ᐃᑉᕈᐛ 7:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᑯ ᒪᒃ ᐊᓐ ᑲᒋ ᐃᓯ ᐊᐱᑎᒡ ᐎᓱᐛᐅᓐ ᐃᒐᓂᑭᓄᐤ ᐛᔅ ᓇᒪ ᓱᒐᔨᑕᑯᓐ ᑭᔭ ᓇᒪ ᐅᔭᔅ ᒋ ᐃᑕᐱᑎᓐ᙮

ᐃᑉᕈᐛ 7:18 Iomraidhean Croise

ᐊᑈᔅᑕᓇᒡ 13:39

ᒥᓯᐛ ᐊᐛᓐ ᑲ ᑕᑈᔭᔨᒪᑦ ᒋᓴᓴ ᑕᑈ ᒋ ᐛᐸᔨᑎᒧᐛᑭᓄᐤ ᒥᓯᐛ ᐅᒥᒋᑥᐅᓇ, ᓇᒪ ᐎ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᑯᐃᔅᑯᓇᑯᐃᑯᐤ ᐊᐛᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:31

ᐊᑯ ᐊ ᒪᒃ ᐎᔭᐱᓂᒪᐧᒄ ᐎᓱᐛᐅᓐ ᐊ ᐃᔅᒋᔄᔭᐧᒄ ᒥᒄ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊ ᐅᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ ? ᓇᒪᐎᔾ ᑭᑈ᙮ ᐃᔭᐱᒡ ᒋ ᒋᐧᑲᔭᔨᑕᑯᑕᓇᓄᐤ ᑕᓐ ᒋᒋᐛ ᐊ ᐃᑕᐱᑎᒡ ᐊᓐ ᐎᓱᐛᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

ᑲᓚᓯᔭᓇ 3:15

ᓂᐧᑲᓂᓯᑐᒄ, ᒋ ᐎ ᐊᔨᒧᑎᒪᑎᓇᐛᐤ ᒐᒂᓐ ᐊ ᐃᑎᓇᓄᐅᒡ ᐅᑕ ᐊᔅᒋᒡ ᒐᒋ ᓂᔅᑐᑎᒪᒄ ᑕᓐ ᐛ ᐃᓯ ᐎᑎᒪᑎᑯᒡ᙮ ᓂᓱ ᐊᐛᓐᒋ ᐊ ᑎᑯᓂᔨᒡ ᐊ ᐃᓯ ᓂᔅᑯᒧᒡ ᒐᒂᔪᐤ ᑕᐱᔅᑯᓐ ᒥᓯᓇᐎᓱᐅᒡ᙮ ᓇᒪ ᒪᒃ ᒋᑭ ᒋ ᐱᑯᓂᒧᒡ ᐊᓂᔭ᙮ ᓇᒪ ᑭᔭ ᒋᑭ ᒋ ᐊᑎᔅᑕᐅᒡ ᑕᓐ ᑲ ᐃᑎᔅᑕᒡ ᐊᓐᑕ᙮

ᑲᓚᓯᔭᓇ 3:17

ᒪᐅ ᐛ ᐃᔅᒋᔄᔭᓐ᙮ ᒋᓴᒪᓂᑐᐤ ᒋ ᐎᑎᒧᐛᐤ ᐊᑉᕋᐊᒪ ᑕᓐ ᐊᔅᒄ ᒐ ᐃᓯ ᐊᓱᑎᒧᐛᑦ, ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐱᐳᓇ ᒪᒃ ᐸᑎᒪ ᐊᑯ ᑲ ᑎᒂᒡ ᒍᐤ ᐊᔭᒥᐊᐅ ᐎᓱᐛᐅᓐ᙮ ᐅ ᒪᒃ ᐎᓱᐛᐅᓐ ᓇᒪ ᒋᑭ ᒋ ᒥᔅᑯᑎᔅᑲᒐᒥᑭᓐ ᐊᓂᔭ ᑕᓐ ᑲ ᐃᓯ ᓂᔅᑯᒪᑭᓄᐅᑦ ᐊᑉᕋᐊᒻ, ᓇᒪ ᒋᑭ ᒋ ᐃᓯᓇᑯᓂᔪᐤ ᒐ ᐊᑲ ᒋ ᐊᐱᑎᓂᔨᒡ ᐊᓂᔭ ᑕᓐ ᑲ ᐃᓯ ᐊᓱᑎᒧᐛᑭᓄᐅᑦ᙮

ᑲᓚᓯᔭᓇ 3:21

ᐃᔭᒡ ᐊ ᒪᒃ ᐃᔅᒋᔄᒥᑭᓇ ᐊᓂᔭ ᒍᐤ ᐊᔭᒥᐊᐅ ᐎᓱᐛᐅᓇ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐ ᐃᑎᑦ ᐃᔅᐱ ᑲ ᐎᑕᐧᒃ ᒐ ᐃᓯ ᓂᔅᑯᒧᑦ ? ᓇᒪ ᓇᔅᒡ ᐃᔭᒡ ᐃᔅᒋᔄᒥᑭᓇ᙮ ᒧᔭᒻ ᐊ ᐃᑕᑭᓄᐛᑯᐱᓇᓂ ᐎᓱᐛᐅᓇ ᐊᓐᑕ ᒐᒋ ᐅᒋ ᐱᒪᒋᐅᒡ ᐊᐛᓐᒋ ᑭᑈ ᐅᑯᐃᔅᑯᑕᑎᓯᐤ ᒋᐸ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭᔪᐛ ᐊᐛᔪᐛ ᑲ ᓂᓇᐊᔨᑎᒥᔨᒋ ᐊᓂᔭᔪᐛ ᐎᓱᐛᐅᓇ᙮

