ᒋᒥᔅ ᐅᒥᓯᓇᐊᒪᒐᐅᓐ 5:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐛᐎᑎᒪᑐᒄ ᒪᒃ ᒋᒥᒋᑐᑎᒧᐅᓄᐛᐛ ᑭᔭ ᐊᔭᒥᐊᔅᑎᒪᑐᒄ ᒐᒋ ᐅᒋ ᒥᓏᑎᓯᔭᒄ᙮ ᐊᓂᔭ ᑕᓐ ᐊ ᐃᓯ ᐊᔭᒥᐊᑦ ᐊᐛᓐ ᐊ ᑯᐃᔅᑯᑕᑎᓯᑦ, ᓇᔅᒡ ᑕᑈ ᓱᒋᐱᔪᐤ ᑕᓐ ᐊ ᐃᓯ ᐃᑐᑕᒐᒥᑭᓂᔨᒡ᙮

ᒋᒥᔅ ᐅᒥᓯᓇᐊᒪᒐᐅᓐ 5:16 Iomraidhean Croise

ᒐᓂᓯᔅ 19:29

ᐃᔅᐱ ᒋᓴᒪᓂᑐᐤ ᑲ ᓂᓱᐅᓇᒋᑕᑦ ᐅᑕᓇᐛ ᐊᓐᑕ ᐊ ᐱᓴᔨᒡ, ᒋ ᒋᔅᒋᑎᒺᐤ ᑲ ᑯᒂᒋᒥᑯᑦ ᐊᑉᕋᐊᒪ᙮ ᒋ ᐱᒪᒋᐊᐤ ᓗᑕ ᒐ ᐊᑲ ᒋ ᓂᓱᐅᓇᒋᐅᔨᒋ ᐃᔅᐱ ᑲ ᓂᓱᐅᓇᒋᑕᑦ ᐅᑕᓇᐛ ᐊᓐᑕ ᑲ ᐎᒋᔨᒋ᙮

ᒐᓂᓯᔅ 20:17

ᐊᑯ ᐊᑉᕋᐊᒻ ᓇᑐᑕᒧᐛᑦ ᒋᓴᒪᓂᑐᐛ ᑭᔭ ᒋᓴᒪᓂᑐᐤ ᒋ ᒥᓏᒋᐊᐤ ᐊᐱᒪᓕᑲ, ᒋᒡ ᐎᒋᒪᑭᓂᔪᐛ ᑭᔭ ᐅᑦ ᐃᔎᐤ ᐊᐱᒋᐊᑭᓂᔪᐛ, ᐊᑯ ᒪᒃ ᒐᒋ ᒥᓐ ᐅᑦ ᐊᐛᓯᒥᔨᒋ᙮

ᒐᓂᓯᔅ 20:7

ᑲᐤ ᒐ ᒥᔨᑦ ᐅ ᓇᐸᐤ ᐎᐛ, ᐛᔅ ᐎᔾ ᐅᒋᔅᒋᐛᐃᒐᓱᐤ ᑭᔭ ᒋᑭ ᐃᔨᒥᑥᒄ ᐊᑯ ᒪᒃ ᒐ ᐊᑲ ᐳᓂᐱᒪᑎᓯᓐ᙮ ᒥᒄ ᐊᑲ ᒋᐛᑎᓴᐅᑕ ᓴᕋ, ᑕᐱᔅᑯᓐ ᒋᔾ ᑭᔭ ᒋᑦ ᐃᔨᒥᒡ ᒋᑭ ᐳᓂᐱᒪᑎᓯᓇᐛᐤ᙮”

ᒐᓂᓯᔅ 32:28

ᐊᑯ ᓇᐸᐤ ᐊᑕᑦ, “ᓇᒪ ᓴᔅ ᒐᑭᑉ ᒋᑭ ᐃᓯᓂᐧᑲᑎᑯᐅᓐ᙮ ᔅᒋ ᒪᓴᐊᐤ ᒋᓴᒪᓂᑐᐤ ᑭᔭ ᐃᔪᒡ ᑭᔭ ᔅᒋ ᑲᓂᔪᐅᓐ; ᐊᑯ ᐃᔅᕋᐃᓪ ᒋᑭ ᐃᓯᓂᐧᑲᓱᓐ᙮”

