ᐃᑉᕈᐛ 6:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᑎᒂᒡ ᒪᒃ ᐊᔅᒋᔾ ᐊᓐᑕ ᓇᑕᐅᒋᒡ ᒐᒂᓐ ᐊᑲ ᐅᔭᔅ ᐃᑕᐱᑎᒡ, ᓇᒪ ᒐᒂᓐ ᒋᑭ ᒋ ᐃᑕᐱᑎᓐ ᐊᓐ ᐊᔅᒋᔾ᙮ ᓇᒪ ᒋᑭ ᐅᒋ ᓱᐛᔨᑎᒻ ᒋᓴᒪᓂᑐᐤ ᐊᓂᔭ ᐊᔅᒋᔪᐤ᙮ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᔎᓴᐧᒃ ᐊᓂᔭ ᐊᔅᒋᔪᐤ᙮

ᐃᑉᕈᐛ 6:8 Iomraidhean Croise

ᒐᓂᓯᔅ 4:11

ᐛᔅ ᑲ ᐃᑐᑎᒧᑦ ᒋᓯᒻ ᐅᒥᐧᒄ ᒐᒋ ᐱᒥᑯᔨᒡ ᐊᓐᑕ ᒧᔅᑎᔅᑭᒥᒡ, ᐊᐅᑯᐤ ᒐ ᐃᓯ ᐊᓏᔨᒥᑕᓐ᙮

ᒐᓂᓯᔅ 5:29

ᓄᐛ ᒋ ᐃᓯᓂᐧᑲᑕᐤ ᐅᑯᓴ ᓚᒪᒃ, (ᐊᔽᓯᐅᓐ ᐊ ᐃᑥᒥᑲᒡ) ᐛᔅ ᒋ ᐃᔅᒋᔄᐤ, “ᐎᔾ ᒋᑭ ᒥᔨᑯᓄᐤ ᒐᒋ ᐊᔽᓯᐛᐧᒄ ᐊ ᐅᔅᑯᐎᔭᐧᒄ ᐊ ᐎ ᓂᑕᐅᒋᑕᔭᐧᒄ ᒋᒥᒋᒥᓄᐤ ᐊᓐᑕ ᒧᔅᑎᔅᑭᒥᒡ ᒋᓴᒪᓂᑐᐤ ᑲ ᐊᓏᔨᑕᐧᒃ᙮”

ᑎᐱᑦ ᐅᓂᑭᒧᐅᓇ 107:34

ᐊ ᒥᓂᓱᐎᔨᒡ ᐊᔅᒋᔪᐤ ᐸᒂᑎᔅᑭᒥᑯᑕᐤ, ᐅᒥᒋᑥᐅᓂᔪᐤ ᐅᒋ ᐊᓂᔭ ᐊᓐᑕ ᑲ ᑕᔨᒋ᙮

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᒪᑎᔪᐤ 3:10

ᐛᔅ ᒧᔭᒻ ᓴᔅ ᐊ ᐊᔭᔅᑯᔅᑕᒡ ᐊᑭᑕᔅᒄ ᐊᐅᒄ ᒐ ᐃᓯᓇᒂᒡ ᒐ ᓇᑥᑲᐛᑭᓄᐅᑦ ᐊᓐ ᒥᔅᑎᒄ ᐊᓐᑕ ᐊ ᐅᑎᐱᔪᐅᑦ᙮ ᐛᔅ ᑕᑐᐤ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᑭᔭ ᒋᑭ ᒥᑐᔅᑕᐛᐱᓇᑭᓄᐤ ᐃᔅᑯᑕᒡ᙮”

ᒪᑎᔪᐤ 7:19

ᐊᓐ ᒪᒃ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᐊᑯ ᒐ ᒥᑐᔅᑕᐛᐱᓇᑭᓄᐅᑦ ᐃᔅᑯᑕᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:14

