ᒋᒥᔅ ᐅᒥᓯᓇᐊᒪᒐᐅᓐ 1:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᑯᒂᒋᐊᑭᓄᐤ ᐊᐛᓐ ᒐᒋ ᒥᒋᑐᑕᐧᒃ ᐃᔅᐱ ᐸᔅᒐᐱᑎᑯᒋ ᐎᔾ ᑎᐱᔨᐛ ᐅᒥᒋ ᓂᑐᐛᔨᑎᒧᐅᓐ ᑭᔭ ᐊ ᑯᒂᑕᔨᑕᐧᒃ ᒐᒋ ᒥᒋᑐᑕᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 1:14 Iomraidhean Croise

ᒐᓂᓯᔅ 3:6

ᒋ ᐛᐸᑎᒻ ᐃᔎᐤ ᐊᔅᐱᔅ ᒥᔽᓯᔨᒡ ᑭᔭ ᐊ ᒥᔽᔨᒡ ᒐᒋ ᒥᒋᓇᓄᐎᒡ; ᐃᔭᐱᒡ ᒋᔅᒐᔨᑎᒻ ᒥᒋᑦ ᐊᐛᓐ ᐊᓂᔭ ᒥᓂᓴ ᒋᐸ ᑭᒐᑕᐛᔨᑕᑯᓱᐤ ᑭᔭ ᓇᔅᒡ ᒋ ᓇᓂᑐᐛᔨᑎᒻ ᐃᔎᐤ ᒐᒋ ᑭᒐᑕᐛᔨᑕᑯᔅᑦ, ᐊᑯ ᐛᑎᓇᐧᒃ ᐊᓂᔭ ᒥᓂᓴ, ᒂ ᒥᒋᑦ ᑭᔭ ᒂ ᒥᔭᑦ ᐱᔅᒐ ᐅᓇᐸᒪ ᑭᔭ ᐎᔾ ᓇᐸᐤ ᒪᒋᑦ᙮

ᒐᓂᓯᔅ 6:5

ᐊᑯ ᑎᐸᔨᒋᒐᓱᐤ ᒂ ᐛᐱᒪᑦ ᐃᔪᐛ ᓇᔅᒡ ᐊ ᒥᒋᑥᔨᒋ ᐅᑕ ᐊᔅᒋᒡ, ᑭᔭ ᐊᓯᑯᒻ ᒥᒋ ᐃᑕᔨᑎᒧᐅᓂᔪᐤ ᒥᒄ ᒋ ᑎᑯᓂᔪᐤ ᐅᑕᐃᐛᒡ᙮

ᒐᓂᓯᔅ 8:21

ᒋ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ ᐊ ᒥᔪᒪᑯᓂᔨᒡ ᒥᑐᔅᑕᐊᒪᒐᐅᓂᔪᐤ, ᑭᔭ ᑎᐸᔨᒋᒐᓱᐤ ᒂ ᐃᔅᒋᔄᑦ, “ᓇᒪ ᓂᑕ ᒥᓐ ᓂᑭ ᐊᓏᔨᑕᓐ ᐊᔅᒋᔾ ᒥᒋᑐᑎᒧᐅᓂᔪᐤ ᐊ ᐃᑐᑕᐧᒃ ᐃᔪᐤ᙮ ᒥᓯᐛ ᐎᔨᐛᐤ ᒋ ᐅᒋ ᒥᒋᒪᒥᑐᓇᔨᑎᒧᒡ ᑲ ᐸᒋ ᐅᔅᑎᓂᒋᐅᒡ, ᒥᒄ ᓇᒪ ᓂᑕ ᓂᑭ ᓂᓱᐅᓇᒋᑕᓐ ᒥᓯᐛ ᒐᒂᓐ ᑲ ᐱᒪᑎᓯᒥᑲᒡ ᒧᔭᒻ ᑲ ᐃᓯ ᐃᑐᑎᒪᓐ᙮

ᒪᑎᔪᐤ 15:18

ᒥᒄ ᒪᒃ ᐊᓂᔭ ᐊ ᐃᓯ ᐸᒋ ᐎᐎᐱᔨᒡ ᐊᐛᓐ ᐅᑐᓂᒡ ᐊ ᐃᔨᒥᑦ, ᐅᑕᐃᒡ ᐊᓂᔭ ᐅᒋᐱᔪᐤ, ᐊᔪᐅᒄ ᒪᒃ ᐅᔭ ᑲ ᐃᑐᑕᑯᑦ ᐊᐛᓐ ᒐᒋ ᒥᒐᑎᓯᑦ᙮

ᒪᑎᔪᐤ 15:20

ᐊᐅᑯᔪᐤ ᒪᒃ ᐅᔭ ᒐᒂᔪᐛ ᐊ ᐃᑐᑕᑯᑦ ᐊᐛᓐ ᒐᒋ ᒥᒋᑐᑕᐧᒃ᙮ ᐊᑯ ᒪᒃ ᐎ ᐊ ᒥᒋᓱᔭᒄ ᐊᑲ ᒋᔅᑕᐸᐅᑕᔭᒄ ᔅᑎᒋᐛᐛ ᓇᒪ ᐎ ᐊᓂᔭ ᐃᑐᑕᑯᐤ ᐊᐛᓐ ᒐᒋ ᒥᒋᑐᑕᐧᒃ᙮”

ᒪᑎᔪᐤ 4:1

ᐊᑯ ᒋᓴᔅ ᒂ ᐃᑐᑕᐃᑯᑦ ᑲ ᐸᔭᒋᓯᔨᒋ ᐊᒐᒂ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᑯᒂᒋᐃᑯᑦ ᒥᒋᒥᓂᑐᐛ᙮

