ᐃᑉᕈᐛ 7:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐛᔅ ᐊᓂᔭᔪᐛ ᐎᓱᐛᐅᓇ ᒧᓱᔅ ᑲ ᐱᔅᑎᓇᐧᒃ ᓇᒪ ᐅᒋ ᐃᑐᑕᑯᐅᒡ ᐃᔪᒡ ᒐᒋ ᑯᐃᔅᑯᑕᑎᓯᒡ᙮ ᒥᒄ ᒪᒃ ᑯᑎᒡ ᒐᒂᓐ ᐅᔅᑕ ᐊ ᒥᔽᒡ ᒋ ᒥᔨᑯᓇᓄᐤ, ᐊᐅᒄ ᐊᔅᐸᔨᒧᐅᓐ᙮ ᐊᔅᐸᔨᒧᐅᓐ ᐊᔭᐛᒂ ᐊᐅᒄ ᒐ ᐎᒋᐃᑯᔭᐧᒄ ᒐᒋ ᐸᓱᐛᐱᒪᐧᒄ ᒋᓴᒪᓂᑐᐤ᙮

ᐃᑉᕈᐛ 7:19 Iomraidhean Croise

ᑎᐱᑦ ᐅᓂᑭᒧᐅᓇ 73:28

ᒪᒃ ᒥᔽᓯᔪᐤ ᓂᔾ ᒐᒋ ᐸᔄᐱᒥᒄ ᒋᓴᒪᓂᑐᐤ: ᓂᒋ ᒪᒥᓯᑐᑐᐛᐤ ᑎᐸᔨᒋᒐᓱᐤ ᒋᓴᒪᓂᑐᐤ, ᒐᒋ ᐎᑎᒪᓐ ᒪᒃ ᒥᓯᐛ ᒋᑦ ᐊᑐᔅᒐᐅᓐ᙮

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᐊᑈᔅᑕᓇᒡ 13:39

ᒥᓯᐛ ᐊᐛᓐ ᑲ ᑕᑈᔭᔨᒪᑦ ᒋᓴᓴ ᑕᑈ ᒋ ᐛᐸᔨᑎᒧᐛᑭᓄᐤ ᒥᓯᐛ ᐅᒥᒋᑥᐅᓇ, ᓇᒪ ᐎ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᑯᐃᔅᑯᓇᑯᐃᑯᐤ ᐊᐛᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:2

᙭ ᔅᒋ ᐃᑐᑎᒪᑯᓄᐤ ᒧᔅ ᐊᑯ ᒐᒋ ᒋᔅᒐᔨᑎᒪᐧᒄ ᒋᓴᒪᓂᑐᐤ ᐅᓱᐛᔨᒋᒐᐅᓐ ᒋᐱᒪᑎᓯᐅᓇᒡ᙮ ᐊᑯ ᒪᒃ ᒪᔽᔨᑎᒪᐧᒄ ᐊ ᒐᔅᑎᓇᑕᔨᑎᒪᐧᒄ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:7

ᐊ ᐃᔅᒋᔄᑦ ᐊᓐ ᐊᐛᓐ, ᒪᔭᑎᓄᒐ ᐊᓐ ᐎᓱᐛᐅᓐ ᐛᔅ ᐊᑯᑕ ᑲ ᐅᒋᐱᔨᒡ ᐊᓐ ᒐᒋ ᒥᒋᑐᑎᒪᓐ᙮ ᒪᐅ ᓂᐸ ᐃᓯ ᐎᑎᒧᐊᐤ ᐅ ᐊᐛᓐ, ᑕᐸ ᓇᒪᔭᐤ ᐊᓐ ᐎᓱᐛᐅᓐ ᑲ ᐃᑐᑕᑯᔭᓐ ᒐᒋ ᒥᒋᑐᑎᒪᓐ᙮ ᒥᒄ ᒪᒃ ᐊᑯᑕ ᑲ ᐅᒋ ᒋᔅᒐᔨᑎᒪᓐ ᑕᑈ ᐊ ᒥᒋᑐᑎᒪᓐ ᐊᓐᑕ ᐅᒋ ᑕᓐ ᐊ ᐃᑎᓱᐛᒥᑲᒡ ᐊᓐ ᐎᓱᐛᐅᓐ᙮ ᒧᔭᒻ ᐊᓐᑕ ᐊᓐ ᑲ ᐃᑎᔅᑕᒡ, “ᐊᑲᐎᔾ ᒥᒋ ᒧᔅᑕᓇᒪᒐ,” ᐊᑯᑕ ᑲ ᐅᒋ ᒋᔅᒐᔨᑎᒪᓐ ᐊ ᒥᒋᑐᑎᒪᓐ ᐊ ᒥᒋ ᒧᔅᑕᓇᒪᒐᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