ᒋ ᐃᔨᒪᐊᐤ ᐊᓂᔭᔪᐛ ᒥᔅᑎᒂ ᒂ ᐃᑕᑦ, “ᐊᑯᓐ ᒐ ᐃᓯᓇᑯᓯᔨᓐ, ᓇᒪ ᒥᓐ ᓂᑕ ᒋᑭ ᐅᒋ ᓂᑕᐅᒋᓇ ᒥᓂᓴ ᐊᓐᑕ ᐊ ᑕᔨᓐ ᒐᒋ ᒥᒋᒡ ᐊᐛᓐᒋ᙮” ᒋ ᐸᑕᑯᐤ ᒪᒃ ᐅᒋᔅᒋᓄᐊᒧᐛᑭᓇ ᐅᔭ ᑲ ᐃᓯ ᐃᔨᒪᐊᔨᒋ ᐊᓂᔭᔪᐛ ᒥᔅᑎᒂ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:21

ᐱᑕᕐ ᒪᒃ ᒋ ᐅᒋ ᒋᔅᒋᓱᐤ ᐊᓂᔭ ᑕᓐ ᑲ ᐃᔅᐱᔨᒡ ᐊᑯ ᒂ ᐃᑕᑦ ᒋᓴᓴ, “ᒋᔅᑯᑎᒪᒐᓱᐤ, ᐃᑕᐱ ᒪ᙮ ᐅ ᒥᓯᓱᒥᓇᑎᒄ ᑲ ᐊᓏᔨᒥᑦ ᓇᔅᒡ ᐸᓱᐤ᙮”

ᒠᓐ 15:6

ᐊᐛᓐ ᐊᑲ ᓂᔾ ᐊ ᑕᔭᓐ ᑲ ᐃᓯ ᐱᒪᑎᓯᑦ ᐛᐱᓇᑭᓄᐤ ᒧᔭᒻ ᑕᓐ ᐊ ᐃᑐᑕᑭᓄᐅᒡ ᐅᑎᐧᑯᓐ, ᒐᒃ ᓂᐳᐤ ᒪᒃ᙮ ᐊᓂᔭ ᒪᒃ ᐅᑎᐧᑯᓇ ᑲ ᐛᐱᓇᑭᓄᐅᒋ ᒪᒧᓴᒋᓂᑭᓄᐛ ᐊᑯ ᒪᑐᔅᑕᐛᐱᓇᑭᓄᐅᒋ ᑭᔭ ᐊ ᐊᑎ ᐃᔎᑕᒋ᙮

ᐃᑉᕈᐛ 10:27

ᑎᑯᓂᔪᐤ ᒐ ᐃᓯ ᑯᔅᑕᑦ ᒋᓴᒪᓂᑐᐛ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᒋᓴᒪᓂᑐᐛ ᒋᑭ ᑎᐸᔅᑯᓂᑯᐤ ᑭᔭ ᐃᔅᑯᑕᒡ ᒋᑭ ᐃᓯ ᓂᓱᐅᓇᒋᐊᑭᓄᐤ᙮

ᐃᑉᕈᐛ 12:17

ᒋ ᒋᔅᒐᔨᑕᓇᐛᐤ ᒪᒃ, ᐸᑎᒪ ᐊᓐᑕ ᑲᐤ ᒋ ᓂᑐᐛᔨᑎᒻ ᐊᓂᔭ ᑕᓐ ᒋᐸ ᐃᓯ ᐊᓂᔅᒐ ᓱᐛᔨᒪᑭᓄᐤ, ᒥᒄ ᒪᒃ ᓇᒪ ᐅᒋ ᓂᔅᑯᒥᑯᐤ ᐅᑕᐎᔭ᙮ ᓇᒪ ᓇᔅᒡ ᐅᒋ ᒐᒂᔪᐤ ᐅᒋ ᐃᑐᐤ ᒐᒋ ᒂᔅᒋᓇᐧᒃ ᐊᓂᔭ ᑕᓐ ᑲ ᐃᑎᑦ ᐊᑎ ᑭᔭ ᓇᔅᒡ ᐊᒋ ᒥᒪᑐᐛᑦ ᐅᑕᐎᔭ᙮ ᐃᔭᒂᒥᒄ ᒐ ᐊᑲ ᒋ ᐃᔅᐱᔭᒄ ᒋᔨᐛᐤ᙮

ᒋᔅᒐᔨᑕᑯᑕᒐᐅᓐ 20:15

ᐊᓐ ᒪᒃ ᐊᐛᓐ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓐ ᐊᓐᑕ ᒥᓯᓇᐃᑭᓂᒡ ᐊᓐᑕ ᒪᓯᓇᓱᔨᒋ ᐊᓂᔭᔪᐛ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ᐛᐱᓇᑭᓄᐤ᙮