ᐃᑉᕈᐛ 6:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᑕᐅᒡ ᐊᐛᓐᒋ ᐊ ᓂᔅᑐᑕᒡ ᑕᓐ ᑲ ᐃᓯ ᒋᔅᑯᑎᒧᐛᑭᓄᐎᒡ ᒋᓴᓴ ᐊ ᐊᔨᒧᒪᑭᓄᔨᒋ᙮ ᒋ ᒥᔨᑯᐅᒡ ᒋᓴᒪᓂᑐᐛ ᐊᓂᔭᔪᐛ ᒪᐅᒡ ᑲ ᒋᔅᑕᔨᑕᑯᓂᔨᒋ ᒥᔨᐛᐅᓇ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐅᒡ᙮ ᐃᔭᐱᒡ ᒪᒃ ᒋᒋᐛ ᒋ ᐊᑎ ᒋᐛᑲᐳᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᒪᒃ ᒋᑭ ᒋ ᐎᒋᐊᑭᓄᐎᒡ ᐅᒡ ᒥᓐ ᒐᒋ ᒂᔅᑲᑎᓯᒡ᙮

ᐃᑉᕈᐛ 6:4 Iomraidhean Croise

ᒪᑎᔪᐤ 12:45

ᐅᔭ ᒪᒃ ᐎᔭᐸᑕᐧᒃ ᐊ ᐃᓯᓇᑯᓂᔨᒡ ᐊᑯ ᒐ ᑐᑕᑦ, ᓂᔭᓂᑐᐛᔨᒪᑦ ᓂᔄᐅᑕᒡ ᒥᒋ ᐊᒐᒂ ᐅᔅᑕ ᐊ ᐃᑕᔨᑕᑯᓯᔨᒋ ᐃᔅᐱᔅ ᐎᔾ ᐊ ᐃᑕᔨᑕᑯᓯᑦ, ᒐᒋ ᐎᒋᒥᑯᑦ ᐊᓐᑕ ᐊᓂᔭ ᓇᐸᐛ ᐱᒡ ᐊ ᑕᔨᒋ᙮ ᐊᑯ ᒪᒃ ᐊᓐ ᓇᐸᐤ ᐊᑐᐎᔅ ᒋᑭ ᐃᑕᔨᑕᑯᐃᑯᐤ ᐊᓂᔭ ᓂᔄᐅᑕᒡ ᒥᒋ ᐊᒐᒂ ᑕᓐ ᑲ ᐃᑕᔨᑕᑯᓯᑦ ᓂᔅᑎᒻ, ᒥᒄ ᐊᒋ ᐸᐃᑯᓯᔨᒋ᙮ ᐊᐅᑯᓐ ᒪᒃ ᒐ ᐃᔅᐱᔨᒡ ᐊᓐᒡ ᐊᓄᒡ ᐊᐛᓐᒋ ᑲ ᒥᒐᑎᓯᒡ᙮”

ᒪᑎᔪᐤ 5:13

“ᒋᔨᐛᐤ ᐊᐅᒄ ᓯᐅᑕᑭᓐ ᐅᑕ ᐊᔅᒋᒡ᙮ ᐊᑲ ᒪᒃ ᐊ ᐊᑎ ᐎᔭᐱᒋᔅᐳᒂᒡ ᓯᐅᑕᑭᓐ, ᓇᒪ ᑎᑯᓐ ᑕᓐᑕ ᒐᒋ ᐃᑐᑕᑭᓄᐅᒡ ᒧᔭᒻ ᒐᒋ ᐃᔅᐱᒂᒡ ? ᓇᒪ ᒪᒃ ᐎᔭᔅ ᒋᑭ ᒋ ᐃᑕᐱᑎᓐ, ᐊᑯᔅ ᒪᒃ ᒋᑭ ᐛᐱᓇᑭᓄᐤ, ᐊᑯ ᒪᒃ ᒐ ᑕᑕᐧᑯᔅᑲᑕᑭᓄᐅᒡ᙮”

