ᐃᑉᕈᐛ 9:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯ ᒪᒃ ᙭ ᓴᔅ ᐊᒋ ᑎᑯᓯᐧᒃ ᒐ ᐅᒋᓴᐊᔭᒥᐊᐅᒋᒪᒥᔭᐧᒄ ᐊᑯ ᐎᔾ ᒪᔪ ᓱᐛᔨᒥᑕᐧᒄ᙮ ᒋ ᐱᒐᐤ ᐎᔾ ᐊᓂᔭ ᐊᔭᒥᐊᐤ ᒥᒋᐛᐱᔪᐤ ᐊᓂᔭ ᐊᑲ ᐅᑕ ᐊᔅᒋᒡ ᐅᒋᒥᑭᓂᔨᒡ᙮ ᓇᒪ ᓇᐸᐛ ᐅᒋ ᐅᓯᑕᔪᐛ ᐅᔭ ᒥᒋᐛᐱᔪᐤ᙮ ᐊᔪᐅᒄ ᐅᔭ ᒪᐅᒡ ᑲ ᒋᔅᑕᔨᑕᑯᓂᔨᒡ ᐃᔅᐱᔅ ᐊᓂᔭ ᑲᒋ ᐊᐱᑎᓂᔨᒡ ᐅᑕ ᐊᔅᒋᒡ᙮

ᐃᑉᕈᐛ 9:11 Iomraidhean Croise

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᑎᐱᑦ ᐅᓂᑭᒧᐅᓇ 40:7

ᐊᑯ ᑲ ᐃᔅᒋᔄᔭᓐ, “ᐛᐸᑎᒥᒄ, ᓂ ᐸᒋ ᑎᑯᓯᓐ: ᒥᓯᓇᐃᑭᓂᒡ ᓂ ᒥᓯᓇᓱᓐ᙮

ᒪᑎᔪᐤ 11:3

ᐊᑯ ᒂ ᑯᒂᒋᒪᒡ ᒋᓴᓴ, “ᐸᒋ ᐎᑎᒧᐅᓇᓐ ᒪ, ᐊᐅᒄ ᐊ ᒋᔾ ᙭ ᐊᓐ ᒐ ᑎᑯᓯᓂᑯᐱᓇ ᑭᔭ ᒪᒃ ᐊᔅᒄ ᐊ ᓂᑭ ᐸᓱᐛᔨᒪᓇᓐ ᑯᑎᒃ ᒐᒋ ᑎᑯᓯᐧᒃ ?”

ᒪᑎᔪᐤ 2:6

ᒋᔨᐛᐤ ᐸᑦᓕᔭᒻ ᐃᔪᒡ ᐊᓐᑕ ᒍᑕ ᐊᔅᒋᒡ, ᓇᒪ ᐊᑲ ᒋᑭ ᐅᒋ ᒋᐧᑲᔭᔨᑕᑯᓐ ᒋᑦ ᐅᑕᓇᒧᐛᐤ ᐊ ᑕᑎᒋ ᐅᑕᓇᐛ ᐊᓐᑕ ᒍᑕ, ᐛᔅ ᐊᑯᑕ ᒐ ᐅᒋᑦ ᐊᓐ ᒐ ᓂᑲᓂᔅᑯᐛᑦ ᑭᔭ ᒐ ᒋᔅᒋᓄᑕᐊᑦ ᐃᔅᕋᐃᓪ ᓂᑦ ᐃᔨᒪ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:58

“ᓂᒋ ᐸᑐᐛᓇᓐ ᐊ ᐃᔅᒋᔄᑦ, ‘ᓂᑭ ᐃᔭᔪᐎᑕᓐ ᐅ ᒋᓴᐊᔭᒥᐊᐅᒋᐛᑉ ᐃᔪᐤ ᑲ ᐅᓯᑕᑦ, ᒋ ᓂᔅᑐ ᒋᓯᑲᒐ ᒪᒃ ᐃᔅᐱᔅ, ᒥᓐ ᑯᑎᒡ ᓂᑭ ᒋᒥᑕᓐ ᐊᑲ ᐃᔪᐤ ᐅᒋ ᐅᓯᑕᑦ᙮’ ”

