ᐃᑉᕈᐛ 6:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒐ ᒋᐛᑲᐳᔅᑎᒧᐛᒂ ᒪᒃ ᐅᒡ ᐃᔪᒡ ᒥᓯᐛ ᑲ ᐃᓯ ᒋᔅᒐᔨᑎᒥᐊᑭᓄᐎᒡ ᒋᐸ ᐃᓯ ᑕᑈᑎᒧᒡ ᓇᒪ ᒥᓐ ᒋᑭ ᒋ ᐃᑐᑐᐛᑭᓄᐎᒡ ᒐᒋ ᒥᑕᒋᔨᐛᔨᑕᒡ ᐅᒥᒋᑥᐅᓄᐛᐛ᙮ ᐊᑐᐛᔨᒪᐅᒡ ᒋᓴᒪᓂᑐᐛ ᐅᑯᓯᔪᐛ᙮ ᒧᓯᓇᐤ ᒧᓴ ᒪᔭᔨᒪᐅᒡ ᒋᓴᓴ ᑭᔭ ᒧᔭᒻ ᒥᓐ ᐊ ᒋᔅᑕᔎᑕᒡ ᒋᐱᔭᑎᑯᒡ ᐃᓯᓇᑯᓂᔪᐤ ᐊᓂᔭ ᐊ ᐃᑕᑎᓯᒡ᙮

ᐃᑉᕈᐛ 6:6 Iomraidhean Croise

ᑎᐱᑦ ᐅᓂᑭᒧᐅᓇ 51:10

ᐅᓯᑕᒧᐎ ᐱᒋᔪᐤ ᐸᔭᒋ ᒥᑕᐃ; ᑭᓄᐛᐃᑎᒧᐎ ᒪᒃ ᑯᐃᔅᒄ ᐊᒐᐧᒄ ᒐᒋ ᐱᒋᔅᑯᐎᑦ᙮

ᒪᑎᔪᐤ 19:26

ᐊᑯ ᒋᓴᔅ ᑯᐃᔅᒄ ᑲ ᑭᓄᐛᐱᒪᑦ ᐊ ᐃᑕᑦ, “ᑕᓐ ᐊᓂᔭᔪᐛ ᒐ ᐊᑲ ᒋ ᐃᑐᑕᐧᒃ ᐃᔪᐤ ᐎᔾ ᒋᓴᒪᓂᑐᐤ ᒋᑭ ᒋ ᐃᑐᑎᒻ᙮”

ᓗᒃ 11:48

ᒋ ᐛᐸᑎᔨᐛᓇᐛᐤ ᒪᒃ ᐊ ᓇᐊᔨᑎᒺᒄ ᐅᔭ ᐊᒋ ᐃᑎᒡ ᒍᑕᐎᐛᐅᒡ᙮ ᐎᔨᐛᐤ ᒋ ᓂᐸᐊᐅᒡ ᐅᔭ ᐅᒋᔅᒋᐛᐃᒐᓱᐛ ᒋᔨᐛᐤ ᒪᒃ ᔅᒋ ᒥᔪᓇᑯᑕᓇᐛᐤ ᐊᓐᑕ ᑲ ᓂᒂᔅᑲᑕᑭᓄᐅᒡ᙮

2 ᑎᒧᑎ 2:25

ᑭᔭ ᒋᔭᒻ ᒋᐸ ᐃᑐᑐᐛᐤ ᐊ ᐎ ᑯᐃᔅᑯᓇᑦ ᐊᓂᔭ ᑲ ᓂᓂᔅᑯᔅᑕᑯᑦ ᐊᐛᔪᐛ᙮ ᒐᒃ ᒪ ᒋᐸ ᒋ ᐃᑐᑕᑯᔪᐛ ᒋᓴᒪᓂᑐᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

ᐃᑉᕈᐛ 10:26

ᐊᑯ ᒪᒃ ᐊᓄᒡ ᐊ ᒋᔅᒐᔨᑎᒪᐧᒄ ᑕᑈᐅᓐ, ᐃᔭᐱᒡ ᒪᒃ ᒥᒋᑐᑎᒪᒂ ᐊ ᒋᔅᒐᔨᑎᒪᐧᒄ ᒪᒃ ᐊᑲ ᑯᐃᔅᒄ ᐃᑎᔭᐧᒄ, ᓇᒪ ᒋᑦ ᐊᐱᑕᔨᑎᒥᐃᑯᐛᓇᓄᐤ ᑕᓐ ᑲ ᐃᓯ ᐱᔅᑎᓂᓱᑦ ᒋᓴᔅ ᒋᔭᓄᐤ ᐅᒡ᙮ ᓇᒪ ᒋᑭ ᐅᒋ ᑎᑯᓐ ᒥᓐ ᑯᑎᒡ ᐱᔅᑎᓂᓱᐅᓐ ᐊᓐᑕ ᒐᒋ ᐅᒋ ᐛᐸᔨᑎᒪᑯᔭᐧᒄ ᒋᒥᒋᑥᐅᓄᐛ᙮

