ᐃᑉᕈᐛ 8:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐅᒡ ᒪᒃ ᐊᔭᒥᐊᐅᒋᒪᐅᒡ ᐅᑕ ᐊᔅᒋᒡ ᑲ ᐊᔭᒥᐊᐅᒋᒪᐤ ᐊᐱᑎᓯᒡ ᐊᓐᑕ ᒍᐤ ᐊᔭᒥᐊᐤ ᒥᒋᐛᐱᒡ ᒋ ᐊᑐᔅᒐᐅᒡ᙮ ᐊᓂᔭ ᒪᒃ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᑲ ᐊᑐᔅᒐᒡ ᒧᔭᒻ ᐊᓐ ᒋᒋᐛ ᐊᔭᒥᐊᐤ ᒥᒋᐛᑉ ᒋᒋᒋᓯᑯᒡ ᑲ ᑎᒂᒡ ᐊ ᐃᓯᓇᒂᒡ ᒋ ᐃᓯᓇᑯᓂᔪᐤ᙮ ᐛᔅ ᐃᔅᐱ ᒧᓱᔅ ᒐ ᐎᔨᑲᐳᐅᑕᑦ ᐊᓂᔭ ᐊᔭᒥᐊᐤ ᒥᒋᐛᐱᔪᐤ, ᒋ ᐃᑎᑯᐤ ᒋᓴᒪᓂᑐᐛ, “ᐊᓐᑕ ᐱᔅᑯᑎᓇᒡ ᐊ ᑕᔨᓐ ᑲ ᐛᐸᑎᔨᑕᓐ ᑕᓐ ᒐ ᐃᓯᑕᔨᓐ ᐊᐅᑯᓐ ᐊᓐ ᒐ ᐃᓯᑕᔨᓐ᙮”

ᐃᑉᕈᐛ 8:5 Iomraidhean Croise

ᐊᒃᓱᑕᔅ 25:40

ᔭᐃᑕᔾ ᒋᑭ ᐃᓯᓇᑯᑕᐅᒡ ᒥᓯᐛ ᒐᒂᓇ ᒧᔭᒻ ᑲ ᐃᓯ ᐛᐸᑎᔨᑕᓐ ᐊᓐᑕ ᐱᔅᑯᑎᓇᒡ ᑲ ᑕᔭᐧᒄ᙮”

ᐊᒃᓱᑕᔅ 25:9

ᐸᐃᑯᑕᐤ ᒋᑭ ᐎ ᐃᓯᓇᑯᑕᐅᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᐊᓂᔭ ᒐᒂᔪᐛ ᒐ ᐊᐱᑎᓂᔨᒋ ᐊᓐᑕ ᐱᑎᑭᒥᒡ ᒧᔭᒻ ᒐ ᐃᓯ ᐛᐸᑎᔨᑕᓐ᙮”

ᐊᒃᓱᑕᔅ 26:30

ᐊᑯ ᒐ ᐎᑲᐳᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᒧᔭᒻ ᑲ ᐃᓯ ᐛᐸᑎᔨᑕᓐ ᐊᓐᑕ ᐱᔅᑯᑎᓇᒡ ᑲ ᑕᔭᐧᒄ᙮

ᐊᒃᓱᑕᔅ 27:8

ᒥᔅᑎᑯᐅᑦ ᒋᑭ ᐃᓯᓇᑯᓐ ᐊᓐ ᐱᔅᑎᓂᒐᐅᓇᐱᔅᒄ ᐊᑲᐃᓯᔭ ᑲᒥᓴᔪᒋᓯᒡ ᐊ ᐊᐱᒋᐊᑭᓄᐅᒡ ᐊ ᐅᒋ ᐅᓯᑕᑭᓄᐅᒡ ᒧᔭᒻ ᑲ ᐃᓯ ᐛᐸᑎᔨᑕᓐ ᒐ ᐃᓯᓇᑯᑕᑭᓄᐅᒡ ᐅᑕ ᐱᔅᑯᑎᓇᒡ᙮”

ᒪᑎᔪᐤ 2:12

ᐃᔅᐱ ᒪᒃ ᒐ ᒋᐛᒡ ᓇᒪ ᐊᓐᑕ ᒋᕈᓯᓕᒥᒡ ᐃᑕᒐ ᐅᒋ ᐃᓯ ᒋᐛᐅᒡ ᒐᒋ ᐎᑎᒧᐛᒡ ᐊᕈᑕ ᑕᓐᑕ ᐊ ᑕᔨᒋ ᐊᓂᔭᔪᐛ ᐊᐛᓴ᙮ ᐛᔅ ᒋᓴᒪᓂᑐᐛ ᒋ ᐃᔭᒂᒥᒥᑯᐅᒡ ᐅᐳᐛᒧᐅᓄᐛᒡ ᒐ ᐊᑲ ᑲᐤ ᓂᑐᐛᐱᒪᒡ ᐊᕈᑕ ᐊᑯ ᒪᒃ ᐃᔭᒡ ᑲ ᐃᓯ ᒋᐛᒡ᙮

