ᒋᒥᔅ ᐅᒥᓯᓇᐊᒪᒐᐅᓐ 2:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᐛᓐ ᐊᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᑭᔭ ᐎᔾ ᒋᑭ ᐅᒋ ᒋᔅᑎᒪᒐᔨᒪᑭᓄᐤ ᐃᔅᐱ ᑎᐸᔅᑯᓇᑭᓄᒐ᙮ ᒥᒄ ᒪᒃ ᐊᓐ ᐊᐛᓐ ᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ᑯᔅᑕᒍᐤ ᒐᒋ ᑎᐸᔅᑯᓇᑭᓄᐅᑦ᙮

ᒋᒥᔅ ᐅᒥᓯᓇᐊᒪᒐᐅᓐ 2:13 Iomraidhean Croise

ᒐᓂᓯᔅ 42:21

ᐎᐧᑲᓂᓯᒪᐅᒡ ᒂ ᐃᔨᒥᑐᒡ ᐅᑦ ᐃᔨᒧᐅᓄᐛᒡ, “ᐊᐅᑯᐤ ᐊᓯᓇᑯᓯᔭᐧᒄ ᑲ ᐃᓯ ᐎᓂᑐᑐᐛᐧᒄ ᒋᐧᑲᓂᓯᓄᐤ᙮ ᐃᔅᐱ ᑲ ᐳᑎᓯᐛᐱᓇᐧᒄ ᒧᓇᐃᐸᓂᒡ, ᑲ ᐱᑯᓴᔨᒥᑕᐧᒄ ᒐ ᒋᔅᑎᒪᒐᔨᒪᐧᒄ ᒥᒄ ᓇᒪ ᒋ ᐅᒋ ᓂᑐᑐᐛᓄᐤ᙮ ᐊᐅᑯᐤ ᐛᒋ ᐅᔅᑕᐱᐃᔭᐧᒄ᙮”

ᑎᐱᑦ ᐅᓂᑭᒧᐅᓇ 18:25

ᑲ ᓱᐛᔨᒋᒐᒡ ᒋᑭ ᓱᐛᔨᒪᐅᒡ; ᑲ ᑯᐃᔅᑭᑎᑦ ᐃᔪᐤ ᒋᑭ ᑯᐃᔅᑯᑕᑎᓯᔅᑐᐛᐤ᙮

ᑎᐱᑦ ᐅᓂᑭᒧᐅᓇ 85:10

ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ ᒋ ᓂᒋᔅᑲᑐᒥᑭᓇ; ᑯᐃᔅᑯᑕᑎᓯᐅᓐ ᑭᔭ ᒋᔭᒪᔨᑎᒧᐅᓐ ᒋ ᐅᒐᒥᑐᒥᑭᓇ᙮

ᒪᑎᔪᐤ 5:7

ᓱᐛᔨᑕᑯᓱᐅᒡ ᐊᓐᒡ ᑲ ᓱᐛᔨᒪᒡ ᐊᐛᔪᐛ ᐛᔅ ᒋᑭ ᓱᐛᔨᒥᑯᐅᒡ ᒋᓴᒪᓂᑐᐛ᙮

ᒪᑎᔪᐤ 6:15

ᐊᑯ ᒪᒃ ᐊᑲ ᐛᐸᔨᑎᒧᐛᒂᐛ ᑯᑎᑭᒡ ᓇᒪ ᑭᔭ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ ᒋᑭ ᐅᒋ ᐛᐸᔨᑎᒪᑯᐛᐤ ᑕᓐ ᑲ ᐃᓯ ᐅᓂᑐᑎᒪᒄ᙮”

