ᐃᑉᕈᐛ 8:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐅᔭ ᑯᑎᒋᔪᐤ ᓂᔅᑯᒧᐅᓂᔪᐤ ᒐ ᐅᓯᑎᒧᐅᒂᐤ ᓂᑦ ᐃᔨᒥᒡ ᐃᔭᒡ ᒋᑭ ᐃᑕᔨᑕᑯᓂᔪᐤ ᑲ ᐃᑕᔨᑕᑯᓂᔨᒡ ᐊᓂᔭ ᓂᔅᑯᒧᐅᓂᔪᐤ ᑲ ᐅᓯᑎᒪᒥᒋ ᐊᓂᔭ ᐅᑦ ᐊᓂᔅᒐ ᐅᑕᐎᐛᐛ ᐃᔅᐱ ᓂᔾ ᑎᐱᔨᐛ ᑲ ᐎᐧᑯᒋᐃᒥᒋ ᐊᓐᑕ ᐃᒋᑉᑎᒡ ᐅᒋ᙮ ᐎᔨᐛᐤ ᒪᒃ ᓇᒪ ᐅᒋ ᓂᓇᐃᑎᒧᒡ ᐊᓂᔭ ᓂᔅᑯᒧᐅᓂᔪᐤ᙮ ᐊᐅᒄ ᒪᒃ ᐊᓂᔭ ᐛᒋ ᐊᑲ ᐅᒋ ᐊᐱᑕᔨᑕᒡ᙮

ᐃᑉᕈᐛ 8:9 Iomraidhean Croise

ᒐᓂᓯᔅ 19:16

ᐃᔅᐱ ᑲ ᑯᐃᑐᐛᔨᑕᐧᒃ ᓗᑦ, ᒂ ᐅᑎᓂᒥᔨᒋ ᐅᑎᒋᐛᐛ ᐊᓐᒋᓇ ᐎᔾ ᑭᔭ ᐎᐛ ᑭᔭ ᐊ ᓂᓯᔨᒋ ᐅᑕᓂᓴ, ᒐᔅᒋᓄᑕᐃᑯᒡ ᐅᑕᓇᒡ ᐛᔪᐎᑕᐃᑯᒡ᙮ ᐛᔅ ᑎᐸᔨᒋᒐᓱᐛ ᐎᔭᐸᑎᔨᑯᒡ ᒋᓴᐛᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 105:43

ᒋ ᐸᒋ ᐎᐎᑕᐊᐤ ᒪᒃ ᐅᑦ ᐃᔨᒪ ᒥᔽᔨᑎᒧᐅᓂᒡ, ᑭᔭ ᐅᐛᔭᐱᒪᑭᓇ ᓱᒋᔭᓱᐅᓂᒡ:

ᑎᐱᑦ ᐅᓂᑭᒧᐅᓇ 77:20

ᔅᒋ ᐱᒧᑕᐊᐅᒡ ᒋᑦ ᐃᔨᒥᒡ ᒧᔭᒻ ᒪᔭᑕᓂᓯᒡ, ᐅᑎᒋᐛᒡ ᐅᒋ ᒧᓱᔅ ᑭᔭ ᐊᕋᓐ᙮

ᑎᐱᑦ ᐅᓂᑭᒧᐅᓇ 78:57

ᒪᒃ ᐊ ᐊᑎᒥᑲᐳᐅᒡ, ᒋ ᒥᒋᑐᑕᒧᒡ ᒧᔭᒻ ᐅᑕᐎᐛᐛ: ᒋ ᐱᔅᒐᐱᔪᐅᒡ ᒧᔭᒻ ᑭᑭᒋᔭᓯᐤ ᐊᒐᐱᔾ᙮

ᐊᒃᓱᑕᔅ 32:8

ᓴᔅ ᓂᑭᑎᒧᒡ ᑲ ᐃᑎᓱᐛᑎᒂᐤ ᒐ ᐃᑎᒡ, ᒥᓂᑐᐧᑲᓇ ᒪᒃ ᐅᓯᑎᒪᓱᐅᒡ, ᐊᔭᒥᐊᔅᑐᐛᐅᒡ ᑭᔭ ᒥᑐᔅᑕᐊᒧᐛᐅᒡ ᑭᔭ ᐃᔅᒋᔄᐅᒡ, ‘ᐊᐅᑯᐤ ᒋ ᒋᓴᒪᓂᑐᒧᐛᐤ, ᐅ ᐃᔅᕋᐃᓪ, ᐃᒋᑉᑦ ᐊᔅᒋᒡ ᐅᒡ ᑲ ᐸᒋ ᐎᐎᑕᐃᑕᐧᒄ᙮’ ”

ᐊᒃᓱᑕᔅ 34:10

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐊᓄᒡ ᓂ ᐃᑐᑎᒧᐛᐅᒡ ᐃᔅᕋᐃᓪ ᐃᔪᒡ ᓂᔅᑯᒥᑐᐅᓂᔪᐤ, ᐅᑎᔅᑯᐤ ᐊᔨᑕᒡ ᐃᔪᒡ ᓂᑭ ᑐᑕᓐ ᒪᒥᔅᑲᒡ ᒐᒂᓇ ᐊᑲ ᓂᑕ ᐛᐸᑕᑭᓄᐅᒋ ᐅᑕ ᐊᔅᒋᒡ᙮ ᒥᓯᐛ ᐃᔪᒡ ᒋᑭ ᐛᐸᑎᒧᒡ ᐅᔭ ᑭᔭ ᒋᑭ ᒋᔅᒐᔨᑎᒧᒡ ᓂᔾ, ᑎᐸᔨᒋᒐᓱᐤ, ᒐ ᐃᑐᑎᒧᐅᒂᐤ ᒪᒥᔅᑲᒡ ᒐᒂᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:23

