ᒋᒥᔅ ᐅᒥᓯᓇᐊᒪᒐᐅᓐ 3:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐛᔅ ᐊᓐᑕ ᐊ ᑎᒂᒡ ᐅᑕᔨᑎᒧᐅᓐ ᑭᔭ ᒧᔅ ᓂᑲᓐ ᐊ ᐎ ᐃᓯ ᐱᔅᑎᓂᓱᓇᓄᐅᒡ ᐊᑯᑕ ᐊ ᑎᒂᒡ ᐛᐛᓇᔨᑎᒧᐅᓐ ᑭᔭ ᓂᓇᐧᑯᐤ ᒥᒋᐃᑐᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 3:16 Iomraidhean Croise

ᒐᓂᓯᔅ 11:9

ᐊᑯ “ᐸᐱᓪ” ᒋ ᐃᓯᓂᐧᑲᑕᑭᓄᐤ ᐅᑕᓇᐤ ᐛᔅ ᐊᑯᑕ ᐊᓐᑕ ᑎᐸᔨᒋᒐᓱᐤ ᑲ ᐃᑐᑐᐛᑦ ᑕᑎᐸᓐ ᒐ ᐃᓯ ᐃᔨᒥᔨᒋ᙮ ᒋ ᐃᑎᓴᐛᐤ ᐃᔪᐛ ᐊᓐᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ ᒐᒋ ᑕᔨᒋ᙮

ᒐᓂᓯᔅ 38:9

ᒥᒄ ᐅᓇᓐ ᒋᔅᒐᔨᑎᒻ ᒐ ᐊᑲ ᑎᐸᔨᒪᑦ ᐊᐛᓴ᙮ ᐊᑯ ᑕᑥᐤ ᐛᐸᒪᒋ ᐅᔅᑕᓴ ᐎᐎᐛ, ᒋ ᑯᒋᑕᐤ ᒐ ᐊᑲ ᒋ ᐊᓱᐛᐱᒪᐅᓱᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:25

ᒪᒃ ᐸᐃᒄ ᐅᑕᓇᐤ ᐊᐛᓐᒋ ᒥᒋᐱᔨᑐᑥᐛ ᓇᒪ ᓇᔅᒡ ᒋᑭ ᐅᒋ ᒥᔪᐱᔪᐅᒡ᙮

ᐊᑈᔅᑕᓇᒡ 19:29

ᒐᒃ ᒪᒃ ᒋ ᐊᑎ ᒥᒐᑐᐅᒡ ᐊᓐᒡ ᐃᔪᒡ ᐊ ᑕᑈᒡ᙮ ᒋ ᓂᓱᒡ ᒪᒃ ᓇᐸᐅᒡ, ᑲᐃᔭᔅ ᑭᔭ ᐊᕆᔅᑕᕐᑲᔅ ᐊ ᐃᓯᓂᐧᑲᓱᒡ ᐊᓐᑕ ᒪᓯᑐᓂᔭ ᐊᒋ ᐅᒋᒡ, ᐊᒋ ᐎᒐᐛᒡ ᑈᓚ᙮ ᐊᐅᒄ ᐅᔭ ᓇᐸᐛ ᑲ ᒪᑯᓇᒡ ᐊᑯ ᒂ ᐃᑐᑕᐊᒡ ᐊᓐᑕ ᐃᔪᐛ ᑲᒋ ᒪᒧᐎᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:8

ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ᑎᐸᔅᑯᓇᑦ ᒋᓴᒪᓂᑐᐤ᙮

1 ᑯᕆᓐᑎᔭᓇ 14:33

ᐛᔅ ᑕᐸ ᒋ ᓂᑐᐛᔨᒥᑯᓄᐤ ᒋᓴᒪᓂᑐᐤ ᒐ ᐊᑲ ᒋ ᒋᐧᑲᐛᒋᐱᔨᑕᔭᐧᒄ ᒐᒂᓐ ᐊᓐᑕ ᐊ ᐊᔭᒥᐊᓄᒡ᙮ ᓂᑐᐛᔨᑎᒻ ᒥᓯᐛ ᒐᒂᔪᐤ ᒐᒋ ᒥᔪᐱᔨᒡ ᑭᔭ ᒪᒃ ᒐᒋ ᒋᔭᒪᔨᑕᑯᓂᔨᒡ ᐊᓐᑕ᙮

