ᒋᒥᔅ ᐅᒥᓯᓇᐊᒪᒐᐅᓐ 3:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᑕᐤ ᐊ ᐊᐛᓐ ᐊᓐᑕ ᐊ ᑎᓯᔭᒄ ᐊ ᑭᒐᑕᐛᔨᑕᐧᒃ ᑭᔭ ᐊ ᐊᔭᑦ ᓂᔅᑐᑎᒧᐅᓂᔪᐤ ? ᐊᑯᔅ ᒋᑭ ᐛᐸᑎᔨᐛᐤ ᐅᔭ ᑯᐃᔅᒄ ᐊ ᐃᓯ ᐱᒪᑎᓯᑦ ᑭᔭ ᐊ ᐊᑐᔅᒐᑦ ᒋᐸ ᓄᑯᓂᔪᐤ ᐊ ᑭᒐᑕᐛᔨᑕᐧᒃ ᐊᓂᔭ ᐅᒋ ᐊ ᑎᐱᑕᔨᒥᓱᑦ᙮

ᒋᒥᔅ ᐅᒥᓯᓇᐊᒪᒐᐅᓐ 3:13 Iomraidhean Croise

ᑎᐱᑦ ᐅᓂᑭᒧᐅᓇ 107:43

ᐊᓐᒋ ᐊᐛᓐᒋ ᑲ ᑭᒐᑕᐛᔨᑕᒡ, ᑭᔭ ᑲ ᓇᑭᑐᐛᔨᑕᒡ ᐅᔭᔪᐛ, ᐊᐅᑯᓐᒡ ᒐ ᓂᔅᑐᑎᒺᒡ ᐅᓴᒋᐃᐛᐤ ᒋᓴᐛᑎᓯᐅᓂᔪᐤ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 122:8

ᓂᐧᑲᓂᓯᒡ ᑭᔭ ᓂᐎᒐᐛᑭᓐᒡ ᐅᒡ, ᐊᓄᒡ ᓂᑭ ᐃᔅᒋᔄᓐ, “ᑭᒪ ᒋᔭᒪᔨᑎᒧᐅᓐ ᐱᒋᔅᑲᑯᔨᓐ᙮”

ᑎᐱᑦ ᐅᓂᑭᒧᐅᓇ 149:4

ᐛᔅ ᑎᐸᔨᒋᒐᓱᐤ ᒥᔽᔨᒪᐤ ᐅᑦ ᐃᔨᒪ: ᒋᑭ ᒥᔪᓇᑯᐊᐤ ᐅᔪᔅᑲᑎᓱᐛ ᐱᒪᒋᐃᐛᐅᓂᔪᐤ ᐅᒋ᙮

ᑎᐱᑦ ᐅᓂᑭᒧᐅᓇ 25:9

ᐅᔪᔅᑲᑎᓯᐛ ᒋᑭ ᒋᔅᒋᓄᑕᐊᐤ ᑎᐸᔅᑯᓂᒐᐅᓂᒡ ᐃᔅ: ᐅᔪᔅᑲᑎᓯᐛ ᑭᔭ ᒋᑭ ᒋᔅᑯᑎᒧᐛᐤ ᐅᑦ ᐃᑎᓱᐛᐅᓇ᙮

ᑎᐱᑦ ᐅᓂᑭᒧᐅᓇ 45:4

ᑭᔭ ᒋᒋᓴᐅᒋᒪᐛᔨᑕᑯᓯᐅᓂᒡ ᐱᒥᑕᑎᐱ ᒥᔽᐱᒪᐅᓯᐃᓂᒡ, ᑕᑈᐅᓐ ᐅᒡ, ᔪᔅᑲᑎᓯᐅᓐ, ᑭᔭ ᑯᐃᔅᑯᑕᑎᓯᐅᓐ; ᒋᒥᔪᐅᓂᒡ ᒪᒃ ᒋᑭ ᒋᔅᒋᓄᐊᒪᑯᓐ ᑲ ᑯᔅᑕᑎᒂᒋ ᒐᒂᓇ᙮

