ᒋᒥᔅ ᐅᒥᓯᓇᐊᒪᒐᐅᓐ 3:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒋᑐᓄᐤ ᒋᑦ ᐊᐱᒋᑕᓇᓄᐤ ᐊ ᒪᒥᒋᒪᐧᒄ ᒋᑎᐸᔨᒋᒐᓯᒥᓄᐤ ᑭᔭ ᒍᑕᐎᓄᐤ, ᐊᐅᑯᓐ ᑭᔭ ᐃᔭᐱᒋᑕᔭᐧᒄ ᐊ ᒥᒋ ᐊᔨᒧᒪᐧᑯᒡ ᐊᐛᓐᒋ, ᐊᓂᔭᔪᐛ ᒋᓴᒪᓂᑐᐤ ᑲ ᐅᓯᐊᑦ ᒧᔭᒻ ᐎᔾ ᐊ ᐃᓯᓇᑯᓯᑦ ᒐᒋ ᐃᓯᓇᑯᓯᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 3:9 Iomraidhean Croise

ᒐᓂᓯᔅ 5:1

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᐊᑕᒻ ᐅᑦ ᐊᓂᔅᑯᑕᐸᓇ, ᓇᐸᐤ ᒧᔭᒻ ᒋᓴᒪᓂᑐᐛ ᑲ ᐃᓯᓇᑯᔅᑦ ᐅᔅᑭᒡ ᑲ ᐅᓯᐊᑭᓄᐅᑦ᙮

ᒐᓂᓯᔅ 9:6

ᑭᔭ ᒥᓱᐤ ᐊᐛᓐ ᐅᑎᓂᒺᒐ ᑯᑎᑲ ᐊᐛᔪᐛ ᐅᑦ ᐃᔪᐅᓂᔪᐤ, ᐊᓐ ᐊᐛᓐ ᒋᑭ ᐱᔅᑎᓇᑭᓄᐤ ᓂᐳᐅᓂᒡ; ᐛᔅ ᒋ ᐃᑐᑐᐛᐤ ᒋᓴᒪᓂᑐᐤ ᐊᐛᔪᐛ ᒐ ᓂᔅᐱᑕᑯᑦ᙮

ᑎᐱᑦ ᐅᓂᑭᒧᐅᓇ 10:7

ᐅᑐᓂᒡ ᓴᑭᔅᒋᓇᔪᐤ ᒪᒐᒋᒧᐛᐅᓂᔪᐤ, ᑭᔭ ᑭᑭᒋᔭᐅᓂᔪᐤ, ᑭᔭ ᐛᔭᓯᐃᐛᐅᓂᔪᐤ: ᓯᐸ ᐅᑕᔨᔨᒡ ᑎᒂᓂᔪᐤ ᑭᔭᓯᐃᐛᐅᓂᔪᐤ ᑭᔭ ᓂᑐᐎᔾ ᒐᒂᔪᐤ᙮

