ᐃᑉᕈᐛ 5:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᓂᔭ ᒪᒃ ᓇᔅᒡ ᐊᒋ ᓂᓇᐃᑕᐧᒃ ᒋᓴᔅ ᒐᒋ ᓂᓇᐧᑲᒋᐊᑭᓄᐅᑦ, ᐊᑯᑕ ᑲ ᐅᒋ ᒥᔭᑭᓄᐅᑦ ᑲᒋᒡ ᒐᒋ ᐱᒪᒋᐊᑦ ᒥᓯᐛ ᐊᓂᔭᔪᐛ ᑲ ᓂᓇᐃᑕᑯᑦ᙮

ᐃᑉᕈᐛ 5:9 Iomraidhean Croise

ᑎᐱᑦ ᐅᓂᑭᒧᐅᓇ 45:17

ᓂᑭ ᐃᓯᑕᓐ ᒋᑦ ᐃᓯᓂᐧᑲᓱᐅᓐ ᒐᒋ ᒋᔅᒋᑕᑭᓄᐅᒡ ᒥᓯᐛ ᒐ ᐊᑎ ᐊᓂᔅᒐ ᐱᒪᑎᓯᓇᓄᐅᒡ, ᐊᐅᒄ ᐅᒡ ᐃᔪᒡ ᒋᑭ ᒪᒥᒋᒥᑯᒡ ᑲᒋᒡ ᑭᔭ ᑲᒋᒡ᙮

ᑎᐱᑦ ᐅᓂᑭᒧᐅᓇ 51:6

ᐛᔅ, ᒋ ᓂᑐᐛᔨᑕᓐ ᑕᑈᐅᓐ ᐱᒋᔪᐤ; ᐊᑲᑕᑭᓄᐅᒡ ᒐᒂᓐ ᐅᒡ ᔅᒋ ᒋᔅᒐᔨᑎᒥᔨᓐ ᑭᒐᑕᐛᔨᑎᒧᐅᓐ᙮

ᑎᐱᑦ ᐅᓂᑭᒧᐅᓇ 51:8

ᑐᑐᐎ ᒐᒋ ᐸᑎᒪᓐ ᒥᔽᔨᑎᒧᐅᓐ ᑭᔭ ᓯᒋᔭᓯᐅᓐ, ᐊᓂᔭ ᒥᔅᑭᓇ ᑲ ᐱᑯᓇᒥᓐ ᒐᒋ ᒧᒋᒐᔨᑎᒧᒥᑲᒋ᙮

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᓗᒃ 13:32

ᒋ ᐃᑕᐤ ᒪᒃ ᒋᓴᔅ, “ᐎᑎᒧᐛᐧᒄ ᐊᓐ ᒪᒐᓱᐤ ᐊᕈᑦ, ᓂ ᐎᐎᑎᓴᐅᒪᐛ ᒥᒋ ᐊᒐᒂ ᑭᔭ ᓂ ᒥᓏᒋᐃᒪᐛ ᐃᔪᐛ ᐊᓄᒡ ᒐᓯᑲᔨᒡ ᑭᔭ ᐛᐸᒐ ᐊᐅᑯᓐ ᒐ ᐃᑎᔭᓐ᙮ ᒋ ᓂᔅᑐ ᒋᓯᑲᒐ, ᐊᑯ ᒐ ᒋᔅᑕᔭᓐ᙮”