ᑎᐱᑦ ᐅᓂᑭᒧᐅᓇ 34:15

ᑎᐸᔨᒋᒐᓱᐤ ᑭᓄᐛᐱᒪᐤ ᐅᑯᐃᔅᑯᑕᑎᓯᐛ, ᑭᔭ ᓂᑐᑎᒺᐤ ᐅᒪᐅᓂᔪᐤ᙮

ᐊᒃᓱᑕᔅ 17:11

ᒋ ᑲᓂᔪᐎᒡ ᐊ ᓂᑐᐱᔨᒡ ᐃᔅᕋᐃᓪ ᐃᔪᒡ ᑕᑥᐤ ᐛᐱᓂᔅᒐᒋ ᒧᓱᔅ, ᒥᒄ ᐊ ᔭᓯᐱᑕᒋ ᐅᔅᐱᑐᓇ ᐊᒪᓕᒃ ᐃᔪᒡ ᒋ ᑲᓂᔪᐎᒡ᙮

ᐊᒃᓱᑕᔅ 9:33

ᐊᑯ ᒧᓱᔅ ᓇᑭᑕᑦ ᒋᓴᐅᒋᒪᐛ ᑭᔭ ᐛᔪᐎᑦ ᐅᑕᓇᔪᐤ᙮ ᒂ ᐅᐱᓂᔅᒐᔨᔅᑐᐛᑦ ᑎᐸᔨᒋᒐᓱᐛ, ᑲ ᒋᒺᔨᒋ ᓂᒥᔅᒍᐛ ᑭᔭ ᒂ ᓂᑲᐱᔨᒡ ᐊ ᓯᓯᑯᓂᐱᔨᒡ, ᑭᔭ ᒂ ᒋᒧᐛᑎᓂᔨᒡ᙮

ᒪᑎᔪᐤ 21:22

ᒥᒄ ᑕᓐ ᒐ ᐃᓯ ᓂᑐᑎᒪᔭᒄ ᐊ ᐊᔭᒥᐊᔭᒄ, ᑕᑈᑎᒧᒄ ᓴᔅ ᐊ ᐊᔭᔭᒄ ᑭᔭ ᒐ ᒥᔨᑯᐅᔭᒄ ᐊᓐ ᑲ ᐃᓯ ᓂᑐᑎᒪᔭᒄ᙮”

ᒪᑎᔪᐤ 3:6

ᒧᓴ ᒋ ᐎᑎᒧᒡ ᑕᓐ ᑲ ᐃᓯ ᒥᒋᑐᑎᒧᐛᒂ ᑭᔭ ᒂ ᓯᑲᐃᑕᑯᒡ ᒠᓇ ᐊᓐᑕ ᒠᕐᑕᓐ ᓯᐱᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:5

ᒥᒐᑦ ᐊᐛᔪᐛ ᐊᓐᑕ ᒍᑎᔭ ᐊᔅᒋᒡ ᑭᔭ ᒋᕈᓯᓕᒻ ᑲ ᑕᔨᒋ ᒋ ᐸᒋ ᓂᑐᑕᑯᐤ᙮ ᒧᓴ ᒋ ᐎᑎᒧᒡ ᑕᓐ ᑲ ᐃᓯ ᒥᒋᑐᑎᒧᐛᒂ ᑭᔭ ᒂ ᓯᑲᐃᑕᑯᒡ ᒠᓇ ᐊᓐᑕ ᒠᕐᑕᓐ ᓯᐱᒡ᙮

ᓗᒃ 9:6

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᔅᑐᑕᒡ ᐊᓐᑕ ᓂᓇᐧᑯᐤ ᐅᑕᓇᒡ ᒂ ᐃᑐᑕᒡ ᐊ ᐛᐎᑕᒡ ᒥᔽᒋᒧᐅᓂᔪᐤ ᑭᔭ ᐊ ᒥᓏᒋᐊᒡ ᑲ ᐊᐧᑯᓯᔨᒋ᙮