ᒪᑎᔪᐤ 11:29

ᐅᑎᓂᒪᓱᒄ ᓂᑦ ᐊᐱᔅᑲᑭᓐ, ᒋᔅᒋᓄᐛᐱᒥᒄ ᒪᒃ, ᐛᔅ ᓂᔪᔅᐸᑎᓯᓐ ᑭᔭ ᓂ ᑎᐱᑕᔨᒧᓐ ᓂᑕᐃᒡ᙮ ᑭᔭ ᒋᑭ ᒥᔅᑲᓇᐛᐤ ᒪᒃ ᒐ ᐃᓯ ᐊᔽᐱᒡ ᒋᑦ ᐊᒐᐧᑯᐛᐅᒡ᙮

ᒪᑎᔪᐤ 21:5

ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ᐅᒋᒡ, ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ, ᒋ ᐸᒋ ᓂᑐᐛᐱᒥᑯᐛᐤ ᐊ ᑎᐱᑕᔨᒥᓱᑦ, ᐅᐧᑲᓇ ᒧᔭᒻ ᑲ ᐊᐱᓯᓯᔨᒋ ᑲᐸᐃᑭᔎᐛ ᑲ ᐃᓯᓇᑯᓯᔨᒋ ᐊ ᑕᑎᐱᑦ᙮ ᐊᔪᐅᒄ ᐅᔭ ᑲ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮

ᒪᑎᔪᐤ 5:5

ᓱᐛᔨᑕᑯᓱᐅᒡ ᐊᓐᒡ ᑲ ᔪᔅᐸᑎᓯᒡ ᐛᔅ ᒋᑭ ᒥᔭᑭᓄᐎᒡ ᐅᔭ ᐊᔅᒋᔪᐤ᙮

ᒪᑎᔪᐤ 7:24

“ᒥᓯᐛ ᑕᑐᐤ ᐊᐛᓐ ᑲ ᐸᑕᐧᒃ ᓂᑦ ᐃᔨᒧᐅᓂᔪᐤ ᑲ ᐊᑎ ᐃᑐᑕᐧᒃ ᒪᒃ ᐊᓂᔭ ᑲ ᐃᔅᒋᔄᐅᒡ, ᒧᔭᒻ ᓇᐸᐤ ᑲ ᑭᒐᑕᐛᔨᑕᐧᒃ ᐊᓐᑕ ᐊ ᐸᐸᒋᐱᔅᑲᔨᒡ ᑲ ᐎᔨᑲᐳᐅᑕᑦ ᒥᒋᐛᐱᔪᐤ ᐃᑕᔨᑕᑯᓱᐤ᙮”

1 ᑯᕆᓐᑎᔭᓇ 6:5

ᓇᒪᐎᔾ ᐊ ᒋ ᔭᐅᑕᔨᒧᓇᐛᐤ ᐅ ᐊ ᐃᑎᔭᒄ᙮ ᓇᒪᐎᔾ ᐊ ᐛᐛᒡ ᑕᐤ ᐸᐃᒄ ᐎᐧᑲᓂᓯᒪᐤ ᐊᓐᑕ ᐊ ᑎᓯᔭᒄ ᐊ ᑭᒐᑕᐛᔨᑕᐧᒃ ᒐᒋ ᐎᒋᐃᑕᒄ ᑕᓐ ᒐᒋ ᐃᓯ ᓇᐃᐱᔨᑐᐛᒄ ᑕᓐ ᐊ ᐃᓯ ᒪᒥᒋᐱᔨᑐᐛᒄ ?

2 ᑯᕆᓐᑎᔭᓇ 10:1

ᑎᑯᓐ ᒐ ᐃᓯ ᐱᑯᓴᔨᒥᑎᑯᒡ᙮ ᐅ ᒪᒃ ᒐ ᐊᔨᒧᑎᒪᑎᑯᒡ ᐊᓐ ᐊᔅᐱᔅ ᒋᓴᐛᑎᓯᑦ ᑭᔭ ᐊᔅᐱᔅ ᒋᔭᒥᓯᑦ ᒋᓴᔅ ᙭ ᓂ ᐎ ᐃᑕᔨᑕᑯᓯᓐ ᐊᓐ ᐊ ᐃᓯ ᐃᔨᒥᐃᑎᑯᒡ᙮ ᐃᑕᐅᒡ ᐊᐛᓐᒋ ᐊ ᐃᔅᒋᔄᒡ ᓇᔅᒡ ᐊᑲ ᓴᐱᑕᑯᓱᐅᒡ ᐊᓐᑕ ᐊ ᑕᐛᒄ ᐊ ᑕᐅᒡ᙮ ᒥᒄ ᐊᓐᑕ ᐃᔭᒡ ᐊ ᑕᐅᒡ ᐊ ᐅᒋ ᓱᒐᔨᑕᑯᐃᓱᐅᒡ ᐃᔅᒋᔄᐅᒡ᙮