ᒠᓐ 19:30

ᐃᔅᐱ ᒋᓴᔅ ᑲ ᒥᓐᑦ ᐊᑯ ᒂ ᐃᔅᒋᔄᑦ, “ᓴᔅ ᒋᔅᑕᐱᔪᐤ᙮” ᐊᑯ ᒂ ᐊᑎ ᓂᔭᒥᔎᔨᑦ ᒂ ᐊᑎ ᐳᓂᐱᒪᑎᓯᑦ᙮

ᐊᑈᔅᑕᓇᒡ 3:15

ᑭᔭ ᔅᒋ ᐃᑐᑐᐛᐛᐤ ᒋᓴᔅ ᒐᒋ ᓂᐸᐊᑭᓄᐅᑦ ᐊᓐ ᑲ ᒥᔭᑦ ᐊᐛᔪᐤ ᐱᒪᑎᓯᐅᓂᔪᐤ᙮ ᒥᒄ ᒪᒃ ᒋᓴᒪᓂᑐᐤ ᒋ ᐃᑐᑐᐛᐤ ᒥᓐ ᑲᐤ ᒐᒋ ᐱᒪᑎᓯᔨᒋ᙮ ᐛᔅ ᓂᒋ ᐛᐱᒥᓇᓐ ᒥᓐ ᑲᐤ ᑲ ᐅᓂᔅᑲᑦ ᒋᓴᔅ᙮ ᓂ ᒋᔅᒐᔨᑕᓇᓐ ᒪᒃ ᐊ ᑕᑈᒥᑲᒡ ᐅ᙮

ᐊᑈᔅᑕᓇᒡ 4:12

ᓇᒪᐎᔾ ᑯᑎᒃ ᐊᐛᓐ ᐊᔭᐤ ᐱᒪᒋᐃᐛᐅᓂᔪᐤ, ᐛᔅ ᓇᒪ ᑎᑯᓐ ᑯᑎᒃ ᐃᓯᓂᐧᑲᓱᐅᓐ ᓯᐸ ᒋᓯᑯᒡ ᑲ ᒥᔭᑭᓄᐅᒡ ᐃᔪᒡ ᒐᒋ ᐅᒋ ᐱᒪᒋᐃᑯᔭᐧᒄ᙮”

ᐊᑈᔅᑕᓇᒡ 5:32

ᓂᔭᓐ ᒪᒃ ᓂ ᑎᐸᑐᑕᓇᓐ ᐛᔅ ᓂᒋ ᐛᐸᑕᓇᓐ ᐅᔭ ᑲ ᐃᔅᐱᔨᒋ, ᑭᔭ ᑲ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᒋᓴᒪᓂᑐᐤ ᑲ ᒥᔭᑦ ᐊᐛᔪᐛ ᑲ ᓂᓇᐃᑕᑯᑦ ᑭᔭ ᐎᔾ ᐎᑎᒪᒐᐤ ᐊ ᑕᑈᒥᑭᓂᔨᒡ ᐊᓂᔭᔪᐤ ᑲ ᐃᔅᐱᔨᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:5

᙭ ᐅᒋ ᒋᓴᒪᓂᑐᐤ ᓂᒋ ᐅᑎᓂᑯᓇᓐ ᐊ ᒥᔽᔨᑕᑯᓂᔨᒡ ᒐᒋ ᐃᓯ ᐊᑐᔅᑯᐅᒋᒡ, ᐊᐅᒄ ᐅᔭ ᐊᑈᔅᑕᓐ ᒐᒋ ᐃᑕᐱᑎᓯᐅᒋᒡ, ᒐᒋ ᐎᒋᐃᒥᒋᒋ ᒥᓯᐛ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐊᑎ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᓂᓇᐃᑕᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:16

ᐊᑎ ᒪᒃ ᐊᒋ ᑕᔨᒋ ᐊᓂᔭᔪᐛ ᑲ ᐃᑎᓴᐊᒧᐛᑭᓄᐎᒡ ᒐᒋ ᐛᐎᑎᒪᑯᒡ ᒥᔽᒋᒧᐅᓂᔪᐤ ᐊᓐᒡ ᒍᐤ ᐃᔪᒡ ᓇᒪ ᒥᓯᐛ ᐅᒋ ᑕᑈᑎᒧᒡ᙮ ᐊᐅᒄ ᒪᒃ ᐅᔭ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐊᔨᒧᑕᐧᒃ ᑲ ᐃᔅᒋᔄᑦ, ᐅᑎᐸᔨᒋᒐᐤ, ᐊᑐᐎᔅ ᐊ ᐊᐛᓐ ᑕᑈᑎᒻ ᑕᓐ ᐊ ᐃᓯ ᐛᐎᑎᒪᒡ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:18

