ᒋᒥᔅ ᐅᒥᓯᓇᐊᒪᒐᐅᓐ 3:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒥᓯᐛ ᐊᐛᓐ ᒥᒐᑥᐤ ᐅᓂᐱᔪᐤ᙮ ᐊᓐ ᐊᐛᓐ ᐊᑲ ᓂᑕ ᐅᓂᐱᔨᑦ ᑕᓐ ᐊ ᐃᔅᒋᔄᑦ ᓇᒪ ᑎᑯᓂᔪᐤ ᒥᒐᑎᓯᐅᓂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᒋ ᐃᑐᐤ ᒐᒋ ᓂᓇᑭᑐᐛᔨᑕᐧᒃ ᒥᓯᐛ ᑕᓐ ᐊ ᐃᑎᑦ᙮

ᒋᒥᔅ ᐅᒥᓯᓇᐊᒪᒐᐅᓐ 3:2 Iomraidhean Croise

ᑎᐱᑦ ᐅᓂᑭᒧᐅᓇ 34:13

ᑭᓄᐛᔨᑕ ᒋᑕᔨᔾ ᑲ ᒪᔭᑎᒡ ᐅᒡ, ᑭᔭ ᒋᑐᓐ ᒐ ᐊᑲ ᒋ ᒥᒋᐃᔨᒥᒥᑭᒡ᙮

ᑎᐱᑦ ᐅᓂᑭᒧᐅᓇ 39:1

ᓂᒋ ᐃᔅᒋᔄᓐ, “ᓂᑭ ᐃᔭᒂᒥᓯᓐ ᐊ ᐃᑕᑎᓯᔭᓐ, ᒐ ᐊᑲ ᒋ ᒥᒋ ᐊᐃᑎᔭᓐ ᓂᑕᔨᔨᒡ: ᓂᑭ ᒋᐱᑐᓇᐱᑎᓱᓐ, ᒪᒂᒡ ᐅᒥᒋᑥᐅᒡ ᐊ ᐅᑎᔅᑲᐎᔅᑯᐅᒡ᙮”

ᒪᑎᔪᐤ 12:34

ᑕᓐᑕ ᒐᒋ ᐅᒋ ᐃᔅᒋᔄᔭᒄ ᒐᒂᓐ ᐊ ᒥᔪᑕᒂᒡ ᐊ ᒥᒐᑎᓯᔭᒄ ᒪᒃ ᒧᔭᒻ ᒋᓇᐱᑯᒡ ᐊ ᐃᑕᔨᑕᑯᓯᔭᒄ᙮ ᑕᓐ ᐊ ᐃᓯ ᐃᔨᒥᑦ ᐊᐛᓐ ᐊᑯᑕ ᐛᒋ ᒋᔅᒐᔨᑕᑯᓯᑦ ᑕᓐ ᐊ ᐃᓯᑕᐊᑦ ?

ᒪᑎᔪᐤ 12:37

ᐊᓐ ᑕᓐ ᐊ ᐃᓯ ᐃᔨᒥᔭᒄ, ᐊᐅᒄ ᐊᓐ ᒐ ᐊᐱᑎᒡ ᑎᐸᔅᑯᓂᑯᐅᔭᒂ᙮ ᐊᓐ ᑕᓐ ᐊ ᐃᓯ ᐃᔨᒥᔭᒄ, ᐊᑯᑕ ᒐ ᐅᒋ ᒋᔅᒐᔨᑕᑯᓯᔭᒄ ᑯᐃᔅᒄ ᑲ ᐃᑐᐛᒂ ᑭᔭ ᒪᒃ ᐊᑲ ᑯᐃᔅᒄ ᐅᒋ ᐃᑐᐛᒂ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:10

ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᐊᐛᓐ ᑯᐃᔅᑯᑕᑎᓯᐤ᙮ ᓇᒪ ᐛᐛᒡ ᐸᐃᒄ ᐊᐛᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:21