2 ᑯᕆᓐᑎᔭᓇ 8:24

ᓱᒃ ᒪᒃ ᐛᐸᑎᔭᐧᑯᒡ ᐅᒡ ᓇᐸᐅᒡ ᐊ ᓴᒋᐊᑯᒡ ᒐᒋ ᐛᐸᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋᓴᒋᐃᐛᐅᓄᐛᐅᔪᐤ ᑭᔭ ᒐᒋ ᒋᔅᒐᔨᑕᒡ ᒐᒂᓐ ᐛᒋ ᓇᔅᒡ ᒪᒥᔽᔨᑎᒥᐃᔭᒡ᙮

ᑲᓚᓯᔭᓇ 5:23

ᓇᔅᒡ ᔪᔅᐸᑎᓱᐅᒡ ᑭᔭ ᒥᔪ ᓂᓇᑭᑐᐛᔨᑕᒧᒡ ᑕᓐ ᐊ ᐃᓯ ᐱᒪᑎᓯᒡ᙮ ᓇᒪ ᑎᑯᓂᒐ ᐎᓱᐛᐅᓐ ᐊ ᒋᑕᐊᒪᒐᒥᑲᒡ ᐅ ᒐᒋ ᐃᓯ ᐱᒪᑎᓯᓇᓄᐅᒡ᙮

ᑲᓚᓯᔭᓇ 6:1

ᓂᐧᑲᓂᓯᑐᒄ, ᒧᔭᒻ ᓴᐧᑯᒋᐃᑯᒐ ᐊᐛᓐ ᒥᒐᑎᓯᐅᓂᔪᐤ ᒋᔨᐛᐤ ᑲ ᐱᒋᔅᑲᑕᒄ ᑲ ᐸᔭᒋᓯᑦ ᐊᒐᐧᒄ ᒋᐸ ᐎᒋᐊᐛᐤ ᐊᓐ ᐊᐛᓐ ᒋᔭᒻ ᒐᒋ ᒥᔪᐱᔨᑦ ᑕᓐ ᐛ ᐃᓯ ᐱᔅᒐᐱᔨᑦ᙮ ᐃᔭᒂᒥᔅᑕᓱᒄ ᑭᔭ, ᒐ ᐊᑲ ᒋ ᐊᔅᒋᐱᔨᔭᒄ ᑭᔭ ᒋᔨᐛᐤ ᒐᒋ ᐊᑎ ᒥᒋᑐᑎᒪᒄ᙮

ᑲᓚᓯᔭᓇ 6:4

ᒥᓯᐛ ᐸᐸᐃᒄ ᐊᐛᓐ ᒋᐸ ᓇᓂᑐ ᒋᔅᒐᔨᒥᓱᐤ ᑯᐃᔅᒄ ᑲ ᑎᒂ᙮ ᑯᐃᔅᒄ ᒪᒃ ᑲ ᑎᒂ, ᑭᑈ ᒐ ᒪᒥᒋᐃᓱᑦ, ᓇᒪ ᐛᐛᒡ ᒋᑭ ᐅᒋ ᑭᓄᐛᐸᑎᒺᐤ ᑯᑎᑲ ᐊᐛᔪᐛ ᑕᓐ ᑲ ᐃᑎᔨᒋ᙮

ᐃᐱᓯᔭᓇ 4:2

ᒋᐸ ᑎᐱᑕᔨᒥᓱᓇᐛᐤ ᑭᔭ ᒋᐸ ᒋᔭᒪᔨᑕᑯᓯᓇᐛᐤ ᑭᔭ ᒧᔅ ᒋᐸ ᐎ ᓯᐱᔪᐛᓯᓇᐛᐤ᙮ ᓄᑯᑕᒄ ᐊ ᓴᒋᐃᑐᔭᒄ ᐊᑲ ᑕᔅᑎᑲᒋᔭᒄ ᐊ ᐛᐎᒋᐃᑐᔭᒄ᙮

