ᒋᒥᔅ ᐅᒥᓯᓇᐊᒪᒐᐅᓐ 1:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᐊᐛᓐ ᐊ ᐃᑕᔨᒥᓱᑦ ᐊ ᑯᐃᔅᑯᑕᑎᓯᑦ ᒥᒄ ᒪᒃ ᐊᑲ ᒋ ᓂᓇᑭᑐᐛᔨᑕᐧᒃ ᑕᓐ ᐊ ᐃᔅᒋᔄᑦ, ᐎᔭᓯᐃᓱᐤ ᐊᓐ ᐊᐛᓐ᙮ ᓇᒪ ᒐᒂᔪᐤ ᐃᑕᐱᑎᓂᔪᐤ ᐅᑦ ᐊᔭᒥᐊᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 1:26 Iomraidhean Croise

ᑎᐱᑦ ᐅᓂᑭᒧᐅᓇ 141:3

ᐊᓱᐛᐸᑕ, ᐅ ᑎᐸᔨᒋᒐᓱᐤ, ᐊ ᐃᔎᑕᒧᐅᒡ ᓂᑐᓐ; ᑭᓄᐛᔨᑕ ᒪᒃ ᓂᑐᓐ ᐃᔎᑕᒻ᙮

ᑎᐱᑦ ᐅᓂᑭᒧᐅᓇ 32:9

ᐊᑲᐎᔾ ᓇᔅᐱᑕᐧᒄ ᑲᐸᐃᑭᔎᐤ, ᑭᔭ ᒪᒃ ᑲᓂᐧᑲᑎᓯᑦ ᑲᐸᐃᑭᔎᐤ, ᐊ ᐊᑲ ᐅᓂᔅᑐᑎᒧᐅᓂᒡ: ᐅᑐᓄᐛᐛ ᑲ ᒥᒋᒥᐱᑕᔨᒋ ᒋᑐᐱᒋᑭᓂᔪᐤ ᐅᒡ ᐊᑲ ᒥᒋᒪ ᒐᒋ ᓇᑎᔅᒡ᙮

ᑎᐱᑦ ᐅᓂᑭᒧᐅᓇ 34:13

ᑭᓄᐛᔨᑕ ᒋᑕᔨᔾ ᑲ ᒪᔭᑎᒡ ᐅᒡ, ᑭᔭ ᒋᑐᓐ ᒐ ᐊᑲ ᒋ ᒥᒋᐃᔨᒥᒥᑭᒡ᙮

ᒪᑎᔪᐤ 15:9

ᓇᒪ ᐊᐱᑎᓂᔪᐤ ᐊᓂᔭ ᐊ ᐸᒋ ᐊᔭᒥᐊᔅᑐᐅᒡ ᐛᔅ ᐃᔭᐱᒡ ᐎᔨᐛᐤ ᐅᐎᓱᐛᐅᓄᐛᐛ ᒋᔅᑯᑎᒪᒐᐅᒡ, ᓇᒪ ᐎ ᐊᓂᔭᔪᐛ ᒋᓴᒪᓂᑐᐛ ᑕᓐ ᑲ ᐃᓯ ᐸᒋ ᐱᔅᑎᓂᒥᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:7

ᓇᒪ ᐊᐱᑎᓂᔪᐤ ᐊᓂᔭ ᐊ ᐸᒋ ᐊᔭᒥᐊᔅᑐᐅᒡ ᐛᔅ ᐃᔭᐱᒡ ᐎᔨᐛᐤ ᐅᐎᓱᐛᐅᓄᐛᐛ ᒋᔅᑯᑎᒪᒐᐅᒡ, ᓇᒪ ᐎ ᐊᓂᔭᔪᐛ ᒋᓴᒪᓂᑐᐛ ᑲ ᐸᒋ ᐱᔅᑎᓂᒥᔨᒋ᙮ ᐊᔪᐅᒄ ᐅᔭ ᑲ ᐃᑎᓯᓇᐊᐧᒃ ᐊᓂᔭᐧᑲ ᐊᐃᓴᔭ᙮”