ᒠᓐ 9:31

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊᑲ ᓂᑐᑐᐛᑦ ᑲ ᒥᒐᑎᓯᔨᒋ, ᓂᑐᑐᐛᐤ ᒪᒃ ᐎᔾ ᐊᓂᔭ ᐊᐛᔪᐛ ᑲ ᐅᒋᒋᐧᑯᓂᐱᔅᑕᑯᑦ ᑭᔭ ᑲ ᐃᑐᑎᒥᔨᒋ ᑕᓐ ᐊ ᐃᓯ ᓂᑐᐛᔨᒪᑦ ᒐᒋ ᐃᑐᑎᒥᔨᒋ᙮

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 19:18

ᒥᒐᑦ ᒪᒃ ᐊᓐᒡ ᑲ ᑕᑈᑕᒡ ᒋ ᐸᒋ ᐎᑎᒧᒡ ᐊᓐᑕ ᐊ ᒥᒐᑎᓇᓄᐎᒡ ᑕᓐ ᑲ ᐃᓯ ᒥᒋᑐᑕᒡ ᑭᔭ ᐊ ᒥᑕᐅᒡ᙮

ᐊᑈᔅᑕᓇᒡ 8:24

ᐊᑯ ᓴᐃᒥᓐ ᒂ ᐃᑕᑦ ᐊᓂᔭ ᐱᑕᕋ ᑭᔭ ᒠᓇ, “ᐊᔭᒥᐊᒄ ᐅᑎᐸᔨᒋᒐᐤ ᒐ ᐊᑲ ᒋ ᐅᑎᑕᐅᑯᔭᓐ ᐅ ᑲ ᐃᔅᒋᔄᔭᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:10

ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᐊᐛᓐ ᑯᐃᔅᑯᑕᑎᓯᐤ᙮ ᓇᒪ ᐛᐛᒡ ᐸᐃᒄ ᐊᐛᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:19

ᐸᐃᒄ ᐊᐛᓐ, ᐊᐅᒄ ᐊᑕᒻ, ᐊᓂᔭ ᐊᑲ ᐅᒋ ᓂᓇᐃᑐᐛᑦ ᒋᓴᒪᓂᑐᐛ ᐊᐅᒄ ᐛᒋ ᒥᓯᐛ ᐊᐛᓐ ᐊᑕᒪᔨᑕᑯᓯᑦ ᐊ ᒥᒐᑎᓯᑦ᙮ ᐊᓐ ᒪᒃ ᑯᑎᒃ, ᐊᐅᒄ ᒋᓴᔅ, ᓇᔅᒡ ᐊᒋ ᓂᓇᐃᑐᐛᑦ ᒋᓴᒪᓂᑐᐛ ᐊᑯᑕ ᐛᒋᐱᔨᒡ ᒥᒐᑦ ᐊᐛᓐ ᐊ ᑯᐃᔅᑯᑕᑎᓯᑦ ᒐᒋ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ᙮

ᑯᓚᓯᔭᓇ 1:9

ᐃᔅᐱ ᒪᒃ ᑲ ᐸᒋ ᐃᑕᒋᒧᔅᑕᑯᐅᔭᒡ ᐊᐸᑉᕋᔅ ᒥᓯᐛ ᐅᔭ ᑕᓐ ᑲ ᐃᓯ ᒋᔅᒐᔨᑎᒥᐃᑕᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᒧᔅ ᒋᑦ ᐊᔭᒥᐊᔅᑎᒪᑎᓇᓐ᙮ ᓇᒪ ᓂ ᐳᓂᓇᓐ ᐊ ᐊᔭᒥᐊᔅᑎᒪᑕᒡ᙮ ᒧᔅ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᓇᔅᒡ ᒐᒋ ᒋᔅᒐᔨᑎᒺᒄ ᐅᑦ ᐃᑕᔨᑎᒧᐅᓐ᙮ ᓇᔅᒡ ᒐᒋ ᐊᔭᔭᒄ ᑭᒐᑕᐛᔨᑎᒧᐅᓐ ᑭᔭ ᓂᔅᑐᑎᒧᐅᓐ ᑕᓐ ᐊᓂᔭᔪᐛ ᐊ ᐃᓯ ᒥᔨᐛᑦ ᐸᔭᒋ ᐊᒐᐧᒄ ᒐᒋ ᒋᔅᒐᔨᑎᒪᒄ ᐅ᙮

