ᒋᒥᔅ ᐅᒥᓯᓇᐊᒪᒐᐅᓐ 5:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᓂᐧᑲᓂᓯᑐᒄ, ᐸᐃᒄ ᐊᓐᑕ ᐊ ᑎᓯᔭᒄ ᒋᐛᑲᐳᔅᑕᒐ ᑕᑈᐅᓂᔪᐤ, ᐎᒋᐃᑯᒐ ᒪᒃ ᐊᐛᔪᐛ ᒥᓐ ᒐᒋ ᑕᑈᑕᐧᒃ,

ᒋᒥᔅ ᐅᒥᓯᓇᐊᒪᒐᐅᓐ 5:19 Iomraidhean Croise

ᑎᐱᑦ ᐅᓂᑭᒧᐅᓇ 119:118

ᔅᒋ ᑕᑯᔅᑲᑕᐅᒡ ᒥᓯᐛ ᑲ ᐛᓂᒥᑎᒪᒡ ᒋᑦ ᐃᓯᑥᐅᓇ ᐅᒡ; ᐛᔅ ᐅᑭᔭᓯᐅᓄᐛᐤ ᑭᑭᒋᔭᒪᑭᓂᔪᐤ᙮

ᑎᐱᑦ ᐅᓂᑭᒧᐅᓇ 119:21

ᔅᒋ ᒋᔅᑐᑕᐅᒡ ᐅᒋᔅᑕᔨᒧᐅᒡ ᑲ ᒥᒐᒋᒥᒡ, ᑲ ᐛᓂᒥᑎᒪᒡ ᒋᑦ ᐃᑎᓱᐛᐅᓇ ᐅᒡ᙮

ᒪᑎᔪᐤ 18:15

“ᐅᓂᑐᑕᔅᒐ ᒋᐧᑲᓂᔅ, ᓂᑐᐛᐱᒻ ᒐ ᐎᑎᒧᐅᑦ ᑕᓐ ᐊ ᐃᓯ ᐅᓂᑐᑕᔅᒃ, ᒥᒄ ᒋᔨᐛᐤ ᐊ ᓂᓯᔭᒄ ᒐ ᐎᑎᒧᐅᑦ ᐅᔭ᙮ ᓂᑐᑕᔅᒐ ᒪᒃ, ᐊᑯ ᑭᑈ ᒥᓐ ᒐ ᒥᔪᐱᔭᒄ ᐊ ᐎᐧᑲᓂᓯᑕᑐᔭᒄ᙮

ᓗᒃ 22:32

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

ᑲᓚᓯᔭᓇ 6:1

ᓂᐧᑲᓂᓯᑐᒄ, ᒧᔭᒻ ᓴᐧᑯᒋᐃᑯᒐ ᐊᐛᓐ ᒥᒐᑎᓯᐅᓂᔪᐤ ᒋᔨᐛᐤ ᑲ ᐱᒋᔅᑲᑕᒄ ᑲ ᐸᔭᒋᓯᑦ ᐊᒐᐧᒄ ᒋᐸ ᐎᒋᐊᐛᐤ ᐊᓐ ᐊᐛᓐ ᒋᔭᒻ ᒐᒋ ᒥᔪᐱᔨᑦ ᑕᓐ ᐛ ᐃᓯ ᐱᔅᒐᐱᔨᑦ᙮ ᐃᔭᒂᒥᔅᑕᓱᒄ ᑭᔭ, ᒐ ᐊᑲ ᒋ ᐊᔅᒋᐱᔨᔭᒄ ᑭᔭ ᒋᔨᐛᐤ ᒐᒋ ᐊᑎ ᒥᒋᑐᑎᒪᒄ᙮

