ᐃᑉᕈᐛ 9:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᑯᑕ ᐊᓐᑕ ᑲ ᑎᒂᒡ ᑲ ᐎᔄᐅᓱᓇᔭᐱᔅᑯᐅᒡ ᐱᔅᑎᓂᒐᐅᓇᐱᔅᒄ ᐊᓐᑕ ᑲᒋ ᐃᔎᓯᑭᓄᐅᒋ ᑲᐎᒋᒪᑯᓯᔨᒋ᙮ ᑭᔭ ᒋ ᑎᑯᓐ ᐊᓐᑕ ᒥᔅᑎᑯᒥᐅᑦ ᐱᓯᒄ ᐎᔄᐅᓱᓇᔭᐱᔅᒄ ᐊᒋ ᐃᓯᓇᒂᒡ ᐊᓐᑕ ᐛᔅᑲ ᑭᔭ ᐊᓐᑕ ᐱᒡ ᐊᐅᑯᓐ ᑲ ᐃᓯᓇᒂᒡ᙮ ᐊᑯᑕ ᑲ ᐱᒋᑎᒡ ᑭᔭ ᐊᓐ ᐳᑎᔾ ᑲ ᐎᔄᐅᓱᓇᔭᐱᔅᑯᐅᒡ ᐊᓐᑕ ᑲ ᐱᒋᓯᐧᒃ ᐊᓐ ᐸᒂᓯᑭᓐ ᒪᓇ ᑲ ᐃᓯᓂᐧᑲᑕᑭᓄᐅᑦ᙮ ᑭᔭ ᐊᓂᔭ ᐊᕋᓐ ᐅᓯᔅᑲᐅᓇᑎᒄ ᑲ ᓂᐱᓯᔪᓂᔨᒡ ᐊᑯᑕ ᑲ ᐱᒋᑎᓂᔨᒡ ᑭᔭ ᐊᓐᒡ ᓂᓱ ᑲ ᐱᐱᒋᓯᒡ ᐊᓯᓂᔨᒡ ᐊᓐᑕ ᑲ ᒥᓯᓇᐃᑭᓄᐅᒋ ᐊᓂᔭ ᐸᐃᑯᔪᐤ ᐃᑎᓱᐛᐅᓇ ᐊᑯᑕ ᑲ ᐱᒋᑎᒋ᙮

ᐃᑉᕈᐛ 9:4 Iomraidhean Croise

ᐊᒃᓱᑕᔅ 26:33

ᒋᑭ ᐊᑯᑕᐅᒡ ᐊᑯᐛᑲᐃᑭᓇ ᐊᓐᑕ ᓯᐸᔅᑯᓂᑭᓂᒡ ᐃᔅᐱᒥᒡ ᐸᔭᒋ-ᐱᒍᐎᔭᓂᒋᐛᐱᒡ, ᑭᔭ ᐅᑕᒡ ᐊᑯᐛᑲᐃᑭᓂᒡ ᒋᑭ ᐊᔅᑕᐅᒡ ᐸᔭᒋ-ᒥᐅᑎᔪᐤ ᐊᓐᑕ ᐸᒋᑎᒋ ᓂᓱ ᑲ ᐱᐱᒋᓯᒡ ᐊᓯᓂᔨᒡ ᐊᓐᑕ ᑲ ᒥᓯᓇᐃᑭᓄᐅᒋ ᓂᐎᓱᐛᐅᓇ᙮ ᐊᑯᐛᑲᐃᑭᓐ ᒋᑭ ᑎᐸᓂᒧᒥᑭᓐ ᑲ ᐸᔭᒋᒥᑲᒡ ᑲᐱᔅᒋᒐᔭᒡ ᑭᔭ ᑲᐱᔅᒋᒐᔭᒡ ᒪᐅᒡ ᑲ ᐸᔭᒋᓯᒥᑲᒡ᙮

ᐊᒃᓱᑕᔅ 31:18

ᐃᔅᐱ ᒋᓴᒪᓂᑐᐤ ᑲᒋ ᐃᓯ ᐃᔨᒪᐊᑦ ᒧᓱᓴ ᐊᓐᑕ ᓴᐃᓇᐃ ᐱᔅᑯᑎᓇᒡ᙮ ᒂ ᒥᔭᑦ ᓂᓱ ᐊᓯᓂᔭ ᐊᓐᑕ ᑲ ᒥᓯᓇᐊᐧᒃ ᐅᑦ ᐃᑎᓱᐛᐅᓇ ᐅᑎᒋᒡ ᐅᒡ᙮

ᐊᒃᓱᑕᔅ 32:15

ᒧᓱᔅ ᒂ ᒋᐛᑲᐳᔅᑐᐛᑦ ᒂ ᐊᑎ ᓂᑎᒋᐛᑦ ᐊᓂᔭ ᐱᔅᑯᑎᓇᔪᐤ, ᐊ ᑕᐧᑯᓇᑦ ᐊᓂᔭ ᐊᓯᓂᔭ ᐊᔨᑐᐤ ᐃᑕᒐ ᑲ ᒥᓯᓇᑕᒥᔨᒋ ᒋᓴᒪᓂᑐᐛ ᐃᑎᓱᐛᐅᓇ᙮