ᑲᓚᓯᔭᓇ 2:16

ᐃᔭᐱᒡ ᒪᒃ ᓂ ᒋᔅᒐᔨᑕᓇᓐ ᐊ ᑕᑈᔭᔨᒪᑦ ᐊᐛᓐ ᒋᓴᔅ ᙭ᑕ᙮ ᐊᑯᑕ ᐛᒋ ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊᓂᔭ ᐅᒋ ᐊ ᓂᓇᐃᑕᐧᒃ ᐎᓱᐛᐅᓇ᙮ ᐊᑯ ᒪᒃ ᑭᔭ ᓂᔭᓐ ᑎᔭᑈᔭᔨᒥᒋᒡ ᒋᓴᔅ ᙭, ᐊ ᑕᑈᔭᔨᒥᒋᒡ ᒪᒃ ᙭ ᐊᑯᑕ ᐛᒋ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒥᔨᒥᑦ ᒋᓴᒪᓂᑐᐤ᙮ ᓇᒪ ᐎ ᐊᓐ ᐊ ᓂᓇᐃᑎᒪᒡ ᒍᐤ ᐊᔭᒥᐊᐅ ᐎᓱᐛᐅᓇ ᐛᒋ ᐃᓯ ᑭᓄᐛᐱᒥᔨᒥᑦ᙮ ᑕᐸ ᐊᐛᓐ ᐅᑯᐃᔅᑯᑕᑎᓯᐤ ᒋᑭ ᐅᒋ ᐃᓯ ᑭᓄᐛᐱᒥᑯᐤ ᒋᓴᒪᓂᑐᐛ ᒥᒄ ᐊᓂᔭ ᐊ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

ᑲᓚᓯᔭᓇ 3:21

ᐃᔭᒡ ᐊ ᒪᒃ ᐃᔅᒋᔄᒥᑭᓇ ᐊᓂᔭ ᒍᐤ ᐊᔭᒥᐊᐅ ᐎᓱᐛᐅᓇ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐ ᐃᑎᑦ ᐃᔅᐱ ᑲ ᐎᑕᐧᒃ ᒐ ᐃᓯ ᓂᔅᑯᒧᑦ ? ᓇᒪ ᓇᔅᒡ ᐃᔭᒡ ᐃᔅᒋᔄᒥᑭᓇ᙮ ᒧᔭᒻ ᐊ ᐃᑕᑭᓄᐛᑯᐱᓇᓂ ᐎᓱᐛᐅᓇ ᐊᓐᑕ ᒐᒋ ᐅᒋ ᐱᒪᒋᐅᒡ ᐊᐛᓐᒋ ᑭᑈ ᐅᑯᐃᔅᑯᑕᑎᓯᐤ ᒋᐸ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭᔪᐛ ᐊᐛᔪᐛ ᑲ ᓂᓇᐊᔨᑎᒥᔨᒋ ᐊᓂᔭᔪᐛ ᐎᓱᐛᐅᓇ᙮