ᑎᐱᑦ ᐅᓂᑭᒧᐅᓇ 108:1

ᐅ ᒋᓴᒪᓂᑐᐤ, ᐅᔭᔅᑕᐤ ᓂᑕᐃ; ᓂᑭ ᓂᑭᒧᓐ ᑭᔭ ᓂᑭ ᒪᒥᒋᒧᐛᓐ, ᓂᒋᔅᑕᔨᑕᑯᓱᐅᓐ ᐅᑎ ᐅᒡ᙮

ᑎᐱᑦ ᐅᓂᑭᒧᐅᓇ 145:1

ᒋᑭ ᒋᔅᑕᒋᒥᑎᓐ, ᓂᒋᓴᒪᓂᑐᒻ, ᐅ ᒋᓴᐅᒋᒪᐤ; ᑭᔭ ᓂᑭ ᒥᔽᒋᑕᓐ ᒋᑦ ᐃᓯᓂᐧᑲᓱᐅᓐ ᒧᔅ ᑲᒋᒡ᙮

ᑎᐱᑦ ᐅᓂᑭᒧᐅᓇ 145:21

ᓂᑐᓂᒡ ᓂᑭ ᐅᒋ ᐊᔨᒧᑎᒺᓐ ᐅᒪᒥᒋᒥᑯᓯᐅᓐ ᑎᐸᔨᒋᒐᓱᐤ: ᐊᑯᔅ ᒪᒃ ᒥᓯᐛ ᑲ ᐎᔭᓯᒡ ᒋᑭ ᒥᔽᒋᑎᒺᐅᒡ ᐅᐸᔭᒋ-ᐃᓯᓂᐧᑲᓱᐅᓂᔪᐤ ᑲᒋᒡ ᑭᔭ ᑲᒋᒡ᙮

ᑎᐱᑦ ᐅᓂᑭᒧᐅᓇ 16:9

ᐊᐅᒄ ᐅᒡ ᓂᑕᔨᔾ ᓯᒋᔭᓯᒥᑭᓐ, ᑭᔭ ᓂᒋᔅᑕᔨᑕᑯᓱᐅᓐ ᒥᔽᑎᒧᒥᑭᓐ: ᓂᔭᔅ ᑭᔭ ᒋᑭ ᐊᔽᐱᒥᑭᓐ ᐊᔅᐸᔨᒧᐅᓂᒡ᙮

ᑎᐱᑦ ᐅᓂᑭᒧᐅᓇ 30:12

ᓂᒋᔅᑕᔨᑕᑯᓱᐅᓐ ᐊ ᓂᑭᒧᒥᑲᒡ ᒐᒋ ᒪᒥᒋᒥᑯᔨᓐ, ᒐ ᐊᑲ ᑭᔭ ᒋᐱᑐᐛᒥᑲᒡ᙮ ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋᑭ ᓂᓇᔅᑯᒥᑎᓐ ᑲᒋᒡ᙮

ᑎᐱᑦ ᐅᓂᑭᒧᐅᓇ 34:1

ᒧᔅ ᓂᑭ ᒪᒥᒋᒪᐤ ᑎᐸᔨᒋᒐᓱᐤ: ᐅᒪᒥᒋᒥᑲᓯᐅᓐ ᓇᓂᑎᒻ ᒋᑭ ᑎᒂᓂᔪᐤ ᓂᑐᓂᒡ᙮

ᑎᐱᑦ ᐅᓂᑭᒧᐅᓇ 35:28

ᓂᑕᔨᔨᒡ ᒪᒃ ᓂᑭ ᐅᒋ ᐊᔨᒧᑕᓐ ᒋᑯᐃᔅᑯᑕᑎᓯᐅᓐ ᑭᔭ ᒋᒪᒥᒋᒥᑯᓯᐅᓐ ᒧᔅ ᐃᔅᑭᓐ ᒋᓯᑲᐛ᙮

ᑎᐱᑦ ᐅᓂᑭᒧᐅᓇ 51:14

ᐎᐧᑯᒋᐃ ᑲ ᒥᐧᑯᐤ ᐅᓂᑐᑎᒧᐅᓐ ᐅᒡ, ᐅ ᒋᓴᒪᓂᑐᐤ, ᒋᔾ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓐ: ᑭᔭ ᓂᑕᔨᔨᒡ ᓂᑭ ᒋᔄᐛ ᓂᑭᒧᑕᓐ ᒋᑯᐃᔅᑯᑕᑎᓯᐅᓐ᙮