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᒠᓐ 4:25

ᐊᑯ ᐊᓐ ᐃᔎᐤ ᒂ ᐃᑕᑦ ᐊᓂᔭᔪᐛ ᒋᓴᓴ, “ᓂ ᒋᔅᒐᔨᑕᓐ ᐊᓂᔭᔪᐛ ᒋᓴᒪᓂᑐᐤ ᒐ ᐸᒋ ᐃᑎᓴᐛᑦ ᑎᑯᓯᓂᔨᒐ᙮ ᙭ ᐃᓯᓂᐧᑲᓱᔪᐛ᙮ ᑎᑯᓯᓂᔨᒐ ᒪᒃ ᒥᓯᐛ ᒐᒂᔪᐤ ᒋᑭ ᐎᑎᒪᑭᓄᐤ᙮”

ᐊᑈᔅᑕᓇᒡ 7:48

“ᒥᒄ ᒪᒃ ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᑦ ᓇᒪ ᐎᒋᐤ ᐊᓐᑕ ᐊᔭᒥᐊᐅᒋᐛᐱᒡ ᐃᔪᐛ ᐊᒋ ᐅᓯᑕᔨᒋ᙮ ᐊᐅᒄ ᐅᔭ ᑲ ᐃᑎᔅᑕᑦ ᐊᓐ ᐸᐃᒄ ᐅᒋᔅᒋᐛᐃᒐᓱᐤ ᐊᒋ ᐃᔅᒋᔄᔨᒂᓂ,

2 ᑯᕆᓐᑎᔭᓇ 4:18

ᐛᔅ ᑕᐸ ᐊᓂᔭᔪᐛ ᐊᓄᒡ ᑲ ᓄᐧᑯᒂᒋ ᒐᒂᔪᐛ ᒋ ᑭᓄᐛᐸᑕᓇᓄᐤ᙮ ᐊᓂᔭ ᐊᑲ ᓄᐧᑯᒂᒋ ᐊᐅᑯᓂ ᐊᓂᔭᔪᐛ ᑲᓄᐛᐸᑎᒪᐧᒄ᙮ ᐊᓐ ᐊᓄᒡ ᑲ ᓄᒂᒡ ᐛᐃᐱᔅᒋᔅ ᒥᒄ ᑎᑯᓐ᙮ ᐊᑯ ᐊᓐ ᐊᑲ ᓄᒂᒡ ᐊᐅᒄ ᑲᒋᒡ ᐊ ᑎᒂᒡ᙮

2 ᑯᕆᓐᑎᔭᓇ 5:1

ᐛᔅ ᒋ ᒋᔅᒐᔨᑕᓇᓄᐤ ᐅᔭ ᒋᔭᓄᐛ ᒧᔭᒻ ᒥᒋᐛᐸ ᐃᓯᓇᑯᓇ᙮ ᐸᐃᒂᐤ ᐊ ᒋᓯᑲᒡ ᒋᑭ ᓂᑎᓂᑭᓄᐛ᙮ ᐊᓐᑕ ᒪᒃ ᒋᒋᒋᓯᑯᒡ ᒋᑭ ᒥᔨᑯᓇᓄᐤ ᒥᔪᐛ ᑲᒋᒡ ᒐ ᐱᒪᑎᓯᒥᑲᒋ, ᒧᔭᒻ ᒥᒋᐛᐸ ᐊ ᐃᑕᔨᑕᒂᒋ ᑲᒋᒡ ᒐ ᑎᒂᒋ᙮ ᓇᒪᐎᔾ ᐎ ᐊᓄᒡ ᑲ ᐅᓯᑕᑭᓄᐅᒡ ᒥᒋᐛᑉ ᑲ ᐃᑕᔨᑕᒂᒡ ᒋᑭ ᐅᒋ ᐃᑕᔨᑕᑯᓇ᙮ ᒋᓴᒪᓂᑐᐤ ᒪᒃ ᒋᑦ ᐊᔭᔅᑯᔅᑎᒪᑭᓄᐤ ᐅᔭ᙮

