ᒋᒥᔅ ᐅᒥᓯᓇᐊᒪᒐᐅᓐ 2:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᑕᓐᑕ ᑲ ᐅᒋ ᑯᐃᔅᑯᓇᑯᐊᑭᓄᐅᑦ ᐎᔾ ᐊᓂᔭᐧᑲ ᒍᑕᐎᓄᐤ ᐊᑉᕋᐊᒻ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᓇᒪᔭᐤ ᐊ ᐊᓂᔭ ᐊᒋ ᐱᔅᑕᔨᒪᑦ ᐅᑯᓴ ᐊᐃᓯᑲ ᒋᓴᒪᓂᑐᐛ ᐃᔅ ᐊ ᑕᔨᒋ ᐛᒋ ᑯᐃᔅᑯᓇᑯᐊᑭᓄᐅᑦ, ᐱᔅᑎᓂᒐᐅᓇᐱᔅᑯᒡ ᑲ ᐱᔅᑎᓇᑦ᙮

ᒋᒥᔅ ᐅᒥᓯᓇᐊᒪᒐᐅᓐ 2:21 Iomraidhean Croise

ᑎᐱᑦ ᐅᓂᑭᒧᐅᓇ 143:2

ᐊᑲᐎᔾ ᑭᔭ ᑎᐸᔅᑯᓐ ᒋᑦ ᐊᑐᔅᒐᔭᑭᓐ; ᐛᔅ ᐊᐸᑕᔅᑎᒥᐱᔨᓐ ᓇᒪᐎᔾ ᐊᐛᓐ ᐊ ᐱᒪᑎᓯᑦ ᒋᑭ ᒥᔪᑥᐛᔨᒪᑭᓄᐤ᙮

ᒪᑎᔪᐤ 12:37

ᐊᓐ ᑕᓐ ᐊ ᐃᓯ ᐃᔨᒥᔭᒄ, ᐊᐅᒄ ᐊᓐ ᒐ ᐊᐱᑎᒡ ᑎᐸᔅᑯᓂᑯᐅᔭᒂ᙮ ᐊᓐ ᑕᓐ ᐊ ᐃᓯ ᐃᔨᒥᔭᒄ, ᐊᑯᑕ ᒐ ᐅᒋ ᒋᔅᒐᔨᑕᑯᓯᔭᒄ ᑯᐃᔅᒄ ᑲ ᐃᑐᐛᒂ ᑭᔭ ᒪᒃ ᐊᑲ ᑯᐃᔅᒄ ᐅᒋ ᐃᑐᐛᒂ᙮”

ᒪᑎᔪᐤ 3:9

ᑭᔭ ᐊᑲᐎᔾ ᐃᑕᔨᑎᒧᒄ ᒐ ᐊᑲ ᐅᒋ ᐛᐛᓯᐃᑕᒄ ᒋᓴᒪᓂᑐᐤ ᐊ ᐅᓂᑐᑎᒪᒄ ᒥᒄ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᐛᔪᐛ ᐊᑉᕋᐊᒪ ᒐ ᐅᑦ ᐊᐛᓯᒥᔨᒋ᙮

ᓗᒃ 1:73

ᐊᓂᔭᔪᐤ ᑲ ᐃᓯ ᒋᒋ ᓂᔅᑯᒪᑦ ᒍᑕᐎᓄᐛ ᐊᑉᕋᐊᒪ᙮

ᓗᒃ 16:24

ᒋ ᐃᓯ ᑕᑈᐤ ᒪᒃ, ‘ᐊᑉᕋᐊᒻ, ᓄᑕ, ᐸᒋ ᒋᔅᑎᒪᒐᔨᒥ᙮ ᐸᒋ ᐃᑎᓴᐅᐤ ᒪ ᓚᓴᕋᔅ ᒐᒋ ᑕᐧᑲᑭᒥᓇᐧᒃ ᐊᑕᒋᑭᒥᔨᒡ ᓂᐱᔪᐤ ᒐᒋ ᐸᒋ ᑕᒋᓇᐧᒃ ᓂᑕᔨᔪᐤ, ᒐᒋ ᐅᒋ ᑕᒋᐱᔨᒡ᙮ ᐛᔅ ᓂ ᓂᓇᐧᑲᑕᔨᒧᓐ ᐅᑕ ᐊ ᐎᐃᑕᒡ ᐃᔅᑯᑕᒡ᙮’ ”

ᓗᒃ 16:30

“ᐊᓐ ᒪᒃ ᑲ ᐛᔪᑎᓯᑦ ᓇᐸᐤ ᒋ ᐃᓯ ᐎᑎᒧᐛᐤ ᐊ ᐃᑕᑦ, ‘ᓇᒪ ᒋᑭ ᐅᒋ ᑕᑈᑎᒧᒡ ᐸᑐᔅ ᐊᐛᔪᐛ ᑲᐤ ᒋ ᐅᓂᔅᑲᔨᒐ ᓂᐳᐅᓂᒡ ᐅᒡ, ᒐᒋ ᓂᑐᐛᐱᒥᑯᒡ ᐊᓐᑕ ᒐᒋ ᐅᒋ ᒂᔅᑲᑎᓯᒡ᙮’ ”

