ᒋᒥᔅ ᐅᒥᓯᓇᐊᒪᒐᐅᓐ 4:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒥᒄ ᐸᐃᒄ ᐊᐛᓐ ᒋ ᒥᔨᐛᐤ ᐎᓱᐛᐅᓂᔪᐤ᙮ ᐊᐅᒄ ᒪᒃ ᒥᒄ ᒐᒋ ᑎᐸᔅᑯᓂᒐᑦ᙮ ᐎᔾ ᒥᒄ ᒋᑭ ᒋ ᐱᒪᒋᐃᐛᐤ ᑭᔭ ᐎᔾ ᒥᒄ ᒋᑭ ᒋ ᓂᓱᐅᓇᒋᐃᐛᐤ᙮ ᐊᐛᓐ ᒪᒃ ᒋᔾ ᒐᒋ ᑎᐸᔅᑯᓂᑦ ᑯᑎᒃ ᐊᐛᓐ ?

ᒋᒥᔅ ᐅᒥᓯᓇᐊᒪᒐᐅᓐ 4:12 Iomraidhean Croise

ᒪᑎᔪᐤ 10:28

ᐊᑲᐎᔾ ᑯᔅᑕᐧᑯᒡ ᐊᐛᓐᒋ ᑲ ᓂᐸᐊᒡ ᐊᐛᔪᐛ᙮ ᒋᑭ ᒋ ᓂᐸᐊᐅᒡ ᐊᐛᔪᐛ ᑭᔭ ᒋᑭ ᒋ ᓂᓱᐅᓇᒋᑕᐅᒡ ᒥᔭᔪᐤ ᒥᒄ ᒪᒃ ᓇᒪ ᒋᑭ ᒋ ᓂᓱᐅᓇᒋᐊᐅᒡ ᐊᒐᒂ᙮ ᒋᓴᒪᓂᑐᐤ ᒪᒃ ᐊᐅᒄ ᑯᔅᐱᓂᔅᑐᐛᐧᒄ ᐊᓐ ᒐᒋ ᓂᓱᐅᓇᒋᑕᑦ ᒥᔭᔪᐤ ᑭᔭ ᐊᒐᒂ ᒐᒋ ᔭᔪᐅᑕᑦ ᒥᒋ ᐃᔅᑯᑕᒡ᙮

ᓗᒃ 12:5

ᒋ ᐸᒋ ᐎᑎᒪᑎᓇᐛᐤ ᐊᐛᓐ ᐊᓐ ᐊᐅᒄ ᒋᐸ ᑯᔅᑕᐛᐤ᙮ ᒋᓴᒪᓂᑐᐤ ᐊᐅᒄ ᐊ ᐃᑕᔨᑕᑯᓯᑦ ᒐᒋ ᑯᔅᑕᒄ ᐛᔅ ᐎᔾ ᐊᔭᐤ ᑎᐸᔨᒋᒐᐅᓂᔪᐤ ᒐᒋ ᐃᓯ ᐛᐱᓇᑕᒄ ᒥᒋ ᐃᔅᑯᑕᒡ ᐃᔅᐱ ᓂᐱᔭᒂ᙮ ᓂᐦᐃ, ᓂᑐᑐᐅᒄ ᐊᐅᒄ ᐅ ᑕᑈ ᒋᓴᒪᓂᑐᐤ ᒋᐸ ᑯᔅᑕᐛᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:13

ᐊᑯᓐ ᐊᑯ ᐃᔅᐱᔅ ᑎᐸᔅᑯᓂᑐᑕᐤ᙮ ᐃᔭᐱᒡ ᒋᐸ ᐃᓯ ᐎᔭᔨᑕᓇᓄᐤ ᒐ ᐊᑲ ᐅᒋ ᐃᑐᑎᒪᐧᒄ ᒐᒂᓐ ᒐᒋ ᐃᑐᑕᑯᑦ ᒋᐧᑲᓂᓯᓄᐤ ᒐᒋ ᒥᒋᑐᑕᐧᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:4

ᐊᐛᓐ ᒋᔾ ᑲ ᐎ ᑎᐸᔅᑯᓂᒥᑎ ᑯᑎᒃ ᐊᐛᓐ ᐅᑦ ᐊᐱᒋᐊᑭᓇ᙮ ᐊᓐᒡ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᑲ ᒥᒋᒡ ᐊᑐᔅᑯᐛᐅᒡ ᒋᓴᒪᓂᑐᐛ᙮ ᒥᒄ ᐅᒋᒪᒪ ᒋᑭ ᐎᔭᔨᑎᒥᔪᐛ ᑯᐃᔅᒄ ᐊ ᑎᒂ ᒪᒃ ᐊᑲ ᑯᐃᔅᒄ ᐊ ᑎᒂ᙮ ᑯᐃᔅᒄ ᒪᒃ ᒋᑭ ᐃᑐᐤ ᐛᔅ ᑭᔅᒋᐅᔪᐛ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑯᑦ ᑕᑈᑎᒧᐅᓂᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:1

ᐊᐅᒄ ᒪᒃ ᐅ ᐛᒋ ᐊᑲ ᓇᔅᒡ ᐃᓯᓇᒂᒡ ᒐᒋ ᑎᐸᔅᑯᓂᑦ ᐊᐛᓐ᙮ ᐛᔅ ᒧᔭᒻ ᐊ ᑎᐸᔅᑯᓂᑥᐤ ᐊᐛᓐᒋ, ᒋᔾ ᒪᒃ ᐊ ᐃᑐᑎᒧᐅᓇ ᐊᓂᔭ ᑲ ᐃᓯ ᑎᐸᔅᑯᓂᑥᐤ, ᒋᔾ ᑎᐱᔨᐛ ᒋ ᓂᓱᐅᓇᒋᒥᓱᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:20

ᐊᐛᓐ ᒪᒃ ᐊ ᐃᑕᔨᒥᓱᔨᓐ ᒋᔾ ᐅᔭᔪᐤ ᑲ ᐃᓯ ᐎᑎᒪᐅᑦ ᒋᓴᒪᓂᑐᐤ ? ᒋᑭ ᒋ ᐊ ᐃᔅᒋᔄᒥᑭᓐ ᐊᓐ ᐊᓯᔅᒍᐤ ᐳᑎᔾ ᑲ ᐎᔅᒍᒋᓂᑭᓄᐅᒡ, “ᒐᒂᓐ ᐅ ᐛᒋ ᐃᓯᐃᔨᓐ ?”

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

ᒋᒥᔅ ᐅᒥᓯᓇᐊᒪᒐᐅᓐ 5:9

ᐊᑲᐎᔾ ᒪᒪᒡ ᐃᑎᑐᒄ, ᓂᐧᑲᓂᓯᑐᒄ, ᑭᔭ ᓇᒪ ᒋᑭ ᐅᒋ ᑎᐸᔅᑯᓂᑯᓇᐛᐤ᙮ ᓴᔅ ᒥᒋᒪ ᐸᒋ ᑕᐤ ᑎᐸᔅᑯᓂᒐᓱᐤ, ᓴᔅ ᒐᑲᑦ ᓄᑯᓱᐤ᙮