑎᒥᐃᓱᑦ ᒧᔭᒻ ᐊ ᓂᐱᑦ ᐃᓯᓇᑯᓱᐤ ᐊᑎ ᐊᓂᔭ ᐊᔅᒄ ᐊ ᐱᒪᑎᓯᑦ᙮

2 ᑎᒧᑎ 3:4

ᓇᔅᒡ ᒋᑭ ᐎᒋ ᐛᐎᔭᓯᐊᐅᒡ ᐅᐎᒐᐛᑭᓄᐛᐛ, ᓇᒪ ᓇᔅᒡ ᒋᑭ ᐅᒋ ᓂᓇᑭᑐᐛᔨᑎᒧᒡ ᑕᓐ ᐊ ᐃᑎᒡ, ᑭᔭ ᓇᔅᒡ ᑕᑈ ᒥᔅᑎ ᒋᑭ ᐃᑕᔨᒥᓱᐅᒡ᙮ ᐅᔅᑕ ᒋᑭ ᓴᒋᑕᐅᒡ ᐊᓂᔭ ᐎᔨᐛᐤ ᐊ ᐃᓯ ᒧᒋᒐᔨᑎᒥᐃᑯᒡ ᒐᒂᔪᐤ ᐃᔅᐱᔅ ᐎ ᒋᓴᒪᓂᑐᐛ ᐊᑐᐎᔅ ᒐᒋ ᓴᒋᐊᒡ᙮

2 ᐱᑕᕐ 2:13

ᐎᔨᐛᐤ ᒪᒃ ᑎᐱᔨᐛ ᒋᑭ ᒋᐛ ᑎᐸᐊᒧᐛᑭᓄᐎᒡ ᐊᐧᑯᐎᐛᐅᓂᔪᐤ ᑕᓐ ᑲ ᐃᔅᐱᔅ ᐸᒋ ᐊᔭᐧᑯᐊᒡ ᐊᐛᔪᐛ᙮ ᐊ ᒋᔎᔭᑎᓯᓇᓄᐎᒡ ᒪᒃ, ᒥᒄ ᐊ ᒥᒥᒋ ᒧᒋᒐᔨᑕᑭᓄᐎᒡ ᐊ ᒪᒂᐤ ᒋᓯᑲᔨᒡ, ᐊᐅᑯᓐ ᐅᔭ ᐊ ᐃᑕᔨᑕᒡ ᒥᔽᔨᑕᑯᓐ᙮ ᓇᒪ ᓂᐃᓇᑯᓱᐅᒡ ᑭᔭ ᐎᔨᐛᐤ ᒪᐅᒡ ᐱᐸᒥᓇᑯᓱᐅᒡ ᐊᓐᑕ ᒪᓐ ᐊ ᐎᒋᒥᒋᓱᒥᑕᑯᒡ᙮ ᐊᓐᑕ ᐊᓂᔭ ᒪᒂᒡ ᐊ ᐎᒋᒥᒋᓱᒥᑕᑯᒡ ᐊᑯᑕ ᓇᓂᑎᒻ ᒪᒥᒋ ᒥᔽᔨᑎᒥᐃᓱᐅᒡ ᐊ ᒋᔅᒐᔨᑕᒡ ᑕᓐ ᐊ ᐃᓯ ᐛᐎᔭᓯᒥᑕᑯᒡ᙮

ᒍᑦ 1:12

ᒥᒄ ᐛ ᐊᓏᑕᓱᐅᒡ ᐊᓐᑕ ᐊ ᒥᑯᓴᐛᒄ ᐊ ᓄᑯᑕᔭᒄ ᐊ ᓴᒋᐊᒄ ᒋᓴᒪᓂᑐᐤ᙮ ᓇᒪ ᓇᔅᒡ ᓴᒂᔨᒧᐅᒡ ᐊ ᒥᔅᑎ ᒋᔅᐳᐃᓱᒡ ᐊ ᐎᒋᒥᒋᓱᒥᑕᑯᒡ, ᒥᒄ ᐎᔨᐛᐤ ᐊ ᓂᓇᑭᑐᐛᔨᒥᓱᐅᒡ᙮ ᒧᔭᒻ ᑭᔅᑯᐅᓂᔅᑯᒡ ᐊ ᐱᒪᓯᒡ ᐊᑲ ᒪᒃ ᐛᐛᒡ ᓂᐱᔪᐅᒡ, ᐊᐅᑯᓐ ᐊ ᐃᑕᔨᑕᑯᓯᒡ᙮ ᒧᔭᒻ ᒥᔅᑎᑯᒡ ᐊᑲ ᓇᔅᒡ ᒥᓂᓱᐅᒡ ᐊᑎ ᐊ ᑎᒂᒋᓂᔨᒋ, ᒥᔅᑎᑯᒡ ᒋᒡ ᐅᑎᐱᔾ ᐊᒋ ᐱᐧᑯᒋᐱᑕᑭᓄᐎᒡ, ᓇᔅᒡ ᐊ ᓂᐱᒡ, ᐊᐅᑯᓐ ᐊ ᐃᓯᓇᑯᓯᒡ᙮

ᒋᔅᒐᔨᑕᑯᑕᒐᐅᓐ 18:7

ᒧᔭᒻ ᑲ ᐃᔅᐱᔅ ᒋ ᒋᔅᑕᔨᑕᑯᐃᓱᒡ ᐅᒡ ᐃᔪᒡ ᑭᔭ ᒧᔭᒻ ᑲ ᐃᔅᐱᔅ ᓇᔅᒡ ᒥᓯᐛ ᒋ ᐃᓯ ᒪᒥᔽᔨᑎᒥᐃᓱᒡ ᓂᓇᐧᑯᐤ ᐊ ᐎ ᐃᓯ ᐛᐛᒋᐃᓱᒡ, ᐊᐅᑯᓐ ᒧᔭᒻ ᐃᑐᑐᐛᐧᑯᒡ ᒐᒋ ᐃᔅᐱᔅ ᒥᒐᔨᑕᒡ ᑕᓐ ᒐ ᐃᔅᐱᔅ ᓂᓇᐧᑲᑕᔨᒧᐊᑭᓄᐎᒡ᙮ ᐛᔅ ᐅ ᐅᑕᓇᐤ ᒧᔭᒻ ᐊ ᒪᒥᒋᒧᑦ ᐊᐛᓐ ᐅᑕᐃᒡ ᐊᐅᑯᓐ ᐊ ᐊᐃᒡ᙮ ᐃᔅᒋᔄᒥᑭᓐ, ‘ᒧᔭᒻ ᒋᓴᐅᒋᒪᔎᐤ ᓂᑦ ᐊᐱᓐ᙮ ᓇᒪᔭᐤ ᑲ ᐸᐃᑯᓯᑦ ᐃᔎᐤ ᓂᔾ᙮ ᑭᔭ ᓇᒪ ᐎ ᓂᔾ ᓂᑕ ᓂᑭ ᐅᒋ ᒧᓯᑕᓐ ᑕᓐ ᐊ ᐃᓯ ᒥᓯᒪᔨᑕᐧᒃ ᐃᔎᐤ ᐊ ᐅᓇᐊᑦ ᐅᓇᐸᒪ᙮’