ᒋᒥᔅ ᐅᒥᓯᓇᐊᒪᒐᐅᓐ 4:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᒪᐅ ᐃᔭᐱᒡ ᒋᐸ ᐃᔅᒋᔄᓐ, “ᐃᑕᔨᑕᒐ ᐅᑎᐸᔨᒋᒐᐤ, ᒋᑭ ᐱᒪᑎᓯᓇᓄᐤ᙮ ᒪᐅ ᒪᒃ ᒐ ᐊᑎ ᐃᑎᔭᐧᒄ᙮”

ᒋᒥᔅ ᐅᒥᓯᓇᐊᒪᒐᐅᓐ 4:15 Iomraidhean Croise

ᐊᑈᔅᑕᓇᒡ 18:21

ᒥᒄ ᒋ ᐃᑕᐤ ᑈᓪ, ᐃᔅᐱ ᒐ ᔅᑐᑕᑦ, “ᓂᑭ ᑎᑯᓯᓐ ᒥᓐ, ᒋᓴᒪᓂᑐᐤ ᐃᑕᔨᑕᒐ ᒥᓐ ᒐᒋ ᑎᑯᓯᓂᔭᓐ᙮” ᐊᑯ ᒂ ᐳᓯᑦ ᐅᐤᑎᔪᐤ ᐊᓐᑕ ᐅᒋ ᐃᐱᓴᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:10

ᓂᑐᑎᒧᐛᐤ ᑕᑈ ᒐᒋ ᓇᐃᐱᔨᑕᑦ ᒐᒋ ᐛᐱᒥᑎᑯᒡ, ᐎᔾ ᑭᑈ ᐊ ᐃᑕᔨᑎᒧᒂ ᒐᒋ ᐛᐱᒥᑎᑯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:32

ᒋᓴᒪᓂᑐᐤ ᒪᒃ ᓇᐊᔨᑕᒐ ᒐᒋ ᓂᑐᐛᐱᒥᑎᑯᒡ ᑭᑈ ᓇᔅᒡ ᒐ ᒥᔽᔨᑎᒪᓐ ᓂᑐᐛᐱᒥᑎᑯᒐ ᑭᔭ ᒐ ᒥᔪ ᐊᔽᐱᔭᓐ ᐊᓐᑕ ᐊ ᑕᔭᒄ ᑕᔭᓇ᙮

1 ᑯᕆᓐᑎᔭᓇ 16:7

ᓇᒪ ᐊᓄᒡ ᒋ ᐎ ᐸᒋ ᓂᑐᐛᐱᒥᑎᓇᐛᐤ᙮ ᐛᔅ ᐊᑎ ᐊᓄᒡ ᓂᑐᐛᐱᒥᑎᑯᒡ ᒥᒄ ᐛᐃᐱᔅᒋᔅ ᓂᐸ ᒋ ᑕᓐ᙮ ᓂ ᐱᑯᓴᔨᑕᓐ ᒪᒃ ᓇᐅᓴᓯᔅ ᒐᒋ ᑕᔭᓐ ᐊᓐᑕ ᐊ ᑕᔭᒄ ᐃᑕᔨᑕᒐ ᐅᑎᐸᔨᒋᒐᐤ ᒐᒋ ᑕᐅᒡ ᐊᓐᑕ ᐊ ᑕᐛᒄ᙮

1 ᑯᕆᓐᑎᔭᓇ 4:19

ᒥᒄ ᒪᒃ ᐎᐱᒡ ᒋᑭ ᐸᒋ ᓂᑐᐛᐱᒥᑎᓇᐛᐤ, ᐅᑎᐸᔨᒋᒐᐤ ᓂᑐᐛᔨᒥᒐ ᒐᒋ ᓂᑐᐛᐱᒥᑎᑯᒡ᙮ ᐊᑯ ᒪᒃ ᒐ ᓂᑐ ᒋᔅᒐᔨᒥᒂᐤ ᐅᒡ ᒋᒋᐛ ᑲ ᐃᑕᔨᒥᓱᒡ ᑕᑈ ᑲ ᒥᔨᑯᐛᒂ ᒋᓴᒪᓂᑐᐛ ᓱᐧᑲᑎᓯᐅᓂᔪᐤ ᒪᒃ ᓴᒐᔾ ᒥᒄ ᐊ ᐃᔅᒋᔄᐛᒂᓂᒋ ᐊᓂᔭ ᑕᓐ ᐊ ᐃᔅᒋᔄᒡ᙮

ᐃᑉᕈᐛ 6:3

ᓱᒃ ᐊᑐᐎᔅ ᐎ ᒋᔅᒐᔨᑕᑕᐤ ᑕᓐ ᐊ ᐃᓯ ᓂᑐᐛᔨᒥᑕᐧᒃ ᒋᓴᒪᓂᑐᐤ ᒐᒋ ᐃᓯ ᒋᔅᒐᔨᑎᒪᐧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 4:16

ᒥᒄ ᒪᒃ ᒋᒋᐛ ᒋᑦ ᐃᑕᔨᒥᓱᓇᐛᐤ ᑭᔭ ᒋ ᒪᒥᔽᒋᒥᓱᓇᐛᐤ᙮ ᒪᔭᑎᓐ ᐊᓐ ᐊ ᐃᑎᔭᒄ ᐊ ᒪᒥᔽᒋᒥᓱᔭᒄ᙮