ᐃᑉᕈᐛ 9:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐅ ᒪᒃ ᒥᒋᐛᑉ ᒋ ᓂᓯᓇ ᐊᓐᑕ ᐊ ᐱᔅᒋᒐᔭᒋ᙮ ᐸᐃᒄ ᐊᓐ ᐊ ᐱᔅᒋᒐᔭᒡ ᑲ ᐸᔭᒋᓯᒥᑲᒡ ᒋ ᐃᓯᓂᐧᑲᑕᐤ᙮ ᐅ ᒪᒃ ᑲᐱᔅᒋᒐᔭᒡ ᑲ ᐸᔭᒋᓯᒥᑲᒡ ᑲ ᐃᓯᓂᐧᑲᑕᒡ ᒋ ᑎᑯᓐ ᐊᓐᑕ ᐛᔅᑕᓂᐱᒪᑭᓇᑎᒄ ᑭᔭ ᐊᓐ ᒥᒋᓱᐛᑭᓇᑎᒄ ᐊᓐᑕ ᑲ ᐊᐱᑦ ᐊᓐ ᐸᒂᓯᑭᓐ ᒋᓴᒪᓂᑐᐤ ᐊ ᑕᑦ ᑲᒋ ᐃᓯ ᐱᔅᑎᓇᑭᓄᐅᑦ᙮

ᐃᑉᕈᐛ 9:2 Iomraidhean Croise

ᐊᒃᓱᑕᔅ 25:23

“ᒐ ᐎᑎᒧᐅᑥᐤ ᒐᒋ ᐅᓯᑕᒡ ᒥᒋᓱᐛᑭᓇᑎᑯᔪᐤ ᐊᑲᓯᔭ ᒥᔅᑎᒂ ᐅᒡ, ᓂᔅᑐᐎᔪᐤ ᐊᓱ ᐊᓱᑕᒡ ᒥᒋᒋᓐ ᐊᔅᐱᔅ ᒋᓏᔨᒡ ᑭᔭ ᔭᓇᐤ ᑕᑐᓴᑉ ᒥᒋᒋᓐ ᐊᔅᐱᔅ ᐃᔨᑭᔅᑲᔨᒡ, ᑭᔭ ᓂᓱᐎᔪᐤ ᐊᓱ ᓂᔄᐅᑕᒡ ᒥᒋᒋᓐ ᐊᔅᐱᔅ ᐃᔅᐸᔨᒡ᙮

ᐊᒃᓱᑕᔅ 25:30

ᑕᐧᑯᒡ ᒥᒋᓱᐛᑭᓇᑎᑯᒡ ᐊᓐᑕ ᓂᑲᓐ ᐃᑕᒐ ᐊᔅᑕᒡ ᐸᔭᒋ-ᒥᐅᑦ, ᓇᓂᑎᒻ ᒋᑭ ᐎ ᑕᐤ ᐊᓐᑕ ᐸᔭᒋ-ᐸᒂᓯᑭᓐ ᑲ ᐱᔅᑎᓂᒐᒡ ᐊᔭᒥᐊᐅᒋᒪᐅᒡ᙮”

ᐊᒃᓱᑕᔅ 25:31

“ᒐ ᐎᑎᒧᐅᑥᐤ ᒐᒋ ᐅᓯᑕᒡ ᐛᔅᑕᓂᐱᒪᑭᓇᑎᑯᔪᐤ ᐎᔄᐅᓱᓇᔭᐤ ᐅᒡ᙮ ᐊ ᓄᑎᒪᔨᒡ ᐛᔅᑕᓂᐱᒪᑭᓇᑎᑯᔪᐤ, ᐊᓯᒡ ᐊᒪᒪᑕᐅᓇᑯᑕᑭᓄᐅᒋ ᐛᐱᑯᓇ ᐊ ᐅᑎᑕᒪᐃᑭᓄᐅᒡ ᐊ ᐸᐃᒂᑲᒡ ᐎᔄᐅᓱᓇᔭᐱᔅᒄ ᐅᒡ᙮