ᓗᒃ 16:25

“ᐊᑯ ᐊᑉᕋᐊᒻ ᒂ ᐃᑕᑦ, ‘ᒋ ᒋᔅᒋᓯᓐ ᐊ, ᓂᑯᓴ, ᒪᒂᒡ ᑲ ᐱᒪᑎᓯᔨᓐ ᐊᓐᑕ ᐊᔅᒋᒡ ᒥᔪ ᒐᒂᓐ ᔅᒋ ᐊᔭᓐ, ᓚᓴᕋᔅ ᒪᒃ ᓇᒪ ᐅᒋ ᒥᔪ ᐊᔭᐤ ᒐᒂᔪᐤ᙮ ᐊᑯ ᒪᒃ ᐊᓄᒡ ᒥᔽᔨᒧᐤ ᐎᔾ ᐅᑕ, ᒋᔾ ᒪᒃ ᒋ ᓂᓇᐧᑲᑕᔨᒧᓐ᙮

ᓗᒃ 6:37

“ᐊᑲᐎᔾ ᑎᐸᔅᑯᓂᒐᒄ, ᑭᔭ ᓇᒪ ᒋᑭ ᐅᒋ ᑎᐸᔅᑯᓂᑯᐛᐤ ᒋᓴᒪᓂᑐᐤ᙮ ᐊᑲᐎᔾ ᓂᓱᐅᓇᒋᒧᐛᒄ ᑭᔭ ᓇᒪ ᒋᑭ ᐅᒋ ᓂᓱᐅᓇᒋᒥᑯᐛᐤ ᒋᓴᒪᓂᑐᐤ᙮ ᐛᐸᔨᑎᒪᒐᒄ ᐊᑯ ᑭᔭ ᒋᔨᐛᐤ ᒐ ᐛᐸᔨᑎᒪᑕᒄ ᒋᓴᒪᓂᑐᐤ᙮

ᒋᒥᔅ ᐅᒥᓯᓇᐊᒪᒐᐅᓐ 3:17

ᐊᓐ ᒪᒃ ᑭᒐᑕᐛᔨᑎᒧᐅᓐ ᐃᔅᐱᒥᒡ ᑲ ᐅᒋᐱᔨᒡ ᓂᔅᑎᒻ ᓇᔅᒡ ᐸᔭᐧᑭᓐ, ᐊᑯ ᒥᓐ ᐊ ᒋᔭᒪᔨᑕᑯᐃᐛᒥᑲᒡ, ᔪᔅᐸᔨᑕᑯᐃᐛᒥᑲᒡ, ᑭᔭ ᐃᑐᑕᑯᐤ ᐊᐛᓐ ᐃᔭᒂ ᒐᒋ ᓂᑐᑐᐛᑦ ᐊᐛᔪᐛ᙮ ᐊᐛᓐ ᐊ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ ᓇᔅᒡ ᒋᑭ ᐛᔪᒡ ᒋᓴᐛᑐᑐᐛᐤ ᐊᐛᔪᐛ ᑭᔭ ᒥᔅᑎ ᒋᑭ ᒥᔪᑐᑎᒪᒐᐤ, ᐸᐃᑯᓄᒡ ᒋᑭ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᑭᑲᑕᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 5:4

ᓇᒪ ᒋ ᐅᒋ ᒋᓯᐧᑯᐛᐛᐅᒡ ᐊᓐᒡ ᐊᐛᓐᒋ ᑲ ᐊᑐᔅᒐᒡ ᒋᓂᑕᐅᒋᑕᑭᓐ ᐊᔅᒋᐛᒡ᙮ ᓂᑐᑐᐛᐧᑯᒡ ᒪ ᐊ ᐎᑎᒪᑕᑯᒡ ᐊᑲ ᒥᔽᔨᑕᒡ᙮ ᐅᑎᐸᔨᒋᒐᐤ ᓇᔅᒡ ᑲ ᓱᐧᑲᑎᓯᑦ ᒋ ᐸᑐᐛᐤ ᑕᓐ ᐊ ᐃᓯ ᑕᑈᔨᒋ ᐅᔭ ᑲ ᒪᒧᓴᒋᓂᒥᔨᒋ ᒋᓂᑕᐅᒋᑕᑭᓄᐛᐛ᙮