ᐃᑉᕈᐛ 7:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐅ ᒪᓪᑭᓴᑕᒃ ᐛᔅᑭᒡ ᐊᓐᑕ ᒋ ᒋᓴᐅᒋᒪᐤ᙮ ᓴᐃᓕᒻ ᐊ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᒋᓴᐅᒋᒪᐅᑦ᙮ ᒋ ᐊᑐᔅᑯᐛᐤ ᒋᓴᒪᓂᑐᐛ ᒪᐅᒡ ᑲ ᐃᔅᐸᔨᑕᑯᓯᔨᒋ ᐊ ᐊᔭᒥᐊᐅᒋᒪᐅᑦ᙮ ᐅ ᒪᒃ ᒪᓪᑭᓴᑕᒃ ᐸᐃᒂᐤ ᒋ ᓂᒋᔅᑯᐛᐤ ᐊᑉᕋᐊᒪ ᒧᔭᒻ ᐊ ᐸᒋ ᒋᐛᔨᒋ ᐊᓄᒡ ᐊᒋ ᒥᔪ ᓴᐧᑯᒋᐊᔨᒋ ᑭᔭ ᐊᒋ ᓂᐸᐊᔨᒋ ᒥᒐᑐᐤ ᒋᓴᐅᒋᒪᐛ ᐊᒋ ᓂᑐᐱᔨᑕᑯᔨᒋ᙮ ᐊᑯ ᐅ ᒪᓪᑭᓴᑕᒃ ᑲ ᓱᐛᔨᒪᑦ ᐊᑉᕋᐊᒪ᙮

ᐃᑉᕈᐛ 7:1 Iomraidhean Croise

ᑎᐱᑦ ᐅᓂᑭᒧᐅᓇ 57:2

ᓂᑭᒧᔅᑯᐛᑕᐤ ᒋᓴᒪᓂᑐᐤ ᒪᐅᒡ ᒋᔅᑎᓯᑦ; ᒋᓴᒪᓂᑐᐤ ᒥᓯᐛ ᒐᒂᓇ ᑲ ᐃᑐᑎᒧᐎᔨᒥᑦ᙮

ᑎᐱᑦ ᐅᓂᑭᒧᐅᓇ 76:2

ᓴᓚᒥᒡ ᑭᔭ ᑎᑯᓂᔪᐤ ᐅᒥᒋᐛᐱᒻ, ᑭᔭ ᐎᒡ ᓴᐃᔭᓂᒡ᙮

ᑎᐱᑦ ᐅᓂᑭᒧᐅᓇ 78:35

ᒋ ᒋᔅᒋᓱᐅᒡ ᒪᒃ ᒋᓴᒪᓂᑐᐛ ᐊᒋ ᐅᒋᔅᑕᐱᔅᑯᒥᒡ, ᑭᔭ ᒐᔅᑎᓯᔨᒋ ᒋᓴᒪᓂᑐᐛ ᐊᒋ ᐅᐱᒪᒋᐃᐛᒥᒡ᙮

ᑎᐱᑦ ᐅᓂᑭᒧᐅᓇ 78:56

ᐃᔭᐱᒡ ᒪᒃ ᒋ ᑯᒂᒋᐊᐅᒡ ᑭᔭ ᒋ ᒋᔄᐊᐅᒡ ᑲ ᒪᐅᒡ ᒋᔅᑎᓯᔨᒋ ᒋᓴᒪᓂᑐᐛ, ᓇᒪ ᑭᔭ ᐅᒋ ᑭᓄᐛᔨᑎᒺᐅᒡ ᐅᑎᐸᒋᒧᐅᓂᔪᐤ;

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:7

ᐊᑯ ᒂ ᑕᑈᑦ ᐊ ᒋᔄᐛᑦ ᐊ ᐃᔅᒋᔄᑦ, “ᒋᓴᔅ, ᒋᔾ ᑲ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᒋᑦ ᐃᑎᓐ ᐊ ᐸᑐᐅᑦ ᒋᓴᒪᓂᑐᐤ, ᐊᑲᐎᔾ ᓂᓇᐧᑲᑕᔨᒧᐃ !”

ᐊᑈᔅᑕᓇᒡ 16:17

ᓂᒋ ᐱᐸᒥᓇᓴᐅᑯᓇᓐ ᐊᓐ ᐃᔎᔅ ᐊ ᑕᑈᑦ ᐊ ᐃᔅᒋᔄᑦ, “ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᔨᒋ ᐊᑐᔅᑯᐛᐅᒡ ᐅᒡ ᓇᐸᐅᒡ᙮ ᒋᑭ ᐎᑎᒪᑯᐛᐅᒡ ᑕᓐᑕ ᒐᒋ ᐅᒋ ᐱᒪᒋᐅᔭᒄ᙮”

ᐃᑉᕈᐛ 6:20

ᒋᓴᔅ ᒪᒃ ᐅ ᑲ ᒐᔅᑎᓇᑕᔨᒪᐧᒄ᙮ ᐊᓐᑕ ᐊᓂᔭ ᑲ ᐱᒐᑦ ᐊᑯᑕ ᐊ ᐊᔭᒥᐊᔅᑎᒪᑕᐧᒄ᙮ ᐎᔾ ᑲᒋᒡ ᒋᓴᐊᔭᒥᐊᐅᒋᒪᐅ ᒋᓴᔅ ᒧᔭᒻ ᒪᓪᑭᓴᑕᒃ᙮

