ᐃᑉᕈᐛ 9:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᑎᑯᓐ ᒪᒃ ᐊ ᐃᓯ ᐃᔨᒥᐃᑯᔭᐧᒄ ᐅ ᐊᓄᒡ ᒐᓯᑲᒡ᙮ ᐊᓐ ᐊᒋ ᐅᓯᑕᑭᓄᐅᒡ ᐊᓐ ᐊᔭᒥᐊᐤ ᒥᒋᐛᑉ ᐱᑎᑭᒥᒡ ᐊᑯᑕ ᐛᒋ ᒋᔅᒐᔨᑎᒪᐧᒄ ᐊᑲ ᐊᐛᓐ ᐅᑎᔅᑯᐤ ᒐᒋ ᓇᑕᑦ ᒋᓴᒪᓂᑐᐛ᙮ ᐊᔅᒄ ᒪᒃ ᐊᓄᒡ ᐊᐅᑯᓐ ᐊ ᐃᓯᓇᒂᒡ, ᐊᓂᔭᔪᐛ ᒥᑐᔅᑕᐊᒪᒐᐅᓇ ᑭᔭ ᐱᔅᑎᓂᒐᐅᓇ ᓇᒪ ᒋᑭ ᒋ ᐃᑐᑕᑯᐤ ᐊᐛᓐ ᓇᔅᒡ ᒐᒋ ᐃᑕᔨᑎᒥᐃᑯᑦ ᑕᑈ ᓇᔅᒡ ᐊᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮

ᐃᑉᕈᐛ 9:9 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:14

ᐊᑕᒻ ᐊ ᑕᑦ ᐅᒋ ᐊᓐᒡ ᒪᒃ ᐊᓐᑕ ᑲ ᐊᓂᔅᒐ ᐱᒪᑎᓯᒡ ᒧᓱᓴ ᐃᔅ ᐊ ᑕᔨᒋ ᒥᓯᐛ ᒋ ᑎᐸᔨᒥᑯᐅᒡ ᓂᐳᐅᓂᔪᐤ ᐊᑎ ᐊᓐᒡ ᐊᑲ ᐊᓐ ᐊᑕᒻ ᑲ ᐃᓯ ᒥᒋᑐᑎᒥᔨᒋ ᑲ ᐃᓯ ᒥᒋᑐᑕᒡ᙮ ᐅ ᒪᒃ ᐊᑕᒻ ᐃᔭᐱᒡ ᒋ ᑎᑯᓂᔪᐤ ᑕᓐ ᑲ ᐃᓯ ᓂᔅᐱᑐᐛᑦ ᐊᓂᔭ ᐊᔅᒄ ᒐ ᑎᑯᓯᓂᔨᒋ, ᐊᐅᑯᓂᐃ ᒋᓴᓴ᙮

ᑲᓚᓯᔭᓇ 3:21

ᐃᔭᒡ ᐊ ᒪᒃ ᐃᔅᒋᔄᒥᑭᓇ ᐊᓂᔭ ᒍᐤ ᐊᔭᒥᐊᐅ ᐎᓱᐛᐅᓇ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐ ᐃᑎᑦ ᐃᔅᐱ ᑲ ᐎᑕᐧᒃ ᒐ ᐃᓯ ᓂᔅᑯᒧᑦ ? ᓇᒪ ᓇᔅᒡ ᐃᔭᒡ ᐃᔅᒋᔄᒥᑭᓇ᙮ ᒧᔭᒻ ᐊ ᐃᑕᑭᓄᐛᑯᐱᓇᓂ ᐎᓱᐛᐅᓇ ᐊᓐᑕ ᒐᒋ ᐅᒋ ᐱᒪᒋᐅᒡ ᐊᐛᓐᒋ ᑭᑈ ᐅᑯᐃᔅᑯᑕᑎᓯᐤ ᒋᐸ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭᔪᐛ ᐊᐛᔪᐛ ᑲ ᓂᓇᐊᔨᑎᒥᔨᒋ ᐊᓂᔭᔪᐛ ᐎᓱᐛᐅᓇ᙮