1 ᑎᒧᑎ 6:10

ᐛᔅ ᓱᓇᔭᐤ ᐊ ᓴᒋᑕᑭᓄᐅᒡ ᐊᑯᑕ ᐛᒋᐱᔨᒡ ᓂᓇᐧᑯᐤ ᒥᒋᑥᐅᓐ᙮ ᐛᐛᒡ ᐊᑯᑕ ᑲ ᐅᒋ ᐳᓂᒡ ᑯᑎᑭᒡ ᐊ ᑕᑈᑕᒡ ᑭᔭ ᐊᑯᑕ ᓇᔅᒡ ᐛᒋ ᒪᒥᓯᒪᔨᑎᒥᐃᓱᒡ ᑯᑎᑭᒡ᙮

1 ᑎᒧᑎ 6:21

ᐛᔅ ᐱᔅᒐ ᐅᒡ ᐅᔭ ᑲ ᐃᑕᔨᑕᑯᓯᒡ ᓂᑭᑎᒧᒡ ᐊᓂᔭ ᑲ ᐃᓯ ᒋᔅᑯᑎᒧᐛᑭᓄᐎᒡ ᒐᒋ ᑕᑈᑕᒡ᙮ ᒋᓴᒪᓂᑐᐤ ᒪᒃ ᒥᓯᐛ ᒋᑭ ᓱᐛᔨᒥᑯᐛᐤ᙮

2 ᑎᒧᑎ 2:18

ᒋ ᓂᑭᑎᒧᒡ ᑕᑈᐅᓂᔪᐤ, ᐊᑯ ᑲ ᐃᑐᑐᐛᒡ ᐱᔅᒐ ᐊᓂᔭ ᑲ ᑕᑈᑎᒥᔨᒋ ᒐ ᐊᑲ ᒋ ᐊᑎ ᓴᐸᔨᑎᒥᔨᒋ ᐊ ᑕᑈᑎᒥᔨᒋ, ᐛᔅ ᒋ ᒋᔅᑯᑎᒪᒐᐅᒡ ᐊ ᐃᔅᒋᔄᒡ ᓴᔅ ᐊᒋ ᐅᓂᔅᑲᓇᑭᓄᔨᒋ ᑲ ᑕᑈᑎᒥᔨᒋ᙮

ᐃᑉᕈᐛ 5:2

ᐊᓐ ᐊᐛᓐ ᑲ ᒋᓴᐊᔭᒥᐊᐅᒋᒪᐅᑦ ᒋᔅᒐᔨᑎᒻ ᑭᔭ ᐎᔾ ᑕᓐ ᐊ ᐃᑕᔨᑕᑯᓂᔨᒡ ᐊ ᓂᒋᔅᑲᑭᓄᔨᒋ ᑯᒂᒋᐃᐛᐅᓂᔪᐤ᙮ ᐊᑯ ᒪᒃ ᒐᔅᒐᔨᒪᑦ ᐃᔭᒂ ᒐᒋ ᐃᑐᑐᐛᑦ ᐊᓂᔭ ᐅᑦ ᐃᔨᒪ ᐊᑲ ᐃᑈᐧᑲᔨᒋ ᐊᑲ ᑯᐃᔅᒄ ᑎᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 1:16

ᓂᐧᑲᓂᓯᑐᒄ ᑲ ᓴᒋᐃᑎᑯᒡ ᓱᒃ ᑯᐃᔅᒄ ᐅ ᐎ ᐃᓯ ᓂᔅᑐᑎᒧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 1:19

ᐊᑲᐎᔾ ᐅᓂᒋᔅᒋᓯᒄ ᐅ ᓂᐧᑲᓂᓯᑐᒄ ᑲ ᓴᒋᐃᑎᑯᒡ᙮ ᒥᓯᐛ ᐊᐛᓐ ᓱᒃ ᒧᔅ ᐃᔭᒂ ᒋᐸ ᐎ ᓂᑐᑎᒻ, ᒋᐸ ᒪᒥᑐᓇᔨᑎᒻ ᑭᔭ ᑕᓐ ᐛ ᐃᔅᒋᔄᑦ ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ᙮