1 ᑕᓴᓗᓂᔭᓇ 5:17

ᒧᔅ ᐊᔭᒥᐊᒄ᙮

1 ᑕᓴᓗᓂᔭᓇ 5:23

ᓇᓂᑐᑎᒧᐛᐤ ᒋᓴᒪᓂᑐᐤ ᐊᓐ ᑲ ᒥᔨᐛᑦ ᒋᔭᒪᔨᑎᒧᐅᓂᔪᐤ ᓇᔅᒡ ᒐᒋ ᐸᔭᒋᐃᑕᒄ᙮ ᓇᓂᑐᑎᒧᐛᐤ ᒋᑦ ᐊᒐᐧᑯᐛᐛ, ᑭᔭ ᒋᒥᑐᓇᔨᒋᑭᓄᐛᐛ ᑭᔭ ᒋᔪᐛᐛ ᒐᒋ ᑭᓄᐛᔨᑕᒂᒋ ᐊᑲ ᓇᔅᒡ ᒐᒂᓐ ᒐᒋ ᐃᓯ ᐊᑕᒪᔨᑕᒂᒋ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑕᓴᓗᓂᔭᓇ 5:25

ᓂᐧᑲᓂᓯᑐᒄ, ᐸᒋ ᐊᔭᒥᐊᔅᑎᒧᐅᓇᓐ᙮

ᐃᑉᕈᐛ 11:4

ᐛᔅᑭᒡ ᐊᓐᑕ, ᓇᐸᐤ ᐊᐳᓪ ᐊᒋ ᐃᓯᓂᐧᑲᓱᑦ ᒋ ᑕᑈᔭᔨᒪᐤ ᒋᓴᒪᓂᑐᐛ ᐊᓂᔭ ᒪᒃ ᐅᒋ ᒋ ᒥᑐᔅᑕᐊᒪᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᓇᔅᒡ ᒪᒃ ᒋ ᓇᐊᔨᑎᒥᐊᐤ ᒋᓴᒪᓂᑐᐛ᙮ ᐊᓂᔭ ᐅᔅᑕᓴ ᑲᐃᓐ ᑭᔭ ᐎᔾ ᒋ ᒥᑐᔅᑕᐊᒪᔪᐛ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᐊᓂᔭ ᐊᐳᓪ ᑕᓐ ᑲ ᐃᓯ ᑕᑈᔭᔨᒪᑦ ᒋᓴᒪᓂᑐᐛ ᐊᔪᐅᒄ ᐊᓂᔭ ᑲ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒪᒃ ᐅᔭ ᐛᒋ ᐃᑕᑭᓄᐅᑦ ᐊᐳᓪ ᐊᒋ ᑯᐃᔅᑯᑕᑎᓯᑦ᙮ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᓇᔅᒡ ᐊᒋ ᓇᐊᔨᒥᑯᑦ ᐛᔅ ᒋ ᐅᑎᓂᒺᐤ ᑕᓐ ᑲ ᐃᓯ ᒥᑐᔅᑕᐊᒪᔨᒋ᙮ ᐊᑯ ᒪᒃ ᐊᓄᒡ, ᐊᑎ ᓴᔅ ᐊᒋ ᓂᐱᑦ ᐊᐳᓪ, ᒋ ᒋᔅᑯᑎᒪᑯᓇᓄᐤ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ ᐊ ᒪᒥᑐᓇᔨᑎᒪᐧᒄ ᑕᓐ ᑲ ᐃᓯ ᑕᑈᑕᐧᒃ ᐎᔾ ᐊᐳᓪ᙮