ᐊᒃᓱᑕᔅ 34:29

ᐃᔅᐱ ᒧᓱᔅ ᐱᔭᒋ ᓂᑎᒋᐛᑦ ᓴᐃᓇᐃ ᐱᔅᑯᑎᓇᔪᐤ ᐅᒡ, ᐊ ᑕᐧᑯᓇᐧᒃ ᐸᐃᑯᔪᐤ ᐃᑎᓱᐛᐅᓇ, ᓇᒪ ᐅᒋ ᒋᔅᒐᔨᑎᒻ ᒪᒃ ᐊᐛᔅᑕᔨᒡ ᐅᑕᔅᑎᒥᐧᒄ ᐛᔅ ᐊᒋ ᐃᔨᒪᐊᑦ ᒋᓴᒪᓂᑐᐛ᙮

ᐊᒃᓱᑕᔅ 37:25

ᐱᓴᓕᓪ ᒋ ᐅᓯᑕᐤ ᐱᔅᑎᓂᒐᐅᓇᐱᔅᑯᔪᐤ ᒐᒋ ᓯᔅᑲᐃᑭᓂᔨᒋ ᐎᒋᒪᓯᑭᓇ, ᐊᑲᓯᐊ ᒥᔅᑎᒂ ᒋ ᐊᐱᒋᐊᐤ᙮ ᒋ ᑭᒋᒐᔭᐤ ᐊᓐ ᐱᔅᑎᓂᒐᐅᓇᐱᔅᒄ ᑭᔭ ᔭᓇᐅᑕᑐᓴᑉ ᒥᒋᒋᓐ ᒋ ᐃᔅᐱᓯᑕᐤ ᑭᔭ ᓂᔅᑐᔪᐤ ᐊᓱ ᐊᓱᑕᒡ ᒥᒋᒋᓐ ᒋ ᐃᔅᐱᔅ ᐃᔅᐸᓂᑕᐤ ᑭᔭ ᒧᔭᒻ ᒥᒋᑎᒂ ᐅᑦ ᐊᔅᑭᓂᔨᐛ ᐊᐅᒡ ᓴᑲᔅᑯᒧᔨᒋ ᐊᓐᑕ ᑕᐧᑯᒡ ᓇᐤ ᐊ ᒋᒐᔭᔨᒋ ᒋ ᐃᓯᓇᑯᑕᐤ᙮ ᐸᐃᑯᑕᐤ ᒥᔅᑎᒂ ᒋ ᐊᐱᒋᐊᐤ ᐊᓂᔭ ᑲ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ᙮

ᐊᒃᓱᑕᔅ 39:35

ᐸᔭᒋ-ᒥᐅᑎᔪᐤ ᐊᓐᑕ ᐸᒋᑎᓂᔨᒋ ᐊᓯᓂᔭ ᐎᓱᐛᐅᓇ ᑲ ᒥᓯᓇᑕᔨᒋ ᑭᔭ ᒥᔅᑎᒂ ᑭᔭ ᒋᐸᐃᑭᓂᔪᐤ;

ᐊᒃᓱᑕᔅ 40:3

ᒐ ᐱᑕᐊᒪᒄ ᐊᓐᑕ ᒥᐅᑎᒡ ᐊᓯᓂᔭ ᐸᐃᑯᔪᐤ ᐎᓱᐛᐅᓇ ᑲ ᒥᓯᓇᑕᔨᒋ, ᐊᑯᐛᑲᐃᑭᓐ ᒐ ᒋᑭᒧᑕᔭᒄ ᐊᓐᑕ ᓂᑲᓄᒡ᙮

ᒋᔅᒐᔨᑕᑯᑕᒐᐅᓐ 11:19

ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ᑎᑯᓂᔨᒡ ᒂ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ᓄᑯᓐ ᐊᓐ ᑲ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᑯᐃᐧᑯᓐ ᑭᔭ ᒋ ᒥᔅᑎ ᒥᔅᑯᒥᑕᓐ᙮

ᒋᔅᒐᔨᑕᑯᑕᒐᐅᓐ 8:3

ᒋ ᑕᐤ ᒥᓐ ᑯᑎᒃ ᐊᓐᒋᓐ ᐊ ᑕᐧᑯᓇᐧᒃ ᐊ ᐎᔄᐅᓱᓇᔭᐱᔅᑲᔨᒡ ᐎᔭᑭᓂᔪᐤ ᑲᐎᒋᒪᑯᓂᔨᒡ ᒐᒂᔪᐤ ᑲᒋ ᐃᔎᓯᑭᓄᐎᒡ ᐊ ᑎᑯᓂᔨᒡ ᐊᓐᑕ᙮ ᒋ ᐸᒋ ᓂᐳᐅᐤ ᐅᐱᒪ ᐊᓐᑕ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ᙮ ᒥᔅᑎ ᒪᒃ ᒋ ᒥᔭᑭᓄᐤ ᐊᓂᔭ ᑲ ᐎᒋᒪᑯᓯᔨᒡ ᒐᒂᔪᐤ ᒐᒋ ᒋᑲᐅᓇᐧᒃ ᐅᑦ ᐊᔭᒥᐊᐅᓂᔨᒡ ᑲ ᑕᑈᑎᒥᔨᒋ ᑭᔭ ᒐᒋ ᐱᔅᑎᓂᒧᐛᑦ ᒋᓴᒪᓂᑐᐛ ᐊᓐᑕ ᑲ ᐎᔄᐅᓱᓇᔭᐱᔅᑯᔨᒡ ᐱᔅᑎᓂᒐᐅᓇᐱᔅᑯᒡ᙮