ᓗᒃ 8:18

ᐃᔭᒂᒥ ᒪᒃ ᑕᓐ ᐊ ᐃᓯ ᓂᑐᑎᒥᓐ, ᐛᔅ ᐊᓐ ᐊᐛᓐ ᐃᔭᒂ ᑲ ᐸᑕᐧᒃ ᐊᑐᐎᔅ ᒋᑭ ᓂᔅᑐᑎᒻ᙮ ᐊᑯ ᐊᓐ ᐊᐛᓐ ᐊᑲ ᐃᔭᒂ ᑲ ᐸᑕᐧᒃ ᒋᑭ ᐅᓂᒋᔅᒋᓱᐤ ᐃᔭᐱᒡ ᑕᓐ ᐊᓂᔭᔪᐛ ᑲ ᐃᑕᔨᑕᐧᒃ ᐊ ᓂᔅᑐᑕᐧᒃ᙮”

1 ᑯᕆᓐᑎᔭᓇ 15:15

ᐛᐛᒡ ᒋᐸ ᓄᑯᓐ ᐊ ᑭᑭᒋᔭᒥᒋᒡ ᒋᓴᒪᓂᑐᐤ ᐛᔅ ᓂᒋ ᐃᑕᒋᒪᓇᓐ ᑲᐤ ᐊᒋ ᐅᓂᔅᑲᓇᑦ ᙭ᑕ ᑲ ᓂᐱᔨᒋ᙮ ᑎᔭᑈᒥᑭᓂᒂ ᒪᒃ ᐊᑲ ᑲᐤ ᐅᓂᔅᑲᓇᑭᓄᐎᒡ ᑲ ᓂᐱᒡ ᐊᑯ ᑭᑈ ᓇᒪ ᐅᒋ ᐅᓂᔅᑲᓇᒐ ᒋᓴᒪᓂᑐᐤ ᙭ᑕ᙮

1 ᑯᕆᓐᑎᔭᓇ 15:2

ᐊᐅᒄ ᒥᔽᒋᒧᐅᓐ ᒋᓴᔅ ᑲ ᐊᔨᒧᒪᑭᓄᐅᑦ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ᙮ ᐊᐅᒄ ᒐ ᐱᒪᒋᐃᑯᔭᒄ ᓱᒃ ᒥᒪᒋᒥᓂᒪᒂ᙮ ᐊᑲ ᒪᒃ ᐅ ᑎᔭᒂ ᐊᑯ ᑭᑈ ᒐᔅᑲ ᐊᒋ ᑕᑈᑎᒪᒄ ᒐ ᐃᓯᓇᒂᒡ ᐊᑲ ᐱᒪᒋᐃᑯᔭᒂ᙮

1 ᑯᕆᓐᑎᔭᓇ 3:18

ᐊᑲᐎᔾ ᐊᐛᓐ ᒋᑭ ᐅᒋ ᐎ ᐎᔭᓯᐃᑎᓱᐤ᙮ ᐊ ᐃᑕᒂ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᓇᔅᒡ ᐊ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ᑭᒐᑕᐛᔨᑕᐧᒃ᙮

ᑲᓚᓯᔭᓇ 2:6

ᐊᓐᒡ ᑲ ᓂᑲᓂᔅᑲᒐᒡ, ᒋᔅᑕᔨᑕᑯᓱᐅᒡ ᒋ ᐃᑕᔨᒪᑭᓄᐎᒡ᙮ ᓇᒪ ᒪᒃ ᒐᒂᓐ ᑕᓐ ᐊ ᐃᑕᔨᒪᑭᓄᐎᒡ ᓂᑦ ᐃᑕᔨᑕᓐ ᓂᔾ ᐎ᙮ ᐛᔅ ᒥᓯᐛ ᐊᐛᔪᐛ ᐸᐃᑯᓄᒡ ᐃᑕᔨᒪᐤ ᐎᔾ ᒋᓴᒪᓂᑐᐤ᙮ ᒋ ᓇᐊᔨᑎᒧᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ, ᓇᒪ ᐅᒋ ᑎᑯᓂᔪᐤ ᐊᑐᐎᔅ ᒐᒋ ᐃᓯ ᐸᒋ ᐎᑎᒧᐅᑥᐤ᙮