1 ᑯᕆᓐᑎᔭᓇ 3:3

ᐊᔅᒄ ᐊᐅᑯᓐ ᐊ ᐃᓯ ᐱᒪᑎᓯᔭᒄ ᐊ ᐃᓯ ᐱᒪᑎᓯᒡ ᐊᓐᒡ ᐊᔅᒄ ᐊᑲ ᐱᔅᑎᓇᒡ ᑲ ᐸᔭᒋ ᐊᒐᒂ ᒐᒋ ᐱᒥᐱᔨᑕᔨᒋ ᐅᐱᒪᑎᓯᐅᓄᐛᐛ᙮ ᐛᔅ ᒋ ᒪᒥᒐᔨᒥᑐᓇᐛᐤ ᑭᔭ ᒋ ᒪᒥᒋᐱᔨᐃᑐᓇᐛᐤ᙮ ᐊᑯᑕ ᒪᒃ ᐊ ᓄᒂᒡ ᐊᔅᒄ ᐊ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᑕᒡ᙮

2 ᑯᕆᓐᑎᔭᓇ 12:20

ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮

ᑲᓚᓯᔭᓇ 5:20

ᑭᔭ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᑭᔭ ᒪᒥᑕᐛᑎᓯᐅᓂᔪᐤ ᐊ ᒥᑯᔅᑲᒋᑲᐧᒄ᙮ ᐅᔭ ᐊ ᐃᓯ ᐱᒪᑎᓯᒡ ᐊᐛᓐᒋ ᐛᐧᑲᑕᔨᒥᑐᐅᒡ, ᒪᒥᒋᐱᔨᐧᑲᑕᑐᐅᒡ, ᓇᔅᒡ ᑕᑈ ᐎᒋ ᐛᐅᑕᔨᒪᐅᒡ ᐊᐛᔪᐛ, ᐊᐧᑯᔪᐛᓱᐅᒡ, ᑭᔭ ᒧᔅ ᐎ ᓇᓂᑲᓇᔨᑕᑯᐃᓱᐅᒡ᙮ ᑕᑎᐸᓂᐱᔭᐊᐅᒡ ᐊᐛᔪᐛ ᑭᔭ ᑎᐸᓂᐃᓱᐅᒡ ᐎᔨᐛᐤ ᑕᓐ ᐛ ᐃᑎᒡ ᒐᒋ ᐃᑎᒡ᙮

ᒋᒥᔅ ᐅᒥᓯᓇᐊᒪᒐᐅᓐ 3:14

ᒥᒋ ᐅᑕᔨᑎᒧᐅᓐ ᒪᒃ ᐊ ᐊᔭᐛᒂ ᒋᑕᐃᐛᒡ, ᒪᒃ ᒥᒄ ᒧᔅ ᒋᔨᐛᐤ ᓂᑲᓐ ᐎ ᐃᓯ ᐱᔅᑎᓂᓱᔭᒂ, ᐊᑲᐎᔾ ᒪᒥᒋᒧᒄ ᑭᔭ ᐊᑲᐎᔾ ᒋᑭ ᐅᒋ ᑭᑭᒋᔭᓇᐛᐤ ᐊ ᐎ ᑲᑕᔭᒄ ᑕᑈᐅᓐ᙮

1 ᒠᓐ 3:12

ᓇᒪ ᒋᐸ ᐅᒋ ᓂᔅᐱᑐᐛᓄᐤ ᑲᐃᓐ᙮ ᒥᒋᒥᓂᑐᐛ ᒋ ᑎᐸᔨᒥᑯᐤ ᐊᓂᔭ ᑲ ᓂᐸᐊᑦ ᐎᐧᑲᓂᓴ᙮ ᒐᒂᔪᐤ ᒪᒃ ᐛᒋ ᓂᐸᐊᑦ ? ᒋ ᒪᔭᑎᓂᔪᐤ ᐊᓂᔭ ᑕᓐ ᐎᔾ ᑲ ᐃᑎᑦ, ᒋ ᑯᐃᔅᑯᓇᑯᓂᔪᐤ ᒪᒃ ᐎ ᐊᓂᔭ ᑕᓐ ᑲ ᐃᑎᔨᒋ ᐎᐧᑲᓂᓴ᙮