ᒋᒥᔅ ᐅᒥᓯᓇᐊᒪᒐᐅᓐ 4:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᑕᓐᑕ ᐛᒋᐱᔨᒡ ᐊᓐ ᐊ ᒪᓯᐃᑐᔭᒄ ᑭᔭ ᐊ ᐊᔭᔅᑕᒥᑐᔭᒄ ? ᐱᒡ ᐊᓐᑕ ᐊ ᑕᑦ ᐊᐛᓐ ᒧᔭᒻ ᐊ ᒪᓯᒐᐱᔨᒋ ᐃᓯᓇᑯᓂᔪᐛ ᐊᓂᔭ ᒐᒂᔪᐛ ᑲ ᒧᔅᑕᓇᔨᑕᐧᒃ ᒐᒋ ᓂᓇᐊᔨᑎᒥᐃᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 4:1 Iomraidhean Croise

ᒪᑎᔪᐤ 15:19

ᐛᔅ ᒥᑕᐃᒡ ᐅᒋᐱᔪᐤ ᒥᒋ ᒪᒥᑐᓇᔨᑎᒧᐅᓐ, ᓂᐸᐃᐛᐅᓐ, ᐱᓯᒂᑎᓯᐅᓐ, ᓂᑎᒥᒄ ᐃᑐᐅᓐ, ᑭᒐᒧᑐᐅᓐ, ᑭᑭᒋᔪᐅᓐ, ᑭᔭ ᐸᔅᑕᒧᐅᓐ᙮

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:23

ᐊᑯ ᒥᒄ ᒪᐅ ᐊ ᐃᓯ ᐛᐸᑎᒪᓐ ᒧᔅ ᐊ ᐎ ᐃᔅᐱᔨᔭᓐ᙮ ᑎᑯᓐ ᐊ ᐃᓯ ᒪᓯᒐᐱᔨᒡ ᐅᑕ ᐊ ᑕᔭᓐ, ᐊᓐ ᐊ ᐎ ᒥᔪᑐᑎᒪᓐ ᑭᔭ ᐊᓐ ᐊ ᐎ ᒥᒋᑐᑎᒪᓐ ᒪᓯᒐᐱᔨᐛ᙮ ᐊᓐ ᒪᒃ ᒧᔅ ᐊ ᑎᒂᒡ ᐊ ᐎ ᒥᒋᑐᑎᒪᓐ ᐊᐅᒄ ᑕᐸᔨᒥᑯᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:5

ᐛᔅ ᐊᔅᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᐊᒋ ᑎᐸᔨᒥᑯᔭᐧᒄ, ᐊᓐ ᒪᒃ ᐊ ᑎᒂᒡ ᐎᓱᐛᐅᓐ ᑭᔭ ᐊᒋ ᒋᔅᒐᔨᑎᒪᐧᒄ ᐊᓐ ᐎᓱᐛᐅᓐ, ᐊᑯᑕ ᑲ ᐅᒋᐱᔨᒡ ᐊᓐ ᐊ ᒧᔅᒋᐱᔨᒡ ᒐᒋ ᒥᒋᑐᑎᒪᐧᒄ᙮ ᐅ ᒪᒃ ᐊᒋ ᐃᓯ ᐱᒪᑎᓯᔭᐧᒄ ᒧᔭᒻ ᐊ ᓂᐱᔭᐧᒄ ᔅᒋ ᐃᓯᓇᑯᓯᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:7

ᐛᔅ ᐊᓐᒡ ᓂᑎᒥᒄ ᒐᒋ ᐃᓯ ᓂᓇᐊᔨᑎᒥᐃᓱᒡ ᑲ ᐃᓯ ᒪᒥᑐᓇᔨᑕᒡ ᓂᔅᑯᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᐃᑐᑎᒺᐅᒡ ᑕᓐ ᐊ ᐃᑎᓱᐛᔨᒋ᙮ ᓇᒪ ᐛᐛᒡ ᒋ ᐃᑐᑎᒺᐅᒡ᙮

ᑲᓚᓯᔭᓇ 5:17

ᐛᔅ ᐊᓂᔭ ᐊ ᐃᓯ ᓂᑐᐛᔨᒥᑕᐧᒄ ᑲ ᐸᔭᒋᓯᑦ ᐊᒐᐧᒄ ᒐᒋ ᐃᓯ ᐱᒪᑎᓯᔭᐧᒄ ᓇᒪ ᒋ ᓇᐊᔨᑕᓇᓄᐤ ᒐᒋ ᐃᑐᑎᒪᐧᒄ᙮ ᓇᔅᒡ ᑕᑈ ᐃᔭᒡ ᐃᑕᔨᑕᑯᓐ ᒋᔭᓄᐤ ᑕᓐ ᐛ ᐃᓯ ᐱᒪᑎᓯᔭᐧᒄ ᐊ ᐃᑕᔨᑕᑯᓂᔨᒡ ᑲ ᐸᔭᒋᓯᑦ ᐊᒐᐧᒄ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐱᒪᑎᓯᐛᐧᒄ᙮ ᒪᓯᐃᑐᒥᑭᓇ ᐅᔭ ᓂᓱ ᐃᑕᔨᑎᒧᐅᓇ ᐅᑕ ᐊ ᐃᑕᔭᐧᒄ᙮ ᐊᑯ ᒪᒃ ᑲ ᐸᔭᒋᓯᑦ ᐊᒐᐧᒄ ᐛ ᓇᑲᐅᑕᐧᒄ ᐊ ᐎ ᒥᒋᑐᑎᒪᐧᒄ᙮