ᐊᑈᔅᑕᓇᒡ 7:44

“ᐊᑯ ᐅ ᒥᓐ ᒐ ᐎᑎᒪᑎᑯᒡ, ᐊᓐᒡ ᐸᒋ ᐊᓂᔅᒐ ᒋᐧᑲᓂᓯᓄᐅᒡ ᐊᓐᑕ ᐸᐧᑯᑎᔅᑭᒥᑲᒡ ᑲᒋ ᑕᒡ, ᒋ ᐊᔭᐅᒡ ᐊᔭᒥᐊᐅ ᒥᒋᐛᐱᔪᐤ ᐊᓐᑕ ᐊ ᑕᔨᒋ ᒋᓴᒪᓂᑐᐛ᙮ ᐊᓐ ᒪᒃ ᐊᔭᒥᐊᐅ ᒥᒋᐛᑉ ᒧᔭᒻ ᑲ ᐃᑕᑦ ᒋᓴᒪᓂᑐᐤ ᒧᓱᓴ ᒐ ᐃᓯᑕᔨᒋ ᐊᑯᓐ ᑲ ᐅᓯᑕᑭᓄᐎᒡ᙮”

ᑯᓚᓯᔭᓇ 2:17

ᒧᔭᒻ ᒥᒄ ᐊ ᑎᑲᔅᑕᑎᒡ ᐊᓐ ᑕᓐ ᐊᔅᒄ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ ᐃᓯᓇᑯᓇ ᐅᔭ᙮ ᓴᔅ ᒪᒃ ᒋ ᑎᑯᓯᓐ ᐊᓐ ᒋᒋᐛ ᐊ ᐃᑕᔨᑕᑯᓯᑦ ᐊᐛᓐ, ᐊᐅᒄ ᒋᓴᔅ᙮

ᐃᑉᕈᐛ 10:1

ᓂᑭ ᐊᔨᒧᑕᓐ ᐊᑐᐎᔅ ᐊᓂᔭ ᒍᐤ ᐎᓱᐛᐅᓇ᙮ ᐊᓐᒡ ᐃᔪᒡ ᐅᔭ ᐎᓱᐛᐅᓇ ᑲ ᓂᓇᑭᑐᐛᔨᑎᒥᐃᑯᒡ ᐊᑯᑕ ᑲ ᐅᒋ ᒋᔅᒐᔨᑕᒡ ᑕᓐ ᒐ ᐃᔅᐱᔅ ᒥᔪᑐᑎᒧᐛᑦ ᒋᓴᒪᓂᑐᐤ ᐃᔪᐛ᙮ ᒥᒄ ᒪᒃ ᓇᒪ ᓇᔅᒡ ᐅᒋ ᒋᔅᒐᔨᑎᒥᐊᑭᓄᐅᒡ ᑕᓐ ᒐ ᐃᓯ ᐊᑐᐎᔅ ᒥᔪᑐᑎᒪᒐᑦ ᒋᓴᒪᓂᑐᐤ ᐊᓐᑕ ᓂᔅᑕᒥᒡ ᒋᓴᓴ ᐅᒡ᙮ ᓇᒪ ᐊᐛᓐ ᓇᔅᒡ ᐅᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ ᑭᔭ ᓇᒪ ᐊᐛᓐ ᓇᔅᒡ ᐅᒋ ᑯᐃᔅᑯᓇᑯᓱᐤ ᐊᓐᑕ ᐃᔅ ᒋᓴᒪᓂᑐᐛ ᐊ ᑕᔨᒋ ᒥᒄ ᐊᓂᔭ ᐊ ᓂᐸᐊᑭᓄᔨᒋ ᐊᐛᓯᓴ ᐊ ᒥᑐᔅᑕᐊᒪᓄᒡ ᐊᓯᑯᒻ ᐱᐳᓇ᙮

ᐃᑉᕈᐛ 11:7

ᓄᐛ ᒋ ᐃᓯᓂᐧᑲᓱᐤ ᒥᓐ ᑯᑎᒃ ᓇᐸᐤ ᐊᒋ ᑕᑈᔭᔨᒪᑦ ᒋᓴᒪᓂᑐᐛ᙮ ᐃᔅᐱ ᒋᓴᒪᓂᑐᐛ ᑲ ᐎᑎᒪᑯᑦ ᑕᓐ ᒐ ᐃᔅᐱᔨᒡ ᐃᔅᒋᐳᑕᔨᒐ ᐊᔅᒋᔪᐤ, ᐊᑎ ᐊᑲ ᐅᒋ ᐛᐸᑕᐧᒃ ᐊᓂᔭ ᒐᒋ ᐃᔅᐱᔨᒡ ᐃᔅᐱ ᑲ ᐎᑎᒧᐛᑭᓄᐅᑦ, ᐃᔭᐱᒡ ᒋ ᑕᑈᑐᐛᐤ ᒋᓴᒪᓂᑐᐛ ᐊᑯ ᑲ ᒋᒋ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ ᐊᓐᑕ ᒐ ᑕᑦ ᐊ ᐸᐃᑯᔅᑲᓇᓯᑦ ᒐ ᐊᑲ ᒋ ᓂᔅᑕᐸᐛᒡ᙮ ᐊᓂᔭ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᓄᐛ ᑭᔭ ᐊᒋ ᓂᓇᐃᑐᐛᑦ, ᒋ ᐛᐸᑎᔨᐛᐤ ᒋᓴᒪᓂᑐᐛ ᒐ ᑎᐸᔅᑯᓇᔨᒋ ᑭᔭ ᒐ ᐛᐛᓯᐊᔨᒋ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐛᔅ ᓇᒪ ᐅᒋ ᐎ ᑕᑈᑎᒥᔪᐛ᙮ ᓄᐛ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒋ ᐃᓯ ᑭᓄᐛᐱᒥᑯᐤ᙮