ᐊᒃᓱᑕᔅ 26:1

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᐎᑎᒧᐅᑥᐤ ᐃᔪᒡ ᒐᒋ ᐅᓯᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᐸᐃᑯᔪᐤ ᐊ ᒋᓏᑲᒋ ᐊ ᒥᔽᓯᔨᒋ ᐱᒍᐎᔭᓇ ᐊ ᐊᐱᒋᑕᒡ, ᐊ ᓂᔅᑯᐛᐱᔅᑕᐛᒡ ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ᙮ ᒋᑭ ᒥᒪᑕᐅᒂᑕᐅᒡ ᐊᓐᑕ ᐊᐛᓯᓴ ᐊ ᐅᑎᑎᑭᓄᐎᒋ᙮

ᐊᒃᓱᑕᔅ 26:33

ᒋᑭ ᐊᑯᑕᐅᒡ ᐊᑯᐛᑲᐃᑭᓇ ᐊᓐᑕ ᓯᐸᔅᑯᓂᑭᓂᒡ ᐃᔅᐱᒥᒡ ᐸᔭᒋ-ᐱᒍᐎᔭᓂᒋᐛᐱᒡ, ᑭᔭ ᐅᑕᒡ ᐊᑯᐛᑲᐃᑭᓂᒡ ᒋᑭ ᐊᔅᑕᐅᒡ ᐸᔭᒋ-ᒥᐅᑎᔪᐤ ᐊᓐᑕ ᐸᒋᑎᒋ ᓂᓱ ᑲ ᐱᐱᒋᓯᒡ ᐊᓯᓂᔨᒡ ᐊᓐᑕ ᑲ ᒥᓯᓇᐃᑭᓄᐅᒋ ᓂᐎᓱᐛᐅᓇ᙮ ᐊᑯᐛᑲᐃᑭᓐ ᒋᑭ ᑎᐸᓂᒧᒥᑭᓐ ᑲ ᐸᔭᒋᒥᑲᒡ ᑲᐱᔅᒋᒐᔭᒡ ᑭᔭ ᑲᐱᔅᒋᒐᔭᒡ ᒪᐅᒡ ᑲ ᐸᔭᒋᓯᒥᑲᒡ᙮

ᐊᒃᓱᑕᔅ 26:35

ᐎᐎᑎᒥᒡ ᐊᓐᑕ ᑲᐱᔅᒋᒐᔭᔨᒡ ᒪᐅᒡ ᑲ ᐸᔭᒋᓯᒥᑭᓂᔨᒡ ᒋᑭ ᐊᔅᑕᐅᒡ ᒥᒋᓱᐛᑭᓇᑎᑯᔪᐤ ᐊᓐᑕ ᒋᐛᑎᓄᑕᒡ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐛᔅᑕᓂᐱᒪᑭᓇᑎᒂ ᐊᓐᑕ ᐱᓯᒧᑕᒡ ᐃᑕᒐ᙮

ᐊᒃᓱᑕᔅ 29:1

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐊᐅᑯᐤ ᒐ ᐃᑐᑐᐅᑥᐤ ᐅᓯᔨᑥᐛ ᐊᕋᓐ ᑭᔭ ᐅᑯᓴ ᒐᒋ ᐊᔭᒥᐊᐅᒋᒪᐅᒡ, ᒐ ᐅᑎᓂᑥᐤ ᐊᑲ ᓇᔅᒡ ᒐᒂᓐ ᐃᓯᓇᑯᓯᒡ ᐊᐛᓯᓯᒡ: ᐸᐃᒄ ᓇᐸ ᒥᔅᑐᔅ ᑭᔭ ᓂᓱ ᓇᐸ ᒪᔭᑕᓂᓯᒡ᙮