ᑯᓚᓯᔭᓇ 3:5

ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮

2 ᑎᒧᑎ 2:23

ᐊᑲᐎᔾ ᓇᓂᑐᑕ ᓂᑎᒥᒄ ᐃᔨᒧᐅᓇ ᑭᔭ ᒋᔎ ᐃᔨᒧᐅᓐ, ᐛᔅ ᐊᑯᑕ ᐛᒋᐱᔨᒡ ᒐᒋ ᐅᒋ ᒥᒋᐱᔨᐃᑐᓇᓄᐅᒡ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

ᑕᐃᑕᔅ 3:9

ᑕᐅᒡ ᐊᐛᓐᒋ ᐊ ᒥᒋᐱᔨᒡ ᐊ ᐊᔨᒧᑕᒡ ᒍᐤ ᐃᔪᐤ ᐎᓱᐛᐅᓇ ᑕᓐ ᐊᓂᔭᔪᐛ ᒋᐸ ᑭᓄᐛᔨᑕᑭᓄᐅᔪᐛ ᑭᔭ ᐊ ᐊᔨᒧᑕᒡ ᑕᓐ ᐊ ᐃᑎᔅᑲᑐᔨᒋ ᐅᑦ ᐊᓂᔅᒐ ᐛᐧᑯᒪᑭᓄᐛᐛ᙮ ᐊᑲᐎᔾ ᐊᐱᑕᔨᑎᒧᒄ ᒐᒋ ᐊᔨᒧᑎᒪᒄ ᐅᔭ ᒐᒂᔪᐛ ᐛᔅ ᑕᐸ ᐎᔭᔅ ᐃᑕᐱᑎᓇ ᑭᔭ ᓇᒪ ᓇᔅᒡ ᐎᒋᐃᑯᐅᒡ ᐊᐛᓐᒋ᙮

ᒋᒥᔅ ᐅᒥᓯᓇᐊᒪᒐᐅᓐ 1:14

ᑯᒂᒋᐊᑭᓄᐤ ᐊᐛᓐ ᒐᒋ ᒥᒋᑐᑕᐧᒃ ᐃᔅᐱ ᐸᔅᒐᐱᑎᑯᒋ ᐎᔾ ᑎᐱᔨᐛ ᐅᒥᒋ ᓂᑐᐛᔨᑎᒧᐅᓐ ᑭᔭ ᐊ ᑯᒂᑕᔨᑕᐧᒃ ᒐᒋ ᒥᒋᑐᑕᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 4:3

ᐊ ᓂᑐᑎᒪᔭᒄ ᓇᒪ ᒋ ᒥᔅᑲᓇᐛᐤ ᑕᓐ ᑲ ᐃᓯ ᓂᑐᑎᒪᔭᒄ, ᐛᔅ ᓇᒪ ᒥᔽᓱᐤ ᒐᒂᓐ ᐛᒋ ᓂᑐᐛᔨᑎᒪᒄ ᐅᔭ ᒐᒂᔪᐛ᙮ ᒋ ᓂᑐᐛᔨᑕᓇᐛᐤ ᒐᒂᔪᐛ ᒥᒄ ᒋᔨᐛᐤ ᒐᒋ ᓂᓇᐊᔨᑎᒥᐃᓱᔭᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒪᒄ᙮

1 ᐱᑕᕐ 1:14

ᓱᒃ ᓂᓇᐃᑐᐛᐧᒄ ᒋᓴᒪᓂᑐᐤ᙮ ᐊᑲᐎᔾ ᒥᓐ ᒋᑭ ᐅᒋ ᓂᑕᐅᒋᒥᑭᓐ ᑕᓐ ᑲᒋ ᐃᓯ ᒥᒋ ᓇᓂᑐᐛᔨᑎᒪᒄ ᐊᓐᑕ ᐅᑕᒡ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᐊᔨᒪᔨᑎᒥᐃᑯᔭᒄ ᑭᔭ ᐊᔅᒄ ᐊᑲ ᐅᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

1 ᐱᑕᕐ 2:11

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ᒪᓐᑕᐅᓇᐛᐤ ᑭᔭ ᒥᒄ ᒋ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮

2 ᐱᑕᕐ 3:3

ᓂᔅᑎᒻ ᒪᒃ ᒐᒂᓐ ᐛ ᐃᑎᑎᑯᒡ, ᒐ ᐎ ᒋᔅᒋᓯᔭᒄ ᐃᔅᐱ ᐊᑎ ᐸᓱᓇᑯᒐ ᒐ ᑎᑯᓯᐧᒃ ᐅᑎᐸᔨᒋᒐᐤ, ᒋᑭ ᑕᐅᒡ ᒪᔭᔨᒐᓱᐅᒡ, ᓇᔅᒡ ᒋᑭ ᑎᐸᔨᒥᑯᐅᒡ ᐅᒥᒋᓂᑐᐛᔨᑎᒧᐅᓄᐛᐛ ᐅᒡ᙮ ᒋᑭ ᒪᔭᔨᒥᑯᐛᐅᒡ᙮