ᑎᐱᑦ ᐅᓂᑭᒧᐅᓇ 57:8

ᑯᔅᑯᓯ, ᓂᒋᔅᑕᔨᑕᑯᓱᐅᓐ; ᑯᔅᑯᓯ, ᐊᓴᑭᓇᔭᐱ ᒋᔍᐛᐱᒋᑭᓂᔅ ᑭᔭ ᓴᑭᓇᔭᐱᔾ ᒋᔍᐛᐱᒋᑭᓐ; ᓂᔾ ᒋᒋᐛ ᐎᐱᒡ ᓂᑭ ᐸᑯᐱᔨᓐ᙮

ᑎᐱᑦ ᐅᓂᑭᒧᐅᓇ 59:12

ᐅᒥᒋᑥᐅᓄᐛᐤ ᐅᑐᓄᐛᒡ ᐅᒡ, ᑭᔭ ᐅᑦ ᐃᔨᒧᐅᓄᐛᐛ ᐅᒋ ᐊᑯᔅ ᒋᑭ ᓂᒂᓱᐅᒡ ᐅᒋᔅᑕᔨᒧᐅᓄᐛᒡ: ᑭᔭ ᒪᒐᒋᒧᐛᐅᓐ ᑭᔭ ᑭᑭᒋᔭᐅᓐ ᐅᒋ ᑲ ᐃᔨᒥᒡ᙮

ᑎᐱᑦ ᐅᓂᑭᒧᐅᓇ 62:4

ᒥᒄ ᓯᒋᒥᑐᒡ ᐅᑦ ᐃᔅᐸᔨᑕᑯᓱᓂᒡ ᒐᒋ ᐅᒋ ᓂᒋᐛᐳᐛᒡ; ᒥᔽᔨᑎᒧᒡ ᑭᑭᒋᔭᐅᓇ; ᐅᑐᓄᐛᒡ ᐅᒋ ᒥᔽᒋᒧᐛᐅᒡ, ᒪᒃ ᐱᒋᔪᐤ ᒪᒐᒋᒧᐛᐅᒡ᙮

ᑎᐱᑦ ᐅᓂᑭᒧᐅᓇ 63:4

ᐊᐅᑯᐤ ᒐ ᐃᓯ ᒪᒥᒋᒥᑕᓐ ᒐ ᐃᔅᐱᔅ ᐱᒪᑎᓯᔭᓐ: ᓂᑭ ᐅᐱᓇᓐ ᓂᑎᒋᔭ ᒋᑦ ᐃᓯᓂᐧᑲᓱᐅᓂᒡ᙮

ᑎᐱᑦ ᐅᓂᑭᒧᐅᓇ 71:24

ᓂᑕᔨᔾ ᑭᔭ ᒋᑭ ᐊᔨᒧᑎᒧᒥᑭᓐ ᒋᑯᐃᔅᑯᑕᑎᓯᐅᓐ ᒥᓯᐛ ᐃᔅᑭᓐ ᒋᓯᑲᐛ: ᐛᔅ ᐛᐛᓇᔨᑕᒪᐊᑭᓄᐅᒡ, ᐛᔅ ᓴᒂᔨᒧᐊᑭᓄᐅᒡ, ᐊᓐᒡ ᑲ ᐎ ᒥᒋᑐᑐᐅᒡ᙮

ᒪᑎᔪᐤ 26:74

ᐱᑕᕐ ᒪᒃ ᒋ ᐃᑕᐤ, “ᑕᑈ ᐛᔅ ᐊᓐ, ᓇᒪ ᓂ ᒋᔅᒐᔨᒪᐤ ᐊᓐ ᓇᐸᐤ᙮ ᐊᑯᔅ ᓂᑭ ᐛᐛᓯᐃᒄ ᒋᓴᒪᓂᑐᐤ ᓂᑎᒥᒄ ᐊ ᐃᔅᒋᔄᐛᓇ᙮” ᐊᑯᑕ ᒪᒃ ᐊᓐᑕ ᑎᐛᒡ ᒂ ᐅᒋ ᒋᔅᑐᑦ ᓇᐸ ᐱᑲᒂᓐ᙮

ᒪᑎᔪᐤ 5:44

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᓴᒋᐊᐧᑯᒡ ᐊᓐᒡ ᑲ ᐛᐧᑲᑎᑕᑯᒡ ᑭᔭ ᐊᔭᒥᐊᔅᑎᒧᐛᐧᑯᒡ ᐊᓐᒡ ᑲ ᓂᓇᐧᑲᒋᐃᑕᑯᒡ,