ᐊᒃᓱᑕᔅ 29:35

ᓂᔄᐅᑕᒡ ᑕᑐᐤ ᒋᓯᑲᐛ ᒋᑭ ᐃᔅᐱᔅ ᑕᓄᐤ ᐊ ᐅᓯᐊᑭᓄᐅᒡ ᒐᒋ ᐊᔭᒥᐊᐅᒋᒪᐅᒡ ᐊᕋᓐ ᑭᔭ ᐅᑯᓴ ᒧᔭᒻ ᑲ ᐃᑎᓱᒥᑕᓐ᙮

ᐊᒃᓱᑕᔅ 40:2

“ᐅᔅᑭᒡ ᒋᓯᒄ ᐊᓐᑕ ᐅᔅᑭᒡ ᐱᓱᒻ ᒥᓐ ᑯᑎᒃ ᐱᐳᓐ ᒐ ᐎᑎᒧᐅᑥᐤ ᐃᔪᒡ ᒐᒋ ᐎᑲᐳᐅᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮

ᐊᒃᓱᑕᔅ 40:4

ᒐ ᐱᑎᑭᑕᔭᒄ ᒥᒋᓱᐛᑭᓇᑎᒄ ᑭᔭ ᒐ ᑕᐧᑯᑎᔅᑕᔭᒄ ᐊᓐᑕ ᒐᒂᓐ ᒐ ᐃᑕᐱᑎᒡ ᑭᔭ ᐊᓯᒡ ᒐ ᐱᑎᑭᑕᔭᒄ ᐛᔅᑕᓂᐱᒪᑭᑕᓂᑎᒂ ᑭᔭ ᐊᔭᔅᑯᔭᑯᒡ ᐛᔅᑕᓂᐱᒪᑭᓐᒡ᙮

ᒪᑎᔪᐤ 12:4

ᐊᓂᔭ ᒋᓴᐅᒋᒪᐤ ᑎᐱᑦ ᒋ ᐱᒐᐤ ᒋᓴᐊᔭᒥᐊᐅᒋᐛᐱᒡ ᑭᔭ ᒂ ᒧᐛᑦ ᐊᓂᔭ ᑲ ᐸᔭᒋᓯᔨᒋ ᐸᒂᓯᑭᓇ, ᐊᑯ ᒂ ᐊᓯᒪᑦ ᐎᒐᐛᑭᓇ᙮ ᒥᒄ ᒪᒃ ᐊᔭᒥᐊᐅᒋᒪᐅᒡ ᒋ ᐃᑕᔨᑕᑯᓱᐅᒡ ᒐᒋ ᒧᐛᒡ ᐅᔭ ᐸᒂᓯᑭᓇ, ᐛᔅ ᐊᐅᑯᓐ ᑲ ᐃᑎᔅᑕᔨᒡ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᒡ᙮ ᑎᐱᑦ ᒪᒃ ᓇᒪ ᐅᒋ ᐛᐛᓯᐊᑭᓄᐤ᙮

ᒪᑎᔪᐤ 5:15

ᓇᒪ ᐊᐛᓐ ᐊᑯᓇᐊᒻ ᐛᔅᑕᓂᐱᒪᑭᓂᔪᐤ ᐊᒋ ᓯᔅᑲᐊᒃ᙮ ᓇᐸᒥᔅᑕᐤ ᐊᓂᔭ ᐛᔅᑕᓂᐱᒪᑭᓂᔪᐤ ᐊᑯ ᒪᒃ ᒥᓯᐛ ᐊᐛᓐ ᐎᔭᔅᑕᓂᒪᑯᑦ ᐊᓐᑕ ᒥᒋᐛᐱᒡ ᐊ ᑕᑦ᙮

ᐃᑉᕈᐛ 9:25

ᐊᓐ ᒋᓴᐊᔭᒥᐊᐅᒋᒪᐤ ᑲᒋ ᐱᒐᑦ ᐊᓐᑕ ᑲ ᐸᔭᐧᑭᓂᔨᒡ ᐸᐃᒂᐤ ᐸᐃᒄ ᐱᐳᓇ ᒧᔅ ᒋ ᒥᑐᔅᑕᐊᒪᐤ ᐊᐛᓯᓴ ᐊᓯᑯᒻ ᐱᐳᓇ, ᐊᐅᒄ ᐅᔭ ᑲᒋ ᐃᑎᑦ ᒐᒋ ᐅᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᐸᐃᒂᐤ ᙭ ᐎᔾ ᑎᐱᔨᐛ ᐅᐱᒪᑎᓯᐅᓐ ᒋ ᐱᔅᑎᓂᒻ᙮