ᑲᓚᓯᔭᓇ 3:24

ᐊᐅᒄ ᐎᓱᐛᐅᓐ ᓇᔅᒡ ᑲ ᒋᔅᒋᓄᐱᔨᐃᑯᔭᐧᒄ ᐊᔅᒄ ᐊᑲ ᐅᒋ ᑎᑯᓯᐧᒃ ᒋᓴᔅ᙮ ᐊᐅᒄ ᐎᓱᐛᐅᓐ ᑲ ᐃᑐᑕᑯᔭᐧᒄ ᒐᒋ ᑕᑈᑎᒪᐧᒄ ᑭᔭ ᒋᓴᒪᓂᑐᐤ ᒐᒋ ᓇᐊᔨᒥᑕᐧᒄ᙮

ᐃᐱᓯᔭᓇ 3:12

ᐅ ᒪᒃ ᙭ ᐊ ᐎᒐᐛᐧᒄ ᑭᔭ ᐊ ᑕᑈᔭᔨᒪᐧᒄ ᒋᓱᒋᑕᐊᓇᓄᐤ ᒐᒋ ᓇᑎᐧᒄ ᒋᓴᒪᓂᑐᐤ ᓇᔅᒡ ᐊ ᑕᑈᔭᔨᒪᐧᒄ᙮

ᑯᓚᓯᔭᓇ 1:27

ᒋᓴᒪᓂᑐᐤ ᒪᒃ ᒋ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ᒥᔪ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

1 ᑎᒧᑎ 1:1

ᐊᐅᒄ ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ᙮ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᓂᒋ ᐃᑎᓱᒥᒄ ᒐᒋ ᐊᔨᒧᒥᒋ ᒋᓴᔅ ᙭ᑕ ᐊᓐ ᐊᐛᓐ ᐊ ᑕᑦ ᐛᒋ ᐊᔭᔭᐧᒄ ᐊᔅᐸᔨᒧᐅᓐ᙮

ᐃᑉᕈᐛ 10:1

ᓂᑭ ᐊᔨᒧᑕᓐ ᐊᑐᐎᔅ ᐊᓂᔭ ᒍᐤ ᐎᓱᐛᐅᓇ᙮ ᐊᓐᒡ ᐃᔪᒡ ᐅᔭ ᐎᓱᐛᐅᓇ ᑲ ᓂᓇᑭᑐᐛᔨᑎᒥᐃᑯᒡ ᐊᑯᑕ ᑲ ᐅᒋ ᒋᔅᒐᔨᑕᒡ ᑕᓐ ᒐ ᐃᔅᐱᔅ ᒥᔪᑐᑎᒧᐛᑦ ᒋᓴᒪᓂᑐᐤ ᐃᔪᐛ᙮ ᒥᒄ ᒪᒃ ᓇᒪ ᓇᔅᒡ ᐅᒋ ᒋᔅᒐᔨᑎᒥᐊᑭᓄᐅᒡ ᑕᓐ ᒐ ᐃᓯ ᐊᑐᐎᔅ ᒥᔪᑐᑎᒪᒐᑦ ᒋᓴᒪᓂᑐᐤ ᐊᓐᑕ ᓂᔅᑕᒥᒡ ᒋᓴᓴ ᐅᒡ᙮ ᓇᒪ ᐊᐛᓐ ᓇᔅᒡ ᐅᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ ᑭᔭ ᓇᒪ ᐊᐛᓐ ᓇᔅᒡ ᐅᒋ ᑯᐃᔅᑯᓇᑯᓱᐤ ᐊᓐᑕ ᐃᔅ ᒋᓴᒪᓂᑐᐛ ᐊ ᑕᔨᒋ ᒥᒄ ᐊᓂᔭ ᐊ ᓂᐸᐊᑭᓄᔨᒋ ᐊᐛᓯᓴ ᐊ ᒥᑐᔅᑕᐊᒪᓄᒡ ᐊᓯᑯᒻ ᐱᐳᓇ᙮