ᑲᓚᓯᔭᓇ 4:21

ᐅ ᒪᒃ ᐸᒋ ᐎᑎᒧᐅᒄ ᒋᔨᐛᐤ ᒍᐤ ᐊᔭᒥᐊᐅ ᐎᓱᐛᐅᓇ ᑲ ᐃᑕᔨᑎᒪᒄ ᒐᒋ ᑎᐸᔨᒥᑯᔭᒄ, ᓇᒪᐎᔾ ᐊ ᒋ ᒐᔅᑎᓇᐅᓇᐛᐤ ᑕᓐ ᐊ ᐃᔅᒋᔄᒥᑲᒋ ᐊᓂᔭᔪᐛ ᐎᓱᐛᐅᓇ ?

ᑲᓚᓯᔭᓇ 4:9

ᐊᑯ ᒪᒃ ᒐᔅᒐᔨᒪᒄ ᐊᑯ ᒋᓴᒪᓂᑐᐤ᙮ ᑎᔭᐧᑯᓐ ᐃᔭᐱᒡ ᒋᐸ ᒥᔽᐤ ᐃᔅᒋᔄᔭᒄ ᐎᔾ ᐊᐅᒄ ᒋᓴᒪᓂᑐᐤ ᐊ ᒋᔅᒐᔨᒥᑕᒄ᙮ ᑕᓐᑕ ᐛᒋ ᐃᑎᔭᒄ ᒥᓐ ᒐᒋ ᓇᑕᑯᒡ ᐊᓐᒡ ᐊᒐᐧᑯᒡ ᐊᑲ ᓴᐱᓯᒡ ᑭᔭ ᐊᑲ ᐅᔭᔅ ᐃᑕᐱᑎᓯᒡ, ᒥᓐ ᒐᒋ ᒪᒋᒂᐱᐧᑲᑎᑕᑯᒡ᙮

1 ᑎᒧᑎ 4:8

ᑎᑯᓂᔪᐤ ᑭᑈ ᑕᓐ ᐊ ᐃᓯ ᐎᒋᐃᑯᑦ ᐊᐛᓐ ᐊ ᓴᓴᐅᐱᔪᐅᑦ᙮ ᐊᑯ ᒪᒃ ᐊᓐ ᐊᐛᓐ ᓱᒃ ᒧᔅ ᑲ ᐎ ᓂᓇᐃᑎᒪᐊᑦ ᒋᓴᒪᓂᑐᐛ ᐊᔪᐅᒄ ᐅᔭ ᐊᑐᐎᔅ ᒐ ᐎᒋᐃᑯᑦ ᐊᓄᒡ ᐅᑕ ᐊ ᐱᒪᑎᓯᑦ ᑭᔭ ᐊᓐᑕ ᐃᔅ ᓂᔅᑕᒥᒡ᙮

ᐃᑉᕈᐛ 13:9

ᐃᔭᒂᒥᒄ ᒐ ᐊᑲ ᒋ ᐎᔭᓯᐃᑯᐅᔭᒄ ᒐᒋ ᐊᑎ ᑕᑈᑎᒪᒄ ᓂᓇᐧᑯᐤ ᓂᑎᒥᒄ ᒋᔅᑯᑎᒪᒐᐅᓇ᙮ ᐛᔅ ᒥᔽᓱᐤ ᒥᑕᐃ ᒐᒋ ᐊᔨᒋᑲᐳᐅᒡ ᓱᐛᔨᒋᒐᐅᓂᒡ, ᓇᒪ ᐎ ᒥᒋᒥᒡ᙮ ᐛᔅ ᓇᒪ ᐎᒋᐃᑯᐤ ᐊᐛᓐ ᒥᒋᒥᔪᐤ ᒐᒋ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐃᔅ᙮

ᐃᑉᕈᐛ 7:19

ᐛᔅ ᐊᓂᔭᔪᐛ ᐎᓱᐛᐅᓇ ᒧᓱᔅ ᑲ ᐱᔅᑎᓇᐧᒃ ᓇᒪ ᐅᒋ ᐃᑐᑕᑯᐅᒡ ᐃᔪᒡ ᒐᒋ ᑯᐃᔅᑯᑕᑎᓯᒡ᙮ ᒥᒄ ᒪᒃ ᑯᑎᒡ ᒐᒂᓐ ᐅᔅᑕ ᐊ ᒥᔽᒡ ᒋ ᒥᔨᑯᓇᓄᐤ, ᐊᐅᒄ ᐊᔅᐸᔨᒧᐅᓐ᙮ ᐊᔅᐸᔨᒧᐅᓐ ᐊᔭᐛᒂ ᐊᐅᒄ ᒐ ᐎᒋᐃᑯᔭᐧᒄ ᒐᒋ ᐸᓱᐛᐱᒪᐧᒄ ᒋᓴᒪᓂᑐᐤ᙮