ᐊᑯ ᒋᓴᔅ ᒂ ᐅᑎᓂᒺᑦ ᐅᑎᒋᔪᐤ ᐊᓂᔭᔪᐛ ᓇᐸᐛ ᐊᑯ ᒂ ᐎᐎᑕᐊᑦ ᐊᓐᑕ ᐊᓂᔭ ᐅᑕᓇᔪᐤ᙮ ᐃᔅᐱ ᒪᒃ ᑲ ᓯᔅᑎᒂᑎᒺᑦ ᐅᔅᒋᓯᑯᔪᐛ ᒋ ᑕᒋᓇᐤ ᐊᑯ ᒂ ᐃᑕᑦ, “ᒋ ᐛᐸᑕᓐ ᐊ ᒐᒂᓐ ?”

ᐊᑈᔅᑕᓇᒡ 13:11

ᒋ ᐎᑎᒪᑎᓐ ᐊᓄᒡ ᓄᐛᒡ ᒋᑭ ᐛᐛᓯᐃᒄ ᐅᑎᐸᔨᒋᒐᐤ, ᐛᐃᐱᔅᒋᔅ ᒪᒃ ᓇᒪ ᒋᑭ ᐅᒋ ᐛᐱᒪᐤ ᐱᓯᒻ,” ᒋ ᐃᑕᐤ ᓴᓪ ᐊᓂᔭ ᑲ ᒪᒥᑕᐛᑎᓯᔨᒋ ᓇᐸᐛ᙮ ᑎᐛᒡ ᒪᒃ ᒋ ᒧᓯᑕᐤ ᐊ ᐱᒋᓴᐱᔨᒡ ᑭᔭ ᐊ ᐅᒋ ᑎᐱᔅᒋᐱᔨᒡ ᐊ ᐃᑕᔨᑕᐧᒃ ᐊᓐ ᓇᐸᐤ ᐊᑯ ᓇᒪ ᐅᒋ ᐛᐸᑎᒻ, ᐊᑯ ᑲ ᓇᓂᑐᒥᔅᑯᓇᑦ ᐊᐛᔪᐛ ᒐᒋ ᓯᔅᒋᓂᔅᒐᑕᐃᑯᑦ᙮

ᐊᑈᔅᑕᓇᒡ 7:36

“ᐊᐅᒄ ᒪᒃ ᐅ ᒧᓱᔅ ᑲ ᐸᒋ ᐎᐎᑕᐊᑦ ᐊᓂᔭ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮ ᒋ ᒪᒥᔅᑲᒡ ᐃᑐᐤ ᒪᒃ ᐊᓐᑕ ᐃᒋᑉᑎᒡ ᑭᔭ ᐊᓐᑕ ᒥᒂᑭᒥ ᐎᓂᐸᒄ ᑭᔭ ᓇᐎᔪᐛ ᐱᐳᓇ ᒋ ᒪᒥᔅᑲᒡ ᐃᑐᐤ ᐊᓐᑕ ᐸᐧᑯᑎᔅᑭᒥᑲᒡ᙮”

ᐊᑈᔅᑕᓇᒡ 9:8

ᐊᑯ ᓴᓪ ᒂ ᐱᓯᑯᑦ, ᐃᔅᐱ ᒪᒃ ᑲ ᑐᐧᑲᐱᑦ, ᓇᒪ ᐅᒋ ᐛᐸᑎᒻ᙮ ᐊᑯ ᐊᓐᒡ ᓇᐸᐅᒡ ᑲ ᓯᒋᓂᔅᒐᑕᐊᒡ ᐊ ᐃᑐᑕᐊᒡ ᐊᓐᑕ ᑕᒪᔅᑲᓯᒡ᙮

ᑲᓚᓯᔭᓇ 4:24

ᒪᐅ ᒪᒃ ᒐᔅᑯᑎᒪᑯᔭᐧᒄ ᐊᓐ ᑎᐸᒋᒧᐅᓐ ᒐᒋ ᐃᓯ ᓂᔅᑐᑎᒪᐧᒄ᙮ ᐅᒡ ᓂᓱ ᐃᔎᐅᒡ ᐊᐅᑯᓐᒡ ᒧᔭᒻ ᐊᓂᔭᔪᐛ ᓂᔅᑯᒧᐅᓇ ᐊ ᓂᓯᒋ ᒋᓴᒪᓂᑐᐤ ᑲ ᐸᒋ ᐱᔅᑎᓇᐧᒃ᙮ ᐅ ᑯᐸᓇᔎᐤ ᐦᐊᐃᑲᕐ ᐊᐱᒋᐊᑭᓐ ᐊᐛᓴ ᒋ ᐱᒪᑎᓯᔪᐛ ᐊ ᑕᑦ ᐅᒡ᙮ ᐊᐅᑯᐤ ᒪᒃ ᒧᔭᒻ ᐊᓐ ᓂᔅᑯᒧᐅᓐ ᒋᓴᒪᓂᑐᐤ ᑲ ᐅᓯᑕᑦ ᐊᓐᑕ ᓴᐃᓇᐃ ᑲ ᐃᓯᓂᐧᑲᑕᒡ ᐱᔅᑯᑎᓇᒡ ᐊᐅᒄ ᐊ ᐃᓯᓇᑯᓯᑦ ᐅ ᐃᔎᐤ᙮ ᐊᓐᑕ ᐊᕋᐱᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᐊ ᑎᒂᒡ ᐊᓐ ᐱᔅᑯᑎᓇᐤ᙮