ᒋᒥᔅ ᐅᒥᓯᓇᐊᒪᒐᐅᓐ 1:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒥᒄ ᓂᑐᑎᒧᑕ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᑲ ᒪᒃ ᐃᑐᑎᒧᑕ, ᒋᐎᔭᓯᐃᓱᓐ᙮ ᐃᑐᑎᒻ ᑕᓐ ᐊ ᐃᑎᔅᑕᔨᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:22 Iomraidhean Croise

ᒪᑎᔪᐤ 12:50

ᒧᔭᒻ ᓂᑲᐎᔾ ᑭᔭ ᓂᐧᑲᓂᓯᒡ ᓂᑦ ᐃᑕᔨᒪᐅᒡ ᐊᓐᒡ ᑲ ᑐᑕᒡ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ ᐅᑦ ᐃᑕᔨᑎᒧᐅᓂᔪᐤ᙮”

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᓗᒃ 11:28

ᐊᑯ ᒋᓴᔅ ᒂ ᐃᑕᑦ, “ᓂᐦᐃ, ᑕᑈ, ᒥᒄ ᒪᒃ ᐅᔅᑕ ᓱᐛᔨᑕᑯᓱᐅᒡ ᐊᓐᒡ ᑲ ᐸᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᑭᔭ ᑲ ᓂᓇᐃᑎᒧᐛᒡ᙮”

ᒠᓐ 13:17

ᓂᔅᑐᑎᒪᒂ ᒪᒃ ᐅᔭ ᒐᒂᔪᐛ ᑭᔭ ᐃᑐᑎᒪᒂ ᒋᑭ ᓱᐛᔨᒥᑯᐅᓇᐛᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:13

ᐛᔅ ᑕᐸ ᐊᓐᑕ ᐊ ᐸᑕᐧᒃ ᐊᐛᓐ ᒧᓱᓴ ᐅᐎᓱᐛᐅᓂᔪᐤ ᒋᑭ ᐅᒋ ᑯᐃᔅᑯᓇᑯᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐃᑐᑕᒐ ᑕᓐ ᐊ ᐃᑎᔅᑕᔨᒡ ᐊᓐᑕ ᐊᑯᑕ ᒐ ᐅᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮

1 ᑯᕆᓐᑎᔭᓇ 15:33

ᐊᑲᐎᔾ ᒋᑭ ᐅᒋ ᐎᔭᓯᒥᑯᓇᐛᐤ᙮ ᑕᑈᒥᑭᓐ ᐊᓐ ᑲ ᐃᓇᓄᐅᒡ, “ᐊᓐᒡ ᑲ ᒥᒐᑎᓯᒡ ᐊᐛᓐᒋ ᐊ ᐱᐸᐎᒐᐛᑭᓄᐎᒡ ᐊᑯᑕ ᐛᒋᐱᔨᒡ ᓂᑎᒥᒄ ᐊ ᐃᑎᓇᓄᐅᒡ᙮”

1 ᑯᕆᓐᑎᔭᓇ 3:18

ᐊᑲᐎᔾ ᐊᐛᓐ ᒋᑭ ᐅᒋ ᐎ ᐎᔭᓯᐃᑎᓱᐤ᙮ ᐊ ᐃᑕᒂ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᓇᔅᒡ ᐊ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ᑭᒐᑕᐛᔨᑕᐧᒃ᙮