ᑯᓚᓯᔭᓇ 2:11

ᑎᑯᓂᔪᐤ ᐊ ᐃᓯ ᒋᔅᒋᓄᐛᒋᔄᑕᒄ ᒋᓴᒪᓂᑐᐤ ᐊ ᓇᓴᐅᒪᑯ ᙭ᑕ, ᓇᒪ ᐎ ᐊᓂᔭ ᑕᓐ ᐊ ᐃᓯ ᒋᔅᒋᓄᐛᒋᐃᓱᒡ ᒍᐤ ᐃᔪᒡ ᐃᑕᔨᑕᑯᓂᔪᐤ ᐅᔭ᙮ ᐊᓂᔭ ᙭ ᐊᒋ ᐊᐱᐧᑯᓂᑕᒄ ᑕᓐ ᐊ ᐃᓯ ᓱᒋᒪᒋᒂᐱᐧᑲᑎᑯᔭᒄ ᐊ ᐎ ᒥᒋᑐᑎᒪᒄ ᐊ ᒋᔅᒋᓄᐛᒋᔄᑯᔭᒄ ᐃᓯᓇᑯᓂᔪᐤ ᑕᓐ ᑲ ᐃᓯ ᒋᔅᒋᓄᐛᒋᔄᑕᒄ ᒋᓴᒪᓂᑐᐤ᙮

ᐃᑉᕈᐛ 10:1

ᓂᑭ ᐊᔨᒧᑕᓐ ᐊᑐᐎᔅ ᐊᓂᔭ ᒍᐤ ᐎᓱᐛᐅᓇ᙮ ᐊᓐᒡ ᐃᔪᒡ ᐅᔭ ᐎᓱᐛᐅᓇ ᑲ ᓂᓇᑭᑐᐛᔨᑎᒥᐃᑯᒡ ᐊᑯᑕ ᑲ ᐅᒋ ᒋᔅᒐᔨᑕᒡ ᑕᓐ ᒐ ᐃᔅᐱᔅ ᒥᔪᑐᑎᒧᐛᑦ ᒋᓴᒪᓂᑐᐤ ᐃᔪᐛ᙮ ᒥᒄ ᒪᒃ ᓇᒪ ᓇᔅᒡ ᐅᒋ ᒋᔅᒐᔨᑎᒥᐊᑭᓄᐅᒡ ᑕᓐ ᒐ ᐃᓯ ᐊᑐᐎᔅ ᒥᔪᑐᑎᒪᒐᑦ ᒋᓴᒪᓂᑐᐤ ᐊᓐᑕ ᓂᔅᑕᒥᒡ ᒋᓴᓴ ᐅᒡ᙮ ᓇᒪ ᐊᐛᓐ ᓇᔅᒡ ᐅᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ ᑭᔭ ᓇᒪ ᐊᐛᓐ ᓇᔅᒡ ᐅᒋ ᑯᐃᔅᑯᓇᑯᓱᐤ ᐊᓐᑕ ᐃᔅ ᒋᓴᒪᓂᑐᐛ ᐊ ᑕᔨᒋ ᒥᒄ ᐊᓂᔭ ᐊ ᓂᐸᐊᑭᓄᔨᒋ ᐊᐛᓯᓴ ᐊ ᒥᑐᔅᑕᐊᒪᓄᒡ ᐊᓯᑯᒻ ᐱᐳᓇ᙮

ᐃᑉᕈᐛ 12:27

ᐊᓂᔭ ᑲ ᐃᔅᒋᔄᑦ “ᒥᓐ ᐅ ᐃᑐᑎᒪᓇ,” ᒋ ᐎᑎᒪᑯᓇᓄᐤ ᒥᓯᐛ ᒐᒂᔪᐤ ᑲ ᐅᓯᑕᑭᓄᔨᒋ, ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᒐ ᓂᓇᒥᐱᔨᒡ ᑭᔭ ᒐ ᓂᓱᐅᓇᑎᓂᔨᒡ᙮ ᒥᒄ ᐊᓐ ᒐᒂᓐ ᐊᑲ ᒋ ᐊᑎᓂᑭᓄᐅᒡ ᐊᐅᑯᓐ ᒥᒄ ᐊᓐ ᓇᒪ ᒋᑭ ᐅᒋ ᓂᓇᒥᐱᔪᐤ᙮