ᐃᑉᕈᐛ 12:25

ᐊᑯ ᒪᒃ ᐃᔭᒂᒥᒄ ᒐᒋ ᓂᑐᑐᐛᒄ ᒋᓴᒪᓂᑐᐤ ᐊ ᐃᔨᒥᐃᑕᒄ᙮ ᐊᓐᒡ ᐃᔅᕋᐃᓪ ᐃᔪᒡ ᓇᒪ ᐅᒋ ᐎ ᓂᓇᐃᑐᐛᐅᒡ ᐊᓂᔭ ᐅᑕ ᐊᔅᒋᒡ ᑲ ᑕᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑲ ᐛᐎᑎᒥᔨᒋ, ᑭᔭ ᓇᒪ ᐅᒋ ᐱᒪᒋᐊᑭᓄᐅᒡ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒐ ᐱᒪᒋᐃᑯᔭᐧᒄ ᒋᔭᓄᐤ ᐊᑲ ᓂᑐᑐᐛᒂ ᒋᓴᒪᓂᑐᐤ ᒋᒋᒋᓯᑯᒡ ᐊ ᐅᒋ ᐃᔨᒥᐃᑕᐧᒄ ? ᓇᒪ ᑭᔭ ᒋᔭᓄᐤ ᒋᑭ ᒋ ᒋᑎᓯᒧᑕᓇᓄᐤ ᐛᐛᓯᐃᑯᓯᐅᓐ᙮

ᐃᑉᕈᐛ 13:10

ᐊᓐᒡ ᒍᐤ ᐊᔭᒥᐊᐅᒋᒪᐅᒡ ᐊᔅᒄ ᑲ ᒥᑐᔅᑕᐊᒪᒡ ᓇᒪ ᐃᓯᓇᑯᓂᔪᐤ ᒐᒋ ᒥᒋᒡ ᐎᔨᐛᐤ ᐊᓂᔭ ᒥᒋᒥᔪᐤ ᒋᔭᓄᐤ ᒋᐱᔅᑎᓂᒐᐅᓇᐱᔅᑯᓇᒡ ᑲ ᑎᑯᓂᔨᒡ᙮

ᐃᑉᕈᐛ 9:9

ᑎᑯᓐ ᒪᒃ ᐊ ᐃᓯ ᐃᔨᒥᐃᑯᔭᐧᒄ ᐅ ᐊᓄᒡ ᒐᓯᑲᒡ᙮ ᐊᓐ ᐊᒋ ᐅᓯᑕᑭᓄᐅᒡ ᐊᓐ ᐊᔭᒥᐊᐤ ᒥᒋᐛᑉ ᐱᑎᑭᒥᒡ ᐊᑯᑕ ᐛᒋ ᒋᔅᒐᔨᑎᒪᐧᒄ ᐊᑲ ᐊᐛᓐ ᐅᑎᔅᑯᐤ ᒐᒋ ᓇᑕᑦ ᒋᓴᒪᓂᑐᐛ᙮ ᐊᔅᒄ ᒪᒃ ᐊᓄᒡ ᐊᐅᑯᓐ ᐊ ᐃᓯᓇᒂᒡ, ᐊᓂᔭᔪᐛ ᒥᑐᔅᑕᐊᒪᒐᐅᓇ ᑭᔭ ᐱᔅᑎᓂᒐᐅᓇ ᓇᒪ ᒋᑭ ᒋ ᐃᑐᑕᑯᐤ ᐊᐛᓐ ᓇᔅᒡ ᒐᒋ ᐃᑕᔨᑎᒥᐃᑯᑦ ᑕᑈ ᓇᔅᒡ ᐊᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮

ᒋᔅᒐᔨᑕᑯᑕᒐᐅᓐ 15:5

ᐃᔅᐱ ᒪᒃ ᑲ ᒋᔅᐱᔨᒡ ᐅ, ᐊᑯ ᒥᓐ ᑯᑎᒡ ᒐᒂᓐ ᒂ ᐛᐸᑎᒪᓐ᙮ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ ᒋ ᔪᑕᐱᔪᐤ᙮ ᐊᐅᒄ ᐅᔭ ᒥᒋᐛᐱᔪᐤ ᐊᓐᑕ ᑲᒋ ᑕᑦ ᒋᓴᒪᓂᑐᐤ ᐊ ᐱᐸᐎᒐᐛᑦ ᐅᑦ ᐃᔨᒪ᙮