ᐃᑉᕈᐛ 11:40

ᐛᔅ ᒋ ᑎᑯᓂᔪᐤ ᑕᓐ ᑲ ᐃᓯ ᐎᔭᔨᑎᒪᑕᐧᒄ ᒋᓴᒪᓂᑐᐤ ᐊᑐᐎᔅ ᐊ ᒥᔽᔨᒡ᙮ ᓇᒪ ᐅᒋ ᐎ ᒥᔨᑯᐅᒡ ᒪᒂᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᑎᑯᒡ ᒐ ᐃᓯ ᒥᔨᑯᒡ ᐛᔅ ᒪᒧᐤ ᔅᒋ ᐎ ᒥᔪᓇᑯᐃᑯᓄᐤ᙮

ᐃᑉᕈᐛ 11:6

ᓇᒪ ᐊᐛᓐ ᒋᑭ ᒋ ᓇᐊᔨᑎᒥᐊᐤ ᒋᓴᒪᓂᑐᐛ ᐸᑐᔅ ᑕᑈᔭᔨᒪᒐ᙮ ᐛᔅ ᐊᓐ ᐊᐛᓐ ᑲ ᐎ ᐸᒋ ᓇᑕᑦ ᒋᓴᒪᓂᑐᐛ ᒋᐸ ᑕᑈᑎᒻ ᐊ ᑕᔨᒋ ᒋᓴᒪᓂᑐᐛ ᑭᔭ ᐊ ᒥᔪᑐᑐᐛᔨᒋ ᐊᓂᔭ ᓱᒃ ᑲ ᐎ ᒋᔅᒐᔨᒥᑯᑦ᙮

ᐃᑉᕈᐛ 3:6

ᐊᓂᔭ ᒪᒃ ᒋᓴᒪᓂᑐᐛ ᐊ ᐅᑯᓯᑐᑕᑯᑦ ᒋᓴᔅ, ᑯᐃᔅᒄ ᐃᓯ ᐊᑐᔅᑯᐛᐤ ᒋᓴᒪᓂᑐᐛ ᐊ ᓂᑲᓂᔅᑯᐅᒪᑦ ᐅᑦ ᐃᔨᒥᔪᐛ᙮ ᙭ ᐊᐅᒄ ᒋᓴᒪᓂᑐᐤ ᐅᑯᓯᓴ᙮ ᒋᔭᓄᐤ ᒪᒃ ᒋᑭ ᐅᑦ ᐃᔨᒥᑐᑕᑭᓄᐤ ᒋᓴᒪᓂᑐᐤ, ᒧᔭᒻ ᓱᒋᑕᐊᔭᒂ ᑕᑈᑎᒧᐅᓂᒡ ᑭᔭ ᓱᒃ ᒥᒪᒋᒥᓂᒪᒂ ᑕᓐ ᐊ ᐃᓯ ᐊᔅᐸᔨᒧᔭᐧᒄ᙮

ᐃᑉᕈᐛ 4:16

ᐊᑲ ᓄᒋᑕᐤ ᒐ ᐸᒋ ᓇᑎᒪᐧᒄ ᐊᓐ ᒥᔪᐧᑲᒐᐅ-ᒋᒋᑕᑎᐳᐛᑭᓐ, ᒐᒋ ᒋᓴᐛᑐᑕᑯᐅᔭᐧᒄ, ᑭᔭ ᒐᒋ ᒥᔨᑯᐅᔭᐧᒄ ᒥᔪᐧᑲᒐᐅᓐ ᒐ ᐎᒋᐃᑯᔭᐧᒄ ᐸᒋ ᑲᑯᐃᑐ ᑎᔭᒂ᙮