ᐃᑉᕈᐛ 10:11

ᒥᓯᐛ ᐊᔭᒥᐊᐅᒋᒪᐤ ᐊᓯᑯᒻ ᒋᓯᑲᐛ ᐊᑐᔅᒐᐤ ᒧᔅ ᐊ ᐸᐃᑯᓂᔨᒡ ᒐᒂᔪᐤ ᐊ ᐃᑐᑕᐧᒃ, ᒧᔅ ᐊ ᒥᑐᔅᑕᐊᒪᑦ᙮ ᐊᑎ ᒪᒃ ᐊᓂᔭ ᐊ ᐃᑐᑕᐧᒃ ᓇᒪ ᓂᑕ ᒋᑭ ᒋ ᐛᐸᔨᑎᒧᐛᑭᓄᐅᔪᐛ ᐊᐛᔪᐛ ᐅᒥᒋᑥᐅᓂᔪᐤ᙮

ᐃᑉᕈᐛ 11:19

ᐊᑉᕋᐊᒻ ᒋ ᒋᔅᒐᔨᑎᒻ ᒋᓴᒪᓂᑐᐛ ᒐᒋ ᐅᓂᔅᑲᓇᔨᒋ ᐊᐛᔪᐛ ᓂᐳᐅᓂᒡ ᐅᒡ᙮ ᐊᓂᔭ ᒪᒃ ᑲᐤ ᐊᒋ ᒥᔭᑭᓄᐅᑦ ᐊᑉᕋᐊᒻ ᐅᑯᓴ ᐊᐃᓯᑲ, ᒧᔭᒻ ᓂᐳᐅᓂᒡ ᐊᒋ ᐅᒋ ᐅᓂᔅᑲᓇᑭᓄᔨᒋ ᒋ ᐃᓯᓇᑯᓂᔪᐤ᙮

ᐃᑉᕈᐛ 5:1

ᒥᓯᐛ ᒋᓴᐊᔭᒥᐊᐅᒋᒪᐤ ᒪᒂᒡ ᐅᑦ ᐃᔨᒪ ᐊ ᑕᔨᒋ ᒋ ᐅᒋ ᐅᑎᓇᑭᓄᐤ ᒐᒋ ᐊᑐᔅᑯᐛᑦ ᒋᓴᒪᓂᑐᐛ ᐎᔨᐛᐤ ᐅᒋ᙮ ᒋ ᐱᔅᑎᓂᒐᔅᑎᒧᐛᐤ ᐊᓂᔭᔪᐛ ᐃᔪᐛ ᑭᔭ ᒋ ᒥᑐᔅᑕᐊᒪᐤ ᒐᒋ ᐛᐸᔨᑎᒧᐛᑭᓄᔨᒋ ᐊᓂᔭᔪᐛ ᐃᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 7:11

ᐃᔅᐱᔅ ᐊᓐᒡ ᐃᔅᕋᐃᓪ ᐃᔪᒡ ᑲ ᒥᔭᑭᓄᐅᒡ ᐊᓂᔭ ᐎᓱᐛᐅᓂᔪᐤ, ᐊᓂᔭᔪᐛ ᐊᔭᒥᐊᐅᒋᒪᐛ ᓕᐸᐃ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᔨᒋ ᒋ ᐊᔨᒧᑎᒪᑯᐅᒡ ᐅᔭ ᐎᓱᐛᐅᓂᔪᐤ᙮ ᒋ ᐃᓯᓇᑯᓂᑯᐱᓇ ᒪᒃ ᒐᒋ ᐱᒪᒋᐅᒡ ᐊᐛᓐᒋ ᐊᓂᔭ ᑲ ᐃᓯ ᐊᑐᔅᒐᔨᒋ ᐅᔭ ᐊᔭᒥᐊᐅᒋᒪᐛ ᐅᒋ ᓇᒪ ᒋᐸ ᐅᒋ ᓂᑐᐛᔨᑕᑯᓂᔪᐤ ᒥᓐ ᒐᒋ ᑕᑦ ᐊᐛᓐ ᐊ ᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᒃ ᐊ ᐃᑕᔨᑕᑯᓯᑦ᙮ ᒥᒄ ᒪᒃ ᓇᒪ ᐅᒋ ᐱᒪᒋᐅᒡ ᐊᐛᓐᒋ ᒥᒄ ᐊᓂᔭ ᐅᑦ ᐊᑐᔅᒐᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᒡ᙮ ᐊᑯ ᑭᑈ ᑲ ᓂᑐᐛᔨᑕᒂᒡ ᒥᓐ ᑯᑎᒃ ᒋᓴᐊᔭᒥᐊᐅᒋᒪᐤ ᒐᒋ ᑕᑦ ᒧᔭᒻ ᒪᓪᑭᓴᑕᑲ ᑲ ᐃᑕᔨᑕᑯᓯᔨᒋ ᒐᒋ ᐃᑕᔨᑕᑯᓯᑦ᙮ ᓇᒪ ᐎ ᐊᕋᓇ ᑲ ᐃᑕᔨᑕᑯᓯᔨᒋ ᒋᐸ ᐅᒋ ᐃᑕᔨᑕᑯᓱᐤ᙮