ᐊᑈᔅᑕᓇᒡ 2:26

ᐊᐅᒄ ᒪᒃ ᐛᒋ ᓇᔅᒡ ᒥᔽᔨᑎᒪᓐ ᓂᑕᐃᒡ ᑭᔭ ᓂ ᒧᒋᒐᔨᑕᓐ ᐊ ᐃᔨᒥᔭᓐ᙮ ᐊᑎ ᒪᒃ ᒐ ᓂᐱᔭᓐ, ᓇᒪ ᓂᑦ ᐊᔨᒪᔨᑕᓐ ᐛᔅ ᓂᑦ ᐊᔅᐸᔨᒧᓐ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:14

ᐱᓯᒄ ᒋᓱᐤ ᐃᔨᒧᐅᒡ᙮ ᑭᔭ ᐱᓯᒄ ᐛᐧᑲᑕᐅᒡ ᐊᐛᔪᐛ᙮

1 ᑯᕆᓐᑎᔭᓇ 11:7

ᐊᑯ ᒪᒃ ᐎᔾ ᓇᐸᐤ ᓇᒪ ᒋᐸ ᐅᒋ ᒋᑭᔅᑐᑎᓇᐤ ᐛᔅ ᓄᑯᑕᐛᐤ ᒋᓴᒪᓂᑐᐛ ᐅᑦ ᐃᑕᔨᑕᑯᓱᐅᓂᔪᐤ ᑭᔭ ᐅᒋᔅᑕᔨᑕᑯᓱᐅᓂᔪᐤ᙮ ᐊᑯ ᒪᒃ ᐎᔾ ᐃᔎᐤ ᐊᓱ ᓄᑯᑕᐛᐤ ᑕᓐ ᐊ ᐃᓯ ᒋᔅᑕᔨᑕᑯᓯᔨᒋ ᐅᓇᐸᒪ᙮

ᐃᐱᓯᔭᓇ 1:3

ᓂᓇᔅᑯᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐎᒐᐅᒪᐧᑯ ᙭ᑕ, ᒋᓴᒪᓂᑐᐤ ᔅᒋ ᓱᐛᔨᒥᑯᓄᐤ ᐊᒋ ᒥᔨᑕᐧᒄ ᒥᓯᐛ ᐊᒐᐧᒄ ᓱᐛᔨᒋᒐᐅᓇ ᑕᓐ ᐊ ᐃᓯ ᑎᒂᒋ ᒋᒋᒋᓯᑯᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:27

ᐊᓐ ᐊᔭᒥᐊᐅᓐ ᑲ ᐃᑕᔨᑕᐧᒃ ᒋᓴᒪᓂᑐᐤ ᑲ ᐅᑕᐎᒪᐅᑦ ᐊ ᑯᐃᔅᑯᓇᑯᓂᔨᒡ ᑭᔭ ᐊ ᐸᔭᒋᓇᑯᓂᔨᒡ ᒪᐅ ᐊ ᐃᓯᓇᒂᒡ, ᐃᑐᑕᑯᐤ ᐊᐛᓐ ᒐᒋ ᒥᔪ ᐎᒋᐊᑦ ᒋᐅᓴᓂᓴ ᑭᔭ ᑲ ᐸᐃᑯᓯᔨᒋ ᐃᔎᐛ ᒪᒂᒡ ᐊ ᐊᔨᒥᐅᔨᒋ ᑭᔭ ᐃᑐᑕᑯᐤ ᐊᐛᓐ ᐊᑲ ᓇᔅᒡ ᒐᒋ ᐎᓂᐃᑯᑦ ᒥᒐᑎᓯᐅᓂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮

ᒋᒥᔅ ᐅᒥᓯᓇᐊᒪᒐᐅᓐ 3:10

ᐸᐃᑯᓐ ᐊᓐ ᒥᑐᓐ ᐊᓐᑕ ᐛᒋ ᒪᒥᒋᒪᑭᓄᐅᑦ ᒋᓴᒪᓂᑐᐤ ᑭᔭ ᐊ ᐅᒋ ᒥᒋ ᐊᔨᒧᒪᑭᓄᐎᒡ ᐊᐛᓐᒋ᙮ ᓂᐧᑲᓂᓯᑐᒄ, ᓇᒪ ᒋᐸ ᐅᒋ ᐃᓯᓇᑯᓐ ᐅ᙮

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,