ᒠᓐ 8:39

ᐊᑯ ᐊᓐᒡ ᒍᐤ ᐃᔪᒡ ᒂ ᐃᓯ ᐎᑎᒧᐛᒡ ᐊ ᐃᑕᒡ, “ᐊᑉᕋᐊᒻ ᓄᑕᐎᓇᓐ᙮” ᐊᑯ ᒋᓴᔅ ᒂ ᐃᑕᑦ, “ᑕᑈ ᐊᑉᕋᐊᒻ ᐊ ᑕᑦ ᑲ ᐅᒋ ᐊᓂᔅᒐ ᐱᒪᑎᓯᐛᒂ ᐊᓂᔭ ᑕᓐ ᑲ ᐃᑎᑦ ᐊᑉᕋᐊᒻ ᐊᐅᑯᓐ ᒋᐸ ᐃᑎᓇᐛᐤ᙮

ᒠᓐ 8:53

ᒋᑦ ᐃᑕᔨᑕᓐ ᐊ ᒋᔾ ᒪᐅᒡ ᐊ ᒋᔅᑕᔨᑕᑯᓯᔨᓐ ᐃᔅᐱᔅ ᐊᑉᕋᐊᒻ ? ᐊᑉᕋᐊᒻ ᒋ ᓂᐳᐤ ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᒋ ᓂᐳᐅᒡ, ᐊᐛᓐ ᒪᒃ ᒋᔾ ᐊ ᐃᑕᔨᒥᓱᔨᓐ ?”

ᐊᑈᔅᑕᓇᒡ 7:2

ᐊᑯ ᔅᑎᐱᓐ ᒂ ᐃᑕᑦ, “ᓂᐧᑲᓂᓯᑐᒄ ᑭᔭ ᐅᑕᐎᒪᑐᒄ ᐸᒋ ᓂᑐᑐᐅᒄ, ᒋᓴᒪᓂᑐᐤ ᑲ ᒋᔅᑕᔨᑕᑯᓯᑦ ᒋ ᓄᑯᓯᔅᑐᐛᐤ ᐛᔅᑭᒡ ᐊᓂᔭᐧᑲ ᒍᑕᐎᓄᐛ ᐊᑉᕋᐊᒪ ᒪᒂᒡ ᑲ ᐎᒋᔨᒋ ᐊᓐᑕ ᒪᓴᐳᑕᐃᒥᔭ ᐊᔅᒋᒡ, ᐊᔅᒄ ᐊᑲ ᐦᐊᕋᓐ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐅᒋ ᐃᓯ ᐊᑐᒐᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:20

ᐛᔅ ᑕᐸ ᐊᐛᓐ ᒋ ᑯᐃᔅᑯᓇᑯᐃᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ ᒥᒄ ᐊᓂᔭ ᐊ ᓂᓇᐃᑕᐧᒃ ᐎᓱᐛᐅᓇ᙮ ᒋ ᒋᔅᒐᔨᑕᓐ ᐊ ᑕᓐ ᐊ ᐃᑕᐱᑎᒋ ᐅᔭ ᐎᓱᐛᐅᓇ᙮ ᒐᒋ ᒋᔅᒐᔨᑕᐧᒃ ᐊᐛᓐ ᐊ ᒥᒋᑐᑕᐧᒃ ᐊᐅᑯᓐ ᐊ ᐃᑕᐱᑎᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:1

ᐊᑯ ᒪᒃ ᒋᐸ ᐊᔨᒧᒪᓄᐤ ᐊᓂᔭᐧᑲ ᐊᓂᔅᒐ ᒋᒧᓱᒥᓄᐤ ᐊᑉᕋᐊᒻ ᑕᓐᑕ ᑲ ᐅᒋ ᑯᐃᔅᑯᓇᑯᐊᑭᓄᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:12

ᑭᔭ ᐊᓂᔭᔪᐛ ᑲ ᒋᔅᒋᓄᐛᒋᔄᑭᓄᔨᒋ ᐅᑕᐎᒪᐅᑐᑐᐛᐅᐤ, ᒥᒄ ᓇᒪ ᐅᑕᐎᒪᐅᑐᑐᐛᐅᐤ ᒥᒄ ᐊᓂᔭ ᐊᒋ ᒋᔅᒋᓄᐛᒋᔄᑭᓄᔨᒋ᙮ ᐊᓂᔭ ᑕᑈᑎᒧᐅᓂᒡ ᐊ ᐃᓯ ᐱᒪᑎᓯᔨᒋ ᒧᔭᒻ ᐎᔾ ᑲ ᐃᑎᑦ ᐊᓂᔭ ᒍᑕᐎᓄᐤ ᐊᑉᕋᐊᒻ ᐊᔅᒄ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᐊᔪᐅᒄ ᐅᔭ ᐛᒋ ᐅᑕᐎᒪᐅᑐᑐᐛᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:16