ᐱᓕᐱᔭᓇ 1:27

ᒥᒄ ᒪᒃ, ᐊᐅᒄ ᐅ ᐛᒋ ᔭᐃᑕᔾ ᓇᑐᐛᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᑎᓱᒧᑯᔭᒄ ᒥᔽᒋᒧᐅᓐ ᒋᐸ ᐃᓯ ᐱᒪᑎᓯᓇᐛᐤ᙮ ᐊᑯ ᒪᒃ ᐊᑎ ᐊᑲ ᒥᓐ ᒋ ᐛᐱᒥᑎᑯᒐ ᒪᒃ ᓇᐃᐱᔨᒐ ᒥᓐ ᒐᒋ ᐛᐱᒥᑎᑯᒡ ᒐ ᒋᔅᒐᔨᒥᑎᑯᒡ ᐊᑲ ᒥᑐᓐ ᒐᒂᓐ ᒋ ᐊᑎᓂᑯᔭᒄ ᒥᓯᐛ ᐸᐃᑯᓄᒡ ᐊ ᐃᑕᔨᑎᒪᒄ ᑕᓐ ᐛ ᐃᑎᔭᒄ ᑭᔭ ᑕᑈ ᐸᐃᑯᓄᒡ ᐊ ᐃᓯ ᐱᑯᓴᔨᑎᒪᒄ ᐊ ᒪᒧᐤ ᐊᒋᔅᑎᒪᒄ ᐊ ᐛᐎᑎᒪᒄ ᒥᔽᒋᒧᐅᓐ᙮

ᑯᓚᓯᔭᓇ 3:12

ᒋᔨᐛᐤ ᒋᓴᒪᓂᑐᐤ ᑲ ᐅᑎᓂᑕᒄ ᑲ ᐸᔭᒋᓯᔨᒋ ᐅᑦ ᐃᔨᒪ ᑭᔭ ᑲ ᓴᒋᐊᑦ, ᒋᓴᐛᑎᓯᒄ, ᒋᔅᑎᒪᒐᔨᒪᐧᑯᒡ ᐊᐛᓐᒋ, ᑎᐱᑕᔨᒥᓱᒄ, ᔪᔅᐸᑎᓯᒄ ᑭᔭ ᓯᐱᔨᐛᓯᒄ᙮

1 ᑎᒧᑎ 4:12

ᐊᑲᐎᔾ ᒋᑭ ᐅᒋ ᐃᔭᑐᒡᐃᑯᒡ ᐊᐛᓐᒋ ᐊᓂᔭ ᐊ ᐅᔅᒋᐱᒪᑎᓯᐅᑦ ᐅᔭ ᐊ ᐃᑕᐱᑎᓯᐅᑦ᙮ ᒥᒄ ᐃᓯ ᐱᒪᑎᓯ ᐊᓐᑕ ᒐᒋ ᐅᒋ ᒋᔅᒋᓄᐛᐸᑕᒡ ᒋᐱᒪᑎᓯᐅᓂᔪᐤ ᐊᓐᒡ ᑲ ᑕᑈᑕᒡ, ᑕᓐ ᐊ ᐃᑎᑕᑯᓂᔨᒡ ᒋᑦ ᐃᔨᒧᐅᓂᔪᐤ, ᑭᔭ ᑕᓐ ᐊ ᐃᓯᓇᒂᒡ ᒋᐱᒪᑎᓯᐅᓐ ᑭᔭ ᑕᓐ ᐊ ᐃᓯ ᓴᒋᐃᐛᔨᓐ ᒪᒃ ᐊ ᐃᓯ ᑕᑈᑎᒥᓐ ᑭᔭ ᑕᓐ ᐊ ᐃᓯ ᐸᔭᒋᓯᔨᓐ᙮

1 ᑎᒧᑎ 6:11

ᒋᔾ ᒪᒃ ᑎᒧᑎ, ᒋᓴᒪᓂᑐᐤ ᑲ ᐊᑐᔅᑯᐅᑦ, ᐊᑲᐎᔾ ᐊᐱᑕᔨᑕ ᐅᔭ ᒥᒋ ᒐᒂᔪᐛ᙮ ᐅᔅᑕ ᐃᑕᔨᑎᒥᐃᑯ ᑯᐃᔅᑯᑕᑎᓯᐅᓐ, ᒋᓴᒪᓂᑐᐛᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ, ᔭᐃᑕᔨᑕᑯᓱᐅᓐ, ᑭᔭ ᒋᔭᒥᓯᐅᓐ᙮

