ᐃᑉᕈᐛ 7:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᑯ ᒪᒃ ᐊᑐᐎᔅ ᐊ ᐱᔭᑭᔅᒋᑕᒂᒡ, ᓴᔅ ᑕᐤ ᑯᑎᒃ ᐊᔭᒥᐊᐅᒋᒪᐤ ᒧᔭᒻ ᒪᓪᑭᓴᑕᒃ ᐊ ᐃᑕᔨᑕᑯᓯᑦ᙮ ᐊᐅᒄ ᐅ ᒋᓴᔅ᙮

ᐃᑉᕈᐛ 7:15 Iomraidhean Croise

ᑎᐱᑦ ᐅᓂᑭᒧᐅᓇ 110:4

ᑎᐸᔨᒋᒐᓱᐤ ᒋᒋᐛ ᒋ ᐃᔪᐤ, ᓇᒪ ᒪᒃ ᒋᑭ ᒂᔅᒐᔨᑎᒻ, “ᒋᔾ ᒋᒋᓴᐊᔭᒥᐊᐅᒋᒪᐅᓐ ᑲᒋᒡ ᐅᑦ ᐃᑕᒋᒥᑯᓯᐅᓂᒡ ᒪᓪᑭᓴᑕᒃ᙮”

ᒪᑎᔪᐤ 13:21

ᒧᔭᒻ ᒪᒃ ᐊᓐ ᓂᑕᐅᒋᑕᑭᓐ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ᐃᓯᓇᑯᓯᒡ ᐊᓐᒡ, ᓇᒪ ᓇᐅᔅ ᑕᑈᑎᒧᒡ᙮ ᐃᔅᐱ ᒪᒃ ᐊ ᒥᒋᐱᔨᓇᓄᐎᒡ ᒪᒃ ᐊ ᓂᓇᐧᑲᑕᔨᒧᓇᓄᐎᒡ ᐊ ᑎᑯᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐅᒋ, ᑎᐛᒡ ᐳᓂᐅᒡ ᐊ ᑕᑈᑕᒡ᙮

ᐃᑉᕈᐛ 5:6

ᒥᓐ ᑎᑯᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᒋᓴᒪᓂᑐᐤ ᐊᒋ ᐃᔅᒋᔄᑦ, “ᑲᒋᒡ ᒋ ᒋᓴᐊᔭᒥᐊᐅᒋᒪᐅᓐ, ᒧᔭᒻ ᒪᓪᑭᓴᑕᒃ᙮”

ᐃᑉᕈᐛ 7:11

ᐃᔅᐱᔅ ᐊᓐᒡ ᐃᔅᕋᐃᓪ ᐃᔪᒡ ᑲ ᒥᔭᑭᓄᐅᒡ ᐊᓂᔭ ᐎᓱᐛᐅᓂᔪᐤ, ᐊᓂᔭᔪᐛ ᐊᔭᒥᐊᐅᒋᒪᐛ ᓕᐸᐃ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᔨᒋ ᒋ ᐊᔨᒧᑎᒪᑯᐅᒡ ᐅᔭ ᐎᓱᐛᐅᓂᔪᐤ᙮ ᒋ ᐃᓯᓇᑯᓂᑯᐱᓇ ᒪᒃ ᒐᒋ ᐱᒪᒋᐅᒡ ᐊᐛᓐᒋ ᐊᓂᔭ ᑲ ᐃᓯ ᐊᑐᔅᒐᔨᒋ ᐅᔭ ᐊᔭᒥᐊᐅᒋᒪᐛ ᐅᒋ ᓇᒪ ᒋᐸ ᐅᒋ ᓂᑐᐛᔨᑕᑯᓂᔪᐤ ᒥᓐ ᒐᒋ ᑕᑦ ᐊᐛᓐ ᐊ ᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᒃ ᐊ ᐃᑕᔨᑕᑯᓯᑦ᙮ ᒥᒄ ᒪᒃ ᓇᒪ ᐅᒋ ᐱᒪᒋᐅᒡ ᐊᐛᓐᒋ ᒥᒄ ᐊᓂᔭ ᐅᑦ ᐊᑐᔅᒐᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᒡ᙮ ᐊᑯ ᑭᑈ ᑲ ᓂᑐᐛᔨᑕᒂᒡ ᒥᓐ ᑯᑎᒃ ᒋᓴᐊᔭᒥᐊᐅᒋᒪᐤ ᒐᒋ ᑕᑦ ᒧᔭᒻ ᒪᓪᑭᓴᑕᑲ ᑲ ᐃᑕᔨᑕᑯᓯᔨᒋ ᒐᒋ ᐃᑕᔨᑕᑯᓯᑦ᙮ ᓇᒪ ᐎ ᐊᕋᓇ ᑲ ᐃᑕᔨᑕᑯᓯᔨᒋ ᒋᐸ ᐅᒋ ᐃᑕᔨᑕᑯᓱᐤ᙮