ᐃᑉᕈᐛ 7:2

ᐊᑯ ᐊᑉᕋᐊᒻ ᒂ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ᐎᐧᑯᒋᑕᑦ ᒐᒂᔪᐛ ᐊᓐᑕ ᑲ ᓂᑐᐱᔨᑦ᙮ ᐊᐅᒄ ᐅᔭ ᑲ ᐃᓯ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐊ ᓄᑯᑕᑦ ᐊ ᒋᔅᑕᔨᒪᑦ᙮ ᒪᒥᑐᓇᔨᑎᒧᒄ ᐅ᙮ ᐊᓐ ᐃᓯᓂᐧᑲᓱᐅᓐ ᒪᓪᑭᓴᑕᒃ ᐊ ᐃᓯ ᐱᔭᑭᔅᒋᑕᑯᓯᓇᓄᐅᒡ ᒋᓴᐅᒋᒪᐤ ᑯᐃᔅᒄ ᑲ ᐃᓯ ᐅᒋᒪᐅᑦ ᐃᔅᒋᔄᒥᑭᓐ᙮ ᐊᑯ ᒪᒃ ᐊᓂᔭ ᐊᒋ ᒋᓴᐅᒋᒪᐅᑦ ᐊᓐᑕ ᐊᓂᔭ ᐅᑕᓇᔪᐤ ᓴᐃᓕᒻ ᐊ ᐃᓯᓂᐧᑲᑕᔨᒡ ᐅ ᒪᓪᑭᓴᑕᒃ ᐊᑯ ᐊᔪᐤ ᒋᔭᒪᔨᑎᒧᐅᓂᔪᐤ ᑲ ᒥᔨᐛᑦ ᒋᓴᐅᒋᒪᐤ ᐊ ᐃᔅᒋᔄᒥᑭᓂᔨᒡ ᐊ ᐱᔭᑭᔅᒋᑕᑭᓄᐎᒡ ᐅᑦ ᐃᓯᓂᐧᑲᓱᐅᓐ᙮

ᐃᑉᕈᐛ 7:3

ᐅ ᑲ ᐃᓯ ᐎᑎᒪᑎᑯᒡ ᐊᐅᒄ ᒥᒄ ᐅᔭ ᐊ ᐃᔅᐱᔅ ᒋᔅᒐᔨᒪᑭᓄᐅᑦ ᒪᓪᑭᓴᑕᒃ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑕᐎᑦ ᑭᔭ ᒪᒃ ᐊᐛᔪᐛ ᑲ ᐅᑲᐎᑦ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑦ ᐊᓂᔅᑯᑕᐸᓂᑦ᙮ ᑭᔭ ᓇᒪ ᒋ ᒋᔅᒐᔨᑎᒺᓇᓄᐤ ᑕᐃᔅᐱ ᑲ ᐱᒪᑎᓯᑦ ᑭᔭ ᑕᐃᔅᐱ ᑲ ᓂᐱᑦ᙮ ᓇᒪ ᒋ ᒋᔅᒐᔨᑕᓇᓄᐤ ᐛᔅ ᓇᒪ ᓇᔅᒡ ᐅᒋ ᐊᔨᒧᒪᑭᓄᐤ ᒥᓯᓇᐃᑭᓂᒡ᙮ ᐅ ᑲ ᐃᓯ ᐎᑎᒪᑎᑯᒡ, ᒧᔭᒻ ᒋᓴᒪᓂᑐᐤ ᐅᑯᓴ ᑲᒋᒡ ᐊ ᐊᔭᒥᐊᐅᒋᒪᐎᔨᒋ, ᑭᔭ ᐎᔾ ᒪᓪᑭᓴᑕᒃ ᑲᒋᒡ ᐊᔭᒥᐊᐅᒋᒪᐅ᙮

ᐃᑉᕈᐛ 7:6

ᒥᒄ ᒪᒃ ᐊᑎ ᐊᑲ ᐊᓐᑕ ᓕᐸᐃᔨᒋ ᐊ ᑕᔨᒋ ᐅᒋ ᐃᑎᔅᑲᓇᓯᑦ ᒪᓪᑭᓴᑕᒃ, ᐃᔭᐱᒡ ᒋ ᒥᔨᑯᐤ ᐊᑉᕋᐊᒪ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ᐱᐧᑯᑎᒪᓱᔨᒋ ᒐᒂᔪᐤ᙮ ᐊᑯ ᒪᒃ ᒪᓪᑭᓴᑕᒃ ᑲ ᓱᐛᔨᒪᑦ ᐊᑉᕋᐊᒪ᙮ ᐊᑉᕋᐊᒻ ᒋ ᓂᑲᓐ ᐎᑎᒪᑯᐤ ᒋᓴᒪᓂᑐᐛ ᒐᔅᑎᓇᔅ ᒐ ᓱᐛᔨᒥᑯᑦ᙮