ᐃᑉᕈᐛ 7:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒋ ᒋᔅᒐᔨᑕᓇᓄᐤ ᐅ ᐛᔅ ᐎᔾ ᒋᓴᒪᓂᑐᐤ ᒋ ᓇᔅᐱᒡ ᑕᑈᐤ ᐅᔭ ᑲ ᐃᑕᑦ ᒋᓴᓴ᙮ ᐅᔅᑕ ᒪᒃ ᐅᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲ ᒥᔨᑕᐧᒄ ᒋᓴᒪᓂᑐᐤ ᒥᔽᔪᐤ ᐃᔅᐱᔅ ᐊᓐ ᐛᔅᑭᒡ ᓂᔅᑯᒧᐅᓐ᙮ ᒋ ᒐᔅᑎᓇᐅᓇᓄᐤ ᒪᒃ ᒐ ᓂᓇᑭᑐᐛᔨᑕᐧᒃ ᒋᓴᔅ ᒐᔅᑎᓇᔅ ᒐᒋ ᒥᔅᑭᒪᐧᒄ ᐊᓂᔭᔪᐛ ᒐᒂᔪᐛ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᒥᔨᑎᑕᐧᑯ᙮

ᐃᑉᕈᐛ 7:22 Iomraidhean Croise

ᒐᓂᓯᔅ 43:9

ᓂᑦ ᐊᓱᑎᒪᒐᓐ ᒐ ᒥᔪ ᑭᓄᐛᔨᒥᒃ᙮ ᐃᔅᐱ ᐊᑲ ᑲᐤ ᐸᑥᑕᓇ, ᓂᔾ ᒐ ᐊᑕᒪᔨᒥᔨᓐ ᒐ ᐃᔅᐱᔅ ᐱᒪᑎᓯᔭᓐ᙮

ᒐᓂᓯᔅ 44:32

ᓂᒋ ᐊᓱᑎᒧᐛᐤ ᓄᑕᐎᔾ ᒐᒋ ᒥᔪ ᑭᓄᐛᔨᒥᒋ ᐱᓐᒋᒥᓇ, ᓂᒋ ᐃᑕᐤ᙮ ‘ᐃᔅᐱ ᐊᑲ ᑲᐤ ᐸᑥᑕᓇ, ᓂᔾ ᒐ ᐊᑕᒪᔨᒥᔨᓐ ᒐ ᐃᔅᐱᔅ ᐱᒪᑎᓯᔭᓐ᙮’

ᑎᐱᑦ ᐅᓂᑭᒧᐅᓇ 119:122

ᓂᐳᐅᔅᑎᒧᐤ ᒋᑦ ᐊᑐᔅᒐᔭᑭᓐ ᑲ ᒥᔽᓯᔨᒡ ᐅᒡ: ᐊᑲᐎᔾ ᓇᐊᔨᒥᒡ ᐅᒋᔅᑕᔨᒧᐅᒡ ᒐᒋ ᐊᔨᒥᐃᒡ᙮

ᒪᑎᔪᐤ 26:28

ᐛᔅ ᐊᐅᑯᓐ ᐅ ᓂᒥᐧᒄ ᒐ ᐅᒋ ᐅᔅᒋᑕᑭᓄᐅᒡ ᓂᔅᑯᒧᐅᓐ, ᐊᐅᒄ ᓂᒥᐧᒄ ᒐ ᓯᒋᓂᑲᑕᒡ ᒐᒋ ᐅᒋ ᐛᐸᔨᑎᒧᐛᑭᓄᐎᒡ ᒥᒐᑦ ᐊᐛᓐᒋ ᐅᒥᒋᑥᐅᓄᐛᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:24