ᒪᑎᔪᐤ 5:28

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᑭᓄᐛᐱᒪᒐ ᐃᔎᐛ, ᓂᑎᒥᒄ ᒪᒃ ᐃᓯ ᒪᒥᑐᓇᔨᒪᒐ, ᓴᔅ ᐃᓯᓇᑯᓂᔪᐤ ᐊ ᐎᒋ ᐱᓯᒂᑎᓯᒪᑦ ᐊᓐᑕ ᐅᑕᐃᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:11

ᒋᓴᒪᓂᑐᐤ ᐅᑦ ᐃᑎᓱᐛᐅᓂᒡ ᒋ ᐅᒋ ᓇᐃᐱᔨᐃᓱᒥᑭᓐ ᒥᒋᑥᐅᓐ ᒐᒋ ᐎᔭᓯᒥᑯᔭᓐ᙮ ᐊᐅᒄ ᒪᒃ ᐅ ᒥᒋᑥᐅᓐ ᑲ ᓂᐸᐃᑯᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:13

ᐊᐅ ᐊ ᒪᒃ ᐊ ᐃᓯᓇᒂᒡ ᐊᓐ ᑲ ᒥᔽᓯᒡ ᓂᐳᐅᓂᒡ ᒐᒋ ᐃᑐᑕᐃᑯᔭᓐ ? ᓇᒪᐎᔾ ᑭᑈ᙮ ᒥᒋᑥᐅᓐ ᐊᐅᒄ ᓂᐳᐅᓂᒡ ᑲ ᐃᑐᑕᐃᑯᔭᓐ᙮ ᐊᓐ ᒐᒂᓐ ᐊ ᒥᔽᓯᒡ ᐊᑯᑕ ᑲ ᐅᒋᐱᔪᐅᒥᑲᒡ ᒥᒋᑥᐅᓐ ᓂᐳᐅᓂᒡ ᒐᒋ ᐃᑐᑕᐃᑯᔭᓐ᙮ ᐊᑯᑕ ᒪᒃ ᑲ ᐅᒋ ᓄᑯᑕᑭᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ ᒥᒋᑥᐅᓐ᙮ ᐎᓱᐛᐅᓂᒡ ᐊᑯᑕ ᑲ ᐅᒋ ᓄᑯᑕᑭᓄᐅᒡ ᑕᓐ ᐊᔅᐱᔅ ᐊᑐᐎᔅ ᒪᔭᑎᒡ ᒥᒋᑥᐅᓐ᙮

ᐃᐱᓯᔭᓇ 4:22

ᔅᒋ ᐎᑎᒪᑯᓇᐛᐤ ᒐ ᓂᓱᐅᓇᒋᐃᑯᔭᒄ ᐊᓐ ᑲ ᐎᔭᓯᒥᑯᔭᒄ ᒋᒥᒋᓂᑐᐛᔨᑎᒧᐅᓄᐛᐛ, ᑭᔭ ᔅᒋ ᐃᑎᑯᓇᐛᐤ ᒐᒋ ᐛᐱᓂᒪᒄ ᐛᔅᑭᒡ ᑕᓐ ᑲᒋ ᐃᑕᑎᓯᔭᒄ ᐊ ᒥᒋᑐᑎᒪᒄ᙮

ᐃᑉᕈᐛ 3:13

ᐊᓯᑯᒻ ᒋᓯᑲᐛ ᒪᒃ ᓯᒋᒥᑐᒄ ᐊᔅᒄ ᒪᒂᒡ ᐊ ᑕᐛᒡ ᐅ ᒐᒋ ᐃᑎᔭᒄ᙮ ᐊᑯ ᒪᒃ ᓇᒪ ᐛᒋ ᐸᐃᒄ ᐊ ᑎᓯᔭᒄ ᒋᑭ ᐅᒋ ᐎᔭᓯᒥᑯᓇᐛᐤ ᒐᒋ ᑕᑈᑎᒪᒄ ᐊᑲ ᓴᓯᑲᓐ ᐃᓯᓇᒂᒡ ᒥᒐᑎᓯᐅᓐ᙮ ᐛᔅ ᐊᑯᑕ ᒐ ᐅᒋᐱᔨᒡ ᐊ ᓱᒋᔅᑎᒂᓇᔭᒄ᙮

ᒋᒥᔅ ᐅᒥᓯᓇᐊᒪᒐᐅᓐ 1:13

ᐊᓐ ᐊᐛᓐ ᑲ ᑯᒂᒋᐊᑭᓄᐅᑦ ᓇᒪ ᒋᐸ ᐅᒋ ᐃᔅᒋᔄᐤ, “ᒋᓴᒪᓂᑐᐤ ᓂ ᐸᒋ ᑯᒂᒋᐃᒄ᙮” ᑕᐸ ᒋᑭ ᒋ ᑯᒂᒋᐃᑯᐤ ᒥᒋᑥᐅᓂᔪᐤ ᒋᓴᒪᓂᑐᐤ ᑭᔭ ᓇᒪ ᑯᒂᒋᐊᐤ ᐊᐛᔪᐛ ᒐᒋ ᒥᒋᑐᑎᒥᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 1:15

ᐃᔅᐱ ᒪᒃ ᓯᔭᑯᒋᐃᑯᒋ ᐊᑲ ᓂᔅᑯᔅᑕᐧᒃ, ᐊᑯ ᑕᑈ ᐊ ᐊᑎ ᐃᑐᑕᐧᒃ ᐊᓂᔭ᙮ ᐃᔅᐱ ᒪᒃ ᐊ ᐃᑎᑦ ᐊᓂᔭ ᑕᓐ ᑲ ᐃᓯ ᒥᒋᓂᑐᐛᔨᑕᐧᒃ, ᓂᐳᐅᓂᒡ ᐃᑐᑕᐃᑯᐤ᙮