ᐃᑉᕈᐛ 7:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐛᔅ ᐊᑎ ᐊᔅᒄ ᐊᑲ ᐅᒋ ᐱᒪᑎᓯᑦ ᓕᐸᐃ ᐃᔅᐱᔅ ᒪᓪᑭᓴᑕᑲ ᑲ ᓂᒋᔅᑯᐛᔨᒋ ᐊᑉᕋᐊᒪ ᒋ ᐃᓯᓇᑯᓂᔪᐤ ᒧᔭᒻ ᑭᔭ ᐎᔾ ᓕᐸᐃ ᐊ ᒥᔭᑦ ᒪᓪᑭᓴᑕᑲ ᐸᐃᒄ ᑕᑐᐤ ᐸᐃᑯᔪᐤ ᒐᒂᔪᐤ ᐛᔅ ᐊᑯᑕ ᐊᔅᒄ ᒐ ᐅᒋ ᐊᓂᔅᒐ ᐱᒪᑎᓯᑯᐱᓇ ᐊᑉᕋᐊᒪ ᐊ ᑕᔨᒋ ᐅ ᓕᐸᐃ᙮

ᐃᑉᕈᐛ 7:10 Iomraidhean Croise

ᒐᓂᓯᔅ 35:11

ᐊᑯ ᒋᓴᒪᓂᑐᐤ ᐊᑕᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊᓯ ᓱᐧᑲᑎᓯᑦ, ᒐ ᐃᔭᐛᑯᒡ ᒥᒐᑦ ᐊᐛᓯᒡ᙮ ᒋᑭ ᒥᒐᑐᔅᑲᓇᓱᐅᒡ ᒋᑦ ᐊᐛᓯᒥᒡ ᑭᔭ ᐱᔅᒐ ᒋᑭ ᒋᓴᐅᒋᒪᐅᒡ ᒋᑦ ᐊᐛᓯᒥᒡ᙮

ᒐᓂᓯᔅ 46:26

ᒥᓯᐛ ᐊᐛᔪᐛ ᒐᑭᑉ ᑲ ᐎᒐᐅᑯᑦ ᐃᒋᑉᑎᒡ ᑲ ᐃᑐᑕᒡ ᐊᓱᑕᒡ ᑕᑐᔪᐤ ᐊᓱ ᐊᓱᑕᒡ ᒋ ᐃᑕᑎᓱᐅᒡ, ᐎᔾ ᑎᐱᔨᐛ ᐅᑦ ᐊᐛᓯᒪ ᒐᑭᑉ, ᐊᑲ ᐊᔅᑎᒋᒪᑭᓄᔨᒋ ᐅᓇᐊᑭᓂᔎᒪ᙮

ᐃᑉᕈᐛ 5:6

ᒥᓐ ᑎᑯᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᒋᓴᒪᓂᑐᐤ ᐊᒋ ᐃᔅᒋᔄᑦ, “ᑲᒋᒡ ᒋ ᒋᓴᐊᔭᒥᐊᐅᒋᒪᐅᓐ, ᒧᔭᒻ ᒪᓪᑭᓴᑕᒃ᙮”