ᑲᓚᓯᔭᓇ 2:9

ᒋᒥᔅ, ᐱᑕᕐ ᑭᔭ ᒠᓐ, ᐊᓐᒡ ᑲ ᓂᑲᓂᐊᑭᓄᐎᒡ ᑭᔭ ᒪᐅᒡ ᑲ ᒋᔅᑕᔨᒪᑭᓄᐎᒡ ᒋ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᒥᔨᒋ ᐅᔭ ᒐᒋ ᐃᑕᐱᑎᓯᐅᒡ᙮ ᐊᑯ ᒪᒃ ᐸᕐᓇᐸᔅ ᐊ ᓂᓯᔭᒡ ᑲ ᐊᑎᒥᔅᑯᐎᔨᒥᒡ ᐅᒡ ᐊ ᓂᔅᑎᒡ᙮ ᐊ ᓄᑯᑕᔭᒡ ᐸᐃᑯᓄᒡ ᐊ ᐃᓯᑲᐳᐅᔭᒡ᙮ ᒪᐅ ᒪᒃ ᑲ ᐃᓯ ᓂᔅᑯᒧᔭᒡ᙮ ᐸᕐᓇᐸᔅ ᐊ ᓂᓯᔭᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ ᑭᔭ ᐎᔨᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐ ᐛᐎᑎᒧᐛᒡ᙮

ᑲᓚᓯᔭᓇ 3:4

ᒋᑦ ᐃᑕᔨᑕᓇᐛᐤ ᐊ ᒐᔅᑲ ᐊ ᐃᓯᓇᒂᒡ ᒥᓯᐛ ᑕᓐ ᑲ ᐃᓯ ᓂ ? ᓇᓂᑐᐤ ᒐᒂᓐ ᔅᒋ ᐃᑕᔨᑎᒥᐃᑯᓇᐛᒐ ᐅᔭ᙮

ᑲᓚᓯᔭᓇ 6:3

ᒧᔭᒻ ᐊᐛᓐ ᒋᒋᐛ ᐊ ᐃᑕᔨᒥᓱᑦ ᐊᑎ ᒪᒃ ᐊᑲ ᒐᒂᔪᐤ ᐃᑕᔨᑕᑯᓯᑦ ᐎᔾ ᓇᔅᒡ ᐎᔭᓯᒥᑎᓱᐤ᙮

ᐃᐱᓯᔭᓇ 4:29

ᐊᑲᐎᔾ ᓂᑎᒥᒄ ᐃᔨᒧᐅᓐ ᐊᐱᒋᑕᒄ, ᑯᐃᔅᒄ ᐃᓯ ᐃᔨᒧᒄ ᐊᓂᔭ ᒐ ᒥᔪ ᐎᒋᐃᑯᒡ ᐊᓐᒡ ᑲ ᐸᑕᑕᑯᒡ ᐊᐛᓐᒋ ᒥᒄ ᑕᓐ ᐊ ᐃᔅᐱᔪᐛᒂ ᐅᐱᒪᑎᓯᐅᓄᐛᒡ᙮