ᐃᑉᕈᐛ 11:7

ᓄᐛ ᒋ ᐃᓯᓂᐧᑲᓱᐤ ᒥᓐ ᑯᑎᒃ ᓇᐸᐤ ᐊᒋ ᑕᑈᔭᔨᒪᑦ ᒋᓴᒪᓂᑐᐛ᙮ ᐃᔅᐱ ᒋᓴᒪᓂᑐᐛ ᑲ ᐎᑎᒪᑯᑦ ᑕᓐ ᒐ ᐃᔅᐱᔨᒡ ᐃᔅᒋᐳᑕᔨᒐ ᐊᔅᒋᔪᐤ, ᐊᑎ ᐊᑲ ᐅᒋ ᐛᐸᑕᐧᒃ ᐊᓂᔭ ᒐᒋ ᐃᔅᐱᔨᒡ ᐃᔅᐱ ᑲ ᐎᑎᒧᐛᑭᓄᐅᑦ, ᐃᔭᐱᒡ ᒋ ᑕᑈᑐᐛᐤ ᒋᓴᒪᓂᑐᐛ ᐊᑯ ᑲ ᒋᒋ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ ᐊᓐᑕ ᒐ ᑕᑦ ᐊ ᐸᐃᑯᔅᑲᓇᓯᑦ ᒐ ᐊᑲ ᒋ ᓂᔅᑕᐸᐛᒡ᙮ ᐊᓂᔭ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᓄᐛ ᑭᔭ ᐊᒋ ᓂᓇᐃᑐᐛᑦ, ᒋ ᐛᐸᑎᔨᐛᐤ ᒋᓴᒪᓂᑐᐛ ᒐ ᑎᐸᔅᑯᓇᔨᒋ ᑭᔭ ᒐ ᐛᐛᓯᐊᔨᒋ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐛᔅ ᓇᒪ ᐅᒋ ᐎ ᑕᑈᑎᒥᔪᐛ᙮ ᓄᐛ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒋ ᐃᓯ ᑭᓄᐛᐱᒥᑯᐤ᙮

ᐃᑉᕈᐛ 12:13

ᐊ ᑯᐃᔅᑯᒧᒋ ᒪᔅᑭᓄᐛ ᐱᒧᑕᒄ ᑭᔭ ᐊᓐᒡ ᑲ ᒪᔅᒋᐱᔨᒡ ᒐ ᒥᓏᒋᐊᑭᓄᐎᒡ ᐊᑲ ᐊᑐᐎᔅ ᒐᒋ ᒪᔅᒋᐱᔨᒡ᙮

ᐃᑉᕈᐛ 13:18

ᒋ ᐱᑯᓴᔨᒥᑎᓇᓐ ᒐᒋ ᐸᒋ ᐊᔭᒥᐊᔅᑎᒧᐅᔭᒡ᙮ ᒧᔅ ᓂ ᐎ ᐃᑐᑎᒺᓇᓐ ᐊᓂᔭ ᐊ ᐃᑕᔨᑎᒥᐃᑯᑦ ᒋᓴᒪᓂᑐᐤ ᐊ ᑯᐃᔅᑯᓇᑯᓂᔨᒡ᙮ ᐛᔅ ᐊᑯᑕ ᒐ ᐅᒋ ᒋᔅᒐᔨᑎᒪᒡ ᐊᑲ ᒐᒂᓐ ᑎᒂᒡ ᒐᒋ ᒥᒐᔨᑎᒥᐃᑯᔭᒡ᙮

1 ᐱᑕᕐ 2:24

ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮

1 ᒠᓐ 3:22

ᒋᑭ ᒥᔨᑯᓄᐤ ᒐᒂᔪᐤ ᐊ ᐃᓯ ᓂᑐᐛᔨᑎᒧᐛᐧᒄ, ᐊ ᐃᑐᑎᒪᐧᒄ ᑕᓐ ᐊ ᐃᑎᓱᒥᑕᐧᒄ ᑭᔭ ᐊ ᐃᑐᑎᒪᐧᒄ ᐊᓂᔭ ᒐᒂᔪᐛ ᓂᐊᔨᑎᒥᐃᑯᑦ᙮