ᐃᑉᕈᐛ 7:11

ᐃᔅᐱᔅ ᐊᓐᒡ ᐃᔅᕋᐃᓪ ᐃᔪᒡ ᑲ ᒥᔭᑭᓄᐅᒡ ᐊᓂᔭ ᐎᓱᐛᐅᓂᔪᐤ, ᐊᓂᔭᔪᐛ ᐊᔭᒥᐊᐅᒋᒪᐛ ᓕᐸᐃ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᔨᒋ ᒋ ᐊᔨᒧᑎᒪᑯᐅᒡ ᐅᔭ ᐎᓱᐛᐅᓂᔪᐤ᙮ ᒋ ᐃᓯᓇᑯᓂᑯᐱᓇ ᒪᒃ ᒐᒋ ᐱᒪᒋᐅᒡ ᐊᐛᓐᒋ ᐊᓂᔭ ᑲ ᐃᓯ ᐊᑐᔅᒐᔨᒋ ᐅᔭ ᐊᔭᒥᐊᐅᒋᒪᐛ ᐅᒋ ᓇᒪ ᒋᐸ ᐅᒋ ᓂᑐᐛᔨᑕᑯᓂᔪᐤ ᒥᓐ ᒐᒋ ᑕᑦ ᐊᐛᓐ ᐊ ᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᒃ ᐊ ᐃᑕᔨᑕᑯᓯᑦ᙮ ᒥᒄ ᒪᒃ ᓇᒪ ᐅᒋ ᐱᒪᒋᐅᒡ ᐊᐛᓐᒋ ᒥᒄ ᐊᓂᔭ ᐅᑦ ᐊᑐᔅᒐᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᒡ᙮ ᐊᑯ ᑭᑈ ᑲ ᓂᑐᐛᔨᑕᒂᒡ ᒥᓐ ᑯᑎᒃ ᒋᓴᐊᔭᒥᐊᐅᒋᒪᐤ ᒐᒋ ᑕᑦ ᒧᔭᒻ ᒪᓪᑭᓴᑕᑲ ᑲ ᐃᑕᔨᑕᑯᓯᔨᒋ ᒐᒋ ᐃᑕᔨᑕᑯᓯᑦ᙮ ᓇᒪ ᐎ ᐊᕋᓇ ᑲ ᐃᑕᔨᑕᑯᓯᔨᒋ ᒋᐸ ᐅᒋ ᐃᑕᔨᑕᑯᓱᐤ᙮

ᐃᑉᕈᐛ 7:5

ᒪᒥᑐᓇᔨᑎᒧᒄ ᑭᔭ ᑕᓐ ᐊᑎᔅᑕᒡ ᒥᓐ ᐊᓐᑕ ᐎᓱᐛᐅᓂᒡ᙮ ᒥᒄ ᐊᓐᒡ ᐊᑉᕋᐊᒻ ᐅᑦ ᐊᓂᔅᒐ ᐅᓯᒪ ᓕᐸᐃᔨᒋ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᒡ ᐊᓂᔭᔪᐛ ᑲ ᓇᐸᐎᔨᒋ ᒋ ᐊᐸᐃᔅᑕᔪᐛ ᒐᒋ ᐊᔭᒥᐊᐅᒋᒪᐎᒡ᙮ ᐅᒡ ᒪᒃ ᐊᔭᒥᐊᐅᒋᒪᐅᒡ ᒋ ᐱᔅᑎᓱᐛᑎᑯᐅᒡ ᐊᓂᔭ ᒍᐤ ᐎᓱᐛᐅᓂᔪᐤ ᒐᒋ ᐅᑎᓂᒺᒡ ᐅᑦ ᐃᔨᒧᐛᐛ, ᑭᔭ ᐎᐧᑲᓂᓱᐛᐛ, ᐸᐃᒄ ᑕᑐᐤ ᐸᐃᑯᔪᐤ ᐊ ᐃᔅᐱᔅ ᐎᐧᑯᒋᑕᔨᒋ ᒐᒂᔪᐤ, ᐊᑎ ᑭᔭ ᐎᔨᐛᐤ ᐊᑉᕋᐊᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᒡ᙮

ᐃᑉᕈᐛ 7:9

ᓕᐸᐃ ᐅᑦ ᐊᓂᔅᒐ ᐅᓯᒪ ᐊᐅᑯᓂ ᐊᓄᒡ ᐊ ᐊᔭᒥᐊᐅᒋᒪᐎᔨᒋ᙮ ᐊᐅᑯᓐᒡ ᒥᒄ ᐅᒡ ᒪᔭᑭᓄᐅᒡ ᐸᐃᒄ ᑕᑐᐤ ᐸᐃᑯᔪᐤ ᒐᒂᔪᐛ᙮ ᐊᓐᑕ ᒪᒃ ᐅᑕᒡ ᒪᓪᑭᓴᑕᒃ ᒋ ᒥᔨᑯᐤ ᐊᑉᕋᐊᒪ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ᐊᔭᔨᒋ ᒐᒂᔪᐤ᙮ ᐊᑯ ᒪᒃ ᒋᑭ ᒋ ᐃᔅᒋᔄᓇᓄᐤ ᑭᔭ ᐎᔾ ᓕᐸᐃ ᐸᐃᒄ ᑕᑐᐤ ᐸᐃᑯᔪᐤ ᒐᒂᔪᐤ ᐊᒋ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᒧᔭᒻ ᑲ ᐃᓯ ᒥᔭᔨᒋ ᐅᒧᓱᒪ ᐊᑉᕋᐊᒪ᙮