ᓇᒪ ᑯᑎᒡ ᒐᒂᓐ ᓂᑭ ᐅᒋ ᐊᔨᒧᑕᓐ, ᒥᒄ ᑕᓐ ᑲ ᐃᓯ ᐊᐱᒋᐃᑦ ᒋᓴᔅ ᒐᒋ ᐎᒋᐃᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᒥᒄ ᒐ ᐊᔨᒧᑎᒪᓐ᙮ ᑕᓐ ᑲ ᐃᓯ ᐛᐎᑎᒧᐅᒂᐤ ᑭᔭ ᑕᓐ ᑲ ᐃᑐᐅᒡ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:8

ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ᑎᐸᔅᑯᓇᑦ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:17

ᓂᓇᔅᑯᒪᐤ ᒋᓴᒪᓂᑐᐤ ᒋᔨᐛᐤ ᐸᐃᒂᐤ ᑲ ᐃᓯᓇᑯᓯᔭᒄ ᐊ ᐅᑦ ᐊᐱᒋᐊᑭᓂᑐᑕᑯᔭᒄ ᒥᒋᑥᐅᓐ, ᐊᒋ ᐅᑎᒋᐱᔨᒡ ᑕᓐᑕ ᓇᔅᒡ ᑲ ᐃᑕᔨᑎᒥᐃᑯᔭᒄ ᒐᒋ ᓂᓇᐃᑎᒪᒄ ᒥᔪ ᒋᔅᑯᑎᒪᒐᐅᓐ ᐃᔅᐱ ᐊ ᐊᑎ ᐛᐎᑎᒪᑯᐅᔭᒄ᙮

2 ᑯᕆᓐᑎᔭᓇ 10:5

ᒥᒄ ᓂᑦ ᐃᑎᓇᓐ ᒐᒋ ᓂᒋᐛᐸᐊᒪᒡ ᑕᓐ ᐊ ᐃᓯ ᐎᔭᓯᒧᐛᐤ ᑭᒐᑕᐛᑕᑯᐃᓯᒡ ᐊᓐᒡ ᐊᑲ ᒧᔭᒻ ᑲ ᐃᓯ ᐊᔨᒧᒪᒡ ᒋᓴᒪᓂᑐᐛ ᑭᔭ ᑲ ᓂᑲᐅᐛᒡ ᒐᒋ ᒋᔅᒐᔨᒪᑭᓄᔨᒋ ᒋᓴᒪᓂᑐᐛ᙮ ᓂ ᐎ ᐃᑐᑐᐛᓇᓂᒡ ᒐᒋ ᐱᔅᑕᔨᒥᑎᓱᔅᑎᒧᐛᒡ ᙭ᑕ ᐅᒥᑐᓇᔨᒋᑭᓄᐛᐛ ᒐᒋ ᐅᒋ ᓂᓇᐃᑐᐛᒡ᙮

ᐱᓕᐱᔭᓇ 2:12

ᐊᑯ ᒪᒃ ᓂᐧᑲᓂᓯᑐᒄ, ᒧᔅ ᔅᒋ ᓂᓇᐃᑐᓇᐛᐤ ᐊᔅᒄ ᒪᒂᒡ ᐊᓐᑕ ᐱᓕᐸᐃᒡ ᑲ ᑕᔭᓐ᙮ ᐊᑐᐎᔅ ᐃᑕᔨᑕᑯᓐ ᐊᓄᒡ ᒧᔅ ᒐᒋ ᓂᓇᐃᑎᒪᒄ ᑕᓐ ᑲ ᐃᓯ ᐎᑎᒪᑎᑯᒡ ᒪᒂᒡ ᐅ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ ᓱᒃ ᐊᑐᔅᒐᒄ ᒐᒋ ᒋᔅᑕᐛᒄ ᐊᓂᔭ ᑲ ᐃᓯ ᒋᒋᐱᔨᑕᑦ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᐃᔅᐱ ᑲ ᐱᒪᒋᐃᑕᒄ᙮ ᐃᑐᑎᒧᒄ ᐅ ᐊ ᒋᔅᒋᓯᔭᒄ ᒋᓴᒪᓂᑐᐤ ᐊᐅᒄ ᒋᐸ ᑯᔅᑕᑭᓄᐤ ᑭᔭ ᐎᔾ ᒋᐸ ᒋᔅᑕᔨᒪᑭᓄᐤ᙮

2 ᑕᓴᓗᓂᔭᓇ 1:8

ᐃᔅᑯᑕᔪᐤ ᐊ ᐛᔭᑕᐱᔨᒡ ᒋᑭ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮

2 ᑕᓴᓗᓂᔭᓇ 2:16

ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᓴᒋᐃᑯᓄᐅᒡ ᑭᔭ ᔅᒋ ᒥᔨᑯᓄᐅᒡ ᑲᒋᒡ ᒥᔽᔨᒧᐅᓂᔪᐤ ᑭᔭ ᐊᔅᐸᔨᒧᐅᓂᔪᐤ ᓱᐛᔨᒋᒐᐅᓂᒡ ᐅᒡ᙮

2 ᑎᒧᑎ 2:10

ᐊᑯ ᒪᒃ ᐊ ᓱᒋᐱᔨᒡ ᒥᓯᐛ ᒐᒂᓐ ᒐᒋ ᓴᐧᑯᒋᑕᔭᓐ ᑕᓐ ᒐ ᐃᓯ ᓂᓇᐧᑲᒋᐃᑯᐛᓇ, ᐊ ᐱᑯᓴᔨᒧᔭᓐ ᐊᓂᔭᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐ ᐅᑦ ᐃᔨᒥᑦ ᒐ ᐊᔭᔨᒋ ᐱᒪᒋᐃᑯᓯᐅᓂᔪᐤ ᑭᔭ ᑲᒋᒡ ᒋᔅᑕᔨᑕᑯᓱᐅᓂᔪᐤ ᙭ ᒋᓴᓴ ᐊ ᑕᔨᒋ ᑲ ᐅᒋᐱᔨᒡ᙮

ᐃᑉᕈᐛ 1:14

ᐊᓐᒋᓐᒡ ᒥᒄ ᐊᒐᐧᑯᐎᒡ᙮ ᒋᓴᒪᓂᑐᐛ ᐃᑎᓴᐅᑯᒡ ᒐᒋ ᐛᐎᒋᐊᒡ ᐊᓂᔭ ᒐ ᐱᒪᒋᐊᑭᓄᔨᒋ᙮

ᐃᑉᕈᐛ 11:40

ᐛᔅ ᒋ ᑎᑯᓂᔪᐤ ᑕᓐ ᑲ ᐃᓯ ᐎᔭᔨᑎᒪᑕᐧᒄ ᒋᓴᒪᓂᑐᐤ ᐊᑐᐎᔅ ᐊ ᒥᔽᔨᒡ᙮ ᓇᒪ ᐅᒋ ᐎ ᒥᔨᑯᐅᒡ ᒪᒂᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᑎᑯᒡ ᒐ ᐃᓯ ᒥᔨᑯᒡ ᐛᔅ ᒪᒧᐤ ᔅᒋ ᐎ ᒥᔪᓇᑯᐃᑯᓄᐤ᙮

ᐃᑉᕈᐛ 11:8

ᐊᑉᕋᐊᒻ ᑭᔭ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᐊᐅᒄ ᐊᓂᔭ ᐛᒋ ᓂᓇᐃᑐᐛᑦ ᐃᔅᐱ ᑲ ᑕᑈᑎᑯᑦ ᑭᔭ ᑲ ᐃᑎᑯᑦ ᒐᒋ ᓂᑭᑕᐧᒃ ᐊᓂᔭ ᐊᔅᒋᔪᐤ ᐊᓐᑕ ᑲ ᐅᒋᑦ ᐊᓐᑕ ᒐᒋ ᐃᑐᑕᑦ ᐊᓂᔭ ᐊᔅᒋᔪᐤ ᑲ ᐃᑎᑯᑦ ᒋᓴᒪᓂᑐᐛ ᒐ ᒥᔨᑯᑦ ᐎᔾ ᒐᒋ ᐊᔭᑦ᙮ ᐊᑉᕋᐊᒻ ᒪᒃ ᒋ ᓂᓇᐃᑎᒻ, ᑎᐛᒡ ᒋ ᔅᑐᑕᐤ ᐊᑎ ᐊᑲ ᐊᔅᒄ ᐅᒋ ᒋᔅᒐᔨᑕᐧᒃ ᑕᓐᑕ ᐊᓐ ᒋᐸ ᐃᑐᑕᐤ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 2:10

ᒋ ᐃᓯᓇᑯᓂᑯᐱᓇ ᑕᑈ ᒐᒋ ᓂᓇᐧᑲᒋᐊᑭᓄᐅᑦ ᒋᓴᔅ, ᐛᔅ ᐊᓂᔭ ᐊᒋ ᓂᓇᐧᑲᑕᔨᒧᑦ ᐊᑯᑕ ᑲ ᐅᒋ ᑐᑕᑯᑦ ᒋᓴᒪᓂᑐᐛ ᓇᔅᒡ ᒐᒋ ᒋᔅᑕᔨᑕᑯᓯᑦ ᒐᒋ ᐛᐸᔨᑎᒪᒐᑦ᙮ ᒋᓴᒪᓂᑐᐤ, ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ ᑭᔭ ᑲ ᐃᑐᑕᐧᒃ ᒧᔅ ᒐᒋ ᑎᑯᓂᔨᒋ, ᒋ ᐱᔅᑎᓇᐤ ᒋᓴᓴ ᒐᒋ ᓂᓇᐧᑲᒋᐊᑭᓄᔨᒋ ᐛᔅ ᒋ ᓂᑐᐛᔨᒪᐤ ᐅᑯᓴ ᑲ ᒥᒐᑎᔨᒋ ᒐᒋ ᒋᔅᒐᔨᑎᒥᔨᒋ ᑕᓐ ᐊ ᐃᑕᔨᑕᑯᓂᔨᒡ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᐊᐅᒄ ᐎᔭᐸᑎᔭᑦ ᐊᐛᔪᐛ ᑕᓐᑕ ᒐᒋ ᐅᒋ ᐱᒪᒋᐅᔨᒋ᙮

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮

ᐃᑉᕈᐛ 9:12

ᒋᓴᔅ ᙭ ᒥᒄ ᐸᐃᒂᐤ ᒋ ᐱᒐᐤ ᐊᓂᔭ ᒪᐅᒡ ᑲ ᐸᔭᒋᓯᒥᑭᓂᔨᒡ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᑎᐱᔨᐛ ᐅᒥᐧᒄ ᐊᒋ ᐱᔅᑎᓇᐧᒃ ᐊᑯᑕ ᑲ ᐅᒋ ᒥᔪᐱᔨᒡ ᒐᒋ ᐱᒐᑦ ᐊᓐᑕ, ᓇᒪ ᐎ ᐊᐛᓯᓴ ᐅᒥᐧᑯᔪᐤ ᐅᒋ ᐊᐱᒋᑕᐛᐤ᙮ ᐊᒋ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ, ᐎᔾ ᐅᒥᐧᒄ ᐊᒋ ᓯᒋᓂᑭᓄᐎᒡ, ᐊᑯᑕ ᓇᔅᒡ ᑲ ᐅᒋ ᑎᐸᐊᐧᒃ ᒥᓯᐛ ᒋᒥᒋᑥᐅᓄᐛ ᑲᒋᒡ ᒐᒋ ᐛᐸᔨᑎᒪᑯᐅᔭᐧᒄ᙮

ᐃᑉᕈᐛ 9:15

ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ᐅᓯᑕᐤ ᐊ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ᐊᔭᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ᒥᒋᑐᑕᒡ ᐊᔅᒄ ᐊᒋ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

ᒍᑦ 1:21

ᑭᓄᐛᔨᒥᓱᒄ ᒋᓴᒪᓂᑐᐤ ᐅᓴᒋᐃᐛᐅᓂᒡ ᐊ ᐊᓱᐛᐱᒪᒄ ᒋᓴᔅ ᙭ ᒐᒋ ᒥᔨᑕᒄ ᑲᒋᒡ ᐱᒪᑎᓯᐅᓂᔪᐤ ᐊᓂᔭ ᐊ ᓱᐛᔨᒧᐛᑦ ᐅᒡ᙮