ᒋᒥᔅ ᐅᒥᓯᓇᐊᒪᒐᐅᓐ 5:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᓂᔭᐧᑲ ᐃᓚᐃᒐ ᒧᔭᒻ ᒋᔭᓄᐤ ᐊ ᐃᑕᔨᑕᑯᓱᐛᐧᒄ ᒋ ᐃᑕᔨᑕᑯᓱᐤ᙮ ᐃᔅᐱ ᓱᐧᒃ ᑲ ᐊᔭᒥᐊᑦ ᒐ ᐊᑲ ᒋ ᒋᒧᓂᔨᒡ ᓇᒪ ᐅᒋ ᒋᒧᓂᔪᐤ ᓂᔅᑐ ᐱᐳᓇ ᒪᒃ ᐳᔅᒄ ᐃᔅᐱᔅ᙮

ᒋᒥᔅ ᐅᒥᓯᓇᐊᒪᒐᐅᓐ 5:17 Iomraidhean Croise

ᓗᒃ 4:25

ᓂᑐᑎᒧᒄ ᒪ᙮ ᑕᑈᒥᑭᓐ ᐅ ᒐ ᐃᓯ ᐎᑎᒪᑎᑯᒡ᙮ ᒪᒂᒡ ᐊᓂᔭ ᐃᓚᐃᒐ ᑲ ᐱᒪᑎᓯᑦ ᒋ ᐱᒥᐱᔪᐤ ᐊ ᑯᐅᐧᑭᑕᓄᐅᒡ ᐊᓐᑕ ᐃᔅᕋᐃᓪ ᐊᔅᒋᒡ ᐊᑲ ᐅᒋ ᒋᒺᒡ ᓂᔅᑐᐳᓇ ᒪᒃ ᐳᔅᒄ ᐃᔅᐱᔅ᙮ ᒋ ᑕᐅᒡ ᒪᒃ ᐊᓐᑕ ᒥᒐᑦ ᐃᔎᐅᒡ ᐊ ᐸᐃᑯᓯᒡ᙮ ᓇᒪ ᒪᒃ ᐅᒋ ᐃᑎᓴᐛᑭᓄᐤ ᐃᓚᐃᒐ ᐛᐛᒡ ᐸᐃᒄ ᒐᒋ ᓂᑐᐛᐱᒪᑦ ᐅᔭ ᐃᔎᐛ ᒐᒋ ᐎᒋᐊᑦ᙮

ᐊᑈᔅᑕᓇᒡ 10:26

ᒥᒄ ᒪᒃ ᐱᑕᕐ ᒋ ᐱᓯᑯᓇᐤ ᐊ ᐃᑕᑦ, “ᐱᓯᑯ, ᒥᒄ ᐛᔅ ᐊᓐ ᓇᐸᐤ ᑭᔭ ᓂᔾ᙮”

ᐊᑈᔅᑕᓇᒡ 14:15

“ᓇᐸᑐᒄ ᐊᑲᐎᔾ ᐃᑐᑎᒧᒄ ᐅ, ᓇᐸᐅᒡ ᐛᔅ ᐊᓐ ᑭᔭ ᓂᔭᓐ ᒧᔭᒻ ᒋᔨᐛᐤ ᐊ ᐃᑕᔨᑕᑯᓯᔭᒄ ᐊᐅᑯᓐ ᐊ ᐃᑕᔨᑕᑯᓯᔭᒡ᙮ ᒋ ᐎ ᐎᑎᒪᑎᓇᓐ ᒥᔽᒋᒧᐅᓐ ᒐᒋ ᐅᒋ ᐳᓂᐊᑯᒡ ᐊ ᐊᔭᒥᐊᔅᑎᐛᑯᒡ ᐊᓐᒡ ᓂᑎᒥᒄ ᒥᓂᑐᐧᑲᓐᒡ᙮ ᒥᔅᑯᒡ ᐊᓐᑕ ᒋᓴᒪᓂᑐᐤ ᑲ ᐱᒪᑎᓯᑦ ᐊ ᑕᑦ ᒐᒋ ᐃᓯ ᐊᔭᒥᐊᔭᒄ, ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᑲ ᐃᓯ ᐱᒪᑎᓯᒥᑭᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:2

ᓇᒪ ᐅᒋ ᐛᐱᓇᐤ ᒋᓴᒪᓂᑐᐤ ᐅᑦ ᐃᔨᒪ, ᐊᓂᔭᔪᐛ ᓴᔅ ᐊᓐᑕ ᐛᔅᑭᒡ ᑲ ᐅᑎᓇᑦ ᐎᔾ ᒐᒋ ᑎᐱᔨᐛᐅᓯᑦ᙮ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᓯ ᐊᔨᒧᒪᑭᓄᐅᑦ ᐃᓚᐃᒐ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮ ᒋ ᐊᔨᒧᑎᒺᐤ ᒋᓴᒪᓂᑐᐛ ᑕᓐ ᑲ ᐃᓯ ᐊᑲ ᒪᒧᔭᒻ ᐅᒋ ᐃᑎᔨᒋ ᐃᔅᕋᐃᓪ ᐃᔪᐛ, ᒋ ᐃᔅᒋᔄᐤ,

ᒋᔅᒐᔨᑕᑯᑕᒐᐅᓐ 11:6

ᒪᒂᒡ ᒪᒃ ᐊᓂᔭ ᒐ ᐃᔅᐱᔅ ᒋᔅᒋᐛᐃᒐᒡ, ᒋᑭ ᐊᔭᐅᒡ ᑎᐸᔨᒋᒐᐅᓂᔪᐤ ᒐᒋ ᐃᑐᑕᒡ ᒐ ᐊᑲ ᒋ ᒋᒧᓂᔨᒡ᙮ ᒋᑭ ᒥᔭᑭᓄᐎᒡ ᑭᔭ ᒥᓯᐛ ᐊ ᐃᓯ ᑎᑯᓂᔨᒡ ᓂᐱᔪᐤ ᒐᒋ ᑎᐸᔨᑕᒡ ᑭᔭ ᒐ ᐃᑐᑕᒡ ᐊᓂᔭ ᓂᐱᔪᐤ ᒥᐧᑯᒡ ᒐᒋ ᐃᓯᓇᑯᓂᔨᒡ᙮ ᒥᒄ ᐛ ᐃᔅᐱᔅ ᐃᑐᑕᒡ ᒋᑭ ᒋ ᐃᑐᑎᒧᒡ ᓂᓇᐧᑯᐤ ᐃᑕᔅᐱᓇᐅᓂᔪᐤ ᒐᒋ ᑎᑯᓂᔨᒡ ᐊᔅᒋᒡ᙮