2 ᑎᒧᑎ 2:25

ᑭᔭ ᒋᔭᒻ ᒋᐸ ᐃᑐᑐᐛᐤ ᐊ ᐎ ᑯᐃᔅᑯᓇᑦ ᐊᓂᔭ ᑲ ᓂᓂᔅᑯᔅᑕᑯᑦ ᐊᐛᔪᐛ᙮ ᒐᒃ ᒪ ᒋᐸ ᒋ ᐃᑐᑕᑯᔪᐛ ᒋᓴᒪᓂᑐᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

ᑕᐃᑕᔅ 3:2

ᐎᑎᒧᐅᒡ ᒐ ᐊᑲ ᒋ ᒥᒋ ᐊᔨᒧᒪᒡ ᐊᐛᔪᐛ, ᒐᒋ ᒋᔭᒪᐛᔨᑕᑯᓯᒡ ᑭᔭ ᒐᒋ ᒥᔽᔨᑕᑯᓯᒡ᙮ ᒧᔅ ᒋᐸ ᔪᔅᐸᑎᓯᔅᑐᐛᐅᒡ ᒥᓯᐛ ᐊᐛᔪᐛ᙮

ᐃᑉᕈᐛ 13:5

ᐊᑲ ᐎ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᓴᒋᑕᔭᒄ ᓱᓇᔭᐤ᙮ ᒋᐸ ᒥᔽᔨᑕᓇᐛᐤ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᒋᓴᒪᓂᑐᐤ ᒋ ᐃᔅᒋᔄᐤ, “ᓇᒪ ᓂᑕ ᒋᑭ ᐅᒋ ᓂᑭᑎᑎᓇᐛᐤ, ᓇᒪ ᓂᑕ ᒋᑭ ᐅᒋ ᐃᓯᓇᑯᓯᓇᐛᐤ ᒐ ᐊᑲ ᒋ ᐃᔭᐱᑕᔨᒥᑎᑯᒡ᙮”

ᒋᒥᔅ ᐅᒥᓯᓇᐊᒪᒐᐅᓐ 1:21

ᐛᐱᓂᒧᒄ ᒥᓯᐛ ᐎᓂᓱᐅᓐ ᑭᔭ ᒥᓯᐛ ᒥᒐᑎᓯᐅᓐ᙮ ᐱᔅᑎᓂᓱᒄ ᒋᓴᒪᓂᑐᐤ ᐊ ᑕᑦ, ᑎᑎᒺᐧᒄ ᐅᑦ ᐃᔨᒧᐅᓐ ᒋᑕᐃᐛᒡ ᑲ ᐱᑕᐊᐧᒃ ᐊᓂᔭ ᒐᒋ ᐱᒪᒋᐃᑯᐛᒄ᙮

ᒋᒥᔅ ᐅᒥᓯᓇᐊᒪᒐᐅᓐ 2:18

ᒋᑭ ᒋ ᐃᓯᓇᑯᓐ ᐱᔅᒐ ᐊᐛᓐᒋ ᒐᒋ ᐃᔅᒋᔄᒡ, “ᒋ ᑭᓄᐛᔨᑕᓐ ᒋᔾ ᑕᑈᑎᒧᐅᓐ, ᐊᑯ ᓂᔾ ᓂ ᒥᔪ ᐊᑐᔅᒐᓐ᙮” ᓂᐸ ᐃᑕᐤ ᐅ ᐊᐛᓐ, “ᐸᒋ ᐛᐸᑎᔨ ᐊᓐ ᒋᑕᑈᑎᒧᐅᓐ ᐊᑲ ᐊᔅᑎᓂᒥᓐ ᒋ ᒥᔪ ᐊᑐᔅᒐᐅᓐ ᑭᔭ ᒐ ᐛᐸᑎᔨᑕᓐ ᓂᔾ ᓂ ᒥᔪ ᐊᑐᔅᒐᐅᓐ ᐊ ᐊᔅᑎᓂᒪᓐ ᐊᓐᑕ ᓂᑕᑈᑎᒧᐅᓐ᙮”