1 ᑯᕆᓐᑎᔭᓇ 6:9

ᐊᑲᐎᔾ ᐎᔭᓯᐃᓱᒄ᙮ ᒋ ᒋᔅᒐᔨᑕᓇᐛᒐ ᐊᓐᒡ ᐊᐛᓐᒋ ᑲ ᒥᒐᑎᓯᒡ ᓇᒪ ᒋᑭ ᐅᒋ ᒥᔨᑯᐅᒡ ᒋᓴᒪᓂᑐᐛ ᐊᓐᑕ ᐅᒋᓴᐅᒋᒪᐅᓂᔨᒡ ᒐᒋ ᑕᒡ᙮ ᒪᒃ ᐊᓐᒡ ᐊᐛᓐᒋ ᒥᓯᐛ ᐎᓂᓱᐅᓂᒡ ᑲ ᐃᓯ ᐱᒪᑎᓯᒡ, ᑭᔭ ᒪᒃ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᒪᒃ ᐊᓐᒡ ᑲ ᐅᓂᑐᑐᐛᒡ ᐅᐎᒋᒪᑭᓄᐛᐛ ᑭᔭ ᒪᒃ ᐊᓐᒡ ᑲ ᒋᓯᐧᑯᐛᑭᓄᐎᒡ ᓇᐸᐅᒡ ᐊ ᐎᐸᒪᑭᓄᐎᒡ ᑭᔭ ᒪᒃ ᐊᓐᒡ ᓇᐸᐅᒡ ᑲ ᐎᐸᒥᑐᒡ, ᑭᔭ ᐃᔎᐅᒡ ᑲ ᐎᐸᒥᑐᒡ᙮

ᑲᓚᓯᔭᓇ 6:3

ᒧᔭᒻ ᐊᐛᓐ ᒋᒋᐛ ᐊ ᐃᑕᔨᒥᓱᑦ ᐊᑎ ᒪᒃ ᐊᑲ ᒐᒂᔪᐤ ᐃᑕᔨᑕᑯᓯᑦ ᐎᔾ ᓇᔅᒡ ᐎᔭᓯᒥᑎᓱᐤ᙮

ᑲᓚᓯᔭᓇ 6:7

ᐊᑲᐎᔾ ᐎᔭᓯᒥᑎᓱᒄ, ᓇᒪ ᐊᐛᓐ ᒋᑭ ᒋ ᐎᔭᓯᒪᐤ ᒋᓴᒪᓂᑐᐛ᙮ ᐛᔅ ᐊᓂᔭ ᒐᒂᔪᐤ ᒐ ᐱᔅᑎᓂᒧᒂ ᐊᐛᓐ ᐊᓐᑕ ᐊᔅᒋᒡ ᐊᐅᑯᓐ ᐊᓂᔭ ᒐ ᓂᑕᐅᒋᓂᔨᒡ ᐊᓐᑕ᙮

ᐱᓕᐱᔭᓇ 4:8

ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐊ ᒥᓯᓇᐊᒪᑎᑯᒡ, ᐸᐃᒄ ᒥᓐ ᒐᒂᓐ ᒋᑭ ᐎᑎᒪᑎᓇᐛᐤ, ᓱᒃ ᒧᓯᓇᐤ ᒪᒥᑐᓇᔨᑎᒧᒄ ᐊᓂᔭᔪᐛ ᒐᒂᔪᐛ ᑲ ᒥᔽᓯᔨᒋ, ᐊᓂᔭᔪᐛ ᑲ ᒪᒥᒋᐃᐛᒋ, ᒧᔭᒻ ᒐᒂᓐ ᐊ ᑯᐃᔅᑯᓇᒂᒡ, ᒐᒂᓐ ᐊ ᒋᔅᑕᔨᑕᒂᒡ, ᑭᔭ ᑯᐃᔅᒄ ᐃᑐᐅᓐ, ᐸᔭᒋ ᐱᒪᑎᓯᐅᓐ, ᒐᒂᓐ ᐊ ᓇᐊᔨᑎᒥᐃᐛᒡ ᑭᔭ ᒐᒂᓐ ᐊ ᒥᔪ ᐛᐎᑕᑭᓄᐅᒡ᙮