ᒋᒥᔅ ᐅᒥᓯᓇᐊᒪᒐᐅᓐ 3:14

ᒥᒋ ᐅᑕᔨᑎᒧᐅᓐ ᒪᒃ ᐊ ᐊᔭᐛᒂ ᒋᑕᐃᐛᒡ, ᒪᒃ ᒥᒄ ᒧᔅ ᒋᔨᐛᐤ ᓂᑲᓐ ᐎ ᐃᓯ ᐱᔅᑎᓂᓱᔭᒂ, ᐊᑲᐎᔾ ᒪᒥᒋᒧᒄ ᑭᔭ ᐊᑲᐎᔾ ᒋᑭ ᐅᒋ ᑭᑭᒋᔭᓇᐛᐤ ᐊ ᐎ ᑲᑕᔭᒄ ᑕᑈᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 5:20

ᒐ ᐎ ᒋᔅᒋᓯᔭᒄ ᐅ᙮ ᐊᓐ ᐊᐛᓐ ᑲᐤ ᑲ ᐸᓱᐛᑦ ᐊᐛᔪᐛ ᑕᓐ ᐊ ᐃᓯ ᐅᓂᐱᔨᒋ ᐎᐧᑯᒋᐃᒪᐤ ᐅᑦ ᐊᒐᐧᑯᔪᐛ ᓂᐳᐅᓂᒡ ᐅᒋ, ᑭᔭ ᐃᑐᑐᐛᐤ ᒥᒐᑦ ᐅᒥᒋᑥᐅᓂᔪᐛ ᒐᒋ ᐛᐸᔨᑎᒧᐛᑭᓄᔨᒋ᙮

2 ᐱᑕᕐ 3:17

ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓴᔅ ᒋ ᒋᔅᒐᔨᑕᓇᐛᐤ ᒥᓯᐛ ᐅ᙮ ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑐᑕᔨᑕᑯᒡ ᐊᓐᒡ ᐊᑲ ᐊᔭᐱᑕᔨᑕᒡ ᑕᓐ ᐊ ᐃᓯ ᐎᓱᐛᓄᐎᒡ᙮ ᐛᔅ ᒧᔭᒻ ᐅ ᐃᔅᐱᔨᒐ ᒋᑭ ᐅᓂᑐᑕᔨᑕᑯᓇᐛᐤ ᐊᓐᑕ ᐊᓐ ᐊ ᑕᔭᒄ ᒪᒂᒡ, ᐊᓐ ᐊᒋ ᒐᔅᑎᓇᑕᔨᑕᑯᑕᑭᓄᐅᒡ ᐊᓐᑕ ᓇᐳᐅᔭᒄ᙮

ᒍᑦ 1:11

ᑕᑈ ᒋᑭ ᐊᒂᒡ ᒥᒋᐱᔪᐅᒡ᙮ ᒧᔭᒻ ᐊᓂᔭ ᑲᐃᓇ ᑲ ᐃᑎᔨᒋ ᐊᐅᑯᓐ ᐊ ᐃᑎᒡ᙮ ᒋ ᐱᔅᑕᔨᒥᓱᐅᒡ ᒧᔭᒻ ᐊᓂᔭ ᐸᓚᒻ ᑲ ᐃᓯ ᒥᒋᑐᑎᒥᔨᒋ ᒐᒋ ᐃᓯ ᒥᒋᑐᑕᒡ ᒥᒄ ᓱᓇᔭᔪᐤ ᐊ ᐎ ᒪᐅᒋᑎᒪᓱᒡ᙮ ᑭᔭ ᒧᔭᒻ ᐊᓂᔭ ᑯᕋ ᑲ ᐃᓯ ᓱᒐᔨᒧᔨᒋ, ᐊᐅᑯᓐ ᐊ ᐃᓯ ᓱᒐᔨᒧᒡ᙮ ᐊᐅᑯᓐ ᒪᒃ ᐊ ᐃᓯ ᓂᓱᐅᓇᑎᓯᒡ ᑭᔭ ᐎᔨᐛᐤ᙮