ᐃᑉᕈᐛ 6:18

ᐛᔅ ᓇᒪ ᒋᑭ ᒋ ᑭᑭᒋᔭᐤ ᒋᓴᒪᓂᑐᐤ᙮ ᐛᔅ ᑕᓐ ᐊ ᐃᓯ ᒐᔅᑎᓄᒡ ᐃᔅᒋᔄᑦ ᒐᒂᔪᐤ ᐊᐅᑯᓐ ᒐ ᐃᔅᐱᔨᒡ᙮ ᒋ ᐃᔅᒋᔄᐤ ᒪᒃ ᐅᔭ ᒐᒋ ᒐᔅᑎᓇᑕᔨᑎᒪᐧᒄ ᐊᑲ ᓂᑕ ᐃᔭᒡ ᒐ ᐅᒋ ᐃᑕᔨᑕᐧᒃ᙮ ᐊᑯ ᒪᒃ ᐃᔅᐱ ᓇᑕᓯᒧᑐᑐᐛᒂ ᒐᒋ ᐱᒪᒋᐃᑕᐧᒄ, ᒐ ᔭᐃᑎᔅᑕᒡ ᒋᑦ ᐊᔅᐸᔨᒧᐅᓄᐤ ᐊ ᒐᔅᑎᓇᑕᔨᑎᒪᐧᒄ ᑕᓐ ᑲ ᐃᓯ ᓇᔅᐱᒡ ᑕᑈᑦ᙮

ᐃᑉᕈᐛ 7:11

ᐃᔅᐱᔅ ᐊᓐᒡ ᐃᔅᕋᐃᓪ ᐃᔪᒡ ᑲ ᒥᔭᑭᓄᐅᒡ ᐊᓂᔭ ᐎᓱᐛᐅᓂᔪᐤ, ᐊᓂᔭᔪᐛ ᐊᔭᒥᐊᐅᒋᒪᐛ ᓕᐸᐃ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᔨᒋ ᒋ ᐊᔨᒧᑎᒪᑯᐅᒡ ᐅᔭ ᐎᓱᐛᐅᓂᔪᐤ᙮ ᒋ ᐃᓯᓇᑯᓂᑯᐱᓇ ᒪᒃ ᒐᒋ ᐱᒪᒋᐅᒡ ᐊᐛᓐᒋ ᐊᓂᔭ ᑲ ᐃᓯ ᐊᑐᔅᒐᔨᒋ ᐅᔭ ᐊᔭᒥᐊᐅᒋᒪᐛ ᐅᒋ ᓇᒪ ᒋᐸ ᐅᒋ ᓂᑐᐛᔨᑕᑯᓂᔪᐤ ᒥᓐ ᒐᒋ ᑕᑦ ᐊᐛᓐ ᐊ ᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᒃ ᐊ ᐃᑕᔨᑕᑯᓯᑦ᙮ ᒥᒄ ᒪᒃ ᓇᒪ ᐅᒋ ᐱᒪᒋᐅᒡ ᐊᐛᓐᒋ ᒥᒄ ᐊᓂᔭ ᐅᑦ ᐊᑐᔅᒐᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᒡ᙮ ᐊᑯ ᑭᑈ ᑲ ᓂᑐᐛᔨᑕᒂᒡ ᒥᓐ ᑯᑎᒃ ᒋᓴᐊᔭᒥᐊᐅᒋᒪᐤ ᒐᒋ ᑕᑦ ᒧᔭᒻ ᒪᓪᑭᓴᑕᑲ ᑲ ᐃᑕᔨᑕᑯᓯᔨᒋ ᒐᒋ ᐃᑕᔨᑕᑯᓯᑦ᙮ ᓇᒪ ᐎ ᐊᕋᓇ ᑲ ᐃᑕᔨᑕᑯᓯᔨᒋ ᒋᐸ ᐅᒋ ᐃᑕᔨᑕᑯᓱᐤ᙮

