ᐃᑉᕈᐛ 7:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐅ ᑲ ᐃᓯ ᐎᑎᒪᑎᑯᒡ ᐊᐅᒄ ᒥᒄ ᐅᔭ ᐊ ᐃᔅᐱᔅ ᒋᔅᒐᔨᒪᑭᓄᐅᑦ ᒪᓪᑭᓴᑕᒃ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑕᐎᑦ ᑭᔭ ᒪᒃ ᐊᐛᔪᐛ ᑲ ᐅᑲᐎᑦ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑦ ᐊᓂᔅᑯᑕᐸᓂᑦ᙮ ᑭᔭ ᓇᒪ ᒋ ᒋᔅᒐᔨᑎᒺᓇᓄᐤ ᑕᐃᔅᐱ ᑲ ᐱᒪᑎᓯᑦ ᑭᔭ ᑕᐃᔅᐱ ᑲ ᓂᐱᑦ᙮ ᓇᒪ ᒋ ᒋᔅᒐᔨᑕᓇᓄᐤ ᐛᔅ ᓇᒪ ᓇᔅᒡ ᐅᒋ ᐊᔨᒧᒪᑭᓄᐤ ᒥᓯᓇᐃᑭᓂᒡ᙮ ᐅ ᑲ ᐃᓯ ᐎᑎᒪᑎᑯᒡ, ᒧᔭᒻ ᒋᓴᒪᓂᑐᐤ ᐅᑯᓴ ᑲᒋᒡ ᐊ ᐊᔭᒥᐊᐅᒋᒪᐎᔨᒋ, ᑭᔭ ᐎᔾ ᒪᓪᑭᓴᑕᒃ ᑲᒋᒡ ᐊᔭᒥᐊᐅᒋᒪᐅ᙮

ᐃᑉᕈᐛ 7:3 Iomraidhean Croise

ᐊᒃᓱᑕᔅ 6:18

ᐊᐅᑯᔪᐛ ᐅᔭ ᐅᑯᓴ ᑯᐊᑦ: ᐊᒻᕋᒻ, ᐃᔅᐊᕐ, ᐃᑉᕈᓐ, ᑭᔭ ᐅᓯᐃᓪ, ᐸᐃᑯ ᒥᑕᓯᒥᑐᓄᐤ ᐊᓱ ᓂᔅᑐᔪᐤ ᐊᓱ ᓂᔅᑐ ᑕᑐᐤ ᐱᐳᓇ ᒋ ᐃᔅᐱᔅ ᐱᒪᑎᓯᔪᐤ ᑯᐊᑦ᙮

ᒪᑎᔪᐤ 4:3

ᐊᑯ ᒥᒋᒥᓂᑐᐛ ᒂ ᐸᒋ ᓂᑐᐛᐱᒥᑯᑦ, ᐊᑯ ᐊᑎᑯᑦ, “ᑕᑈ ᒋᓴᒪᓂᑐᐤ ᐛᑯᓯᓯᒥᑐᑕᔎ, ᐃᓯᒡ ᐅᒡ ᐊᓯᓂᔨᒡ ᒐᒋ ᐸᒂᓯᑭᓄᐎᒡ᙮”

ᐃᑉᕈᐛ 4:14

ᓱᒃ ᒪᒃ ᒪᒥᒋᒥᓇᑕᐤ ᐊᓐ ᑲ ᐃᓯ ᐛᐎᑎᒪᐧᒄ ᐊ ᐃᓯ ᑕᑈᑎᒪᐧᒄ ᐛᔅ ᒋ ᑭᓄᐛᔨᒪᓄᐤ ᐊ ᒋᔅᑕᔨᑕᑯᓯᑦ ᒋᓴᐊᔭᒥᐊᐅᒋᒪᐤ ᓴᔅ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᐊ ᑕᑦ, ᐊᐅᒄ ᒋᓴᔅ, ᒋᓴᒪᓂᑐᐤ ᐅᑯᓴ᙮