ᒋ ᐃᑕᐤ ᒪᒃ, “ᐊᐅᒄ ᐅ ᓂᒥᐧᒄ, ᐊᓐᑕ ᐛᒋᐱᔨᒡ ᐅᔅᒋ ᓂᔅᑯᒥᑐᐅᓐ, ᒥᒐᑦ ᑲ ᐅᒋ ᐅᒋᑯᐎᑕᑭᓄᐎᒡ᙮

ᓗᒃ 22:20

ᐊᐅᑯᓐ ᐃᔭᐱᒡ ᑲ ᐃᑐᑕᐧᒃ ᐊ ᐅᑎᓇᐧᒃ ᐊᓂᔭ ᒥᓂᒂᑭᓂᔪᐤ, ᐃᔅᐱ ᑲᒋ ᐃᓯ ᒥᒋᓱᒡ᙮ ᒋ ᐃᑕᐤ, “ᐅ ᓱᒥᓇᐳᔾ ᐊᐅᒄ ᓂᒥᐧᒄ, ᒋᔨᐛᐤ ᐅᒋ ᒐ ᐃᓯ ᓯᒋᓂᑲᑕᒡ ᒐᒋ ᐅᒋ ᒥᔨᑯᔭᒄ ᐊ ᐅᔅᑲᒡ ᓂᔅᑯᒧᐅᓐ᙮”

1 ᑯᕆᓐᑎᔭᓇ 11:25

ᐃᔅᐱ ᒪᒃ ᑲᒋ ᒥᒋᓱᒡ, ᒋ ᐅᑎᓂᒻ ᐊᓂᔭ ᒥᓂᒂᑭᓂᔪᐤ, ᐊᑯ ᒂ ᐃᔅᒋᔄᑦ, “ᐅ ᒥᓂᒂᑭᓐ ᐊᐅᒄ ᐅ ᐅᔅᒋ ᓂᔅᑯᒧᐅᓐ ᓂᒥᐧᑯᒡ ᒐ ᐅᒋ ᔭᐃᑎᔅᑕᒡ᙮ ᑕᑥᐤ ᒥᓂᔭᒂ ᒐ ᒋᔅᒋᓯᑐᐅᔭᒄ᙮”

ᐃᑉᕈᐛ 12:24

ᑭᔭ ᒋᓴᔅ ᑕᐤ ᐊᓐᑕ, ᐊᓐ ᑲ ᐅᔅᒋᑕᐛᑦ ᒋᓴᒪᓂᑐᐛ ᐅᓂᔅᑯᒧᐅᓂᔪᐤ᙮ ᐊᓂᔭ ᙭ ᐊᒋ ᐅᓂᑕᑦ ᐅᒥᐧᒄ ᒋᔭᓄᐤ ᐅᒋ, ᐊᑯᑕ ᐛᒋ ᑎᒂᒡ ᐛᐸᔨᑎᒪᒐᐅᓐ᙮ ᐊᓂᔭ ᒪᒃ ᐎᔾ ᐊᐳᓪ ᐊᒋ ᐅᓂᑕᑦ ᐅᒥᐧᒄ ᑲ ᓂᐸᐊᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒐᒋ ᑎᐸᐊᒧᐛᑭᓄᐅᑦ ᒐᒂᔪᐤ ᐊ ᐃᑐᑐᐛᑭᓄᐅᑦ ᐊᐛᓐ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

ᐃᑉᕈᐛ 7:23

ᑕᑥᐤ ᑲ ᓂᐱᒡ ᐊᔭᒥᐊᐅᒋᒪᐅᒡ ᐊᓐᑕ ᓕᐸᐃᔨᒋ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᒡ, ᒥᓐ ᑯᑎᒃ ᐊᐛᓐ ᒋ ᐊᑎ ᒥᔅᑯᑎᔅᑯᐛᐤ ᐊᓂᔭ ᑲ ᓂᐱᔨᒋ᙮

ᐃᑉᕈᐛ 8:13

ᐃᔅᐱ ᒋᓴᒪᓂᑐᐤ ᑲ ᐃᔅᒋᔄᑦ ᒥᓐ ᑯᑎᒋᔪᐤ ᓂᔅᑯᒧᐅᓂᔪᐤ ᒐ ᐅᓯᑎᒧᐛᑦ ᐅᑦ ᐃᔨᒪ, ᐊᑯᑕ ᐛᒋ ᒋᔅᒐᔨᑕᒂᒡ ᐊᓐ ᓂᔅᑎᒻ ᑲ ᐅᓯᑕᑭᓄᐅᒡ ᐊᑲ ᓴᔅ ᐊᐱᑎᒡ ᑭᔭ ᓴᔅ ᐊ ᐸᓱᓇᒂᒡ ᒐᒋ ᐃᓯ ᐊᐱᑎᒡ᙮