ᒠᓐ 15:6

ᐊᐛᓐ ᐊᑲ ᓂᔾ ᐊ ᑕᔭᓐ ᑲ ᐃᓯ ᐱᒪᑎᓯᑦ ᐛᐱᓇᑭᓄᐤ ᒧᔭᒻ ᑕᓐ ᐊ ᐃᑐᑕᑭᓄᐅᒡ ᐅᑎᐧᑯᓐ, ᒐᒃ ᓂᐳᐤ ᒪᒃ᙮ ᐊᓂᔭ ᒪᒃ ᐅᑎᐧᑯᓇ ᑲ ᐛᐱᓇᑭᓄᐅᒋ ᒪᒧᓴᒋᓂᑭᓄᐛ ᐊᑯ ᒪᑐᔅᑕᐛᐱᓇᑭᓄᐅᒋ ᑭᔭ ᐊ ᐊᑎ ᐃᔎᑕᒋ᙮

ᒠᓐ 3:27

ᒠᓐ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓇᒪ ᐊᐛᓐ ᒋᑭ ᒋ ᐃᑐᑎᒻ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑕᔨᒥᑯᒐ ᒐᒋ ᐃᑐᑕᐧᒃ᙮

ᒠᓐ 4:10

ᒋ ᐃᑕᐤ ᒪᒃ ᒋᓴᔅ ᐊᓂᔭᔪᐛ ᐃᔎᐛ, “ᒋᔅᒐᔨᑎᒧᐱᓇ ᒐᒂᔪᐤ ᐊ ᐎ ᒥᔨᐛᑦ ᒋᓴᒪᓂᑐᐤ ᑭᔭ ᒋᔅᒐᔨᒥᔨᓐ ᐊᐛᓐ ᐊ ᐊᐎᔭᓐ, ᒋᔾ ᒋᐸ ᑯᒂᒋᒥᓐ ᒐᒋ ᒥᓇᐃᑕᓐ᙮ ᐊᓐ ᒪᒃ ᑲ ᐱᒪᒋᐃᐛᒥᑲᒡ ᓂᐱᔾ ᐊᐅᑯᓐ ᐊᓐ ᒋᐸ ᒥᓇᐃᑎᓐ᙮”

ᒠᓐ 6:32

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᐊᓂᔭ ᐸᒂᓯᑭᓇ ᒧᓱᔅ ᑲ ᒥᔨᑕᒄ ᓇᒪ ᐊᓐᑕ ᒋᒋᒋᓯᑯᒡ ᐅᒡ ᐅᒋᐱᔪᐛ᙮ ᒋᓴᒪᓂᑐᐤ, ᓄᑕᐎᔾ ᐊᐅᒄ ᐊᓐ ᒪᔨᑕᒄ ᐊᓂᔭ ᒋᒋᐛ ᐸᒂᓯᑭᓇ ᒋᒋᒋᓯᑯᒡ ᑲ ᐅᒋᐱᔨᒋ᙮

ᐊᑈᔅᑕᓇᒡ 10:45

ᐊᓐᒡ ᒪᒃ ᒍᐤ ᐃᔪᒡ ᑲ ᑕᑈᑕᒡ, ᐊᓐᒡ ᑲ ᐸᒋ ᐎᒐᐛᒡ ᐱᑕᕋ, ᒋ ᒥᔅᑲᑕᔨᑎᒥᐃᑯᐅᒡ ᒋᓴᒪᓂᑐᐛ ᐊ ᒥᔭᔨᒋ ᑲ ᐸᔭᒋᓯᔨᒋ ᐊᒐᒂ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮

ᐊᑈᔅᑕᓇᒡ 11:17

ᒐᔅᑎᓇᔅ ᒪᒃ ᒋᓴᒪᓂᑐᐤ ᒋ ᒥᔭᐤ ᐊᓂᔭᔪᐛ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ ᒧᔭᒻ ᒋᔭᓄᐤ ᑲ ᐃᓯ ᒥᔨᑯᐅᔭᐧᒄ ᐃᔅᐱ ᑲ ᑕᑈᔭᔨᒪᐧᒄ ᐅᑎᐸᔨᒋᒐᐤ ᒋᓴᔅ ᙭᙮ ᐊᐛᓐ ᒪᒃ ᓂᔾ ᒐᒋ ᒋᐱᒋᐃᒃ ᒋᓴᒪᓂᑐᐤ ᑕᓐ ᐛ ᐃᑎᑦ,” ᒋ ᐃᑕᐤ ᐱᑕᕐ ᐊᓂᔭ ᐃᔪᐛ᙮

ᐊᑈᔅᑕᓇᒡ 15:8

ᒋᓴᒪᓂᑐᐤ ᒪᒃ ᒋᔅᒐᔨᒪᐤ ᒥᓯᐛ ᐊᐛᔪᐛ ᑕᓐ ᐊᓐ ᐊ ᐃᑕᔨᑕᑯᓯᔨᒋ᙮ ᒋ ᓄᑯᑕᐤ ᐊ ᓂᑐᐛᔨᒪᑦ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᑕᑈᔭᔨᒥᑯᑦ ᒧᔭᒻ ᐊᓂᔭ ᒍᐤ ᑲ ᐃᓯ ᑕᑈᑎᒥᔨᒋ ᐛᔅ ᒋ ᒥᔭᐤ ᑲ ᐸᔭᒋᓯᔨᒋ ᐊᒐᒂ ᒧᔭᒻ ᒋᔭᓄᐤ ᑲ ᐃᓯ ᒥᔨᑕᐧᒄ᙮

ᐊᑈᔅᑕᓇᒡ 8:20

ᐊᑯ ᐱᑕᕐ ᒂ ᐃᑕᑦ, “ᒋᑭ ᓂᓱᐅᓇᑎᓯᓐ ᑭᔭ ᒋᓱᓇᔭᓂᒻ ᒋᑭ ᓂᓱᐅᓇᑎᓐ ᐊ ᐃᑕᔨᑎᒧᐎᓇ ᓱᓇᔭᐤ ᒐᒋ ᐊᐱᒋᑕᔨᓐ ᒐᒋ ᐅᑎᓂᒧᑦ ᒋᓴᒪᓂᑐᐤ ᐅᒥᔨᐛᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:11

ᓇᔅᒡ ᑕᑈ ᒋ ᐎ ᐛᐱᒥᑎᓇᐛᐤ ᒐᒋ ᐊᔭᔭᒄ ᑭᔭ ᒋᔨᐛᐤ ᐊᓂᔭ ᐊᒐᐧᑯᐤ ᒥᔨᐛᐅᓇ ᒋᓴᒪᓂᑐᐤ ᑲ ᐸᒋ ᒥᔨᑦ ᒐᒋ ᐊᔨᒋᑲᐳᐅᔭᒄ ᑕᑈᑎᒧᐅᓂᒡ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᑲᓚᓯᔭᓇ 3:2

ᐸᐃᒄ ᒐᒂᓐ ᒋᑭ ᑯᒂᒋᒥᑎᓇᐛᐤ᙮ ᐎᑎᒧᐅᒄ ᒪ᙮ ᐊ ᓂᓇᐃᑎᒪᒄ ᐊ ᒍᐤ ᐊᔭᒥᐊᐅ ᐎᓱᐛᐅᓇ ᔅᒋ ᐅᒋ ᒥᔨᑯᓇᐛᐤ ᑲ ᐸᔭᒋᓯᑦ ᐊᒐᐧᒄ ? ᓇᒪᐎᔾ ᐊ ᐊᒋ ᐸᑎᒺᒄ ᒋᓴᔅ ᐅᒥᔽᒋᒧᐅᓐ ᑭᔭ ᐊᒋ ᑕᑈᑎᒪᒄ ᐛᒋ ᒥᔨᑯᔭᒄ ?

ᑲᓚᓯᔭᓇ 3:5

ᔅᒋ ᒥᔨᑯᐛᐤ ᐊ ᒋᓴᒪᓂᑐᐤ ᑲ ᐸᔭᒋᓯᔨᒋ ᐊᒐᒂ ᑭᔭ ᒋ ᒪᒥᔅᑲᒡ ᐃᑐᐤ ᐊ ᐊᓐᑕ ᒪᒂᒡ ᐊ ᑕᐛᒄ ᒥᒄ ᐊᓂᔭ ᐊ ᓂᓇᐃᑎᒺᒄ ᒍᐤ ᐊᔭᒥᐊᐅ ᐎᓱᐛᐅᓂᔪᐤ ? ᓇᒪᐎᔾ ᐊ ᐊᓂᔭ ᐊᒋ ᐸᑎᒺᒄ ᑭᔭ ᒪᒃ ᐊᒋ ᐊᑎ ᑕᑈᑎᒺᒄ ᐅᒥᔽᒋᒧᐅᓐ ?

ᐃᐱᓯᔭᓇ 1:18

ᓂ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ᒋᔅᑕᔨᑕᑯᓂᔨᒋ ᒥᔪ ᒥᔨᐛᐅᓇ ᑕᓐ ᐊ ᐃᓯ ᐊᔭᔅᑯᔅᑎᒧᐛᑦ ᑲ ᑕᑈᑎᒥᔨᒋ ᒐ ᒥᔭᑦ᙮

ᐃᐱᓯᔭᓇ 2:8

ᒋᓴᒪᓂᑐᐤ ᓴᒐᔾ ᔅᒋ ᓱᐛᔨᒥᑯᐛᐤ ᑲ ᐱᒪᒋᐃᑕᒄ ᐊᓐ ᐊ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮

ᐃᐱᓯᔭᓇ 3:7

ᒋᓴᒪᓂᑐᐤ ᓂᒋ ᓱᐛᔨᒥᒄ, ᓂᔾ ᓂᒋ ᐅᑎᓂᒄ ᒐᒋ ᐱᐸᒧᑕᐅᒡ ᐅᒥᔽᒋᒧᐅᓐ, ᓂᒋ ᒥᔨᒄ ᐅᒥᔅᑯᓯᐅᓐ ᑭᔭ ᓂᒋ ᒥᔨᒄ ᑭᔅᒋᐅᓂᔪᐤ ᑯᐃᔅᒄ ᒐᒋ ᐃᑐᑎᒧᒡ ᐅᔭ ᐊᑐᔅᒐᐅᓂᔪᐤ᙮

ᐃᐱᓯᔭᓇ 4:7

ᐛᔅ ᙭ ᐸᐸᐃᒄ ᔅᒋ ᒥᔨᑯᓄᐤ ᒥᔨᐛᐅᓇ ᐊ ᓱᐛᔨᒥᑕᐧᒄ᙮

1 ᑎᒧᑎ 4:14

ᒧᔅ ᐊᐱᒋᑕ ᐊᓐ ᐊᒐᐧᒄ ᒥᔨᐛᐅᓐ ᐊ ᐃᓯ ᐊᔭᔨᓐ ᒐᒋ ᐊᑐᔅᑯᐅᑦ ᒋᓴᒪᓂᑐᐤ᙮ ᐛᔅ ᐊᐅᒄ ᐅ ᒥᔨᐛᐅᓐ ᑲ ᒥᔨᑯᔨᓐ ᒋᔅᒋᐛᐃᒐᐅᓂᒡ ᐅᒋ, ᑲ ᓴᒥᓂᔅᒡ ᐊ ᐊᔭᒥᐊᔅᑎᒪᔅᒡ ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮

2 ᑎᒧᑎ 2:25

ᑭᔭ ᒋᔭᒻ ᒋᐸ ᐃᑐᑐᐛᐤ ᐊ ᐎ ᑯᐃᔅᑯᓇᑦ ᐊᓂᔭ ᑲ ᓂᓂᔅᑯᔅᑕᑯᑦ ᐊᐛᔪᐛ᙮ ᒐᒃ ᒪ ᒋᐸ ᒋ ᐃᑐᑕᑯᔪᐛ ᒋᓴᒪᓂᑐᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

2 ᑎᒧᑎ 4:14

ᐊᓐ ᓇᐸᐤ ᑲᒋ ᐛᐛᔭᐱᔅᒋᓴᐧᒃ ᐃᓴᑯᔪᐤ, ᐊᓕᒃᓴᓐᑕᕐ ᑲ ᐃᓯᓂᐧᑲᓱᑦ ᓇᔅᒡ ᑕᑈ ᒋ ᑎᑯᓂᔪᐤ ᑕᓐ ᑲ ᐃᓯ ᓂᓇᐧᑲᑕᔨᒧᐃᑦ, ᒥᒄ ᒪᒃ ᒋᑭ ᑎᑯᓂᔪᐤ ᑕᓐ ᒐ ᐃᓯ ᐃᑐᑕᑯᑦ ᐅᑎᐸᔨᒋᒐᐛ ᐅᔭ ᑕᓐ ᑲ ᐃᓯ ᐃᑐᑐᐅᑦ᙮

ᐃᑉᕈᐛ 10:32

ᓱᒃ ᒪᒃ ᒪᒥᑐᓇᔨᑎᒥᐃᑯᒄ ᓂᔅᑎᒻ ᑕᓐ ᑲ ᐃᓯ ᐸᑎᒪᒄ ᐊ ᐊᔨᒧᒪᑭᓄᐅᑦ ᙭᙮ ᒪᒥᑐᓇᔨᑎᒧᒄ ᑕᓐ ᑲ ᐃᓯ ᓱᒋᑲᐳᐅᔭᒄ ᑲ ᓂᓇᐧᑲᒋᐃᑯᐅᔭᒄ ᐃᔅᐱ ᑲ ᐱᒪᒋᐅᔭᒄ᙮ ᓇᔅᒡ ᑕᑈ ᒋ ᔭᐃᑎᓐ ᒋᑕᑈᑎᒧᐅᓄᐛᐤ᙮

ᐃᑉᕈᐛ 2:4

ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ᐛᐸᑎᔨᑯᓄᐤ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ᐃᑐᑐᐛᐤ ᑲ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ᐃᑕᔨᑎᒥᐃᑯᑦ ᒐ ᐃᓯ ᒥᔨᐛᑦ᙮

1 ᒠᓐ 5:16

ᐊᐛᓐ ᐛᐱᒪᒐ ᐎᐧᑲᓂᓴ ᐊ ᒥᒋᑐᑎᒥᔨᒋ ᐊᑲ ᒪᒃ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᒥᒋᑐᑎᒥᔨᒋ, ᒋᐸ ᐊᔭᒥᐊᔅᑎᒧᐛᐤ, ᑭᔭ ᒐ ᒥᔨᑯᔨᒋ ᒋᓴᒪᓂᑐᐛ ᐱᒪᑎᓯᐅᓂᔪᐤ᙮ ᐊᐅᑯᓐ ᒐ ᐃᔅᐱᔨᒋ ᐊᓂᔭᔪᐛ ᐊᑲ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᐅᓂᑐᑎᒥᔨᒋ᙮ ᒥᒄ ᒪᒃ ᑎᑯᓐ ᒥᒋᑥᐅᓐ ᒐ ᐃᑐᑕᐃᑯᑦ ᐊᐛᓐ ᓂᐳᐅᓂᒡ᙮ ᐅᔭ ᒪᒃ ᐃᓯ ᒥᒋᑐᑕᒐ ᐊᐛᓐ, ᐊᑯᔅ ᐊᑲ ᐊᔭᒥᐊᔅᑎᒧᐤ᙮