ᐃᑉᕈᐛ 7:1

ᐅ ᒪᓪᑭᓴᑕᒃ ᐛᔅᑭᒡ ᐊᓐᑕ ᒋ ᒋᓴᐅᒋᒪᐤ᙮ ᓴᐃᓕᒻ ᐊ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᒋᓴᐅᒋᒪᐅᑦ᙮ ᒋ ᐊᑐᔅᑯᐛᐤ ᒋᓴᒪᓂᑐᐛ ᒪᐅᒡ ᑲ ᐃᔅᐸᔨᑕᑯᓯᔨᒋ ᐊ ᐊᔭᒥᐊᐅᒋᒪᐅᑦ᙮ ᐅ ᒪᒃ ᒪᓪᑭᓴᑕᒃ ᐸᐃᒂᐤ ᒋ ᓂᒋᔅᑯᐛᐤ ᐊᑉᕋᐊᒪ ᒧᔭᒻ ᐊ ᐸᒋ ᒋᐛᔨᒋ ᐊᓄᒡ ᐊᒋ ᒥᔪ ᓴᐧᑯᒋᐊᔨᒋ ᑭᔭ ᐊᒋ ᓂᐸᐊᔨᒋ ᒥᒐᑐᐤ ᒋᓴᐅᒋᒪᐛ ᐊᒋ ᓂᑐᐱᔨᑕᑯᔨᒋ᙮ ᐊᑯ ᐅ ᒪᓪᑭᓴᑕᒃ ᑲ ᓱᐛᔨᒪᑦ ᐊᑉᕋᐊᒪ᙮

ᐃᑉᕈᐛ 7:17

ᐊᐅᒄ ᐅᔭ ᐊ ᐃᓯ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ, ᒋᓴᒪᓂᑐᐛ ᐊᒋ ᐃᓯ ᐊᔨᒧᒥᑯᑦ, “ᑲᒋᒡ ᒋᑦ ᐊᔭᒥᐊᐅᒋᒪᐅᓐ, ᒧᔭᒻ ᐊ ᐃᓯ ᐊᔭᒥᐊᐅᒋᒪᐅᑦ ᒪᓪᑭᓴᑕᒃ᙮”

ᐃᑉᕈᐛ 7:2

ᐊᑯ ᐊᑉᕋᐊᒻ ᒂ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ᐎᐧᑯᒋᑕᑦ ᒐᒂᔪᐛ ᐊᓐᑕ ᑲ ᓂᑐᐱᔨᑦ᙮ ᐊᐅᒄ ᐅᔭ ᑲ ᐃᓯ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐊ ᓄᑯᑕᑦ ᐊ ᒋᔅᑕᔨᒪᑦ᙮ ᒪᒥᑐᓇᔨᑎᒧᒄ ᐅ᙮ ᐊᓐ ᐃᓯᓂᐧᑲᓱᐅᓐ ᒪᓪᑭᓴᑕᒃ ᐊ ᐃᓯ ᐱᔭᑭᔅᒋᑕᑯᓯᓇᓄᐅᒡ ᒋᓴᐅᒋᒪᐤ ᑯᐃᔅᒄ ᑲ ᐃᓯ ᐅᒋᒪᐅᑦ ᐃᔅᒋᔄᒥᑭᓐ᙮ ᐊᑯ ᒪᒃ ᐊᓂᔭ ᐊᒋ ᒋᓴᐅᒋᒪᐅᑦ ᐊᓐᑕ ᐊᓂᔭ ᐅᑕᓇᔪᐤ ᓴᐃᓕᒻ ᐊ ᐃᓯᓂᐧᑲᑕᔨᒡ ᐅ ᒪᓪᑭᓴᑕᒃ ᐊᑯ ᐊᔪᐤ ᒋᔭᒪᔨᑎᒧᐅᓂᔪᐤ ᑲ ᒥᔨᐛᑦ ᒋᓴᐅᒋᒪᐤ ᐊ ᐃᔅᒋᔄᒥᑭᓂᔨᒡ ᐊ ᐱᔭᑭᔅᒋᑕᑭᓄᐎᒡ ᐅᑦ ᐃᓯᓂᐧᑲᓱᐅᓐ᙮

ᐃᑉᕈᐛ 7:6

ᒥᒄ ᒪᒃ ᐊᑎ ᐊᑲ ᐊᓐᑕ ᓕᐸᐃᔨᒋ ᐊ ᑕᔨᒋ ᐅᒋ ᐃᑎᔅᑲᓇᓯᑦ ᒪᓪᑭᓴᑕᒃ, ᐃᔭᐱᒡ ᒋ ᒥᔨᑯᐤ ᐊᑉᕋᐊᒪ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ᐱᐧᑯᑎᒪᓱᔨᒋ ᒐᒂᔪᐤ᙮ ᐊᑯ ᒪᒃ ᒪᓪᑭᓴᑕᒃ ᑲ ᓱᐛᔨᒪᑦ ᐊᑉᕋᐊᒪ᙮ ᐊᑉᕋᐊᒻ ᒋ ᓂᑲᓐ ᐎᑎᒪᑯᐤ ᒋᓴᒪᓂᑐᐛ ᒐᔅᑎᓇᔅ ᒐ ᓱᐛᔨᒥᑯᑦ᙮