ᒪᐅ ᒪᒃ ᐊ ᐃᓯ ᐛᐸᑎᒪᓐ ᒧᔅ ᐊ ᐃᔅᐱᔨᔭᓐ᙮ ᐊᑎ ᐛ ᒥᔪᑐᑎᒪᓂ ᔭᐃᑕᔾ ᒧᔅ ᐊᔅᒋᐱᔪᐤ ᐊ ᐎ ᒥᒋᑐᑎᒪᓐ᙮

1 ᑯᕆᓐᑎᔭᓇ 9:27

ᒥᓯᐛ ᐊ ᐃᓯ ᓂᑐᐛᔨᑕᒂᒡ ᒐᒋ ᐃᑎᔭᓐ ᐊ ᑯᒂᒋᔅᑭᑕᐃᒐᔭᓐ ᓇᔅᒡ ᓂ ᐱᔅᑎᓂᓱᓐ ᒐᒋ ᐃᑐᑎᒪᓐ᙮ ᐛᔅ ᓇᒪ ᓇᓂᑐᐛᔨᑕᓐ ᒐᒋ ᐅᓂᑕᔭᓐ ᑕᓐ ᓂᐸ ᐃᓯ ᑲᓂᔪᐃᑯᐅᓐ ᓴᔅ ᐎ ᐊᒋ ᑭᒐᔅᒋᒥᒂᐤ ᑲ ᑕᑈᑕᒡ ᒐ ᐃᓯ ᐱᒪᑎᓯᒡ ᑕᓐ ᐊᓂᔭᔪᐛ ᒋᐸ ᐃᓯ ᐱᒪᑎᓯᔪᐛ ᐊᐛᔪᐛ ᐊ ᑕᑈᔭᔨᒪᔨᒋ ᙭ᑕ᙮

ᑲᓚᓯᔭᓇ 3:22

ᓇᒪ ᒪᒃ ᑎᑯᓐ ᐎᓱᐛᐅᓐ ᐊᓐ ᐊ ᐃᑕᔨᑕᒂᒡ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒥᓯᐛ ᐊᐛᓐ ᐅᑕ ᐊᔅᒋᒡ ᑲ ᐱᒪᑎᓯᑦ ᓇᔅᒡ ᑎᐸᔨᒥᑯᐤ ᒥᒐᑎᓯᐅᓂᔪᐤ᙮ ᐊᑯ ᒪᒃ ᒋᓴᔅ ᙭ ᐅᒋ ᐊᑯᑕ ᒐ ᐅᒋ ᒥᔨᐛᑦ ᒋᓴᒪᓂᑐᐤ ᑕᓐ ᐊᓂᔭᔪᐛ ᒐᔅᑎᓇᔅ ᑲ ᐃᔅᒋᔄᑦ ᒐ ᒥᔨᐛᑦ᙮ ᒥᓯᐛ ᒪᒃ ᐊᓐᒡ ᒐ ᑕᑈᔭᔨᒪᒡ ᒋᓴᓴ ᐊᐅᑯᓐᒡ ᒐ ᒥᔨᑯᒡ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐ ᒥᔨᐛᔨᒋ᙮

ᑲᓚᓯᔭᓇ 5:17

ᐛᔅ ᐊᓂᔭ ᐊ ᐃᓯ ᓂᑐᐛᔨᒥᑕᐧᒄ ᑲ ᐸᔭᒋᓯᑦ ᐊᒐᐧᒄ ᒐᒋ ᐃᓯ ᐱᒪᑎᓯᔭᐧᒄ ᓇᒪ ᒋ ᓇᐊᔨᑕᓇᓄᐤ ᒐᒋ ᐃᑐᑎᒪᐧᒄ᙮ ᓇᔅᒡ ᑕᑈ ᐃᔭᒡ ᐃᑕᔨᑕᑯᓐ ᒋᔭᓄᐤ ᑕᓐ ᐛ ᐃᓯ ᐱᒪᑎᓯᔭᐧᒄ ᐊ ᐃᑕᔨᑕᑯᓂᔨᒡ ᑲ ᐸᔭᒋᓯᑦ ᐊᒐᐧᒄ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐱᒪᑎᓯᐛᐧᒄ᙮ ᒪᓯᐃᑐᒥᑭᓇ ᐅᔭ ᓂᓱ ᐃᑕᔨᑎᒧᐅᓇ ᐅᑕ ᐊ ᐃᑕᔭᐧᒄ᙮ ᐊᑯ ᒪᒃ ᑲ ᐸᔭᒋᓯᑦ ᐊᒐᐧᒄ ᐛ ᓇᑲᐅᑕᐧᒄ ᐊ ᐎ ᒥᒋᑐᑎᒪᐧᒄ᙮

ᑯᓚᓯᔭᓇ 1:28

ᐊᑯ ᒪᒃ ᒥᓯᐛ ᐊᐛᓐ ᐊ ᐊᔨᒧᑎᒧᐎᒋᒡ ᙭ᑕ᙮ ᒥᓯᐛ ᒪᒃ ᑭᒐᑕᐛᔨᑎᒧᐅᓐ ᑲ ᐃᓯ ᒥᔨᑯᐅᔭᒡ ᓂᑦ ᐃᔭᒂᒥᒪᓇᓂᒡ ᑕᓐ ᐊᓂᔭᔪᐛ ᒋᐸ ᐅᒋ ᐊᑲ ᐃᑐᐅᒡ ᑭᔭ ᓱᒃ ᓂ ᐎ ᒋᔅᒐᔨᑎᒪᓇᓂᒡ ᑕᓐ ᐊᓂᔭᔪᐛ ᒋᐸ ᐃᑐᐅᒡ᙮ ᐅᔭ ᒪᒃ ᐊ ᐃᑐᑐᐅᒋᒡ ᐊᔪᐅᒄ ᐅᔭ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ ᒐᒋ ᐃᑐᑕᐃᒋᒡ ᓇᔅᒡ ᐊᒋ ᐃᓯ ᓂᑕᐅᒋᒡ ᐊᓐᑕ ᙭ᑕ ᐃᔅ ᐊ ᑕᔨᒋ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