ᐃᑉᕈᐛ 8:4

ᒥᒄ ᒪᒃ ᐅᑕ ᐊᔅᒋᒡ ᒋ ᐃᑕᑯᐱᓇ ᓇᒪ ᒋᐸ ᐅᒋ ᐊᔭᒥᐊᐅᒋᒪᐤ ᐛᔅ ᓴᔅ ᑕᐅᒡ ᑯᑎᑭᒡ ᐊᔭᒥᐊᐅᒋᒪᐅᒡ ᐅᑕ ᐊᔅᒋᒡ᙮ ᐊᓂᔭ ᒪᒃ ᐊ ᐃᑎᔅᑕᔨᒡ ᒍᐤ ᐎᓱᐛᐅᓂᔪᐤ ᐊᐅᑯᓐ ᐊ ᐃᓯ ᐊᑐᔅᒐᒡ ᐅᒡ ᐊᔭᒥᐊᐅᒋᒪᐅᒡ ᐅᑕ ᐊᔅᒋᒡ ᑲ ᐊᔭᒥᐊᐅᒋᒪᐤ ᐊᐱᑎᓯᒡ᙮

ᐃᑉᕈᐛ 9:24

ᐛᔅ ᙭ ᒋ ᐱᒐᐤ ᐊᓂᔭ ᒪᐅᒡ ᑲ ᒋᔅᑕᔨᑕᑯᓂᔨᒡ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ, ᐊᓂᔭ ᐊᑲ ᓇᐸᐛ ᐅᒋ ᐅᓯᑕᔨᒋ᙮ ᐅ ᒥᒋᐛᑉ ᐅᑕ ᐊᔅᒋᒡ ᑲ ᑎᒂᒡ ᓂᔅᐱᑐᒧᒥᑭᓐ ᐊ ᐃᓯᓇᒂᒡ ᐊᓐ ᒥᒋᐛᑉ ᒋᒋᒋᓯᑯᒡ ᐊ ᑎᒂᒡ᙮ ᒋᓴᔅ ᒪᒃ ᐊᓐᑕ ᒋᒋᒋᓯᑯᒡ ᐛᒋᒡ ᒋ ᐱᒐᐤ, ᐊᓐᑕ ᒧᔅ ᐊ ᐊᔭᒥᐊᔅᑎᒪᑕᐧᒄ ᒋᓴᒪᓂᑐᐛ ᐊ ᑕᔨᒋ᙮

1 ᐱᑕᕐ 3:21

ᐊᓐ ᒪᒃ ᓂᐱᔾ, ᒧᔭᒻ ᓯᑲᐃᑕᒐᐅᓐ ᒋ ᐃᓯᓇᑯᓐ, ᓯᑲᐃᑕᒐᐅᓂᔪᐤ ᒪᒃ ᐊᔪᐅᒄ ᐸᒪᒋᐃᑯᑦ ᐊᐛᓐ ᑲ ᑕᑈᑕᐧᒃ᙮ ᒥᒄ ᒪᒃ ᐊ ᓯᑲᐃᑐᐛᑭᓄᐅᑦ ᐊᐛᓐ ᓇᒪ ᐎᔪᐤ ᒋᔅᑕᐸᐅᑕᑭᓄᐅᔪᐤ᙮ ᓄᑯᑕᐤ ᒋᓴᒪᓂᑐᐛ ᐊ ᐃᑕᑦ ᑕᑈ ᙭ᑕ ᒐ ᓇᓴᐛᑦ᙮ ᐱᒪᒋᐃᑯᐤ ᐊ ᓯᑲᐃᑐᐛᑭᓄᐅᑦ ᐊᓂᔭ ᐅᒋ ᒋᓴᔅ ᙭ᑕ ᐊᒋ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