ᐃᐱᓯᔭᓇ 5:4

ᓇᒪ ᑯᐃᔅᑯᓇᑯᓂᔪᐤ ᒋᓴᒪᓂᑐᐤ ᐅᑦ ᐃᔨᒪ ᒐᒋ ᒥᒋᑕᑯᓂᔨᒡ ᐅᑦ ᐃᔨᒧᐅᓂᔪᐤ ᒪᒃ ᒐᒋ ᒋᔎᐤ ᐃᔨᒥᔨᒋ ᒪᒃ ᓂᑎᒥᒄ ᒐᒋ ᐃᓯ ᐅᐎᑥᔨᒋ᙮ ᐃᔭᐱᒡ ᒧᔅ ᒋᐸ ᓂᓇᔅᑯᒪᐅᒡ ᐅᑎᐸᔨᒋᒐᐛ ᒥᓯᐛ ᒐᒂᔪᐤ ᐅᒡ᙮

ᑯᓚᓯᔭᓇ 4:6

ᒧᔅ ᒋᐸ ᒥᔪᑕᑯᓯᓇᐛᐤ ᑭᔭ ᒋᐸ ᐃᑈᐧᑲᑕᑯᓯᓇᐛᐤ ᐊ ᐃᔨᒥᔭᒄ ᑭᔭ ᒐ ᒋᔅᒐᔨᑎᒪᒄ ᑕᓐ ᒐ ᐃᓯ ᐎᑎᒧᐛᐧᒄ ᐊᐛᓐ ᐊ ᐎ ᓇᓂᑐ ᑭᒐᔅᒐᔨᑕᐧᒄ ᑕᓐ ᐊ ᐃᓯ ᑕᑈᑎᒪᒄ᙮

ᒋᒥᔅ ᐅᒥᓯᓇᐊᒪᒐᐅᓐ 1:19

ᐊᑲᐎᔾ ᐅᓂᒋᔅᒋᓯᒄ ᐅ ᓂᐧᑲᓂᓯᑐᒄ ᑲ ᓴᒋᐃᑎᑯᒡ᙮ ᒥᓯᐛ ᐊᐛᓐ ᓱᒃ ᒧᔅ ᐃᔭᒂ ᒋᐸ ᐎ ᓂᑐᑎᒻ, ᒋᐸ ᒪᒥᑐᓇᔨᑎᒻ ᑭᔭ ᑕᓐ ᐛ ᐃᔅᒋᔄᑦ ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:22

ᒥᒄ ᓂᑐᑎᒧᑕ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᑲ ᒪᒃ ᐃᑐᑎᒧᑕ, ᒋᐎᔭᓯᐃᓱᓐ᙮ ᐃᑐᑎᒻ ᑕᓐ ᐊ ᐃᑎᔅᑕᔨᒡ᙮

ᒋᒥᔅ ᐅᒥᓯᓇᐊᒪᒐᐅᓐ 2:20

ᒋ ᓂᑐᐛᔨᑕᓐ ᐊ ᒐᒋ ᐛᐸᑎᔨᑯᔨᓐ, ᒋᔾ ᒋᔎᐧᑲᓐ, ᐊᑲ ᒐᒂᓐ ᐃᓯᓇᑯᓂᔨᒡ ᐊᐛᓐ ᐅᑕᑈᑎᒧᐅᓐ ᐊᑲ ᓄᑯᓂᔨᒐ ᐅᑦ ᐊᑐᔅᒐᐅᓐ ?

1 ᐱᑕᕐ 3:10

ᐛᔅ ᐃᑎᔅᑕᐤ ᒥᓯᓇᐃᑭᓂᒡ, ᐊᐛᓐ ᑕᑈ ᐛ ᒥᔽᔨᑎᒧᒂ ᐊ ᐱᒪᑎᓯᑦ ᑭᔭ ᐸᑯᓴᔨᒧᒂ ᒐᒋ ᒪᒥᔪᐱᔨᑦ, ᐊᑲᐎᔾ ᒋᑭ ᐅᒋ ᒥᒋ ᐃᔨᒧᐤ ᑭᔭ ᐊᑲᐎᔾ ᒋᑭ ᐅᒋ ᐎᒋ ᑭᑭᒋᔭᐤ᙮