ᐃᑉᕈᐛ 13:21

ᒥᔅᑎ ᔅᒋ ᐃᑐᑎᒪᑯᐛᐤ ᒋᓴᒪᓂᑐᐤ ᒋᓴᓴ ᐅᒋ ᑭᔭ ᓂᑐᑎᒪᒄ ᒐᒋ ᒥᔨᑕᒄ ᒥᓯᐛ ᐊᓂᔭ ᑲ ᒥᔽᔨᒋ ᒐᒂᔪᐛ ᐊ ᐃᓯ ᓂᑐᐛᔨᑎᒪᒄ ᒐᒋ ᐃᑐᑎᒺᒄ ᐅᑦ ᐃᑕᔨᑎᒧᐅᓐ᙮ ᓂᑦ ᐊᔭᒥᐊᐤ ᑭᔭ ᒐᒋ ᐊᑐᔅᒐᑦ ᐊᓐᑕ ᒋᐱᒪᑎᓯᐅᓄᐛᒡ ᑭᔭ ᒐᒋ ᓂᓇᐊᔨᑎᒥᐃᑯᑦ ᐊᓂᔭ ᐊ ᐃᑕᑎᓯᐛᒄ᙮ ᒧᔅ ᒪᒃ ᒪᒥᒋᒪᑕᐤ ᒋᓴᔅ ᙭ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᒋᒥᔅ ᐅᒥᓯᓇᐊᒪᒐᐅᓐ 1:26

ᐊᐛᓐ ᐊ ᐃᑕᔨᒥᓱᑦ ᐊ ᑯᐃᔅᑯᑕᑎᓯᑦ ᒥᒄ ᒪᒃ ᐊᑲ ᒋ ᓂᓇᑭᑐᐛᔨᑕᐧᒃ ᑕᓐ ᐊ ᐃᔅᒋᔄᑦ, ᐎᔭᓯᐃᓱᐤ ᐊᓐ ᐊᐛᓐ᙮ ᓇᒪ ᒐᒂᔪᐤ ᐃᑕᐱᑎᓂᔪᐤ ᐅᑦ ᐊᔭᒥᐊᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 1:4

ᔭᐃᑕᔾ ᒋᑭ ᐎ ᐃᑐᑕᑯᓇᐛᐤ ᓯᐱᔪᐛᓯᐅᓐ ᓇᔅᒡ ᒐᒋ ᓴᐳᔅᑭᒪᒄ ᑕᓐ ᒐ ᐃᓯ ᓂᓂᒋᔅᑭᒧᐛᒂ᙮ ᐊᑯ ᒪᒃ ᒐ ᒋᔭᒪᐅᓯᔭᒄ, ᐊ ᒥᓯᑐᐛᓯᔭᒄ ᒋᑭ ᐃᓯᓇᑯᓯᓇᐛᐤ, ᓇᒪ ᓇᔅᒡ ᒋᑭ ᐅᒋ ᓄᑕᔅᑲᓇᐛᐤ ᑕᓐ ᒋᐸ ᐃᑕᔨᑕᑯᓯᓇᐛᐤ᙮

ᒋᒥᔅ ᐅᒥᓯᓇᐊᒪᒐᐅᓐ 2:10

ᐛᔅ ᐊᓐ ᐊᐛᓐ ᒥᓯᐛ ᐊᓂᔭ ᐎᓱᐛᐅᓂᔪᐤ ᑲ ᓂᓇᐃᑕᐧᒃ ᒥᒄ ᒪᒃ ᐸᐃᒄ ᒐᒂᔪᐤ ᐊᓐᑕ ᑕᓐ ᐊ ᐃᑎᔅᑕᔨᒡ ᐱᑯᓇᒐ ᒥᓯᐛ ᐊᓂᔭ ᐎᓱᐛᐅᓂᔪᐤ ᐊ ᐱᑯᓇᐧᒃ ᐃᓯᓇᑯᓱᐤ᙮

1 ᐱᑕᕐ 3:10

ᐛᔅ ᐃᑎᔅᑕᐤ ᒥᓯᓇᐃᑭᓂᒡ, ᐊᐛᓐ ᑕᑈ ᐛ ᒥᔽᔨᑎᒧᒂ ᐊ ᐱᒪᑎᓯᑦ ᑭᔭ ᐸᑯᓴᔨᒧᒂ ᒐᒋ ᒪᒥᔪᐱᔨᑦ, ᐊᑲᐎᔾ ᒋᑭ ᐅᒋ ᒥᒋ ᐃᔨᒧᐤ ᑭᔭ ᐊᑲᐎᔾ ᒋᑭ ᐅᒋ ᐎᒋ ᑭᑭᒋᔭᐤ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