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑕᑈᑎᒧᐅᓂᒡ ᒥᒄ ᒐᒋ ᐅᒋ ᐊᔭᑭᓄᐎᒡ ᐊᓂᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑎᒪᒐᑦ᙮ ᐊᑯ ᒪᒃ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊᑯᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᐊᓐᒡ ᑲ ᐃᓯ ᐊᓂᔅᒐ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᑲ ᐃᓯ ᑕᑈᔭᔨᒪᔨᒋ ᐊᑉᕋᐊᒪ ᑭᔭ ᐎᔨᐛᐤ ᒐᒋ ᐊᔭᒡ ᐊᓂᔭᔪᐛ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᒐᔨᒋ᙮ ᓇᒪ ᒪᒃ ᒥᒄ ᐊᓐᒡ ᑲ ᒥᔭᑭᓄᐎᒡ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᐊᔭᐅᒡ ᐅᔭ᙮ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑉᕋᐊᒪ ᑲ ᐃᓯ ᑕᑈᔭᔨᒪᔨᒋ ᐊᐅᑯᓐᒡ ᑭᔭ ᐎᔨᐛᐤ ᒐ ᐊᔭᒡ ᐅᔭ᙮ ᐛᔅ ᒥᓯᐛ ᐊ ᑎᓯᔭᐧᒄ ᐊᑉᕋᐊᒻ ᒍᑕᐎᑐᐛᓄᐤ᙮

ᐃᑉᕈᐛ 11:17

ᒥᓐ ᒪ ᒪᒥᑐᓇᔨᒪᐧᒄ ᐊᑉᕋᐊᒻ᙮ ᐊᓂᔭ ᐊᒋ ᐃᔅᐱᔅ ᑕᑈᑕᐧᒃ ᓇᔅᒡ ᒋ ᐎ ᐃᑐᑎᒻ ᒐᒋ ᒥᑐᔅᑕᐊᒪᑦ ᐅᑯᓴ ᐊᐃᓯᑲ᙮ ᐊᐅᒄ ᐅᔭ ᑲ ᐎ ᐃᑎᑦ ᐊᑉᕋᐊᒻ ᐛᔅ ᐊᐅᑯᓐ ᑲ ᐃᑎᓱᒥᑯᑦ ᒋᓴᒪᓂᑐᐛ ᒐᒋ ᐃᑎᑦ ᐊᒋ ᐎ ᓂᑐ ᒋᔅᒐᔨᒥᑯᑦ ᑕᑈ ᒐ ᓂᓇᐃᑎᒧᒂ᙮ ᓇᔅᒡ ᒪᒃ ᒋ ᐊᔭᔅᑯᐎᔪᐤ ᐊᑉᕋᐊᒻ ᒐᒋ ᐃᑐᑎᒧᐛᑦ ᑕᓐ ᑲ ᐃᑎᓱᒥᑯᑦ ᒋᓴᒪᓂᑐᐛ, ᐊᑎ ᐊᒋ ᐎᑎᒧᐛᑭᓄᐅᑦ ᒐᔅᑎᓇᔅ ᒐ ᓱᐛᔨᒪᑭᓄᐅᑦ᙮

ᒋᒥᔅ ᐅᒥᓯᓇᐊᒪᒐᐅᓐ 2:18

ᒋᑭ ᒋ ᐃᓯᓇᑯᓐ ᐱᔅᒐ ᐊᐛᓐᒋ ᒐᒋ ᐃᔅᒋᔄᒡ, “ᒋ ᑭᓄᐛᔨᑕᓐ ᒋᔾ ᑕᑈᑎᒧᐅᓐ, ᐊᑯ ᓂᔾ ᓂ ᒥᔪ ᐊᑐᔅᒐᓐ᙮” ᓂᐸ ᐃᑕᐤ ᐅ ᐊᐛᓐ, “ᐸᒋ ᐛᐸᑎᔨ ᐊᓐ ᒋᑕᑈᑎᒧᐅᓐ ᐊᑲ ᐊᔅᑎᓂᒥᓐ ᒋ ᒥᔪ ᐊᑐᔅᒐᐅᓐ ᑭᔭ ᒐ ᐛᐸᑎᔨᑕᓐ ᓂᔾ ᓂ ᒥᔪ ᐊᑐᔅᒐᐅᓐ ᐊ ᐊᔅᑎᓂᒪᓐ ᐊᓐᑕ ᓂᑕᑈᑎᒧᐅᓐ᙮”

ᒋᒥᔅ ᐅᒥᓯᓇᐊᒪᒐᐅᓐ 2:24

ᒋ ᐛᐸᑕᓐ ᒪᒃ, ᑯᐃᔅᑯᓇᑯᐊᑭᓄᐤ ᐊᐛᓐ ᐊᑐᔅᒐᐅᓂᒡ ᐅᒡ, ᓇᒪ ᒥᒄ ᑕᑈᑎᒧᐅᓂᒡ ᐅᒡ᙮