ᑯᓚᓯᔭᓇ 3:17

ᒥᓯᐛ ᒐᒂᓐ ᐊ ᐃᑐᑎᒪᒄ ᑭᔭ ᑕᓐ ᐊ ᐃᔅᒋᔄᔭᒄ, ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓂᒡ ᒋᐸ ᐃᓯ ᐃᑐᑕᓇᐛᐤ ᐊ ᓂᓇᔅᑯᒪᒄ ᒋᓴᒪᓂᑐᐤ ᒍᑕᐎᓄᐤ ᐎᔾ ᒋᓴᓴ ᐅᒡ᙮

2 ᑎᒧᑎ 3:13

ᐊᑯ ᐊᓐᒡ ᑲ ᒥᒐᑎᓯᒡ ᑭᔭ ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᐊᔭᔅᒃ ᐊᑐᐎᔅ ᒋᑭ ᐃᑕᔨᑕᑯᓱᐅᒡ, ᐊ ᐎᔭᓯᒪᒡ ᐊᐛᔪᐛ ᑭᔭ ᐎᔨᐛᐤ ᐊ ᐎᔭᓯᒪᑭᓄᐎᒡ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:26

ᐊᐛᓐ ᐊ ᐃᑕᔨᒥᓱᑦ ᐊ ᑯᐃᔅᑯᑕᑎᓯᑦ ᒥᒄ ᒪᒃ ᐊᑲ ᒋ ᓂᓇᑭᑐᐛᔨᑕᐧᒃ ᑕᓐ ᐊ ᐃᔅᒋᔄᑦ, ᐎᔭᓯᐃᓱᐤ ᐊᓐ ᐊᐛᓐ᙮ ᓇᒪ ᒐᒂᔪᐤ ᐃᑕᐱᑎᓂᔪᐤ ᐅᑦ ᐊᔭᒥᐊᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 4:11

ᓂᐧᑲᓂᓯᑐᒄ ᐊᑲᐎᔾ ᒥᒋ ᐊᔨᒧᒥᑐᒄ᙮ ᐊᐛᓐ ᐊ ᒥᒋ ᐊᔨᒧᒪᑦ ᐎᐧᑲᓂᓴ ᒪᒃ ᐊ ᑎᐸᔅᑯᓇᑦ ᐊᑐᐛᔨᑎᒻ ᐎᓱᐛᐅᓂᔪᐤ ᑭᔭ ᑎᐸᔅᑯᓂᒻ᙮ ᒧᔭᒻ ᑕᐸᔅᑯᓂᒧᐎᓇ ᐎᓱᐛᐅᓐ ᓇᒪ ᒋ ᓂᓇᐃᑕᓐ ᑭᔭ ᑎᐸᔅᑯᓂᒐᓱᐤ ᒋᑦ ᐃᑕᐃᓱᓐ᙮