ᐃᑉᕈᐛ 7:14

ᒥᓯᐛ ᐊᐛᓐ ᒋᔅᒐᔨᑎᒻ ᐅᔭ᙮ ᒋᓴᔅ ᒍᑕᐃᒡ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮ ᑭᔭ ᒋ ᒋᔅᒐᔨᑕᓇᓄᐤ ᒧᓱᔅ ᐊᑲ ᐅᒋ ᐎᔭᑦ ᒍᑕᐃᒡ ᐊ ᑕᔨᒋ ᐊ ᐅᒋᔨᒋ ᐊᐛᔪᐛ ᒐᒋ ᐊᔭᒥᐊᐅᒋᒪᐎᔨᒋ᙮

ᐃᑉᕈᐛ 7:16

ᒋᓴᔅ ᒪᒃ ᐊᑎ ᐊᑲ ᐊᓐᑕ ᐅᒋ ᐊᓂᔅᒐ ᐱᒪᑎᓯᑦ ᐊᓐᑕ ᐊᓂᔅᒐ ᐛᒋᔨᒋ ᐊᔭᒥᐊᐅᒋᒪᐛ, ᐃᔭᐱᒡ ᒋ ᐊᔭᒥᐊᐅᒋᒪᐊᑭᓄᐤ ᐛᔅ ᓇᒪ ᓂᑕ ᒋᑭ ᐅᒋ ᐳᓂᐱᔪᐤ ᑲ ᓱᐧᑲᑎᓯᒥᑭᓂᔨᒡ ᐅᐱᒪᑎᓯᐅᓐ᙮

ᐃᑉᕈᐛ 7:3

ᐅ ᑲ ᐃᓯ ᐎᑎᒪᑎᑯᒡ ᐊᐅᒄ ᒥᒄ ᐅᔭ ᐊ ᐃᔅᐱᔅ ᒋᔅᒐᔨᒪᑭᓄᐅᑦ ᒪᓪᑭᓴᑕᒃ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑕᐎᑦ ᑭᔭ ᒪᒃ ᐊᐛᔪᐛ ᑲ ᐅᑲᐎᑦ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑦ ᐊᓂᔅᑯᑕᐸᓂᑦ᙮ ᑭᔭ ᓇᒪ ᒋ ᒋᔅᒐᔨᑎᒺᓇᓄᐤ ᑕᐃᔅᐱ ᑲ ᐱᒪᑎᓯᑦ ᑭᔭ ᑕᐃᔅᐱ ᑲ ᓂᐱᑦ᙮ ᓇᒪ ᒋ ᒋᔅᒐᔨᑕᓇᓄᐤ ᐛᔅ ᓇᒪ ᓇᔅᒡ ᐅᒋ ᐊᔨᒧᒪᑭᓄᐤ ᒥᓯᓇᐃᑭᓂᒡ᙮ ᐅ ᑲ ᐃᓯ ᐎᑎᒪᑎᑯᒡ, ᒧᔭᒻ ᒋᓴᒪᓂᑐᐤ ᐅᑯᓴ ᑲᒋᒡ ᐊ ᐊᔭᒥᐊᐅᒋᒪᐎᔨᒋ, ᑭᔭ ᐎᔾ ᒪᓪᑭᓴᑕᒃ ᑲᒋᒡ ᐊᔭᒥᐊᐅᒋᒪᐅ᙮