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 4:14

ᓱᒃ ᒪᒃ ᒪᒥᒋᒥᓇᑕᐤ ᐊᓐ ᑲ ᐃᓯ ᐛᐎᑎᒪᐧᒄ ᐊ ᐃᓯ ᑕᑈᑎᒪᐧᒄ ᐛᔅ ᒋ ᑭᓄᐛᔨᒪᓄᐤ ᐊ ᒋᔅᑕᔨᑕᑯᓯᑦ ᒋᓴᐊᔭᒥᐊᐅᒋᒪᐤ ᓴᔅ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᐊ ᑕᑦ, ᐊᐅᒄ ᒋᓴᔅ, ᒋᓴᒪᓂᑐᐤ ᐅᑯᓴ᙮

ᐃᑉᕈᐛ 6:4

ᑕᐅᒡ ᐊᐛᓐᒋ ᐊ ᓂᔅᑐᑕᒡ ᑕᓐ ᑲ ᐃᓯ ᒋᔅᑯᑎᒧᐛᑭᓄᐎᒡ ᒋᓴᓴ ᐊ ᐊᔨᒧᒪᑭᓄᔨᒋ᙮ ᒋ ᒥᔨᑯᐅᒡ ᒋᓴᒪᓂᑐᐛ ᐊᓂᔭᔪᐛ ᒪᐅᒡ ᑲ ᒋᔅᑕᔨᑕᑯᓂᔨᒋ ᒥᔨᐛᐅᓇ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐅᒡ᙮ ᐃᔭᐱᒡ ᒪᒃ ᒋᒋᐛ ᒋ ᐊᑎ ᒋᐛᑲᐳᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᒪᒃ ᒋᑭ ᒋ ᐎᒋᐊᑭᓄᐎᒡ ᐅᒡ ᒥᓐ ᒐᒋ ᒂᔅᑲᑎᓯᒡ᙮

2 ᐱᑕᕐ 2:21

ᐃᐛᒃ ᒋᐸ ᒥᔽᔨᑯᐱᓇ ᐊᑲ ᐛᐛᒡ ᐅᒋ ᒋᔅᒐᔨᑕᒡ ᑕᑈᐅᓂᔪᐤ ᐃᔅᐱᔅ ᐎ ᒐᒋ ᒋᔅᒐᔨᑕᒡ ᑭᔭ ᑲᐤ ᒐᒋ ᓂᑭᑕᒡ ᐊᓂᔭ ᑲ ᐃᓯ ᒋᔅᒐᔨᑎᒥᐊᑭᓄᐎᒡ᙮

1 ᒠᓐ 5:16

ᐊᐛᓐ ᐛᐱᒪᒐ ᐎᐧᑲᓂᓴ ᐊ ᒥᒋᑐᑎᒥᔨᒋ ᐊᑲ ᒪᒃ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᒥᒋᑐᑎᒥᔨᒋ, ᒋᐸ ᐊᔭᒥᐊᔅᑎᒧᐛᐤ, ᑭᔭ ᒐ ᒥᔨᑯᔨᒋ ᒋᓴᒪᓂᑐᐛ ᐱᒪᑎᓯᐅᓂᔪᐤ᙮ ᐊᐅᑯᓐ ᒐ ᐃᔅᐱᔨᒋ ᐊᓂᔭᔪᐛ ᐊᑲ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᐅᓂᑐᑎᒥᔨᒋ᙮ ᒥᒄ ᒪᒃ ᑎᑯᓐ ᒥᒋᑥᐅᓐ ᒐ ᐃᑐᑕᐃᑯᑦ ᐊᐛᓐ ᓂᐳᐅᓂᒡ᙮ ᐅᔭ ᒪᒃ ᐃᓯ ᒥᒋᑐᑕᒐ ᐊᐛᓐ, ᐊᑯᔅ ᐊᑲ ᐊᔭᒥᐊᔅᑎᒧᐤ᙮