ᒋᒥᔅ ᐅᒥᓯᓇᐊᒪᒐᐅᓐ 3:1

ᓂᐧᑲᓂᓯᑐᒄ, ᐊᑲᐎᔾ ᒋᑭ ᐅᒋ ᒥᒐᑎᓇᐛᐤ ᐊ ᒋᔅᑯᑎᒪᒐᔭᒄ᙮ ᒋ ᒋᔅᒐᔨᑕᓇᐛᐤ ᒋᔭᓄᐤ ᑲ ᒋᔅᑯᑎᒪᒐᔭᐧᒄ ᐅᔅᑕ ᒐ ᐊᒂᑕᔨᑕᒂᒡ ᑕᓐ ᒐ ᐃᓯ ᑎᐸᔅᑯᓂᑯᐅᔭᐧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 3:17

ᐊᓐ ᒪᒃ ᑭᒐᑕᐛᔨᑎᒧᐅᓐ ᐃᔅᐱᒥᒡ ᑲ ᐅᒋᐱᔨᒡ ᓂᔅᑎᒻ ᓇᔅᒡ ᐸᔭᐧᑭᓐ, ᐊᑯ ᒥᓐ ᐊ ᒋᔭᒪᔨᑕᑯᐃᐛᒥᑲᒡ, ᔪᔅᐸᔨᑕᑯᐃᐛᒥᑲᒡ, ᑭᔭ ᐃᑐᑕᑯᐤ ᐊᐛᓐ ᐃᔭᒂ ᒐᒋ ᓂᑐᑐᐛᑦ ᐊᐛᔪᐛ᙮ ᐊᐛᓐ ᐊ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ ᓇᔅᒡ ᒋᑭ ᐛᔪᒡ ᒋᓴᐛᑐᑐᐛᐤ ᐊᐛᔪᐛ ᑭᔭ ᒥᔅᑎ ᒋᑭ ᒥᔪᑐᑎᒪᒐᐤ, ᐸᐃᑯᓄᒡ ᒋᑭ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᑭᑲᑕᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᐱᑕᕐ 1:15

ᐸᔭᒋᓯᐤ ᐊᓐ ᑲ ᑕᑈᑎᑕᒄ ᑭᔭ ᒋᔨᐛᐤ ᒪᒃ ᐸᔭᒋᓯᒄ ᒥᓯᐛ ᐊ ᐃᓯ ᐱᒪᑎᓯᔭᒄ᙮

1 ᐱᑕᕐ 2:12

ᓱᒃ ᐎ ᑯᐃᔅᑯᐱᒪᑎᓯᒄ ᒪᒂᒡ ᐊᓐᒡ ᐊᑲ ᑕᑈᑕᒡ ᐊ ᑕᒡ᙮ ᐊᑯᑕ ᒐᒋ ᓂᔅᑐᓇᒡ ᒋᒥᔪᑐᑎᒧᐅᓄᐛᐛ ᑭᔭ ᒐ ᒪᒥᒋᒪᒡ ᒋᓴᒪᓂᑐᐛ ᐃᔅᐱ ᑎᑯᓯᓂᔨᒐᓂ᙮ ᐊᐅᑯᓐ ᒐ ᐃᑎᒡ ᐊᑎ ᐊᓄᒡ ᓂᑎᒥᒄ ᐊ ᐃᓯ ᒪᒥᓯᒥᑕᑯᒡ ᒧᔭᒻ ᐊ ᒥᒋᑐᑎᒺᒄ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮

1 ᐱᑕᕐ 3:4

ᐃᐛᒃ ᐃᑕᔨᑕᑯᓐ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ ᑭᔭ ᒐᒋ ᒋᔭᒪᑎᓯᔭᒄ ᒐᒋ ᐅᒋ ᒥᔪᓇᑯᓯᔭᒄ᙮ ᐊᔪᐅᒄ ᐅᔭ ᓇᔅᒡ ᒪᔪᓇᑯᓯᑦ ᐃᔎᐤ ᐊ ᐃᓯ ᐱᒪᑎᓯᑦ ᑭᔭ ᐊᔪᐅᒄ ᐅᔭ ᐊ ᐃᑐᑕᑯᑦ ᒧᔅ ᒐᒋ ᒥᔪᓇᑯᓯᑦ᙮ ᐊᔪᐅᒄ ᐅᔭ ᒪᐅᒡ ᒪᔪᓇᐧᒃ ᒋᓴᒪᓂᑐᐤ ᐃᔎᐛ ᒐᒋ ᐃᓯ ᐱᒪᑎᓯᔨᒋ᙮