ᒋᒥᔅ ᐅᒥᓯᓇᐊᒪᒐᐅᓐ 4:17

ᐊᓐ ᐊᐛᓐ ᑲ ᒋᔅᒐᔨᑕᐧᒃ ᑕᓐ ᒋᐸ ᐃᓯ ᒥᔪᑐᑎᒻ ᐊᑲ ᒪᒃ ᐃᑐᑕᐧᒃ ᒥᒋᑐᑎᒻ ᐊᓐ ᐊᐛᓐ᙮

2 ᐱᑕᕐ 2:13

ᐎᔨᐛᐤ ᒪᒃ ᑎᐱᔨᐛ ᒋᑭ ᒋᐛ ᑎᐸᐊᒧᐛᑭᓄᐎᒡ ᐊᐧᑯᐎᐛᐅᓂᔪᐤ ᑕᓐ ᑲ ᐃᔅᐱᔅ ᐸᒋ ᐊᔭᐧᑯᐊᒡ ᐊᐛᔪᐛ᙮ ᐊ ᒋᔎᔭᑎᓯᓇᓄᐎᒡ ᒪᒃ, ᒥᒄ ᐊ ᒥᒥᒋ ᒧᒋᒐᔨᑕᑭᓄᐎᒡ ᐊ ᒪᒂᐤ ᒋᓯᑲᔨᒡ, ᐊᐅᑯᓐ ᐅᔭ ᐊ ᐃᑕᔨᑕᒡ ᒥᔽᔨᑕᑯᓐ᙮ ᓇᒪ ᓂᐃᓇᑯᓱᐅᒡ ᑭᔭ ᐎᔨᐛᐤ ᒪᐅᒡ ᐱᐸᒥᓇᑯᓱᐅᒡ ᐊᓐᑕ ᒪᓐ ᐊ ᐎᒋᒥᒋᓱᒥᑕᑯᒡ᙮ ᐊᓐᑕ ᐊᓂᔭ ᒪᒂᒡ ᐊ ᐎᒋᒥᒋᓱᒥᑕᑯᒡ ᐊᑯᑕ ᓇᓂᑎᒻ ᒪᒥᒋ ᒥᔽᔨᑎᒥᐃᓱᐅᒡ ᐊ ᒋᔅᒐᔨᑕᒡ ᑕᓐ ᐊ ᐃᓯ ᐛᐎᔭᓯᒥᑕᑯᒡ᙮

1 ᒠᓐ 1:8

ᒧᔭᒻ ᐃᔅᒋᔄᔭᒂ ᐊᑲ ᓂᑕ ᒥᒋᑐᑎᒪᐧᒄ, ᒋ ᐎᔭᓯᒥᑎᓱᓇᓄᐤ, ᑭᔭ ᓇᒪ ᒋ ᐱᒋᔅᑲᑯᓇᓄᐤ ᑕᑈᐅᓐ᙮

1 ᒠᓐ 2:3

ᐃᑐᑎᒪᒂ ᐊ ᐃᑎᓱᒥᑕᐧᒄ ᒋᓴᒪᓂᑐᐤ ᐊᑯᑕ ᒐ ᐅᒋ ᓄᒂᒡ ᑕᑈ ᐊ ᒋᔅᒐᔨᒪᐧᒄ᙮

1 ᒠᓐ 3:7

ᓂᑦ ᐊᐛᓯᒥᑎᒄ, ᐊᑲᐎᔾ ᒥᔭᐧᒄ ᐊᐛᓐ ᒐᒋ ᐎᔭᓯᒥᑕᒄ᙮ ᐊᓐ ᐊᐛᓐ ᑯᐃᔅᒄ ᑲ ᐃᑎᑦ, ᑯᐃᔅᑯᑕᑎᓯᐤ ᒧᔭᒻ ᙭ᑕ ᐊ ᐃᓯ ᑯᐃᔅᑯᑕᑎᓯᔨᒋ᙮

3 ᒠᓐ 1:11

ᓂᐎᒐᐛᑭᓐ ᑲ ᓴᒋᐃᑕᓐ, ᐊᑲᐎᔾ ᒋᔅᒋᓄᐛᐸᑕ ᒥᒐᑎᓯᐅᓐ, ᑯᐃᔅᑯᑕᑎᓯᐅᓐ ᐊᐅᒄ ᒋᔅᒋᓄᐛᐸᑕ᙮ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᒋᓴᒪᓂᑐᐛ ᑎᐱᔨᐛᐅᓯᑐᑕᑯᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᓇᒪ ᐅᒋ ᐛᐱᒪᐤ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 22:7

ᒋᓴᔅ ᒪᒃ ᐃᔅᒋᔄᐤ, “ᓂᑐᑎᒧᒄ, ᓴᔅ ᐎᐱᒡ ᓂᑭ ᑎᑯᓯᓐ᙮ ᑕᑈ ᒋᑭ ᓱᐛᔨᒪᑭᓄᐤ ᐊᐛᓐ ᒐ ᓂᓇᐃᑕᐧᒃ ᐅᔭ ᐃᔨᒧᐅᓂᔪᐤ ᑕᓐ ᑲ ᐃᓯ ᐛᐸᑎᔨᐛᔨᒋ ᒋᓴᒪᓂᑐᐛ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮”