ᐃᑉᕈᐛ 6:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓇᒪ ᒋ ᓂᑐᐛᔨᒥᑎᓇᓐ ᒐᒋ ᒋᑎᒥᔭᒄ, ᐃᔭᐱᒡ ᓂᔅᐱᑐᐛᐧᑯᒡ ᐊᓐᒡ ᑲ ᑕᑈᑕᒡ ᐊᑲ ᒋᐛᑲᐳᔅᑐᐛᒡ ᒋᓴᒪᓂᑐᐛ, ᐛᔅ ᐊᐅᑯᓐᒡ ᐅᒡ ᒐ ᒥᔨᑯᒡ ᒋᓴᒪᓂᑐᐛ ᑕᓐ ᐊᓂᔭᔪᐛ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᒡ᙮

ᐃᑉᕈᐛ 6:12 Iomraidhean Croise

ᒪᑎᔪᐤ 22:32

ᒋ ᐃᑕᐤ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮’ ᓇᒪ ᐅᒋᓴᒪᓂᑐᒥᑐᑕᑯᐤ ᒋᓴᒪᓂᑐᐤ ᐊᓂᔭ ᑲ ᓂᐱᔨᒋ ᒥᒄ ᐊᓂᔭ ᑲ ᐱᒪᑎᓯᔨᒋ᙮”

ᒪᑎᔪᐤ 25:26

“ᐊᑯ ᒂ ᐃᑎᑯᑦ ᐊᓂᔭ ᐅᒋᒪᒪ, ‘ᑕᑈ ᑲ ᓄᑕᓯᔨᓐ ᑭᔭ ᑕᑈ ᑲ ᒥᒋᑯᐸᓇᐎᔨᓐ᙮ ᔅᒋ ᒋᔅᒐᔨᑕᓐ ᐅᔅᑕ ᒥᔅᑎ ᓇᑐᐛᔨᑎᒪᓐ ᐃᔅᐱᔅ ᐎ ᑕᓐ ᐊᔅᐱᔅ ᒥᔨᐛᔭᓐ᙮

ᓗᒃ 16:22

“ᐊᓐ ᑲ ᒋᔅᑎᒪᑎᓯᑦ ᓇᐸᐤ ᒐᒃ ᒋ ᓂᐳᐤ, ᒋ ᐸᒋ ᐅᑎᓂᑯᐤ ᐊᓐᒋᓇ, ᐊᓐᑕ ᒪᒃ ᐅᐱᒪ ᐊᑉᕋᐊᒪ ᐊ ᑕᔨᒋ ᐊᑯᑕ ᑲ ᐱᔅᑎᓂᑯᑦ᙮ ᒐᒃ ᑭᔭ ᐊᓐ ᑲ ᐛᔪᑎᓯᑦ ᓇᐸᐤ ᒂ ᓂᐱᑦ, ᒋ ᓇᐃᐧᑯᐛᑭᓄᐤ ᒪᒃ᙮

ᓗᒃ 8:15

ᐊᓐ ᒪᒃ ᓂᑕᐅᒋᑕᑭᓐ ᑲ ᒥᔪ ᓂᑕᐅᒋᑦ ᐊ ᒥᔪᔅᑭᒥᑲᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᐛᓐᒋ ᑲ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᑭᔭ ᑭᓄᐛᔨᑎᒧᒡ᙮ ᒧᓯᓇᐤ ᑕᑈᑎᒧᒡ ᐊ ᓯᐱᔪᐛᓯᒡ ᑭᔭ ᒐᒃ ᐊ ᒥᔪ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:11

ᓱᒃ ᐊᓯᒐᔨᑎᒧᒄ ᐊ ᐊᑐᔅᒐᔭᒄ᙮ ᐊᑲᐎᔾ ᒋᑭ ᐅᒋ ᒋᑎᒥᓇᐛᐤ᙮ ᓱᒃ ᐊᓯᒐᔨᑎᒧᒄ ᒋᑦ ᐊᒐᐧᑯᐛᒡ᙮ ᐊᑐᔅᑯᐛᐧᒄ ᐅᑎᐸᔨᒋᒐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:7

ᐊᓂᔭᔪᐛ ᐊᐛᔪᐛ ᒧᔅ ᑲ ᒥᔪᑐᑎᒥᔨᒋ ᐊ ᐱᑯᓴᔨᒧᔨᒋ ᒐᒋ ᒥᔪ ᑭᓄᐛᐱᒥᑯᔨᒋ ᒋᓴᒪᓂᑐᐛ ᑭᔭ ᒐᒋ ᒥᔽᒋᒥᑯᔨᒋ ᑭᔭ ᒐᒋ ᒥᔨᑯᔨᒋ ᑲᒋᒡ ᒐᒋ ᐱᒪᑎᓯᔨᒋ, ᒋᑭ ᒥᔭᐤ ᑲᒋᒡ ᒐᒋ ᐱᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:12

ᑭᔭ ᐊᓂᔭᔪᐛ ᑲ ᒋᔅᒋᓄᐛᒋᔄᑭᓄᔨᒋ ᐅᑕᐎᒪᐅᑐᑐᐛᐅᐤ, ᒥᒄ ᓇᒪ ᐅᑕᐎᒪᐅᑐᑐᐛᐅᐤ ᒥᒄ ᐊᓂᔭ ᐊᒋ ᒋᔅᒋᓄᐛᒋᔄᑭᓄᔨᒋ᙮ ᐊᓂᔭ ᑕᑈᑎᒧᐅᓂᒡ ᐊ ᐃᓯ ᐱᒪᑎᓯᔨᒋ ᒧᔭᒻ ᐎᔾ ᑲ ᐃᑎᑦ ᐊᓂᔭ ᒍᑕᐎᓄᐤ ᐊᑉᕋᐊᒻ ᐊᔅᒄ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᐊᔪᐅᒄ ᐅᔭ ᐛᒋ ᐅᑕᐎᒪᐅᑐᑐᐛᒄ᙮

1 ᑕᓴᓗᓂᔭᓇ 1:3

ᓂ ᒋᔅᒋᓯᓇᓐ ᐊ ᐃᔨᒥᐃᒋᒡ ᒋᓴᒪᓂᑐᐤ ᑕᓐ ᐊ ᐃᓯ ᒥᔪ ᐊᑐᔅᑲᑐᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᓂ ᒋᔅᒋᓯᓇᓐ ᑕᓐ ᐊ ᐃᓯ ᒥᔪ ᐊᐱᑎᓯᔭᒄ ᐊ ᓴᒋᐊᒄ ᒋᓴᔅ᙮ ᓂ ᒋᔅᒋᓯᓇᓐ ᑭᔭ ᑕᓐ ᐊ ᐃᓯ ᓱᒋᑲᐳᐅᔭᒄ ᐊ ᐊᔅᐸᔨᒧᑐᑐᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

2 ᑕᓴᓗᓂᔭᓇ 1:4

ᐊᐅᒄ ᒪᒃ ᐅ ᐛᒋ ᒪᒥᔽᔨᑎᒥᔨᔭᒡ ᑭᔭ ᐊᔨᒧᒥᑕᒡ ᐊᓐᑕ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊ ᑕᒡ᙮ ᓂ ᒪᒥᒋᔨᓱᓇᓐ ᐊ ᐊᔨᒧᑎᒪᒡ ᐊᑲ ᐳᓂᔭᒄ ᑭᔭ ᐊᔅᒄ ᐃᔭᐱᒡ ᐊ ᑕᑈᐅᒐᔨᒪᒄ ᙭ ᐊᑎ ᐃᔅᐱᔅ ᓂᓇᐧᑲᑕᔨᒧᐃᑯᐅᔭᒄ ᑭᔭ ᐊᔅᐱᔅ ᐊᔨᒥᐅᔭᒄ᙮

ᐃᑉᕈᐛ 1:14

ᐊᓐᒋᓐᒡ ᒥᒄ ᐊᒐᐧᑯᐎᒡ᙮ ᒋᓴᒪᓂᑐᐛ ᐃᑎᓴᐅᑯᒡ ᒐᒋ ᐛᐎᒋᐊᒡ ᐊᓂᔭ ᒐ ᐱᒪᒋᐊᑭᓄᔨᒋ᙮

ᐃᑉᕈᐛ 10:36

ᒋ ᓂᑐᐛᔨᑕᑯᓯᓇᐛᐤ ᒐᒋ ᓯᐱᔪᐛᓯᔭᒄ ᑭᔭ ᒐᒋ ᐃᑐᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ ᑭᔭ ᒐᒋ ᒥᔅᑭᒺᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᑕᒄ᙮

ᐃᑉᕈᐛ 11:33

ᐛᔅ ᑭᔭ ᐎᔨᐛᐤ, ᒧᔭᒻ ᐊᓂᔭᔪᐛ ᑯᑎᑲ ᑲ ᐃᑎᔨᒋ, ᒋ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᒪᓂᑐᐛ ᑭᔭ ᑲ ᓴᐧᑯᒋᑕᒡ ᐅᒋᒪᐅᓇ ᐅᑕ ᐊᔅᒋᒡ, ᑭᔭ ᑯᐃᔅᒄ ᒋ ᐃᑐᐅᒡ ᐊ ᓂᑲᓂᔅᑯᐛᒡ ᐃᔪᐛ, ᑭᔭ ᒥᒐᑦ ᒋ ᐛᐸᑎᒧᒡ ᒐᒂᔪᐛ ᐊ ᐃᔅᐱᔨᒋ ᑕᓐ ᐊᓂᔭᔪᐛ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᐃᔅᐱᔨᒋ᙮ ᒋ ᒋᐸᐊᒺᐅᒡ ᒥᓯᐱᓱᐛ ᐅᑐᓂᔪᐛ ᒐ ᐊᑲ ᒋ ᓂᐸᐃᑯᒡ᙮

ᐃᑉᕈᐛ 12:1

ᒪᒥᑐᓇᔨᒪᑕᐅᒋ ᒪ ᐊᓐᒡ ᑲ ᒥᒐᑎᒡ ᐊᐛᓐᒋ ᓇᔅᒡ ᑲ ᐛᐸᑎᔨᐛᒡ ᐊ ᑕᑈᔭᔨᒪᒡ ᒋᓴᒪᓂᑐᐛ᙮ ᐅᔭ ᐊᒋ ᐃᑎᒡ, ᐊᐅᑯᓐ ᑭᔭ ᒋᔭᓄᐤ ᒋᐸ ᐃᑎᓇᓄᐤ᙮ ᐊᑯ ᒪᒃ ᐊᓐ ᐅᒋ ᑭᔭ ᒋᔭᓄᐤ ᐳᓂᑕᑕᐤ ᒥᓯᐛ ᐊᓂᔭ ᒐᒂᔪᐛ ᐊ ᐅᓇᐃᑯᔭᐧᒄ ᒐᒋ ᐃᑕᑎᓯᔭᐧᒄ ᐊᓂᔭ ᑕᓐ ᐊ ᐃᓯ ᓂᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᑕᑎᓯᐛᐧᒄ᙮ ᑭᔭ ᒥᓯᐛ ᐛᐱᓇᑕᐤ ᐊᓂᔭ ᒥᒋᑥᐅᓇ ᑲ ᐎ ᑎᐸᔨᒥᑯᔭᐧᒄ, ᑭᔭ ᒐ ᐱᒥᐸᔨᑐᔭᐧᒄ ᐊᓐᑕ ᐊ ᑯᒂᒋᔅᑭᑕᐅᑐᓇᓄᐅᒡ ᐊᓐᑕ ᐊᒐᐧᑯᐅᓂᒡ ᐃᔅ ᐸᑐᔅ ᒋ ᐅᑎᑎᒪᒂ ᐊᓐᑕ ᓇᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᔅᐸᑕᐛᐧᒄ᙮

ᐃᑉᕈᐛ 13:7

ᒥᓐ ᑯᑎᒡ ᒐᒂᓐ, ᒪᒥᑐᓇᔨᒪᐧᑯᒡ ᒪ ᐊᓐᒡ ᒪᐅᒡ ᓂᔅᑎᒻ ᑲ ᐛᐎᑎᒪᑕᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮ ᒪᒥᑐᓇᔨᒪᐧᑯᒡ ᑕᓐ ᑲ ᐃᑕᑎᓯᒡ ᑭᔭ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᔭᔨᒪᒡ ᒋᓴᓴ᙮ ᐊᐅᑯᓐ ᐊᓐ ᒐ ᐎ ᐎᒋᐃᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᑕᑈᑕᒡ᙮

ᐃᑉᕈᐛ 5:11

ᐊᔅᒄ ᒥᔅᑎ ᑎᑯᓐ ᑕᓐ ᒐᒋ ᐃᓯ ᐎᑎᒪᑎᑯᒡ ᒥᒄ ᒪᒃ ᓇᔅᒡ ᓂᑦ ᐃᔨᒥᐃᑯᓐ ᒥᓐ ᐊᑐᐎᔅ ᒐᒋ ᐎᑎᒪᑎᑯᒡ, ᐛᔅ ᓇᔅᒡ ᑕᑈ ᓇᒪ ᔅᒋ ᓂᔅᑐᑕᓇᐛᐤ᙮

ᐃᑉᕈᐛ 6:15

ᒋ ᓯᐱᔪᐛᓯᐤ ᒪᒃ ᐊᑉᕋᐊᒻ ᐊ ᐊᓱᐛᐱᑦ ᒐ ᐃᔅᐱᔅ ᐃᑐᑎᒧᐛᑭᓄᐅᑦ ᐊᓂᔭ ᑲ ᐃᑕᑭᓄᐅᑦ ᒐᔅᑎᓇᔅ ᒐ ᐃᑐᑎᒧᐛᑭᓄᐅᑦ᙮ ᒐᒃ ᒥᒐᑐᐤ ᐱᐳᓇ ᑲ ᐊᓱᐛᐱᑦ᙮ ᐊᑯ ᑲ ᒥᔨᑯᑦ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 1:3

ᐛᔅ ᒋ ᒋᔅᒐᔨᑕᓇᐛᐤ ᐊ ᑯᒂᒋᑕᑭᓄᐅᒡ ᒋᑕᑈᑎᒧᐅᓄᐛᐤ ᐊᑯᑕ ᐛᒋ ᐊᔭᔭᒄ ᓯᐱᔪᐛᓯᐅᓐ᙮

2 ᐱᑕᕐ 1:10

ᐊ ᒪᒥᑐᓇᔨᑎᒪᒄ ᒪᒃ ᒥᓯᐛ ᐅ ᑲ ᐃᓯ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ, ᓱᒃ ᐊᑐᐎᔅ ᑯᒋᑕᒄ ᑕᑈ ᒐᒋ ᓄᒂᒡ, ᑕᑈ ᒐᒋ ᓂᔅᑐᓇᒂᒡ ᒋᐱᒪᑎᓯᐅᓄᐛᒡ ᐊᒋ ᐎᔭᔨᒥᑕᒄ ᒋᓴᒪᓂᑐᐤ ᑭᔭ ᐊ ᑎᑯᓂᔨᒡ ᑕᓐ ᑲ ᐃᓯ ᑕᑈᑎᑕᒄ ᒐᒋ ᐃᑕᐱᑎᓱᐛᒄ᙮ ᐛᔅ ᒧᔭᒻ ᐅ ᑎᔭᒂ, ᓇᒪ ᓂᑕ ᒋᑭ ᐅᒋ ᐸᒋᓯᓇᐛᐤ ᒋᑕᑈᑎᒧᐅᓄᐛᒡ ᐅᒡ᙮

1 ᒠᓐ 2:25

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ ᙭, ᒐᔅᑎᓇᔅ ᒐ ᒥᔨᑕᐧᒄ ᑲᒋᒡ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 13:10

ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᒐᒋ ᒋᐸᐛᑭᓄᐅᑦ ᒋᑭ ᒋᐸᐛᑭᓄᐤ, ᑭᔭ ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᓂᑐᐱᔪᐅ-ᒧᐧᑯᒪᓂᔪᐤ ᐊ ᐊᐱᑎᓂᔨᒡ ᒐᒋ ᓂᐸᐊᑭᓄᐅᑦ ᒐᔅᑎᓇᔅ ᐊᑯᓐ ᒐ ᐃᑐᑐᐛᑭᓄᐅᑦ᙮ ᐊᑯ ᒪᒃ ᐊᓐᒡ ᑲ ᑕᑈᑕᒡ ᓇᑐᐛᔨᑕᑯᓯᒡ ᓱᒃ ᒐᒋ ᓯᐱᔪᐛᓯᒡ ᐊ ᐊᔨᒋᑲᐳᐅᒡ ᑭᔭ ᓱᒃ ᒧᔅ ᒐᒋ ᑕᑈᑕᒡ᙮