ᐃᑉᕈᐛ 7:20

ᒋᓴᒪᓂᑐᐤ ᒋ ᓇᔅᐱᒡ ᑕᑈᐤ ᑲ ᐃᔅᒋᔄᑦ,

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

ᐃᑉᕈᐛ 8:6

ᐊᑯ ᒪᒃ ᓇᔅᑐᑎᒪᐧᒄ ᐅᔅᑕ ᐊ ᒋᔅᑕᔨᑕᑯᓂᔨᒡ ᐊᓂᔭ ᐅᑦ ᐊᔭᒥᐊᐤ ᐊᑐᔅᒐᐅᓐ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᓴᔅ ᐊ ᐃᑕᔨᑕᑯᓂᔨᒡ ᐅᑦ ᐊᔭᒥᐊᐅᒋᒪᐤ ᐊᐱᑎᓯᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᑕ ᐊᔅᒋᒡ ᑲ ᐊᔭᒥᐊᐅᒋᒪᐤ ᐊᐱᑎᓯᔨᒋ᙮ ᑭᔭ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲ ᐅᓯᑕᑦ ᒋᓴᔅ ᐊᔪᐅᒄ ᐊᓂᔭ ᐅᔅᑕ ᒐᔅᑕᔨᑕᑯᓂᔨᒡ ᐃᔅᐱᔅ ᐊᓂᔭ ᐛᔅᑭᒡ ᓂᔅᑯᒧᐅᓂᔪᐤ᙮ ᐛᔅ ᒋᓴᒪᓂᑐᐤ ᓇᔅᐱᒡ ᑕᑈᐤ ᐊᔪᐛᒃ ᒥᔅᑎ ᒐ ᒥᔪᑐᑎᒧᐛᑦ ᐃᔪᐛ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐅᒡ᙮

ᐃᑉᕈᐛ 9:9

ᑎᑯᓐ ᒪᒃ ᐊ ᐃᓯ ᐃᔨᒥᐃᑯᔭᐧᒄ ᐅ ᐊᓄᒡ ᒐᓯᑲᒡ᙮ ᐊᓐ ᐊᒋ ᐅᓯᑕᑭᓄᐅᒡ ᐊᓐ ᐊᔭᒥᐊᐤ ᒥᒋᐛᑉ ᐱᑎᑭᒥᒡ ᐊᑯᑕ ᐛᒋ ᒋᔅᒐᔨᑎᒪᐧᒄ ᐊᑲ ᐊᐛᓐ ᐅᑎᔅᑯᐤ ᒐᒋ ᓇᑕᑦ ᒋᓴᒪᓂᑐᐛ᙮ ᐊᔅᒄ ᒪᒃ ᐊᓄᒡ ᐊᐅᑯᓐ ᐊ ᐃᓯᓇᒂᒡ, ᐊᓂᔭᔪᐛ ᒥᑐᔅᑕᐊᒪᒐᐅᓇ ᑭᔭ ᐱᔅᑎᓂᒐᐅᓇ ᓇᒪ ᒋᑭ ᒋ ᐃᑐᑕᑯᐤ ᐊᐛᓐ ᓇᔅᒡ ᒐᒋ ᐃᑕᔨᑎᒥᐃᑯᑦ ᑕᑈ ᓇᔅᒡ ᐊᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮

ᒋᒥᔅ ᐅᒥᓯᓇᐊᒪᒐᐅᓐ 4:8

ᐸᓱᐛᐱᒪᐧᒄ ᒋᓴᒪᓂᑐᐤ ᑭᔭ ᒐ ᐸᓱᐛᐱᒥᑕᒄ ᑭᔭ ᒋᔨᐛᐤ᙮ ᑲᓯᑎᒐᒄ ᒋᔨᐛᐤ ᐅᒥᒋᑥᐅᒡ, ᐊᑯ ᒋᔨᐛᐤ ᑲ ᐊᔭᒥᐊᐧᑲᓱᔭᒄ ᐸᔭᒋᑕᒄ ᒋᑕᐃᐛᐛ᙮