ᐃᑉᕈᐛ 13:14

ᐅᑕ ᐊᔅᒋᒡ ᓇᒪ ᑎᑯᓐ ᐅᑕᓇᐤ ᐊᓐᑕ ᑲᒋᒡ ᒐᒋ ᑕᔭᐧᒄ᙮ ᒧᔭᒻ ᒥᒄ ᐊ ᓴᐳᑐᐛᑕᔭᐧᒄ ᒋᑦ ᐃᓯᓇᑯᓯᓇᓄᐤ ᐊ ᐎ ᐃᑐᑕᔭᐧᒄ ᐊᓐᑕ ᐊᓐ ᐅᑕᓇᐤ ᑲᒋᒡ ᒐ ᑎᒂᒡ᙮

ᐃᑉᕈᐛ 2:17

ᐊᐅᒄ ᐊᓂᔭ ᐛᒋ ᓇᔅᒡ ᐃᔨᒡ ᒋ ᐃᓯᐊᑭᓄᐅᑦ᙮ ᒋ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮

ᐃᑉᕈᐛ 7:1

ᐅ ᒪᓪᑭᓴᑕᒃ ᐛᔅᑭᒡ ᐊᓐᑕ ᒋ ᒋᓴᐅᒋᒪᐤ᙮ ᓴᐃᓕᒻ ᐊ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᒋᓴᐅᒋᒪᐅᑦ᙮ ᒋ ᐊᑐᔅᑯᐛᐤ ᒋᓴᒪᓂᑐᐛ ᒪᐅᒡ ᑲ ᐃᔅᐸᔨᑕᑯᓯᔨᒋ ᐊ ᐊᔭᒥᐊᐅᒋᒪᐅᑦ᙮ ᐅ ᒪᒃ ᒪᓪᑭᓴᑕᒃ ᐸᐃᒂᐤ ᒋ ᓂᒋᔅᑯᐛᐤ ᐊᑉᕋᐊᒪ ᒧᔭᒻ ᐊ ᐸᒋ ᒋᐛᔨᒋ ᐊᓄᒡ ᐊᒋ ᒥᔪ ᓴᐧᑯᒋᐊᔨᒋ ᑭᔭ ᐊᒋ ᓂᐸᐊᔨᒋ ᒥᒐᑐᐤ ᒋᓴᐅᒋᒪᐛ ᐊᒋ ᓂᑐᐱᔨᑕᑯᔨᒋ᙮ ᐊᑯ ᐅ ᒪᓪᑭᓴᑕᒃ ᑲ ᓱᐛᔨᒪᑦ ᐊᑉᕋᐊᒪ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

2 ᒠᓐ 1:7

ᒥᒐᑦ ᑲ ᐎᔭᓯᐃᐛᒡ ᓴᔅ ᐱᐸᒪᒋᒧᐅᒡ ᐅᑕ ᐊᔅᒋᒡ ᐊ ᐊᓏᑕᒡ ᑕᑈ ᐊᒋ ᑎᑯᓯᓂᔨᒋ ᒋᓴᓴ ᒧᒡ ᓇᐸᐛ ᐊᒋ ᐃᑕᔨᑕᑯᓯᔨᒋ᙮ ᐅᔭ ᒪᒃ ᐊ ᐃᑕᔨᑕᑯᓯᑦ ᐊᐛᓐ, ᐊᐅᒄ ᐅ ᑲ ᓱᒐᔨᒧᑐᑐᐛᑦ ᙭ᑕ ᑭᔭ ᒧᔅ ᑲ ᐎᔭᓯᐃᐛᑦ᙮